K sanjeewa

23/01/2024

ලංකාවේ පොලිස් නිළධාරීන් බොහෝමයක් දෙනා සිතා සිටින්නේ තමන් ලැයිසන් චන්ඩීන් කියා ය. එම පොදු පොලිස් මානසිකත්වයට සමහර පොලිස්පතිවරුන් රාජකාරි කරන සමයන්හිදී තටු ලැබෙයි. සමහර චන්ඩි නියෝජ්‍ය පොලිස්පතිවරුන් චන්ඩි සහකාර පොලිස් අධිකාරීවරුන් යම් යම් ප්‍රදේශවලට එහි ප්‍රධානීන් සේ පත්වී පැමිණිවිට එම ප්‍රදේශයේ රාජකාරි කරන පොලිස් පොඩ්ඩන්ගේ අර මුලින් කී පොදු පොලිස් මානසිකත්වයට තටු ලැබෙයි. ඔවුන් ඊටපසු රඟන්නේ පාතාලයේ චන්ඩීන් වගේය. මෙම තත්ත්වයට ඕනෑ තරම් උදාහරණ සොයාගන්නට අමාරු නැත. සමහර ජනාධිපතිවරුන්ගේ කාලවලදීද පොලීසියේ මෙම හැසිරීම ඉස්මතුවෙන ආකාරය අප දැක ඇත. මහින්ද රාජපක්ෂ ජනාධිපතිවරයාගේ ධුර කාල දෙකේදී පොලිසියේ හැසිරීම සහ මෛත්‍රීපාල සිරිසේන ජනාධිපතිවරයාගේ ධුර කාලයේ පොලිස් නිළධාරීන්ගේ හැසිරීම අවශ්‍ය නම් උදාහරණ ලෙස සලකා බැලිය හැකිය.

මෙන්න මේ පසුබිමේ තබා මෙම හිසට වෙඩි තැබීම තේරුන් ගත යුතුය. දැන් මාසයකට ආසන්න කාලයක් රට තුළ ‘යුක්තිය’ නමින් පොලිස් මෙහෙයුමක් ක්‍රියාත්මක වෙයි. එම මෙහෙයුම ක්‍රියාත්මක වෙන්නේ මහජන ආරක්ෂාව භාර අමාත්‍ය ටිරාන් අලස් සහ වැඩ බලන පොලිස්පති දේශබන්දු තෙන්නකෝන් යන දෙදෙනාගේ මැදිහත්වීමෙන් ය. මෙම මෙහෙයුම පටන් ගත් පසු ප්‍රසිද්ධ මාධ්‍යට පැමිණ මේ දෙදෙනා කියමින් සිටින්නේ කුමක්ද?

ඔවුන් කියමින් සිටින්නේ තමන්ට මානවහිමිකම්, මානව අයිතිවාසිකම් අදාළ නැති බවයි. තමන් ඒවා පිළිගන්නට සූදානම් නැති බවයි. එසේ ප්‍රකාශ කරමින් ඔවුන් දිගින් දිගටම ප්‍රකාශ කළේ පොලීසියේ පහළ නිළධාරීන් වෙනුවෙන් තමන් සිටින බවය. එනිසා මෙම මෙහෙයුම සාර්ථක කරගැනීම වෙනුවෙන් ඔවුන් වෙහෙස විය යුතු බවය. එසේ කියමින් ඔවුන් පොලීසියේ පහළ නිළධාරීන් ‘යුක්තිය’ නමින් වූ යුද්ධයකට සූදානම් කර ඇත.

මෙන්න මේ නව තත්ත්වය තුළ මා පෙරකී පොදු පොලිස් මානසිකත්වයට නැවතත් තටු ලැබී ඇත. මේ හේතුව නිසා වර්තමානයේ සාධාරණය පතාගෙන පොලීසි වෙත යන සිවිල් පුද්ගලයන්ට නොයේක් අතවරයන්ට තාඩන පීඩනවලට ලක්වන්නට සිදුවී ඇත. මෙම නව තත්ත්වය තුළ බොහෝ පොලිස් ස්ථානවල ස්ථානාධිපතිවරුන් බොහෝ සේ සැරවී ඇත. ස්ථානාධිපති එසේ සැරවෙන විට පහළින්ම සිටින සැරයන් කෙසේ සැරවෙනු ඇතිද යන්න ඔබට අමුතුවෙන් පැහැදිලි කරන්නට අවශ්‍ය නැත.

