26/12/2025
අවුරුදු 100ක් ජීවත් වූ රුසියානු 🧑⚕️වෛද්යවරයා හෙළි කළ ජලය පානය කරන නිවැරදිම ක්රමය - රහස් 8ක් මෙන්න!
අපි කවුරුත් දන්නා පරිදි ජලය කියන්නේ ජීවයේ පැවැත්මට අත්යවශ්ය සාධකයක්. නමුත් "වතුර ටිකක් බිව්වත් ඇඟට පණ එනවා" වගේම, වැරදි විදියට වතුර බිව්වොත් එයින් ලෙඩ රෝග රැසක් ඇති වෙන්න පුළුවන් බව ඔබ දන්නවාද?
වසර 100කට වඩා වැඩි කාලයක් ජීවත් වූ සුප්රසිද්ධ රුසියානු වෛද්යවරයෙක් වන ෆෙඩොරේ ග්රගරෝවිච් (Fedore Gregorovich) විසින් දීර්ඝ කාලීන පරීක්ෂණවලින් පසුව ලොවට හෙළි කළ, දීර්ඝායුෂ ලැබීමට සහ නීරෝගීව සිටීමට උදව් වන "වතුර බොන රහස් 8ක්" ගැනයි අද අපි කතා කරන්නේ.
මේ ක්රමය දවස් 7ක් අනුගමනය කළොත් ඔබේ ශරීරයේ සිදුවන පුදුමාකාර වෙනස ඔබටම අත්විඳින්න පුළුවන්.
1. 🥛නින්දට😴 පැයකට කලින් වතුර වීදුරුවක් බොන්න
රාත්රී නින්දට යාමට පැයකට පමණ පෙර වතුර වීදුරුවක් පානය කිරීම ඉතා වැදගත්. මෙය ඔබේ ශරීරයේ පටක අලුත්වැඩියා කිරීමට සහ ශරීරයේ එකතු වී ඇති විෂ ද්රව්ය ඉවත් කිරීමට උපකාරී වෙනවා.
නමුත් මතක තබා ගන්න, මෙය කළ යුත්තේ නින්දට යාමට ඔන්න මෙන්න තියා නෙවෙයි. අඩුම තරමේ පැයකටවත් කලින් පානය කිරීමෙන් රාත්රිය පුරා නිතර වැසිකිළි යාමට අවදි වීම වළක්වා ගනිමින් සුවපහසු නින්දක් ලබා ගත හැකියි.
2. 🥛දවස පුරාම ටිකෙන් ටික වතුර බොන්න
බොහෝ දෙනෙක් කරන්නේ පිපාසය එනකම් ඉඳලා එකපාර වතුර විශාල ප්රමාණයක් බීමයි. එය ඉතා හානිදායකයි. ඒ වෙනුවට දවස පුරාම වතුර උගුරක් හෝ දෙකක් බැගින් පානය කිරීම (Sip water) පුරුද්දක් කරගන්න.
ළඟින් වතුර බෝතලයක් තබා ගැනීමෙන් මේ පුරුද්ද පහසුවෙන් ඇති කරගන්න පුළුවන්. එමගින් වකුගඩු සහ හදවත අධික ලෙස වෙහෙසීම පාලනය කර, දවස පුරාම ප්රබෝධමත්ව සිටීමට ඔබට හැකි වේවි.
3.🥛 සීතල වතුර වෙනුවට කාමර උෂ්ණත්වයේ වතුර බොන්න
රස්නේ දවසක කූල් වතුර වීදුරුවක් බොන එක හරිම සනීපයි තමයි. ඒත් එය ආහාර දිරවීමේ ක්රියාවලියට බාධා කරන බව ඔබ දන්නවාද?
සීතල වතුර බිව්වාම ශරීරයට සිදු වෙනවා අමතර ශක්තියක් වැය කරලා ඒ වතුර රත් කරගන්න. ඒ වෙනුවට මඳ රස්නය සහිත හෝ සාමාන්ය උෂ්ණත්වයේ (Room temperature) වතුර පානය කිරීමෙන් ආහාර ජීරණය පහසු කරවන අතර බඩ ඉදිරියට නෙරා ඒමද (Belly fat) පාලනය කරයි.
