Reema Cooking

Reema Cooking https://www.instagram.com/rema_cooking/feed/

رابط البيج الخاص بي عالانستا https://www.instagram.com/rema_cooking/feed/

بس تبلش تفور وتوازنين الطعم هدي النار واتركيها لفتره من ساعه ونص لحد ساعتين تنطيج افضل نتيجه ..اهم المكونات اللي تخلطيها...
22/08/2026

بس تبلش تفور وتوازنين الطعم هدي النار واتركيها لفتره من ساعه ونص لحد ساعتين تنطيج افضل نتيجه ..
اهم المكونات اللي تخلطيها مع التمن هي ثوم وشبت وبصل وشحم واذا متحبون الشحم عادي لاتضيفو وطماطه او لب الطماطه من تحفروها ..
البهارات الاساسيه ملح فلفل ليمندوزي وحتى توازنون الطعم ضيفو ضرف ماجي مع دبس رمان و٣ ملاعق معجون وهوايه زيت خصوصا انتو جماعه اللي متحبون الشحم ..
وخلو شويه مي عالحشوه حتى تكدرون تعرفون الطعم اللي وصله مالح لو فاهي وهيج اني مرات اخلي من مي سلك اللحم حتى تتضاعف النكهه ..
وانطوها وكت حتى تنطيكم نتيجه ترضيكم
علينه وعليكم بالف عافيه 🤍🤍

شنو رأيكم تنطو فرصه ثانيه ...بس هالمره جربو بطريقتي ...بجدريه نخلي زيت ( شويه نصير كريمين زياده ) ونخلي تقريبا ٨ حبات ثو...
19/08/2026

شنو رأيكم تنطو فرصه ثانيه ...
بس هالمره جربو بطريقتي ...
بجدريه نخلي زيت ( شويه نصير كريمين زياده ) ونخلي تقريبا ٨ حبات ثوم وفلفل صحيح حار ...
نخلي على نار وسط تطلع ريحتهم بعدين نخلي قطع اللحم ( مسلوق مسبقا ) يتحمرون زين ونخلي قطع الشجر او الكوسه ..نغطي ونترك الجدريه على نار هاديه حتى تنطبخ القطع بألذ طريقه تنزل عصارتها وتمتزج مع طعم اللحم ..بهالاثناء اعصرو الطماطه العراقيه كلما كانت الطماطه جودتها عاليه ومليانه عصاره ميخونكم طعم المرگه..
اذا باقي مي سلك اللحم ضيفي مع عصير الطماطه اذا مباقي مو لازم بعد ماتصفين عصير الطماطه ضيفي على مكونات الجدريه ووراها خلي ٣ ملاعق معجون ( لتحمسي مع الزيت لان طعمه راح يطغى ) وبس ملح ضيفي لتزيدين اي بهار واتركيها من ساعه لحد ساعه ونص على نار متوسطه لهاديه وبعدها شوفو الطعم الرهيب...
علينه وعليكم بالف عافيه 🤍

مو الا تشغلين الفرن حتى تحمرين قطع الدجاج عادي بطاوه حاميه وشويه زيت واحلى تحميره للقطع بدون متشغلون فرن ...الوصفه اني ن...
18/08/2026

مو الا تشغلين الفرن حتى تحمرين قطع الدجاج عادي بطاوه حاميه وشويه زيت واحلى تحميره للقطع بدون متشغلون فرن ...
الوصفه اني ناشرتها قبل حبيت ارجع الشغف بوصفه احبها ..

اعتمدي على شكل القوام مو على كميه الطحين المذكوره لانه اصناف الطحين تختلف بكميه امتصاصها للسوائل واذا حسيتي العجينه صار...
08/08/2026

اعتمدي على شكل القوام مو على كميه الطحين المذكوره لانه اصناف الطحين تختلف بكميه امتصاصها للسوائل
واذا حسيتي العجينه صارت شويه قويه ضيفي بياض بيضه من اللي استخدمتيهم بالوصفه
رققي القطع شكد ماتكدرين وضيفي وياهم مكسرات اذا حبيتي
صفار ٣ بيضات
ضرف فانيلا
كوب وربع شكر
نخفقهم زين لحد مايتجانس القوام ويذوب الشكر
بعدها نخلي الزبد قالب ٢٠٠ غم
كوبين طحين او اقل او اكثر
ضرف بيكنك باودر
العجينه تطلع لينه ومو قويه بس متلزك بالايد
بينما تحمصون السمسم خلوها بالفريز
ضيفو رشه عسل او دبس حتى يتكتل السمسم
شكلوها وخلو بينها فراغات
٢٠او ١٥ دقيقه بالفرن على درجه حراره ٢٠٠
وبنص ساعه تكونون محضرين اطيب برازق سمسم
ويه كوب جاي تطلع تجنن علينه وعليكم بالف عافيه ..

#كركوك

من جنه صغار جان اكو وجبه اسمها العصرونيه ماعرف باقيه يمكم بعدها لو لا بس الناس تنقسم بيها ل ٣ انواع ناس مودرن تحب المعجن...
04/08/2026

من جنه صغار جان اكو وجبه اسمها العصرونيه ماعرف باقيه يمكم بعدها لو لا بس الناس تنقسم بيها ل ٣ انواع
ناس مودرن تحب المعجنات والكعك وهيج
وجيل الطيبين طماطه حمس والبان واجبان
وجيل كلاسك مايشوفون غير الكيك يرهم للعصرونيه
ومواسم الاعياد تكون الكليجه اهم من الجاي 😁
وبما انو الجاي عنصر رئيسي فتعالو نسوي اطيب جاي مهيل ...

