31/01/2026
ගෑස්ට්රික් කරලක් නිසා පියදාසට උන දේ
පියදාස කියන්නේ රාජකාරිය වෙනුවෙන්ම කැප උන මනුස්සයෙක්.කාර්යබහුල ජීවිතේ නිසා ගොඩක් වෙලාවට උදේ කෑම වේල skip කරලා තේ කෝප්ප දෙක තුනකින් බඩගින්න නිවාගන්න පියදාස පුරුදු වෙලා හිටිය. දවල් වෙලාවට හම්බ වෙන දෙයක් කාලා, වැඩ ඇරිල ගෙදර එද්දි කඩේකින් spicy කෑමක් කන්නත් අමතක කරන් නෑ. ඒ විතරක් නෙමේ ආර්ථික ප්රශ්න නිසා නිතරම ලොකු stress එකකින් තමා පියදාස ජීවත් උනේ.
දවසක් පියදාසට බඩ පපුව දැවිල්ලක් ආව. බඩත් පුරවා දාලා “ගෑස්ට්රික් වෙන්න ඇති” කියලා pharmacy එකට ගිහින් ගෑස්ට්රික් කරල් ටිකක් අරගෙන බිව්වා. ඊට පස්සෙ ඒ බෙහෙත් වලින් සහනයක් දැනෙන්න ගත්ත. එදායින් පස්සෙ ගෑස්ටික් කරලක් කියන්නෙ පියදාස ලඟ නිතරම රැඳුණු දෙයක්.පොඩි අමාරුවටත් ගෑස්ටික් කරල් බොන එක පුරුද්දක් කරගත්ත
ගෑස්ට්රික් ආවගමන්ම පියදාස හිතුවෙ “කරල් බිව්වම හරි නේ” කියලා. හැබැයි කාලයක් ගියාම උදර වේදනාව, බඩ පිරෙන හැඟීම, කෑමට අකමැත්ත වගේ ලක්ෂණ වැඩි වුණා.
දවසක් යාලුවෙක් කිව්වා,
“මචං, හැමදාම හිතුමතේ ගෑස්ට්රික් බෙහෙත් බොන්න හොඳ නෑ. Omeprazole, pantoprazole වගේ බෙහෙත් දිගටම බොන්නෙ doctor උපදෙස් තියෙද්දි විතරයි. නැත්තම් calcium, vitamin B12 වගේ දේවල් අඩුවෙන්නත් පුළුවන්.”
ඒක අහල පියදාස ඉක්මනටම ඩොක්ටර් ලඟට ගිහින් නිසි ප්රතිකාර ලබාගත්තා. ඒ විතරක් නෙමේ. කොච්චර බෙහෙත් බිව්වත් වැඩක් නෑ තමන්ගෙ ශරීර සෞඛ්ය ගැන සැලකිලිමත් නොවෙනවනම් කියල පියදාසට පැහැදිලි කරා. ඒ උපදෙස් අනුව පියදාස
වෙලාවට කෑම කන්න, spicy කෑම අඩු කරන්න, තේ,කෝපි වැඩියෙන් බොන එක අඩු කරන්නත් තීරණය කරා. ඒ විතරක් නෙමේ stress එක අඩු කරගෙන සැහැල්ලුවෙන් ජීවත් වෙන්නත් පුරුදු උනා.
දැන් පියදාස ජීවන රටාව වෙනස් කරගෙන, ගෑස්ට්රික් බෙහෙත් වෛද්ය උපදෙස් ඇතිව විතරයි බොන්නෙ.
පියදාසට දැන් තේරෙනවා බෙහෙත් කියන්නේ විසඳුමක් නෙමෙයි. ජීවන රටාව වෙනස් කරගත්තම ගොඩාක් ලෙඩ රෝග වලින් වැලකෙනව කියල.
💊 අපි දැන් බලමු, මොකක්ද මේ ගෑස්ට්රික් කියන්නේ, නැත්තම් උදරයේ ආම්ලිකතාවය කියන්නේ කියලා. අද කාලයේ වයස් භේදයකින් තොරව දැකිය හැකි ලෙඩක් තමයි උදර ආම්ලිකතාවය.බඩ පපුව පුරවා දැමීම,බඩේ දැවිල්ල,වමනය,උගුරට ආම්ලික රසයක් දැනීම මෙහි රෝග ලක්ෂණයි.
අපේ ආමාශයේ ආහාර ජීර්ණය කිරීමට HCl අම්ලය නිපදවනවා. මේ HCl ආහාර ජීර්ණය, පෝෂක ද්රව්ය නිවැරදිව අවශෝෂණය වීම, සහ bacteria විනාශ කිරීම සඳහා උපකාරී වෙනවා.
මේ ආම්ලික HCl වලින් ආමාශය ආරක්ශා කිරීමට ආමාශ ආස්තරණය ශ්ලේශ්මලය මගින් ආවණය වෙලා තියෙනව. වැරදි ආහාර පුරුදු,ආතතිය සහ බැක්ටීරියා ආසදන මගින් HCl ප්රමාණය වැඩි වීම හෝ ශ්ලේශ්මල මඟින් වන ආරක්ශාව බිඳ වැටීම නිසා උදර ආම්ලිකතාවය ඇති විය හැක. මෙම රෝග ලක්ෂණ අඩු කිරීම සඳහා බොහෝ විට ගෑස්ට්රික් බෙහෙත් (antacids,omeprazole,pantoprazole වගේ) භාවිතා කරනවා. නමුත් බෙහෙත් දිගුකාලීන භාවිතයෙන් calcium, vitamin B12, magnesium අවශෝෂණය,අඩුවීම,මලබද්දය,පාචනය,බැක්ටීරියා ආසදන,වකුගඩු දුර්වලතා, ජීරණ දුර්වලතා, ආදිය ඇති විය හැක.
ඒ නිසා උපදෙස් අනුව, අවශ්ය වෙලාවට විතරක් බෙහෙත් භාවිතා කළ යුතුයි.
නිවැරදි ආහාර රටාවක් සහ ආතති කලමණාකරනයෙන් උදර ආම්ලිකතාවය පාලනය කළ හැක.
-Dagonna Pharmacy & Distributors-
