https://www.facebook.com/407185605811838/

Desh - දේෂ්, Polonnaruwa (2026)

26/06/2026

📌 මුළු ලෝකෙම මවිත කරපු විශ්වවිද්‍යාල ශිෂ්‍යාවගේ අපූරු "රොබෝ මාළුවා" 🐟🤖

අද වෙනකොට ලෝකෙටම තියෙන ලොකුම ප්‍රශ්නයක් තමයි ප්ලාස්ටික් දූෂණය. ඒ අතරිනුත් අපේ ඇහැට පේන්නේ නැති, වතුරේ දියවෙලා තියෙන "මයික්‍රොප්ලාස්ටික්" (Microplastics) සත්තුන්ගේ වගේම මිනිස්සුන්ගේ ඇඟවල් ඇතුළටත් යන එක ලොකු තර්ජනයක් වෙලා තියෙනවා.

ඔන්න ඔය ප්‍රශ්නයට සුපිරිම විසඳුමක් හොයාගන්න බ්‍රිතාන්‍යයේ සරේ විශ්වවිද්‍යාලයේ (University of Surrey) ඉගෙනගන්න එලිනෝර් මැකින්ටොෂ් (Eleanor Mackintosh) කියන දක්ෂ ශිෂ්‍යාව සමත් වෙලා තියෙනවා. ඇය විසින් 3D ප්‍රින්ටින් (3D-printed) තාක්ෂණය පාවිච්චි කරලා නිර්මාණය කරපු මේ අපූරු රොබෝ මාළුවාගේ නම තමයි "GILLBERT".

❓ කොහොමද මේ රොබෝ මාළුවා වැඩ කරන්නේ?

මුහුදේ, වැව්වල ඉන්න සැබෑ මාළුවන්ටවත්, පරිසරයටවත් කිසිම හානියක් නොවෙන විදිහට තමයි මේ රොබෝවාව හදලා තියෙන්නේ. ඇත්තම මාළුවෙක් වගේ වතුරේ පීනන්න මෙයාට පුළුවන්.

මූහුදේ හෝ ගඟේ පිහිනා යද්දී මේ රොබෝ මාළුවා තමන්ගේ කට නිරන්තරයෙන්ම විවෘතව තබාගෙන ජලය ඇතුළට ලබාගන්නා අතර එහි ඇති කෘතිම කරවැල් වැනි ව්‍යුහයන් හරහා මයික්‍රොප්ලාස්ටික් පෙරා ගැනීම සිදු කරනවා.

රූපයේ දකුණු පැත්තේ තියෙන ඩයග්‍රම් එකෙන් පේනවා වගේ, මේ මාළුවා ඉස්සරහට පීනගෙන යද්දී උගේ කට ඇතුළට වතුර උරා ගන්නවා. ඊටපස්සේ ඇඟ ඇතුළේ තියෙන විශේෂිත පෙරනයකින් (Filter) අර ඇහැට පේන්නේ නැති ප්ලාස්ටික් කෑලි ටික රඳවාගෙන, පිරිසිදු වතුර ටික කරමල් හරහා නැවත එළියට පිට කරනවා.

රොබෝ මාළුවාගේ ශරීරය ඇතුළේ සවි කරලා තියෙන ඉතාම සියුම් දැල මඟින් මිලිමීටර 2 ක් තරම් අතිශය කුඩා ප්ලාස්ටික් අංශු පවා ඉතාම සාර්ථකව සිරකර තබාගන්නවා.

ජලයේ තියෙන බාධක අඳුරගන්න විශේෂ සෙන්සර් වගේම, රෑ කලුවරේ වුණත් වැඩ කරන්න පුළුවන් වෙන්න ලයිට් පද්ධතියකුත් මෙයාට සවි කරලා තියෙනවා.

විද්‍යාවයි, තාක්ෂණයයි නියම විදිහට පාවිච්චි කළොත් පරිසරය බේරගන්න මොන වගේ සුපිරි වැඩ කරන්න පුළුවන්ද කියන්න මේක නියම උදාහරණයක්.

ඔයාලටත් මේ වගේ නිර්මාණශීලී අදහස් එනවාද? කමෙන්ට් එකක් දාගෙන යන්න.👇

26/06/2026

📌 තනිවම ලෝක සිතියමක් හැදූ ලොව එකම මිනිසා
Soren Poulsen ගේ වසර 25ක වික්‍රමය 🌍🧱

ලෝකය වටේ යන්න හැමෝම ආස වුණත්, මුළු ලෝකයම තමන්ගේ ගෙවත්තට ගේන්න හිතපු අපූරු මිනිසෙක් ගැන ඔබ අසා තිබෙනවාද?

