ウェブサイトとは何ですか？

https://www.facebook.com/159998410536062/

Rice in Japan, Ota-shi (2026)

07/08/2024

កន្លែងសម្បូរទៅដោយធម្មជាតិដ៏ស្រស់បំព្រងត្រូវបានបំផ្លាញគ្រប់រូបភាព។ ពីកន្លែងមានធម្មជាតិដែលជាជម្រកនៃសត្វព្រៃត្រូវបានឈូសឆាយបំផ្លាញយកទៅធ្វើទីលានចាក់សំរាមក្រោមការដឹកនាំប្រកបដោយគតិបណ្ឌិតរបស់រដ្ឋបាលខេត្តកោះកុង។ តើពេលណាសំរាមទាំងនេះត្រូវបានដកចេញពីដែនជម្រកសត្វព្រៃពាមក្រសោប រដ្ឋបាលខេត្តកោះកុង?
#ដែនជម្រកសត្វព្រៃមិនមែនដែនជម្រកសំរាម

07/08/2024

ពលរដ្ឋបន្តរៀននិងចែករំលែកកិច្ចព្រមព្រៀងសន្តិភាពទីក្រុងប៉ារីស
---
ពលរដ្ឋបន្តរៀន និងចែករំលែកខ្លឹមសារនៃ កិច្ចព្រមព្រៀងសន្តិភាពទីក្រុងប៉ារីស និងច្បាប់នានាទោះរដ្ឋាភិបាល ចាប់ខ្លួនគ្រូបង្រៀនកិច្ចព្រមព្រៀងសន្តិភាពទីក្រុងប៉ារីស។ ពួកគាត់ថា នឹងយក ចំណេះដឹងពីនេះ ដើម្បីចូលរួមការពារទឹកដី និងលើកស្ទួយប្រជាធិបតេយ្យ។
សកម្មជនកិច្ចព្រមព្រៀងសន្តិភាពទីក្រុងប៉ារីស លោក វិន វិចិត្រ ប្រាប់វិទ្យុអាស៊ីសេរីនៅថ្ងៃទី ០៥ ខែសីហា ថា បច្ចុប្បន្នមានពលរដ្ឋនៅគ្រប់ខេត្តក្រុង បានចងក្រងគ្នាប្រមាណ១០នាក់ទៅ២០នាក់ដើម្បីដឹកនាំ បង្រៀន និងចែករំលែកខ្លឹមសារក្នុង កិច្ចព្រមព្រៀងសន្តិភាពទីក្រុងប៉ារីសនៅលើបណ្ដាញសង្គម។ លោកថាពលរដ្ឋខ្មែរនៅក្រៅប្រទេសរួមមានប្រទេសកូរ៉េខាងត្បូង និងប្រទេសជប៉ុន ក៏បន្តរៀន និងចែករំលែកកិច្ចព្រមព្រៀងនេះដែរ។
លោក វិន វិចិត្រ ថាមូលហេតុដែលពលរដ្ឋ និងយុវជនមួយចំនួនបន្តរៀនសូត្រ ពីកិច្ចព្រមព្រៀងសន្តិភាពទីក្រុងប៉ារីស និងច្បាប់នានាដោយគ្មានស្ថាបនិកគឺ លោក ស្រ៊ុន ស្រ៊ន និង កញ្ញា ភឹង សោភា គឺដោយសារតែពលរដ្ឋខ្មែរគ្រប់រូបគួរតែយល់ដឹងពី ខ្លឹមសារនិងស្មារតីនៃកិច្ចព្រមព្រៀងនេះដើម្បីឱ្យពលរដ្ឋហ៊ានប្រើប្រាស់សិទ្ធិរបស់ខ្លួនក្នុងការទាមទារឱ្យរដ្ឋាភិបាលដើរតាមគន្លងប្រជាធិបតេយ្យ និងមិនលម្អៀង ទៅប្រទេសណាមួយខ្លាំងពេក។