වැඩබලන පොලිස්පති දේශබන්දු තෙන්නකෝන් සහ පොලීසිය භාර ඇමති ටිරාන් අලස් වර්තමානයේ පොලීසිය පත්කර ඇති තත්ත්වය මෙයයි. මෙයට සමාජයෙන් සහ අන්තර්ජාතිකව විශාල විරෝධයක් එල්ලවුණත්, ජනාධිපති රනිල් වික්‍රමසිංහ මහතාට තවමත් ඒ විරෝධය ගානක් නැත. සමහරවිට ඔහු එම විරෝධයේ හඬට සවන් දෙන්නේ නැතිව සිටිනවා වන්නට පුලුවන් ය. එයට හේතුව ඉදිරියේදී ජනාධිපතිවරණය සහ පාර්ලිමේන්තු මැතිවරණය පැමිණීම වන්නට පුලුවන් ය.
https://onetext.org/articles/sinhala/2024/01/23/9627

10/01/2024

පසුගියදා පොලිසියේ මැදිහත්වීමෙන් කඩාදැමුණු දෙහිවල පිහිටි සෝල් බීච් අවන්හල ආසන්නයේම පිහිටි හිටපු යුද්ධ හමුදාපති ශවේන්ද්‍ර සිල්වාට සම්බන්ධතා පවතීයැයි කියන ද ස්ටේෂන් සහ බරකුඩා යන අවන්හල් දෙක කඩාදමන්නේ කවදාදැයි එම ප්‍රදේශයේ ජනතාව ප්‍රශ්න කරති.

රාජ්‍ය අමාත්‍ය අරුන්දික ප්‍රනාන්දුගේ සහාය මත වෙරළ සංරක්ෂණ දෙපාර්තමේන්තුවේ නීත්‍යනුකූල අවසරය ලබා ඉදිකිරීම් සිදුකර දෙහිවල සහ වැල්ලවත්ත අතර මුහුදු වෙරළේ පවත්වාගෙන යමින් තිබුණ සෝල් බීච් හෝටලය ප්‍රධාන මත්ද්‍රව්‍ය ජාවාරම්කරුවකු වන ශිරාන් බාසික්ට අයත් බවට සැකකෙරෙන අවන්හලක් බව මාධ්‍ය හරහා ප්‍රකාශ කරමින්, යුක්තිය මෙහෙයුම මගින් එම කඩා දැමීම සිදුකරන බව හඟවමිනි.

ජනවාරි 01 වෙනිදා උදෑසන පොලීසියේ මැදිහත්වීමෙන් එම හෝටලය කඩා දමනු ලැබූ අතර එහිදී නැඟුණ ප්‍රශ්න හමුවේ පොලීසිය ප්‍රකාශ කළේ අනවසර ඉදිකිරීමක් නිසා වෙරළ සංරක්ෂණ දෙපාර්තමේන්තුව එම අවන්හල ඉවත් කරන්නට කටයුතු කළ බවත් පොලීසිය සිදුකළේ ඒ සඳහා ආරක්ෂාව ලබාදීම පමණක් බවත්ය.

එම අවන්හල අනවසර එකක් වනවා නම් ඊට සමානම ආකාරයට ඉදිකර තිබෙන හිටපු හමුදාපති ශවේන්ද්‍ර සිල්වා හට සම්බන්ධතා තිබෙන ද ස්ටේෂන් සහ බරකුඩා යන අවන්හල් දෙක ද එම වෙරළ තීරයේ පිහිටි අනෙකුත් අවන්හල් ද කඩාබිඳ දැමිය යුතු බව ප්‍රදේශවාසීන්ගේ මතයයි.

කඩාදමන ලද අවන්හලේ හිමිකරුවන් පසුගිය දා එම අවන්හල් භූමියේ මාධ්‍ය හමුවක් තබමින් මේ පිළිබඳව අදහස් දැක්වූ අතර එහිදී මෙහි එක් හිමිකරුවෙකු වන සම්පත් අත්තටගේ ප්‍රකාශ කළේ තම අවන්හලට ආසන්නයේ තිබෙන උසස් හමුදා නිලධාරියෙකුට අයත් අවන්හල් දෙකකට තම අවන්හල නිසා පාඩු සිදුවී ඇති බවය. එනිසා ඔහු තම බලය භාවිත කර පොලීසිය සහ වෙරළ ආරක්ෂක දෙපාර්තමේන්තුව මේ සඳහා මෙහෙයවා ඇති බවය.