මේ කතාව අයිති වෙන්නේ ඩෙන්මාර්කයේ ජීවත් වුණු Søren Poulsen නැමැති ගොවියෙකුට සහ සුවිශේෂී කලාකරුවෙකුටයි. ඔහු වසර 25ක් පුරා තනිවම මහන්සි වී විලක් මැද අපූරු "ලෝක සිතියමක්" නිර්මාණය කළා.

💡 අදහස ආවේ කොහොමද?

1943 වසරේදී Poulsen තමන්ගේ පෞද්ගලික ඉඩමේ වැඩ කරමින් සිටියදී ඩෙන්මාර්කයේ "ජුට්ලන්ඩ්" අර්ධද්වීපයේ හැඩයට සමාන අමුතු ගලක් හමු වුණා. මේ පුංචි ගලෙන් ආභාසය ලැබූ ඔහු, තමන්ගේ ඉඩම අයිනේ තිබුණු ක්ලෙයිට්‍රප් විල (Lake Klejtrup) මැද මුළු ලෝක සිතියමම ගලින් සහ පස්වලින් නිර්මාණය කරන්න තීරණය කළා.

🏗️ වසර 25ක කටුක කැපවීම (1944 - 1969)

කිසිදු බර යන්ත්‍රෝපකරණයක් නොමැතිව, සවලක් සහ අත් කරත්තයක් පමණක් භාවිතා කරමින් ඔහු මේ වැඩේ පටන් ගත්තා.

ටොන් ගණන් බර විශාල ගල් විල මැදට ගෙන යාමට Poulsen අපූරු ක්‍රමයක් භාවිත කළා. ශීත ඍතුවට විලේ වතුර අයිස් බවට පත් වූ විට, ඔහු අයිස් මතින් විශාල ගල් ඇදගෙන ගොස් නිවැරදි ස්ථානවලින් තැබුවා. වසන්ත කාලයේදී අයිස් දිය වී ගල් වතුර පතුලටම ගිලා බැස ස්ථාවර අත්තිවාරමක් සකස් වුණා.

මෙය නිකම්ම හැදූ සිතියමක් නොවේ. සැබෑ ලෝකයේ අක්ෂාංශ 1ක්, මෙම සිතියමේ සෙන්ටිමීටර 27ක් වන පරිදි ඉතා නිවැරදිව මැන බලා මහද්වීප සහ රටවල් හැඩගස්වා තිබෙනවා.

📊 නිර්මාණයේ වටිනාකම:

* ප්‍රමාණය: වර්ග මීටර් 4,000කට අධිකයි (මීටර් 45 × 90).

* විශේෂත්වය: ඇමරිකාව, අප්‍රිකාව, ආසියාව වැනි මහද්වීප නිවැරදිව හඳුනාගත හැකි අතර කුඩා ඇමරිකානු කොඩි පවා එහි සිටුවා තිබෙනවා.

🎈 අද තත්ත්වය

අද වන විට මෙම ස්ථානය ඩෙන්මාර්කයේ "වර්ඩෙන්ස්කෝටෙට්" (Verdenskortet - The World Map) නමින් ඉතා ජනප්‍රිය සංචාරක ආකර්ෂණයක්. මෙහි පැමිණෙන සංචාරකයින්ට මිනිත්තු කිහිපයකින් මුළු ලෝකය වටේම ඇවිද යාමේ අපූර්ව අත්දැකීම විඳගත හැකියි.

දැඩි උත්සාහය සහ නොපසුබට උත්සාහය තිබේ නම් ඕනෑම අසිරු වැඩක් කළ හැකි බවට Søren Poulsen දුන් හොඳම ආදර්ශය මෙයයි. ලෝකයම මවිත කළ මේ මිනිසා ගැන ඔබේ අදහස මොකක්ද? පහළින් Comment කරන්න. 👇

24/06/2026

ඇයි හැමෝම ලංකාව දාලා යන්න මෙච්චර දඟලන්නේ? 🤔✈️

අද වෙනකොට අපේ රටේ තරුණ පරපුර විතරක් නෙවෙයි, ඉහළම වෘත්තිකයෝ වගේම පවුල් පිටින්ම ලංකාව දාලා යන්න ලොකු උත්සාහයක් ගන්නවා ඔයාලටත් පේනවා ඇති. ඇත්තටම ඇයි මිනිස්සු මෙහෙම රට දාලා යන්න හදන්නේ?

ඒකට සරල උත්තට ටිකක් තමයි පල්ලෙහායින් තියෙන්නේ.