លោក វិន វិចិត្រ៖ «ចំណុចសំខាន់ទីពីរហ្នឹងគឺដោយសារតែប្រទេសកម្ពុជាស្ថិតនៅក្នុងជម្លោះភូមិសាស្ត្រនយោបាយ អ៊ីចឹងមានតែកិច្ចព្រមព្រៀងទីក្រុងប៉ារីសទេ ដែលអាចការពារខ្មែរបាន បើយើងប្រៀបធៀបដូចជាឧបករណ៍សម្រាប់ពិនិត្យមើល បរទេសណាដែលចង់ធ្វើការជាមួយខ្មែរប្រសិនជាក្បត់ ឬរំលងកិច្ចព្រមព្រៀងនោះយើងអាចមើលឃើញហើយ ព្រោះកិច្ចព្រមព្រៀងទីក្រុងប៉ារីសមានសរសេរអំពីអធិបតេយ្យភាព បូរណភាព ឯករាជ្យភាព ភាពដែលមិនអាចរំលោភបានដាច់ខាតលើដែនដីអព្យាក្រឹតរបស់កម្ពុជា»។
ចំណែកពលរដ្ឋនៅសៀមរាប លោកស្រី ជិន សុខធានី បានឱ្យដឹងថា លោកស្រីចំណាយពេលរៀនច្បាប់ និងកិច្ចព្រមព្រៀងកាន់តែច្រើនជាងមុនដោយខ្លួន និងជាក្រុម ហើយលោកស្រីក៏បានធ្វើការចែករំលែកនៅលើបណ្ដាញសង្គមផងដែរ។ លោកស្រីថាការរៀនច្បាប់ និងកិច្ចព្រមព្រៀងទាំងនេះគឺដើម្បីការពារបូរណភាពទឹកដី និងអធិបតេយ្យកម្ពុជា ហើយលោកស្រីសោកស្ដាយដែលប្រធានព្រឹទ្ធសភា លោក ហ៊ុន សែន ហាមពលរដ្ឋមិនឱ្យនិយាយពីទឹកដី។
លោក វិន វិចិត្រ៖ «កាលណាបើយើងរៀនអំពីច្បាប់កិច្ចព្រមព្រៀងគឺគេនិយាយអំពីទឹកដី ដោយសារតែកិច្ចព្រមព្រៀងហ្នឹងមានច្បាប់មួយនិយាយអំពីបូរណភាព អ៊ីចឹងបូរណភាពកន្លែងហ្នឹងនិយាយអំពីកិច្ចព្រមព្រៀងអធិបតេយ្យ ឯករាជ្យជាតិពីទំព័រ២៧០ ដល់២៧៤ គេនិយាយដែរ ត្រង់ចំណុចណាមួយដែលគាត់បានលើកឡើងចង់បានន័យថាមិចក៏ខ្ញុំអត់យល់ដែរ តែបើគោលការណ៍របស់ខ្ញុំគឺខ្ញុំរៀនកិច្ចព្រមព្រៀងគឺដើម្បីការពារទឹកដីហ្នឹងហើយ»។
ជុំវិញរឿងនេះ វិទ្យុអាស៊ីសេរីមិនអាចសុំការឆ្លើយតបពី ប្រធានអង្គភាពអ្នកនាំពាក្យរដ្ឋាភិបាល លោក ប៉ែន បូណា និងអ្នកនាំពាក្យនាយករដ្ឋមន្ត្រី លោក មាស សោភ័ណ្ឌ ដើម្បីសុំការអត្ថាធិប្បាយបានទេ នៅថ្ងៃទី០៥ ខែសីហា។
កន្លងមកប្រធានព្រឹទ្ធសភា លោក ហ៊ុន សែន ព្រមានសកម្មជនកិច្ចព្រមព្រៀងសន្តិភាពទីក្រុងប៉ារីស ដោយហាមឃាត់មិនឱ្យពួកគេរិះគន់រឿងទឹកដី ឬកិច្ចសហប្រតិបត្តិការតំបន់អភិវឌ្ឍន៍ត្រីកោណ។