4.🥛 කෑම කන අතරතුර වතුර බොන්න එපා
කුඩා කාලයේ ඉඳලම අපේ වැඩිහිටියන් කියන දෙයක් තමයි "කන ගමන් වතුර බොන්න එපා" කියන එක.
වෛද්ය ග්රගරෝවිච්ට අනුවත් මෙය ඉතාම නිවැරදියි. ආහාර ගන්නා අතරතුර වතුර බීමෙන් ආමාශයික යුෂ සාන්ද්රණය අඩුවී ආහාර දිරවීම සහ පෝෂ්ය පදාර්ථ අවශෝෂණය දුර්වල වෙනවා.
* කෑමට විනාඩි 30කට කලින් වතුර බොන්න.
* නැත්නම් කාලා පැයකට පස්සේ වතුර බොන්න.
5.🥛 ඔබේ බරට අනුව වතුර බොන්න
හැමෝම බොන්න ඕනේ එකම වතුර ප්රමාණය නෙවෙයි. ඔබේ ශරීරයේ බර අනුව දවසකට පානය කළ යුතු ජල ප්රමාණය වෙනස් වෙනවා. එය ගණනය කරගන්නේ මෙහෙමයි:
ඔබේ බර (kg) x 30 = දවසකට පානය කළ යුතු මිලිලීටර් ප්රමාණය
උදාහරණයක් ලෙස ඔබේ බර කිලෝ 70ක් නම්,
70 x 30 = 2100 ml (ලීටර් 2.1ක්)
ඔබ ව්යායාම කරන අයෙක් නම් හෝ උෂ්ණත්වය අධික ප්රදේශයක ඉන්නවා නම් මීට වඩා යම් ප්රමාණයක් පානය කළ යුතුයි.
6. 🥛ව්යායාම කරන්න කලින් වතුර බොන්න
ජිම් එකේදී හෝ ව්යායාම කරන අතරතුර වතුර බොනවට වඩා, ව්යායාම පටන් ගන්න විනාඩි 20කට හෝ 30කට කලින් වතුර පානය කිරීම ඉතා ගුණදායකයි. එමගින් මාංශ පේශිවල ක්රියාකාරිත්වය වැඩි කරන අතර ඉක්මනින් මහන්සිය දැනීම පාලනය කරනවා.
7.🥛 වතුර බොන එක භාවනාවක් කරගන්න
වතුර බොනකොට හදිස්සියෙන්, කතා කර කර හෝ ඇවිදින ගමන් බොන්න එපා. හිමින්, සිහියෙන් යුතුව වතුර පානය කරන්න.
වේගයෙන් වතුර බොන විට ශරීරයේ සෛලවලට ජලය අවශෝෂණය කරගැනීම අපහසු වෙනවා වගේම ශරීරය ඉදිමීම වැනි තත්ත්වයන් ඇති වෙන්න පුළුවන්.
8. 🥛පිරිසිදු වතුර පමණක් බොන්න
ඔබ මොන විදියට වතුර බිව්වත් වැඩක් නැහැ ඒ වතුර අපිරිසිදු නම්. බැර ලෝහ, රසායනික ද්රව්ය අඩංගු ජලය පානය කිරීම වකුගඩු රෝගවලට ප්රධාන හේතුවක්. හැකි
සෑම විටම ෆිල්ටර් කළ හෝ හොඳින් පිරිසිදු කරගත් ජලය පානය කරන්න.
දවස පටන් ගන්න වතුර වීදුරුවකින්
උදේ අවදි වූ ගමන්ම (දත් මදින්නත් කලි #න්) පිරිසිදු වතුර වීදුරුවක් පානය කරන්න.
මෙය ඔබේ පරිවෘත්තීය ක්රියාවලිය (Metabolism) පණ ගන්වනවා වගේම රාත්රිය පුරා එකතු වූ විෂ ද්රව්ය ශරීරයෙන් ඉවත් කිරීමටත් ලොකු උදව්වක් වෙනවා. තේ හෝ කෝපි බොන්න කලින් වතුර වීදුරුවක් බීම පුරුද්දක් කරගන්න.
මේ සරල පුරුදු ටික අද ඉඳලම අත්හදා බලන්න. දවස් 7ක් යනකොට ඔබේ සමේ පැහැපත් බව, ශරීරයේ සැහැල්ලුව සහ ප්රබෝධය ඔබටම දැනේවි.