1. උගතුන් සහ වෘත්තිකයන් රට හැර යාම (Brain Drain) 🧠💼

ලංකාවේ ඉන්න දක්ෂතම වෛද්‍යවරුන්, ඉංජිනේරුවන්, තොරතුරු තාක්ෂණ (IT) ක්ෂේත්‍රයේ ප්‍රවීණයන් සහ විශ්වවිද්‍යාල ආචාර්යවරුන් අතිවිශාල පිරිසක් මේ වෙනකොටත් රට දාලා ගිහින්. තමන්ගේ වෘත්තීය සුදුසුකම්වලට සරිලන අගය කිරීමක්, පරිසරයක් සහ පහසුකම් ලංකාව තුළ නොලැබීම මීට ප්‍රධාන හේතුවක්.

2. අධික බදු බර සහ මහන්සියේ වටිනාකමක් නැතිකම 📉

රටේ පවතින ඉහළ බදු ප්‍රතිපත්ති නිසා මහන්සි වෙලා රස්සාවල් කරන වෘත්තිකයන්ගේ පඩියෙන් විශාල කොටසක් බදු විදිහට කැපෙනවා. තමන් රෑ තිස්සේ මහන්සි වෙලා හම්බකරන සල්ලිවලින් ජීවත් වෙන්නවත් මදි වෙනකොට, මිනිස්සු බලන්නේ තමන්ගේ මහන්සියට හරියට වටිනාකමක් ලැබෙන රටකට යන්නයි.

3. ජීවත් වෙන්න තියෙන අමාරුකම (ජීවන වියදම) 💸

ලංකාවේ බඩු මිල, ලයිට් බිල්, වතුර බිල් හැමදේම දවසින් දවස වැඩි වෙනවා. හැබැයි ලැබෙන පඩිය ඒ විදිහමයි. සාමාන්‍ය රස්සාවක් කරන කෙනෙක්ට තියා හොඳ පඩියක් ගන්න කෙනෙක්ටවත් මාසේ අන්තිමට ඉතුරුවක් තියාගන්න බැරි තරමට ජීවන වියදම ඉහළ ගිහින්.

4. දරුවන්ගේ අනාගතය සහ අධ්‍යාපනය 👶📚

ඕනෑම දෙමව්පියෙක් බලන්නේ තමන්ගේ දරුවන්ට හොඳම අධ්‍යාපනයක් සහ සුරක්ෂිත අනාගතයක් හදලා දෙන්නයි. ලංකාවේ අධ්‍යාපන ක්‍රමයේ තියෙන අස්ථාවරභාවය, විභාග ප්‍රමාද වීම් සහ අනාගතය ගැන තියෙන අවිනිශ්චිතකම නිසා දෙමව්පියෝ දරුවන් වෙනුවෙන්ම රට යන්න තීරණය කරනවා.

5. විදේශ රටවල තියෙන නිදහස සහ ක්‍රමවත් පද්ධති (Systems) 🌍✨

පිටරටකට ගියාම කරන මහන්සියට සරිලන ඉහළ වැටුපක් වගේම දියුණු සෞඛ්‍ය සේවා, විශිෂ්ට ප්‍රවාහන සේවා සහ ක්‍රමවත් පද්ධති (Systems) ලැබෙනවා. නීතිය හැමෝටම පොදු, දේශපාලන බලපෑම් නැති සුවපහසු ජීවිතයක් හැමෝම බලාපොරොත්තු වෙනවා.

රට ගැන කොච්චර ආදරයක් තිබුණත්, තමන්ගේ සහ තමන්ගේ පවුලේ අනාගතය සුරක්ෂිත කරගන්න මිනිස්සු ගන්න මේ තීරණය ගැන ඔයාලා හිතන්නේ මොකක්ද?

මේ විදිහට උගතුන් රට හැර යාම ලංකාවේ අනාගතයට කොහොම බලපාවිද?
ඔයාලගේ අදහස් කමෙන්ට් කරගෙන යන්න. 👇

24/06/2026

💻 වීදුරු කුඩුවක් ඇතුළේ හිරවුණු නූතන මිනිස් ජීවිතය!

ලැප්ටොප් එකක් ඉස්සරහා වාඩි වෙලා, හතර වටින්ම වැහුණු වීදුරු පෙට්ටියක් ඇතුළේ රස්සාව කරන මේ තරුණියව දැක්කම ඔයාට මොකද හිතුණේ?