තමන් 31දා රාත්‍රියේ විශාල සංගීත ප්‍රසංගයක් තම අවන්හල් භූමියේ සංවිධානය කළ බවද විශාල පොලිස් හා හමුදා සේනාවක් දමා එය නතර කළත් අනෙකුත් අවන්හල් සියල්ලේ පැවති සංගීත ප්‍රසංගවලට කිසිදු බාධාවක් පොලීසිය නොකළ බවද එහිදී ඔහු වැඩිදුරටත් ප්‍රකාශ කළේය. නීත්‍යනුකූලව විදුලිය, ජලය සහ දූරකථන පහසුකම් මෙන්ම දෙහිවල ගල්කිස්ස නගර සභාවෙන් වෙළඳ බලපත්‍රයද රැගෙන තම ව්‍යාපාරය කරගෙන ගිය බවත් අනවසර ඉදිකිරීමක් නම් ඒවා ලබාදුන්නේ කෙසේදැයි ඔහු මෙහිදී ප්‍රශ්න කළේය.

මෙම මාධ්‍ය හමුවේදී අදහස් දැක්වූ එම අවන්හලේ අධ්‍යක්ෂවරයකු සහ ආයෝජකයකු වන මොහොමඩ් රිෆා මෙසේ ප්‍රකාශ කළේය.
‘දේශබන්දු මහත්තයා, වව්නියාවේ ඉන්නකොට මගේ මස්සිනා ඔයාට කොච්චර උදව් කළාද? ඒ ඉඳලා ඔයා පෑලියගොඩට ආවම ඔයා දානෙ දෙන ගෙවල්වලට මම කොච්චර බත් පාර්සල් දීලා ඇතිද? කොරෝනා කාලේ පළවෙනි කොරෝනා දවසේ ඉඳලා නිරෝධායනය වුණ ඔයාලගේ 205 දෙනෙක්ට මම මාසෙකට බඩු ඔක්කොම දෙනකොට සර්ට පෙනුණේ නැද්ද? ඒ අවුරුද්දෙම ජනවාරි මාසේම ඔයාගේ නිලධාරීන්ට මගේ එෆ්ඩී දාල තිබුණ එකෙන් එන පොලී සල්ලි තමයි මම දීලා තිබුණේ. ඔයාගේ කඳුළ කියන වැඩසටහනට අපි ලක්ෂ 25ක් වියදම් කළේ නැද්ද? මගේ නම, අපේ පවුල, ඔක්කොම කැත කළේ ඔයා. මේ කරපු වැඩේ හරිද? ඔයගොල්ලන්ට සන්තෝසයිද? මේ වගේ කරලා අපිව නැති කරපු එක සන්තෝසයිද?’

මෙහිදී ඔවුන් ප්‍රකාශ කළේ කරුණු 8කට අදාළව නිසි අවසරය ගෙන ඉදිකළ මෙම අවන්හල කඩාබිඳ දැමූ අයට විරුද්ධව නීතිය ක්‍රියාත්මක විය යුතු බවය. එම විනාශයට අදාළව සහ කුඩු බිස්නස් කරනවා යැයි ප්‍රචාරය කර තමන්ගේ නම කැත කිරීමට අදාළවද වන්දි ලැබිය යුතු බව ඔවුන් එහිදී අවධාරණය කළේය.
www.aindda.lk

19/05/2023

09/05/2023

Celebrating my 1st year on Facebook. Thank you for your continuing support. I could never have made it without you. 🙏🤗🎉

13/03/2023

කුරුඳු පොලු බලකාය සීරුවේන් සිටින්..

11/03/2023

හැර දා යාමක් අස්සේ විශ්වීය ආදරයක් තියෙන්න බැරිද?

