08/06/2025
දරුවා හම්බෙලා මට
ගියේ තුන් වරුවයි
කකියනා හදවතේ
දරු සෙනේ දැරුවයි
තන පුඩුව අල්ලගෙන
දරුවා කිරි ඉරුවයි
කිරි නෙවෙයි කඳුළු
මගෙ නොනැවතී පෙරුවයි
දවසෙ තුන් පාරටම
නැන්දම්මා ආවා
මගේ ඒ කාලේ කිරි
උතුරන්ට කීවා
කිරි මදිව මගෙ දරුවා
තව කඳුළු බීවා
පිටි කිරෙන් යන්තමට
උගේ කුස ආවා
ඇයට කිරි තිබුනාලූ
එකළ උතුරන්ට
මගෙ ඔලුව පිස්සුවෙන්
වගෙයි පුපුරන්ට
නැන්දම්මෙ නුඹට හැක
හෙනම් කිරි දෙන්ට
බිල්ඩිමේ උඩට නැග
මම ගියෙමි යන්ට
ඉසිපාලී in My Life Campus
(මනඃකල්පිත නිර්මාණයක් වූවත් පසු ප්රසව විශාදය යනු විහිළුවක් නොවේ. ඔබේ සම්පුර්ණ අවධානය , ආදරය, සෙනෙහස අලුත උපන් කිරිකැටියාට පමණක් යොමු කරලීම අතිශය අසාදාරණ වේ.. එම මොහොතේ ආදරය සැබෑවටම ලබාදිය යුත්තේ අලුත් අම්මා වෙතයි)