මේක නිකම්ම නිකන් පින්තූරයක් නෙවෙයි. මේක නූතන සමාජයේ අපි හැමෝම මුහුණ දෙන, හැබැයි කාටවත් කියාගන්න බැරි ලොකුම පීඩනයක් ලස්සනට පෙන්වලා දෙනවා. 😖

පිලිපීනයේ පැවැත්වුණ ආර්ට් ෆෙයාර් එකකදී තායිලන්තයේ කලාකාරිනියක් වුණ පිචාපා වැන්ප්‍රසර්ට්කුල් (Pitchapa Wangprasertkul) කරපු වැඩේ දැක්කම මුළු ලෝකෙම මවිත වුණා. ඇය තමන්ගේ Full-time ජොබ් එක, කවුරුත් දකින විදිහට වීදුරු පෙට්ටියක් ඇතුළේ ඉඳන් එළිමහන් ප්‍රසංගයක් (Endurance performance art) විදිහට කරන්න තීරණය කළා. 😎

ඇය මේ වීදුරු පෙට්ටිය ඇතුළේ පැය 8 ක් පුරාම සාමාන්‍ය විදිහට තමන්ගේ Zoom meetings වලට සහභාගි වෙනවා, emails ටයිප් කරනවා වගේම අපේ එදිනෙදා වැඩ කරන ඉරියව් වලින්ම ඉන්නවා. ලැප්ටොප් එකයි, පුටුවයි විතරක් තියෙන මේ වීදුරු පෙට්ටිය ඇතුළේ ඇය ඉන්නේ ප්‍රදර්ශන භාණ්ඩයක් වගේම සාමාන්‍ය සේවිකාවක් විදිහටයි. මේකේ නම "The Standard" කියන එක.

🔰 මෙයින් අපිට කියලා දෙන ඇත්ත කතා කිහිපයක්ම තියෙනවා.

අපි හැමෝම අද වෙනකොට ෆෝන්, ලැප්ටොප්, ඉන්ටර්නෙට් එක්ක මුළු ලෝකයම අල්ලන්න හදනවා. හැබැයි ඇත්තම කතාව තමයි, ඒ තාක්ෂණය ඇතුළේ අපි තනි වෙලා. මේ වීදුරු පෙට්ටියෙන් සංකේතවත් කරන්නේ ඒ හුදෙකලාවයි.

උදේ ඉඳන් රෑ වෙනකම් එකම තැනකට කොටු වෙලා, Target පස්සේ දුවමින්, Target කියන රාමුව ඇතුළේ හිරවෙලා ඉන්න මිනිස්සුන්ගේ මානසික ආතතිය මේකෙන් කදිමට පෙන්වනවා.

මේ පෙට්ටිය වීදුරු වලින් හදලා තියෙන නිසා බාහිර ලෝකයට ඇයව පැහැදිලිව පේනවා. ඒත් ඇයට බාහිර ලෝකය එක්ක සැබෑ සම්බන්ධයක් නැහැ. හරියට අපි සෝෂල් මීඩියා වල හැමෝටම පේන්න හිනාවෙලා පෝස්ට් දැම්මාට, ඇතුළතින් අපි කොච්චර හුදෙකලාද වගේ වැඩක්.

ඇත්තටම අපිත් අද වෙනකොට නොදැනුවත්වම මේ වගේ නොපෙනෙන වීදුරු කුඩුවල හිරවෙලා නේද ඉන්නේ?

රැකියාව, සල්ලි හඹා යාම අස්සේ තමන්ගේ නිදහස, සැබෑ සතුට සහ ආදරණීයයන්ව අපිට මඟහැරෙන්න දීලා නැද්ද?

ඔයාලටත් මේ පින්තූරය දැක්කම මෙහෙම හිතුණද? ඔයාලගේ අදහස් කමෙන්ට් කරන් යන්න. 👇

24/06/2026

අනුරාධපුර 🌼🙏

24/06/2026

📌 ගින්නක් ආපු සැනින් මුළු ගමම "වතුරෙන් වහන" ජපානයේ අපූරු තාක්ෂණය. 🇯🇵🚒

ෆේස්බුක් එකේ, ටික්ටොක් එකේ හැමතැනම මේ දවස්වල ඔයාලා මේ වගේ ලස්සන පින්තූරයක් දකින්න ඇති. බැලූ බැල්මට නිකන් මහා විශාල වතුර මල් වගයක් වත්තක වදිනවා වගේ පෙනුනට, මේක පිටුපස තියෙන්නේ ජපන්නුන්ගේ සුපිරිම මොළයක් සහ පුදුම හිතෙන තාක්ෂණයක්. 🤯 👇

🔰 මොකක්ද මේ ගම?

මේ පින්තූරයේ තියෙන්නේ ජපානයේ තියෙන "ශිරකාවා-ගෝ" (Shirakawa-go) කියන හරිම ලස්සන සාම්ප්‍රදායික ගම්මානයක්. මේ ගමේ තියෙන විශේෂත්වය තමයි මෙහේ තියෙන හැම නිවසක්ම හදලා තියෙන්නේ ලීයෙන් සහ පිදුරු සෙවිලි කරලා. ඒ නිසාම මේවා යුනෙස්කෝ (UNESCO) ලෝක උරුමයක් විදිහටත් නම් කරලා තියෙනවා.