මේ පොඩි එකා දැක්කාම මටනම් දුකක් දැනුනේ නෑ ඒ නිදාගෙන ඉන්න සුවබර විදිහ දැක්කාම මාර ආදරයක් හිතුනේ. ගෙදර ගෙනල්ලා හදාගන්න ඇත්නම් කියලා හිතුනා. ඒතරම් ලස්සනයි. මට වළාකුළු උඩ සැහැල්ලුවෙන් අඩි තිය තිය ඇවිදින පොඩි එකෙක් තමයි පෙනෙන්නේ. ඒ නිදාගෙන හිටපු විදිහෙන් මම කියෝ ගත්තා ඒ අම්මා මේ පොඩි එකාට කොච්චර ආදරේද කියලා. ඒ ආදරේ ඒ අවකාශයේ පාවෙමින් තිබුණා. තවමත් ඇති. ඒ ආදරේ නිසාම වෙන්න ඇති එහෙම නින්දක සතපවලා, නිල් ඕවිල්ලක තියලා, අලුත් ලෝකෙකට ඒ පොඩ්ඩා පාකලේ.

ඒත් ඉතිං මේක ලෝකේ හැම එකෙන්ම පරිපූර්ණ රට නිසා හැම එකෙන්ම පරිපූර්ණත්වයට පත්වුණ මිනිස්සු ඉන්න රට නිසා උන්ට මේ දමා යෑම මාර ප්‍රශ්නයක් වුණා. බුකිය පුරා කවි ගී සිංදු ලියවුණා. අර අම්මගේ ආදරේ අඳුරගන්න එකෙක්ටවත් බැරිවුණා. අලුත් ලස්සන ලෝකෙකට ඇරිලා තිබුණ දොර මුන් සේරම එකතුවෙලා බරකළු ගලක් තියලා වහලා දැම්මා.

මගේ අම්මා මට දවසක් කියනවා මෙහෙම ' මම උබව දෙපාරක් කළු ගඟට වීසි කරන්න හැදුවා ඒත් මට ඒක කරගන්න හිත හයිය කරගන්න බැරිවුණා' එහෙම කියලා එදා අම්මා හොඳටම ඇඬුවා, මට ඒක මතක් උනා මේ පොඩ්ඩගේ මේ පොටෝ එක දැක්කාම. මගේ අම්මා මාව එහෙම වීසිකරලා කරන්න හැදුවෙත් මාව වෙනත් ලෝකෙකට පාකරන එක මිසක් වෙන දෙයක් නෙවෙයි. තාත්තෙක් නැති දරුවෙක් කියන්නේ ඒ දරුවා වදපු ගෑනිට වඩා ඒ දරුවට ප්‍රශ්නයක් වෙන රටක් මේක. එහෙම දරුවන්ට විඳින්න වෙන අපාගැහැට ගැන අම්මට අදහසක් තිබෙන්න ඇති. එහෙම ලෝකෙක දුක් විඳිනවාට වඩා ඒ දුකින් මාව මුදවන එක හොඳයි කියලා ඇය මොහොතකට හිතුවා වෙන්න පුලුවන්. මරාදාන එක හොඳයි කියලා අම්මට හිතෙන්න ඇත්තේ ඒකයි. මට හිතෙන්නේ ඒ සිතුවිල්ල අස්සෙත් තියෙන්නේ අසීමිත ආදරය...

මේ හැරදමා යාම අස්සෙත් තියෙන්නේ අසීමිත ආදරය. වෙන දෙයක් නෙවෙයි. මේ හැරදමා යෑමෙන් කවදාවත් ඒ කාන්තාවට අම්මට අලුත් ලෝකයක් ලැබෙන්නේ නෑ. මම දන්නවා ඇය මැරි මැරී තමයි ඊටපස්සේ ජීවත් වෙන්නේ. අපේ අම්මා එදා එහෙම හිතපු එක ගැන, ඒකට උත්සාහ කරපු එක ගැන තවමත් දුක් වෙනවා. සමහර වෙලාවට ඇය අයගේ අවසන් නිමේශයෙත් ඒ ගැන මතක් කරාවි. සිහි කැඳවා ගනීවි. මේ ගැහැණියත් එහෙම තමයි.

මේ හැරදමා යාම අස්සේ ඇයට හිමි මරණය විතරයි.. ඇත්තටම එදා ඇය කෝච්චියෙන් බැහැලා යන්නේ මැරි මැරී ඉපදෙන ගැහැණියක් විදිහට. සදාකාලික වේදනාවේ නිම්නයට තමයි ඇය කෝච්චියෙන් බැස්සේ. ඒත් ඇය ඒ මරණය අස්සේ තමන්ගේ කුසෙන් උපද්දපු මේ පොඩ්ඩට අලුත් ජීවිතයක් පෙන්වනවා. පොඩ්ඩට තියෙන්නේ අලුත් ලෝකෙක අලුත් ජීවිතේක ඇහැ අරින්න විතරයි. ඒ තරම් සුව නින්දක සතපවන ගමන් ඇය ඔහුගේ කනට ඒක මුමුනන්න ඇති...