#كركوك
#عصرونيه

كومي حبيبه عالسريع سوي حلى يسرسح عالقلب بهالاجواء الحاره ..خلي بطاوه متلزك اهم شي ككو بودره ٣ ملاعق حليب ٣ ملاعق فانيلا ...
01/08/2026

كومي حبيبه عالسريع سوي حلى يسرسح عالقلب بهالاجواء الحاره ..
خلي بطاوه متلزك اهم شي
ككو بودره ٣ ملاعق
حليب ٣ ملاعق
فانيلا ضرفين
نشى ٣ ملاعق
شكر ١٠ ملاعق
خلطيهم عالبارد لاتشغلين النار هسه بعدها ضيفي كوبين مي ونص قالب زبده وخلطيهم وشغلي النار وسط ..
بس يمتزج الخليط ويثقل هدي النار ولاتتركي خليج تخلطي لان بس تتشكل جعبيه تصير بالصلصه او البودينك ريحه وطعم حرك
ضيفي نوتيلا ملعقتين جبارات وهالشي اختياري معندج عادي مشي
صفي البسكت بالطريقه اللي تحبيها وسقيها بالبودينك لازم هو وحار حتى يلين البسكت ميبقى يتكسر
ضيفي مكسرات او زبيب بين الطبقات حسب رغبتج طبقه بسكت طبقه بودينك وبالاخير زينتها ببقايا النوتيلا مع بودره الككو ...
علينه وعليكم بالف عافيه ..
#كركوك

كوبين مي وبيضه و٣ ملاعق حليب وملعقه وسط خمره و٥ ملاعق شكر ضرف فانيلا خلطيهم سوى كلش زين وعوفيهم لحد ماتتفعل الخميره لمده...
27/07/2026

كوبين مي وبيضه و٣ ملاعق حليب وملعقه وسط خمره و٥ ملاعق شكر ضرف فانيلا خلطيهم سوى كلش زين وعوفيهم لحد ماتتفعل الخميره لمده تقريبا نص او ربع ساعه ..
كيلو طحين ورشه ملح نخلط المكونات كلها سوه اذا تلاحضون احنه لحد هسه ماخلينه اي زيت او زبده
اخر خطوه بعد ماعجنه المكونات نخلي ١٥٠ غم او ثلث ارباع قالب الزبده ونعجنها كلش زين راح تصير شويه تلزك بالايد بس هو هاي الصح هسه كوروها بيدكم وخلوها بمكان تختمر على كيفها...
واهم شي بكل خطوه تتركوها تختمر حتى تطلع هشه وخفيفه شكلو القطع واستخدمو حشوات او بدون حسب ذوقكم نوتيلا او جبن او بستاشيو اني سويتها ساده وبس تطلع حاره دهنوها بشويه زبده حتى تلمع وبعد اكو يضيفون فوكاها حليب معسل او نوتيلا او بستاشيو حسب رغبتكم اني احبها ساده ويه جاي علينه وعليكم بالف عافيه

25/07/2026

جربتو ؟

#كركوك

اذا ماحمصتي البصل وصار لونه ذهبي ( اقرب للمحروك😉) وطلعت ريحته لاتضيفين البرغل لان راح يبقى طعمه عبالك مسلوك واذا نسيتي ت...
25/07/2026

اذا ماحمصتي البصل وصار لونه ذهبي ( اقرب للمحروك😉) وطلعت ريحته لاتضيفين البرغل لان راح يبقى طعمه عبالك مسلوك واذا نسيتي تحمرين البصل بالبدايه ميخالف حمري بطاوه وحد ورجعي صبي فوك البرغل بعد مايستوي هذا القانون ساري على كل الوان وانواع
البرغل اما اذا احمر بس يتحمر البصل ضيفي المعجون
وقلبي لحد متروح التكتلات يلا تضيفين البرغل ونسبه المي تكون اعلى من المستوى ١ سم
والبهارات اهم شي ملح وفلفل وماجي دجاج او لحم اذا طبكتو على لحم وبقيه البهارات اختياريه ( نعناع مجفف ، قرنفل ،هيل ) و الدجاج بهرته نفس بهارات البرغل علينه وعليكم بالف عافيه

#كركوك

اسرع صلصه تشتغليها للفطائر والبيتزا هي الكتشب مع النعناع المجفف ..وحتى تطلع القطع شكلها مرتب اختاري كاسه اطرافها حاده او...
24/07/2026

اسرع صلصه تشتغليها للفطائر والبيتزا هي الكتشب مع النعناع المجفف ..
وحتى تطلع القطع شكلها مرتب اختاري كاسه اطرافها حاده او طاسه وافردي العجينه بمستوى واحد وقطعيها..
اهم من كل هذا تنطين العجينه وكتها حتى تختمر وتصير القطعه خفيفه وطريقه العجينه كامله شارحتها بالبوستات السابقه
ونوع الجبن استخدمت مارغريتا كلش طيب للمعجنات وسلامتكم
علينه وعليكم بالف عافيه

Address

Kirkuk

Website

Alerts

Be the first to know and let us send you an email when Reema Cooking posts news and promotions. Your email address will not be used for any other purpose, and you can unsubscribe at any time.

Shortcuts

Share