🔰 ප්‍රශ්නය සහ ජපන්නුන්ගේ විසඳුම

ලී සහ පිදුරුවලින් හදපු නිසා මේ ගෙවල්වල එකකට පොඩි හරි ගින්නක් අහු වුණොත්, සුළඟත් එක්ක මුළු ගමම අළු වෙලා යන්න ගත වෙන්නේ ඉතාම සුළු වෙලාවක්.

මේකට ජපන්නු සුපිරි විසඳුමක් සෙව්වා. ඒ තමයි "Water Cannon Fire Prevention System" එක. ගම පුරාම තැන් තැන්වල පොඩි කුටි වගේ හදලා ඒව ඇතුළේ මහා පරිමාණයේ වතුර විදින යන්ත්‍ර (Water Cannons) 60 කට වඩා හංගලා තිබ්බා.

🔰 කොහොමද මේක වැඩ කරන්නේ?

ගමේ කොහේ හරි තැනක ගින්නක් ඇති වුණු සැනින් මේ පද්ධතිය ක්‍රියාත්මක වෙනවා. මේවා වැඩ කරන්නේ Heat සහ Smoke sensors වලිනුයි. එතකොට අර හැංගිලා තිබ්බ වතුර විදින යන්ත්‍රවල කවර ඉබේම ඇරිලා, මුළු ගමම වැහිලා යන විදිහට අහසට මහා ජල ධාරාවන් විදින්න ගන්නවා. මේකෙන් වෙන්නේ ගෙවල්වල තියෙන පිදුරු වහලවල් සේරම තෙත් වෙලා, ගින්න තවත් පැතිරිලා යන එක සම්පූර්ණයෙන්ම නැති වෙන එකයි.

මේ සිස්ටම් එක හරියට වැඩ කරනවද කියලා බලන්න ජපන්නු හැම අවුරුද්දකම ඔක්තෝබර් හෝ නොවැම්බර් මාසවල ලොකු පෙරහුරුවක් (Fire Drill) කරනවා. අන්න ඒ වෙලාවට මුළු ගමම වතුරෙන් නෑවෙන මේ දර්ශනය බලන්න ලෝකේ වටෙන්ම සංචාරකයෝ මෙතනට එකතු වෙනවා.

තමන්ගේ ඉතිහාසය සහ සංස්කෘතිය රැකගන්න ජපන්නු දාන මේ වගේ සුපිරි තාක්ෂණයන් ගැන ඔයාලා මොකද හිතන්නේ? 🤔💭

23/06/2026

හඳ වටේටම SOLAR පැනල් ගහන්න හදන ජපානයේ පිස්සු හැදෙන සැලැස්ම.🌕🛰️

අනාගතයේදී අපිට කරන්ට් එක ලැබෙන්නේ හඳෙන් කිව්වොත් ඔබ විශ්වාස කරනවාද?

ඔව්, මේක හීනයක් නෙවෙයි. ජපානයේ ප්‍රධාන පෙළේ ඉදිකිරීම් සමාගමක් වන "Shimizu Corporation" එක දැන් සුපිරිම ප්ලෑනක් ගහලා තියෙන්නේ පෘථිවියේ තියෙන බලශක්ති අර්බුදයට ස්ථිර විසඳුමක් දෙන්න.ඒ තමයි "Luna Ring" (ලූනා රින්ග්) ව්‍යාපෘතිය.

🔰 මොකක්ද මේ ප්ලෑන?

ජපානයේ සැලසුම තමයි හඳේ සමකය වටේටම, ඒ කියන්නේ කිලෝමීටර් 11,000ක් දිගට සෝලර් පැනල් පටියක් (Solar Panel Belt) හදන්න. මේ පටිය සමහර තැන්වලදී කිලෝමීටර් කිහිපයක් දක්වා පළල් වෙනවා.

🔰 ඇයි හඳ තෝරගත්තේ?

හඳේ අපිට වගේ වලාකුළු, වැසි හෝ වායුගෝලයක් නැහැ. ඒ නිසා කිසිම බාධාවකින් තොරව, දවසේ පැය 24 පුරාම උපරිම ශක්තියෙන් හිරු එළිය මේ පැනල් වලට වැටෙනවා. පෘථිවියට වඩා දස ගුණයක විදුලියක් මේ හරහා නිපදවන්න පුළුවන්.