ඒත් දැන් අවසානයේ මොකද වුණේ? මේක තමයි ලංකාව. මේක තමයි ලංකාවේ අවුල. අපිට තවම හිතාගන්න බෑ අපි සේපියන්ලා කියලා. අපිට වරදිනවා කියලා අපි දන්නේ නෑ. අපි අසම්පූර්ණයි කියලා අපි දන්නේ නෑ. අපි හිතාගෙන ඉන්නේ මිනිස්සුන්ට වරදිනවා කියලා දෙයක් වෙන්න බෑ කියලා. හැමදේකටම පරිපූර්ණ අවසානයක් තියෙන්න ඕනී කියලා තමයි අපි හිතන්නේ.

ගෑනු බඩ වෙන එකයි පාන් රොස් වෙන එකයි දෙකම වෙන්නේ එකම හේතුව නිසා කියලා අපි හක හක ගාලා හිනාවෙනවා. ප්‍රොස්ටිනෝ බීවත් දසම ගානකින් වරදින්න පුලුවන්. ළමෙක් හදන්න හිතලා සැළසුම් කරලා සමන්තිගෙන් නමකුත් අරගෙන දරුවා බඩට ආවට පස්සේ අපොයි බෑ දෙවියනේ කියලා හිතෙන්නත් පුලුවන්.. මේ ලෝකේ කියන්නේ වියහැකියාවන් ගොඩක එකතුවට..!.

19/02/2023

ගල උඩ මාළුව..!

අපි ජීවිතේ වැඩි හරියක් බඩ ගින්න නිවාගන්න කාපු කෑමක් තමයි මේ. අපි ගල උඩ මාළුව කියලා මේකට කිව්වේ ආදරේට. මොනාද අම්මේ අද හැදුවේ? කැකුළු බතුයි ගල උඩ මාළුවයි. ගොඩක් උදෑහනවල් ගෙවුනේ ගල උඩ මාළුවේ රස කහට දිවේ දවටලා. සපරගමුවේ මාළුව කියලා කියන්නේ ව්‍යාංජනයට. නැත්තං හොද්දට. ඉතිං මේකනම් හොද්දක් නෙවෙයි. පොල් සම්බෝලය කිව්වාම හැවෝම මේක අඳුරනවා. පොල් සම්බෝල කාපු නැති එකෙක් ලංකාවෙ ඉන්නවා කියලා මම නම් හිතන්නේ නෑ. මේකත් කේරළයෙන් ආපු කෑමක්ද කියන්න නම් මට තේරෙන්නේ නෑ ඒත් මේක අපේ ජීවිතයත් එක්ක ඇලුන රසක්. අද වෙනකොට මේ කෑම ගුණෙන් අනූනයි කියලා දොස්තරලා පෝෂණවේදියෝ කියනවා. බත් චුට්ටකුයි ගල උඩ මාළුව ගොඩකුයි එක වේලකට හැම අතින්ම සෑහෙනවා. බඩ අඩු කරනවා. කය ශක්තිමත් කරනවා. ඒක තමයි මේකේ ගුණේ.

ඉස්සර ගෙදරක මිරිස් ගලක් වරදින්නේ නෑ ඒකට ප්‍රධාන හේතුව වෙන්න ඇත්තේ තුනපහා කුඩු මිරිස් කුඩු එන්න කලින් මේ අඩුම කුඩුම අඹරලා තමයි ගත්තේ. පස්ස පස්සට දාලා ලතාවකට අඹරනකොට සම්බෝල වගේ ම රසයි.. කාන්තාවක් මිරිස් අඹරණවා බලන් ඉන්නකොටත් අපේ හිතත් ඇඹරිලාම යනවා. මේක ඉතිං පුරුෂ ආධිපත්‍ය කියලා කියන්න එපා. දැනුත් ඉතිං අඹර අඹර ඇවිදින නිදන ලස්සන කාන්තාවෝ එමට.