ទោះជាយ៉ាងណា អ្នកឃ្លាំមើលបញ្ហាសិទ្ធិមនុស្ស និងសង្គម លោក ស៊ឹង សែនករុណា មានប្រសាសន៍ថាលោកគាំទ្រ និងកោតសរសើរចំពោះពលរដ្ឋដែលរៀនច្បាប់ និងកិច្ចព្រមព្រៀងសន្តិភាពទីក្រុងប៉ារីស។ លោកថា នោះគឺជាការចូលរួមរបស់ពលរដ្ឋ ដើម្បីជួយឱ្យប្រទេសកម្ពុជាងាកមកប្រទេសប្រជាធិបតេយ្យ និងការគោរពសិទ្ធិមនុស្សវិញ។ លោកចាត់ទុកថាការហាមរបស់លោក ហ៊ុន សែន ដែលជាប្រធានព្រឹទ្ធសភាមិនឱ្យពលរដ្ឋនិយាយ រិះគន់រឿង ទឹកដីនោះគឺជាការគំរាមលើពលរដ្ឋ។
លោក ស៊ឹង សែនករុណា៖ «អ្វីដែលជាខ្លឹមសារកិច្ចព្រមព្រៀងសន្តិភាពទីក្រុងប៉ារីសនេះហើយ កាលណាយើងរៀនយើងដឹងអំពីបូរណភាពទឹកដី ដឹងអំពីការបាត់បង់ទឹកដីចង់មិនចង់ច្បាស់ជាលើកឡើងអ្វីដែលជាការរំលោភបំពានហ្នឹង អ៊ីចឹងការហាមឃាត់ការរឹតត្បិតលើសេរីភាពការបញ្ចេញមតិរបស់ប្រជាពលរដ្ឋគឺជារំលោភធម្មនុញ្ញដែលជាច្បាប់កំពូលរបស់ប្រទេសយើង»។
សកម្មជនកិច្ចព្រមព្រៀងសន្តិភាពទីក្រុងប៉ារីស លោក ស្រ៊ុន ស្រ៊ន កញ្ញា ភឹង សោភា និងសាន សិទ្ធ បានធ្វើវីដេអូមួយនៅមុនការចាប់ខ្លួន កាលពីថ្ងៃទី២២ ខែកក្កដា ថាការសម្រេចរបស់រដ្ឋាភិបាលក្នុងដាក់ខេត្តចំនួន៤ ក្នុងគ្រោងតំបន់ត្រីកោណពិសេសដើម្បីធ្វើពាណិជ្ជកម្មរួមជាមួយវៀតណាម និងឡាវ នឹងអាចធ្វើឱ្យយកកម្ពុជាបាត់បង់ទឹកដីឱ្យទៅវៀតណាមគ្រប់គ្រងពីព្រោះពលរដ្ឋកម្ពុជាដែលរស់នៅចំនួន ៤ខេត្តនេះមានតិចជាងជនជាតិវៀតណាម៕
រូប៖ ហ្វេសប៊ុកលោក ស៊្រ៊ុន ស៊្រន
អានលើគេហទំព័រ៖ http://www.rfa.org/.../citizens-continue-to-learn-and...
#វិទ្យុអាស៊ីសេរី #កម្ពុជា #ស៊្រុនស៊្រន #តំបន់អភិវឌ្ឍន៍ត្រីកោណ #សិទ្ធិមនុស្ស #កិច្ចព្រមព្រៀង២៣តុលា

住所

Ota-shi, Gunma
3700599

ウェブサイト

facebook.com

アラート

Rice in Japanがニュースとプロモを投稿した時に最初に知って当社にメールを送信する最初の人になりましょう。あなたのメールアドレスはその他の目的には使用されず、いつでもサブスクリプションを解除することができます。

Rice in Japan

07/08/2024

07/08/2024

住所

ウェブサイト

アラート

ショートカット

共有する

カテゴリー

掲載情報の削除リクエスト