🔰 හඳේ හදන කරන්ට් එක පෘථිවියට ගේන්නේ කොහොමද? 🤔

වයර් ඇදලා නම් මේක කරන්න බැහැනේ! ඒ නිසා හඳේදී නිපදවන විදුලිය, ප්‍රබල මයික්‍රෝවේව් (Microwaves) සහ ලේසර් කිරණ (Laser Beams) බවට පත් කරනවා. ඊට පස්සේ පෘථිවියේ තියෙන විශේෂිත රිසීවර් ඇන්ටනා (Antennas) වෙතට රැහැන් රහිතව (Wireless) එවන්නයි ඔවුන් බලාපොරොත්තු වෙන්නේ.

🔰 කවුද මේක හදන්නේ?

මිනිස්සුන්ට හඳට ගිහින් මේක කරන්න අමාරුයි. ඒ නිසා පෘථිවියේ ඉඳන් රිමෝට් කන්ට්‍රෝල් කරන රොබෝවරු රැලක් තමයි හඳට යවන්නේ. හඳේ තියෙන පස් සහ පාෂාණ (Regolith) පාවිච්චි කරලා, හඳ මතදීම කොන්ක්‍රීට් සහ සෝලර් පැනල් නිෂ්පාදනය කරලා මේක ඉදිකරන්නයි සැලසුම.

න්‍යායාත්මකව (Theoretically) මේ සැලසුම හරියටම ක්‍රියාත්මක වුණොත්, පෘථිවියේ සමස්ත බලශක්ති අවශ්‍යතාවය වගේ 500 ගුණයක විදුලි බලයක් (ටෙරාවොට් 13,000ක්) නිපදවන්න පුළුවන්.

දැනට මේක රාජ්‍ය මට්ටමින් අරමුදල් ලැබුණු හෝ හෙට අනිද්දාම ක්‍රියාත්මක වන ප්‍රායෝගික ව්‍යාපෘතියක් නෙවෙයි. මේක Shimizu සමාගම විසින් අනාගත ලෝකයේ බලශක්ති අර්බුදයට විසඳුමක් විදිහට කඩදාසි මත සැලසුම් කරපු "සිහින සැලසුමක්" (Conceptual Design) පමණයි.

හැබැයි අනාගතයේ දවසක සාම්ප්‍රදායික ඉන්ධන (තෙල්, ගල්අඟුරු) ඉවර වුණු කාලෙක ලෝකයම බේරගන්න පුළුවන් එකම විප්ලවීය විසඳුම මේක වෙන්න පුළුවන් කියලා විද්‍යාඥයෝ විශ්වාස කරනවා.

ඔයාලට මොකද හිතෙන්නේ මේ ජපානයේ අමුතු ප්ලෑන ගැන? කමෙන්ට් එකක් දාගෙන යන්න.👇

23/06/2026

🎬 ඇත්ත ජීවිතේ ආරක්ෂකයා, සිනමාවේ මහා දුෂ්ටයා වුණු "ගරුඩා"

KGF චිත්‍රපටය බලපු කාටවත් ඒකේ හිටපු දරුණු, බය හිතෙන දුෂ්ටයා වන 'ගරුඩා' ව අමතක වෙන්න විදිහක් නැහැනේ. 😱හැබැයි ඔයාලා දන්නවාද, මේ චරිතයට පණ දීපු රාමචන්ද්‍ර රාජු කියන්නේ ඇත්ත ජීවිතේදී KGF එකේ ප්‍රධාන නළු යශ් (Yash) ගේ පෞද්ගලික ආරක්ෂකයා (Bodyguard) කියලා?

ඔව්, ඒක ඇත්තම ඇත්ත කතාවක්. 💯
රාමචන්ද්‍ර රාජු අවුරුදු 12 කට වඩා වැඩි කාලයක් සේවය කළේ නළු යශ්ගේ ළඟින්ම සිටි විශ්වාසවන්ත ආරක්ෂකයෙක් විදිහටයි. එහෙම හිටපු කෙනෙක් මෙච්චර ලොකු සිනමා සිත්තමක ප්‍රධාන දුෂ්ටයා වුණේ කොහොමද? ඒකත් හරියට ලස්සන චිත්‍රපට කතාවක් වගෙයි.

⚫ අධ්‍යක්ෂකවරයාගේ ඇස ගැටීම

KGF චිත්‍රපටයේ අධ්‍යක්ෂක ප්‍රශාන්ත් නීල්, මේ චිත්‍රපටයේ වැඩකට යශ්ව හමුවෙන්න ආපු වෙලාවක තමයි යශ් ළඟ හිටපු රාමචන්ද්‍රව දැකලා තියෙන්නේ. ඔහුගේ තිබුණු උස මහත පෙනුම, රැවුල සහ ගාම්භීර පෙනුම දැක්ක ගමන් අධ්‍යක්ෂකවරයාට හිතිලා තියෙනවා 'ගරුඩා' ගේ චරිතයට වඩාත්ම ගැලපෙන්නේ මෙන්න මේ මිනිහා කියලා.