හරි මේකයි ගල උඩ කතාව. ගල උඩ සටන වගේ තමයි මේකත්. මුලින්ම ගල උඩට දාගන්නේ ටිකක් කළින් ලුණු පොල්කට්ටේ ඔබලා තිබ්බ රතු වේලිච්ච මිරිස් කරල් පොකුර. මේක උඩට ලුණු කැට ටිකක් දාගත්තාම නියමෙට පදමට මිරිස් කරල් ටික ඇඹරෙනවා. ගල ඉතිං කරකවන විදිහ ලියන්න ඕනී නෑනේ. හරි මුලින්ම මිරිස් ලුණු ඊළඟට මේක උඩින් තියාගන්නවා උම්බලකඩ ඒකත් ගලේ කොනක් උස්සලා ගහලා පොඩි පට්ටම් කරගන්න ඕනී මුලින්. ඒක ඔය කාන්තාවෝ දන්නවා පැත්තකින් තියාගෙන තාලෙට ගසාගන්න. ඊටපස්සේ අර මිරිස් ගුලියටම තියලා අඹරගන්නවා. ඊළඟට මේකට රතුළූණු හොඳට තියාගෙන චුරු චුරුස් ගාලා ජූසි එළියට වීසිවෙන විදිහට අඹරගන්නවා. ඊළඟට තමයි පුතෝ ගාගත්ත පොල් එකතුකරගන්නේ. පොල් රැහැන් ටිකක් ලොකුවට ඒකියන්නේ කේන්තියට වගේ පොලේ ගාගෙන තිබුණනම් බොලේ සම්බෝලේ එල වෙනවා. සමහරු ආස සිහිනියට. එහෙම ඈයන්ට එහෙම. මෙහෙම ඈයන්ට මෙහෙම. ඊළඟට පදමට ඇඹරුණාට පස්සේ මැටිකෝප්පෙකට මේක බාගත කරගෙන දෙහි සාරු සරුවට දාගෙන ඇගිලි අස්සෙන් චර චර ව එළියට එන විදිහට සම්බෝලේ සම්බාහනය කරගන්න ඕනී. ඔන්න ඕක තමයි සම්බෝලයේ නැත්තං ගල උඩ මාළුවේ මූලික ස්වරය. ඊළඟට ඉතිං අපිට ගම්මිරිස් සුදුළූණු අඹරන්න පුලුවන්. එතකොට ගල උඩ මාළුව තව රස වෙනවා. අපි වියලි රතු මිරිස් දානකොට කරල් පහා හයක් ලිබ්බොක්කේ දාලා ගන්න. අරන් අඹරගන්න එතකොට සම්බෝලෙ වෙන රහක්. ඊළඟට ඔයාට පුලුවන් ගෙදර සූඩයෙක් ඉන්නවානම් ලිබ්බොක්කේ ඔබන්න ඔබලා පුච්චලා අරං ඒක උඩ දෙහි ජූසි අතුරන්න. ඊළඟට ඉතිං සූඩයා ගල උඩ තියලා අවුම් ගලෙන් පාරක් දෙකක් ආදරෙන් ගහලා හදාගන්න පුලුවන්. එහෙම ගහලා අරකත් එක්ක අඹරගත්තාම පොල් සම්බෝලේ නැත්තං ගල උඩ මාළුව තවත් වෙනස්ම රසක් අපිට දෙනවා.

ඊළඟට මිරිස් අඹරනකොට ඔයාට පුලුවන් කොළට කොළේ නැවුම් කරපිංචා ඉති ටිකක් අඹරගන්න. ඔන්න එතකොට ගල උඩ මාළුව තවත් රසක් ගන්නවා. ඊළඟට මේ ඇඹරිල්ල කරනකොට ගල උඩට අබ ටිකක් හලා ගන්න. ඒක චිරි චිරියේ ඇඹරෙනකොට තවත් රසක්. මේ සේරම ස්වර එකතුකරලා සිම්පනියක් හදන්නත් පුලුවන්. එතකොට ඒක අමාරස.

