27/03/2025
پهیاما یانهیێن زاخۆ و دهوک
پشتی كارگێریێن ههردوو یانهیان بهری دیدارا گهرا 25 ژ خولا ستێرێن عیراقێ دا كۆمبین ، و باس لسهر هژمارهكا خالان هاته كرن :
١- كارگێری و پشتهڤانێن راستهقینه و دلسوزێن ههردوو یانهیێن زاخۆ و دهوک گهلهگ ژ وێ یهكێ مهزنترن كو چهند كهسهكێن نه بهرپرس بشێن كارتێكرنێ لێبکن و برایینا وان ب ههلوهشینن و یا ئهم دزانین كهس نهشێت ڤێ چهندێ بکت و پهیوهندیێن برانه یێن ههردوو باژێران تێک بدت .
٢- ههكه دهۆك و زاخۆ ههڤرك بن د وهرزشی دا ، دڤێت ژبیر نەکین پترییا وان كهس و كارێن نێزیكی ئێكن و خال و خارزا و خزمێن ههڤدونه ، و چ هێز نهشێن ڤێ پهیوهندییا موكم بشكێنت ههكه خوە كی بیت و ئهم ناهێلین ههڤركی سنورێت خوە ببەزینت .
٣- مه بهرێ نوكه ژی گوتییه ئهنجامێ یاریێ دبیت ڤێ گهرێ ژ خولا ستێرێن عیراقێ یا گرنگ بت لێ پاراستنا گیانێ پشتهڤانێن ههردوو تیما ژ ههمی تشتا گرنگتر و پیروزتره و نامهیا مه ئهڤهیه كو وهرزش مه دگههینتە ئێك نهكو ژێكڤه دكت.
٤- ههردوو یانهیێن بادینان نها رێزێن پێشیێ یێن خولێ گرتینه و پترییا عیراقێ و وهلاتێن ئاسیایی بمه و پشتهڤانێن مه دبێژن لهورا لسهر مه ههمییا پێدڤی یه ئهڤ مهزنی و جوانییا جهماوهرێ مه ب پارێزن .
٥- یێ بسهركهڤت دێ پیروزباهیێ لێكین بلا بزانین ئهم نها نه بتنێ نوونهراتییا بادینان دكین بهلكو ئهم ههدوو یانه نووینهرێن كوردستانێ نه و چهوا مه دڤێت كوردستان یا بهێز بت دڤێت ئهم ههردوو ژی ب هێز بین و برایێن راستهقینه بین
٦- ژبهركو یارییا دهۆك و زاخۆ دێ ل پترییا كهنالێن كوردستانێ و عیراقێ و عهربی و ئاسیایی ئێتە ڤهگوهاستن دڤێت ئهم ل جهێ بهرپرسیارتیێ بین و روویێ جوانێ ههردوو باژێرێن زاخۆ و دهوک و كوردستانێ نیشان بدین .
٧- یاریا زاخۆ و دهوک و ئەوا دێ ل یاریگەها دهوک ل ئێک شەمبا بئێت ئێتە ئەنجامدان،دێ ل سەر وێ رێککەڤتنا پێشوەخت بت یا دناڤبەرا هەردوو یانەیان هاتیە کرن کو پشتەڤانێن تیما مێهڤان ئامادە نابت.
كارگێریێن یانهیێن زاخۆ و دهوک
27/3/2025
ئیدارا سەربەخۆ یا زاخۆ