⚫ වසරක කැපවීම 🕰️

හැබැයි එකපාරටම ඔහුව කැමරාව ඉස්සරහට ගත්තේ නැහැ. චරිතයට උපරිම සාධාරණයක් කරන්න ඕන නිසා, රාමචන්ද්‍ර වසරකට අධික කාලයක් රංගන පුහුණුවීම් සහ සටන් ක්‍රම ගැන විශේෂයෙන් ඉගෙන ගත්තා.

⚫ ආරක්ෂකයාගෙන් සිනමා තරුවකට 💥

KGF 1 චිත්‍රපටය තිරගත වීමත් එක්කම මුළු ඉන්දියාවම "ගරුඩා" ගැන කතා වෙන්න පටන් ගත්තා. තමන්ගේ ස්වාමියා ආරක්ෂා කරපු පුද්ගලයා, අද වෙනකොට දකුණු ඉන්දීය සිනමාවේ ඉල්ලුමක් තියෙන දරුණු ගණයේ දුෂ්ට නළුවෙක් බවට පත්වෙලා ඉවරයි.

හීන පස්සේ ලුහුබඳින අයට රාමචන්ද්‍ර රාජුගේ මේ පෙරළිය ඇත්තටම අපූරු ආදර්ශයක්. 🤍

22/06/2026

රොබින් හුඩ්ගේ රහස් හැංගුණු, ලෝක ප්‍රසිද්ධ ‘මේජර් ඕක්’ ගස සදහටම සමුගනී.🌳💔

අපි කවුරුත් පොඩි කාලේ ආසාවෙන් කියවපු, චිත්‍රපට බලපු "රොබින් හුඩ්" (Robin Hood) කතාව මතකයිනේ?

දුප්පත් මිනිස්සු වෙනුවෙන් පෙනී හිටපු රොබින් හුඩ් සහ එයාගේ යාලුවෝ හැංගිලා හිටියා කියන, එංගලන්තයේ ෂර්වුඩ් වනාන්තරයේ තියෙන වසර 1,200ක් විතර පැරණි "මේජර් ඕක්" (Major Oak) ගහ දැන් නිල වශයෙන්ම මියගිහින් කියලා එහේ සංරක්ෂණ නිලධාරීන් ප්‍රකාශ කරලා තියෙනවා.

ජනප්‍රවාදයන්ට අනුව 13 වන සියවසේදී ධනවතුන්ගෙන් පැහැරගත් දෑ දුප්පතුන්ට බෙදා දුන් වීරයෙකු වූ රොබින් හුඩ් සහ ඔහුගේ සගයන්, නොටින්හැම්හි ප්‍රාදේශීය පාලකයාගෙන් බේරීම සඳහා සැඟවී සිටියේ සහ ලැගුම් ගත්තේ මේ දැවැන්ත ඕක් ගසේ තිබුණු විශාල බෙන ඇතුළේ.

🔰 ගහ මියයන්න හේතුව මොකක්ද?

ඇත්තටම මේකට හේතුව වයස්ගත වීම විතරක්ම නෙවෙයි. අවුරුදු සිය ගණනක් තිස්සේ මේ අපූරු ගහ බලන්න ලෝකේ වටෙන්ම ලක්ෂ සංඛ්‍යාත සෙනඟක් ආවා. ඒ මිනිස්සු නිතරම ගහ වටේ ඇවිදීම නිසා ඒ අවට පස කොන්ක්‍රීට් එකක් වගේ තද වෙලා. මේ නිසා ගහේ මුල් වලට හරියට වතුරයි, පෝෂණයයි උරාගන්න බැරි වුණා. ඒ වගේම මෑතකදී ඇතිවුණු දැඩි දේශගුණික විපර්යාස සහ නියඟයත් මේකට තදින්ම බලපෑවා.

📊 මේජර් ඕක් ගහ ගැන ඔබ නොදත් කරුණු කිහිපයක්

* මේක බ්‍රිතාන්‍යයේ තිබුණු විශාලතම ඕක් ගස් වලින් එකක්.

* මේ ගහේ කඳ විතරක් මීටර් 11ක් (අඩි 36ක්) විතර මහතයි. එතකොට අතු විහිදිලා තිබුණු ප්‍රමාණය මීටර් 28ක් විතර වෙනවා.

* ගහ ඇතුලේ තිබුණු විශාල බෙනේ තමා රොබින් හුඩ් ඇතුළු පිරිස තමන්ගේ රහස් තිප්පලක් විදිහට පාවිච්චි කරලා තියෙන්නේ.

🌳 දැන් මොකද වෙන්නේ?