ඊළඟට සම්බෝලේ අඹරලා අරගෙන කරන පොඩි පොඩි සාත්තු නිසත් මේකේ රස වෙනස් වෙනවා. දෙහි දාන විදිහත් එකක්. ඔයාට පුලුවන් දෙහි ගෙඩිය අලුපල්ලේ දාලා පුච්චගෙන ජූසි හලාගන්න. එතකොට ඉතිං තවත් රසක්. ඊළඟට කොළ මිරිස් චූටියට සූපින්ව කපාගෙන ඒ අහුරක් සම්බෝලෙට එකතුකරගෙන සම්බාහනය කරගන්නත් පුලුවන්. ඒක වෙන රහස් ලස්සන පෙනුමක්. ඊළඟට ඉතිං මේකට ලොකු ළූනු රවුමට කපාගෙන සම්බෝල කරගන්න පුලුවන් එතකොට තවත් රහස් සුදූ. ඊළඟට මිරිස් කොළ ටිකක් කර කරේට බැදලා ඒක මික්ස් කරගෙන බොන්සාලේ සාලේ ඉඳගෙන කාලා බලන්නකෝ.

ඊළඟට සම්බෝලෙ මෙහෙම අඹරගෙන ඒකට තව වතුර සුගක් දාගෙන මේක ලිපේ තියන්න. ලිපේ තියලා ඒකට හාල්මැස්සෝ යහමින් දාගන්න. ආ තව සියඹලා සුදුළූණු එහෙමත් එකතුකරගෙන තම්බගන්න ඕනී. හොද්දක් හින්දවගන්නවා වගේ. මේක ගල උඩ මාළුවේ හොදි වර්ෂනය. සුදු බත් මරන්න නම් මීටවඩා බොන්සාලයක් තවත් නෑ.

ඊළඟට ඉතිං අපි හදනවා සුදු සම්බෝලේ කියලා එකක්. ඒ හදන්න ගන්නේ නයි කොච්චි. අර විදිහටම තමයි වැඩේ යන්නේ. රතු මිරිස් වෙනුවට අමු කොළ නයි කොච්චියා වැඩේට එන්ටර් වෙනවා. හොඳට උම්බලකඩ හොඳට රතුළූණු ඇඹරුනාම ගැවුන ගැවුන තැන කන්න පුලුවන්. අපි රොටී කන්න පාන් කන්න මඤ්ඤොක්කා කන්න ටකස් බකස් ගාලා අපි ඉතිං හදාගන්නේ මේ සුදු සම්බෝලේ.

ඊළඟට අපි හදනවා කළු සම්බෝලේ කියලා එකක්. ඒක නම් ඉතිං අමෘත රස තමයි දෙන්නේ. උණ හැදුනාම උගුර බැරැන්ඩි උනාම සෙම්ගෙඩි ආවාම කන්න අප්පිරියා උනාම අම්මා මේක හදන්න අමතක කරන්නේ නෑ. මේකට පොල් ගාලා නෙවෙයි ගන්නේ. පොල් උදුරලා තමයි ගන්නේ. උදුරලා අරගෙන පොල් පුච්ච ගන්න ඕනී. පොල් පොත්ත හොඳට කළු වෙන්න ඕනී ඇතුල සුදු පාටට හිනාවෙන්න ඕනී. අගුරු ටික පිහියෙන් හූරලා ගල උඩ තියලා ගලෙන් ඇනගෙන ඇනගෙන යන්න ඕනී. ජූසි සුදුවට එළියට පැන්නට පස්සේ ඒක උඩ ඔය අනෙක් සේරම අඩුම කුඩුම අඹරගන්න ඕනී. විශේෂයෙන් වැඩියෙන් ගම්මිරිස් නයි කොච්චි සුදුළූණු එකතු කරගෙන අඹරගන්න ඕනී. ආ කියන්න අමතක උනානෙ අපි මේකට රතුළූණු දාන්නේ නෑ. සුදුළූණු තමයි ඒ වෙනුවට අඹරන්නේ. ඊළඟට කරපිංචා යහමින් දෙහි යහමින් දාගන්න ඕනී. පුලුවන්නම් උම්බලකඩ හරි සූඩයෙක් පුච්චගෙන මේකට දාගන්න. දාගෙන අඹරගන්න එතකොට තවත් රසයි.

ඕක තමයි ඉතිං බොන්සාලේ රස සාලේ... කතාව හොඳ සැරට සම්බෝලයක් හදාගෙන රොටියක් පුච්චගෙන කහට කෝප්පෙකුත් වක්කරගෙන මේක කියවන්න...!

