Bayan vibes

18/05/2026

⁨ اسهل معمووول و بدون كميات كبيرة و ساعات طويلة وتفقدي الشغف بنص الشغل 🤣

بعطيكم ١٢ حبة كبيرة او ١٥ وسط
بتقدري تضاعفي الكمية

ممكن تنكهيه بأي شي (يانسون و شومر / مستكة ومحلب/ ماء زهر و ماء ورد و جوزة الطيب )

بياخد معك نصف ساعة من التحضير للخبيز

المقادير:
كوب طحين
نصف كوب سميد ناعم
نصف كوب حليب بودرة (محمس او عادي )
معلقة صغيرة بيكنغ باودر
معلقة صغيرة جوزة الطيب مطحونة ناعم (اختياري)
معلقة كبيرة ماء زهر ومعلقة كبيرة ماء ورد (اختياري)
ربع معلقة مستكة ناعمة مطحونة مع معلقة صغيرة سكر (اختياري)
١٠٠ غرام زبدة بدرجة حرارة الغرفة
معلقتين قشطة للتعجين
تمر للحشوة

نخلط المكونات حتى تتجانس ويصبح قوامها كما بالفيديو
تحشى بالتمر و تشكل
تخبز بفرن محمى مسبقا بدرجة ٢٠٠ حتى يتحمر القاع ثم يحمر الوجه
تبرد و نزين بالسكر الناعم
وكل عام وانتم بخير 🐏

#عيد #معمول ⁩

19/02/2026

سلطة الجمال و النضارة 🤩

غير انها سلطة مليانة مضادات أكسدة وفيتامينات
إلا انها محارب جيد للشيخوخة و علامات تقدم العمر إذا التزمتي بتناولها يوميا
بتعطيكي خدود موردة و بشرة رطبة و تعيد النضارة لبشرتك
سلطة الريتانول الطبيعي

من سلسلة سلطات رمضانية

سلطة الملفوف الأحمر و الشمندر

المكونات:
¼ ملفوف أحمر صغير، مقطع شرائح رفيعة جدًا
2 شمندر مسلوق، مبشور أو مقطع عيدان
1 جزرة، مبشورة أو مقطعة عيدان
1 كوب حبوب رمان
¼ كوب جوز، مفروم خشن
¼ باقة بقدونس، مفرومة

مكونات التتبيلة:
½ كوب زيت زيتون
عصير نصف ليمونة
عصير نصف برتقالة
فص ثوم كبير، مهروس
1 ملعقة صغيرة خردل
1 ملعقة صغيرة عسل
ملح حسب الذوق
½ ملعقة صغيرة فلفل أسود
½ ملعقة صغيرة بصل بودرة

نخلط كل المكونات، نضيف التتبيلة، ونستمتع بنكهة منعشة بتشبع وتغذي 🌿✨


#سلطة⁩

10/12/2025

09/12/2025