ගහ මියගියත්, මේක ඓතිහාසික වටිනාකමක් තියෙන ස්මාරකයක් නිසා වනාන්තරයෙන් ඉවත් කරන්නේ නැහැ. කුරුල්ලන්, කෘමීන් වගේ සත්තුන්ට වාසස්ථානයක් වෙන්න මේ දැවැන්ත කඳ ඒ විදිහටම තියන්න තීරණය කරලා තියෙනවා.

කොහොම වුණත්, රොබින් හුඩ්ගේ මතකයන් එක්ක බැඳිලා තිබුණු ජීවමාන සාක්ෂියක් වුණු මේ අපූරු වෘක්ෂය සදහටම සමුගැනීම ලෝක ඉතිහාසයට වගේම පරිසරයටත් ලොකු පාඩුවක්. 🌍🍂

22/06/2026

වයස 17 දී අම්මා කෙනෙක් වෙලා, ලෝකෙම හොල්ලපු පුතෙක් හැදූ ඇය. ❤️

අපි හැමෝම ඇමේසන් (Amazon) සමාගමේ අයිතිකාරයා වෙන "ජෙෆ් බේසෝස්" (Jeff Bezos) ගැන හොඳටම දන්නවා. හැබැයි මේ ලෝක ප්‍රකට බිලියනපතියා පිටිපස්සේ ඉන්න, ජීවිතේ දරුණුම අභියෝග ජයගත්ත ඇගේ අම්මා, "ජැකලින් බේසෝස්" ගැන දන්නේ කීයෙන් කී දෙනාද?

ජැකලින්, ජෙෆ් බේසෝස්ව මෙලොවට බිහි කරන්නේ ඇයට වයස අවුරුදු 17ක් වගේ ඉතාම බාල වයසකදී. එවකට ඇය තවමත් උසස් පාසල් (High School) ශිෂ්‍යාවකි.

ඒ කාලේ සමාජයෙන් ඇයට එල්ල වුණු බාධා, අපහාස අපිට හිතාගන්නවත් බැහැ. පාසලෙන් පවා ඇයව අයින් කරන්න හැදුවත්, ඇය තමන්ගේ අධ්‍යාපනය අත්හැරියේ නැහැ. රාත්‍රී පන්තිවලට පවා සහභාගී වෙමින්, එක අතකින් දරුවා හදන ගමන් අනෙක් අතින් තමන්ගේ ඉගෙනීම් කටයුතු කරගෙන ගියා.

පාසල් ගමනෙන් පස්සේ මාසෙට ඩොලර් 190ක සුළු පඩියකට ටයිප් කරන රැකියාවක් කරන ගමන් ඇය රාත්‍රී පන්ති ගියා. පුංචි ජෙෆ්ව ඔඩොක්කුවේ තියාගෙනයි ඇය ඒ දුෂ්කර ගමන ගියේ.

පස්සේ කාලෙක ඇය "මයික් බේසෝස්" එක්ක විවාහ වෙනවා. මයික් ජෙෆ්ව තමන්ගේම පුතෙක් ලෙස නීත්‍යානුකූලව බාරගත්තා. ඒ වගේම මයික් ඔහුව ආදරයෙන් බලාගත්තු කෙනෙක්. එදා ඒ අම්මා තමන්ගේ ජීවිතේ ආපු කිසිම ප්‍රශ්නයක් ඉස්සරහා සැලුනේ නැහැ. පුතාට හොඳම දේ දෙන්න ඇය උපරිමයෙන් කැපවුණා.

අම්මා කෙනෙක් දුන්නු ඒ ශක්තියත් එක්ක හැදුණු ජෙෆ් බේසෝස්, අද වෙනකොට ලෝකයේ ධනවත්ම මිනිසුන් අතර පෙරමුණේම ඉන්නවා.

අද ලෝකයේම කතාබහට ලක්වෙන Amazon සමාගමේ ආරම්භය පිටුපස තියෙන්නේ මේ මවගේ අපරිමිත ධෛර්යය සහ කැපවීමයි. ❤️💪

ජීවිතේ ප්‍රශ්න, බාධක කියන්නේ වැටෙන්න හේතු නෙවෙයි. ඕනෑම අමාරු තත්ත්වයකදී වුණත් නොසැලී උත්සාහ කලොත්, දවසක මුළු ලෝකයම මවිත කරවන ප්‍රතිඵල ලබන්න පුළුවන් කියන එකට මේ අම්මයි පුතයි හොඳම උදාහරණයක්.

Desh - දේෂ්

26/06/2026

26/06/2026

24/06/2026

24/06/2026

24/06/2026

24/06/2026

23/06/2026

23/06/2026

22/06/2026

22/06/2026

Address

Website

Alerts

Shortcuts

Share