-කේ.සංජීව-

17/02/2023

අපි මේ වෙනකොට ජාතියක් විදිහටම IMF එක දිහා කට බලියන් බලාගෙන ඉන්නවා. හරියට දියසෙන් එනකම් බලන් හිටියා වගේ. ඒ අස්සේ ඉන්දියාවේ මාධ්‍ය වාර්තා කරනවා චීනයේ ඇල්මැරුණ ප්‍රතිපත්තිය නිසා IMF ලෝන් එක තවත් කල් යන්න පුලුවන් ඒනිසාම ලංකාව තවත් කඩාගෙන වැටෙන්න පුලුවන් කියලා.

අපි කවුරු කැමතිවුනත් අකමැති වුණත් මේක ලෙබනනය සුඩානය ටියුනිෂාව වගේ පැත්තකට ගමන් කිරීමේ අනතරක් තිබෙනවා. එවැනි මොහොතක ජනමතය සහ එහි දිශානතිය ඉතාමත් වැදගත්. ජනමතය කියන්නේ නිශ්පාදනය කරන්න පුලුවන් දෙයක්. මේ රට හදන්න මේ රට මේ ආගාධයෙන් ගොඩගන්න අවශ්‍ය දැනුම ශක්තිය අපි නව ජනමතයක් ගොඩනැගීම හරහා ලබාගත යුතුයි. ඒ වෙනුවෙන් අපේ මැදිහත්වීම තමයි මේ.. අහන්න සංවාදගත වෙන්න.


aithiya - Human Rights News https://www.aithiya.lk/

Aithiya Media - YouTube https://m.youtube.com/
මෙම වෙබ් අවකාශයට සහ යූ ටියුබ් අවකාශයට ඔබ ආවොත් මේවගේ සාකච්ඡා ලිපි වාර්තා චිත්‍රපටි පරිශීලනය කළ හැකියි..

15/02/2023

යම - ෂාෆ්ටර් සම්මුඛ පරීක්ෂණය ..!!

යමරජ්ජුරුවෝ - ඈ බොල ෂෑෆ්ටර් කොළුවෝ උබ මැරෙන්න කළින් සෝටීස් ගිල්ලේ මක්කෙයි?

ෂාෆ්ටර් - අනේ සර් මම හිතුවා මෙහේ ආපු ගමන් සර් මගේ බණ්ඩියට ටොක් ටොක් ගාලා අනී කියලා. අනික මට ගෑස්ටික් තියෙනවානේ. මෙහේ එනකොටම ගෑස් ඉස්මොල්ලෙට ගහලා තිබ්බොත් ඔබතුමාගේ සම්මුඛ පරීක්ෂණයෙන් මම පේල් වෙයි කියලා හිතුවා.

යම - ඈ වේසීගෙ පුතෝ තෝ සයනයිට් ගිලලා බෙල්ල ඇන්ටනා වයර් එකකින් ඔතාගත්තේ මක්කෙයි.

ෂාෆ් - අපේ රත්තරං වැඩකොරන බාසගේ සයිලන්ට් මට සුවර් උනේ නෑ නොවෑ සර්

යම - තොගේ කතාවනම් ඇත්ත තමයි තෝ සයනට් කලාත් සෑහෙන්න වෙලාවක් ජීවත් වෙලානෙව. ඒකියන්නේ තොට සයනයිට් කියලා බිබික්කම්ද කොහේද දීලා තියෙන්නේ. කෝ පෙන්නපන් තොගේ කට.. කෝ තුවාල වෙලත් නෑ. ඉස්සරනම් තොපේ රටෙන් ආපු ගොඩක් එවුන්ගේ කටවල් කැපිලා තිබුණේ..

ෂාෆ් - සර් මම කෑවේ නෑ රෝල්ස් එකක් අස්සට දාලා ගිල්ලා.

යම - ඒකනෙවෙයි තෝ පුදුම සුඛන්නෙක් නේ, බොල තොගේ ගෙදර තවම ඇන්ටනා වයර් ටීවී එකක්ද පාවිච්චි කරන්නේ? මමත් දැන් පාවිච්චි කරන්නේ ඩිස් ටීවීනෙව. තෝ නෙට්ෆික්ස් එහෙම බලලම නැද්ද?

තව කොටසක් තව දවසක...!

- කේ. සංජීව -