Confrérie du Palmberg

Accueil
Luxembourg
Luxembourg
Confrérie du Palmberg

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Confrérie du Palmberg, Vignoble, 15, Rue de la résitance, Luxembourg.

06/08/2026

🍷 Den Héichpunkt vun eisem zweeten Dag? Ganz kloer: de Besuch beim Weingut Franz Keller.

No engem gemittleche Mëttegiessen um Schlossberg si mir op Oberbergen gefuer. Do huet eis eng Wäinprouf erwaart, déi keng Wënsch opgelooss huet.

Vum elegante Blanc de Blancs iwwer ausdrocksstaark Wäissburgunder a Chardonnay bis bei de Spätburgunder Schlossberg hu mir eis duerch d’Philosophie vum Weingut geschmaacht. Dobäi gouf et net nëmmen exzellent Wäiner, mee och vill spannend Erklärungen iwwer d’Lagen, d’Aarbecht am Wéngert an d’Iddi hannert all Fläsch.

Genee esou stelle mir eis eng Confrérie-Rees vir: nei Regiounen entdecken, vu passionéierte Wënzer léieren an zesummen flott Momenter erliewen.

E grousse Merci un d’Team vum Weingut Franz Keller fir de häerzlechen Empfang an dës onvergiesslech Degustatioun! 🥂🍇

06/08/2026

☀️ Éischten Arrêt vum Dag 2 vun eiser Rees: Mat der Schlossbergbunn erop op de Schlossberg. Bei beschtem Wieder hu mir Freiburg mol vun uewen entdeckt. An dobäi och nach mat enger fantastescher Vue gemittlech Mëtteg giess. E perfekte Start an en Dag, dee nach vill fir eis bereet hat. 🍷⛰️

05/08/2026

Wann en Dag esou ophält, da kann deen nächsten eigentlech nëmme gutt ginn. 😉🥂

Mat engem flotte Menü, engem Glas Champagne fir unzefänken, exzellente Wäiner a vill gudder Laun hu mir den Owend am Hotel Colombi zu Freiburg richteg genoss.

Awer dat Bescht war net nëmmen dat, wat um Teller oder am Glas war. Et waren déi flott Gespréicher, d’Laachen an dat gemittlecht Zesummesinn, déi dësen Owend esou besonnesch gemaach hunn. Genee esou Momenter maachen eis Reesen als Confrérie aus.

Op dësen éischten Dag hu mir gär nach eng Kéier ugestouss. Elo si mir gespaant, wat eis nach alles erwaart. 🍷✨

04/08/2026

🍷 Eis Rees leeft!

Den éischte Stopp vun eiser Confrérie-Rees huet eis op Ihringen bei d’Winzergenossenschaft um Kaiserstuhl gefouert.

No enger interessanter Féierung duerch de Betrib an de Keller hu mir natierlech och dat gemaach, wat zu esou engem Besuch einfach derbäi gehéiert: déi verschidde Wäiner verkost. 🥂🍇

Et war flott, méi iwwert d’Regioun, d’Aarbecht am Wéngert an d’Philosophie hannert de Wäiner ze gewuer ze ginn.

E grousse Merci fir déi häerzlech Begréissung an déi flott Stonnen. Sou däerf eng Confrérie-Rees gär ufänken! 😊🍷 Kaiserstühler Winzer Ihringen

Mir si gespaant op dat, wat nach virun eis läit.

14/06/2026

E Freideg hu mir eist traditionellt Summerchapitre im Restaurant Mathes Ahn gefeiert – a wéi et sech gehéiert, mat gudder Stëmmung, flotte Gespréicher an enger gudder Portioun Gesellegkeet. 😊🍷

Besonnesch gefreet hu mir eis, véier nei Confrères an eise Reien begréissen ze dierfen. Mir soen hinnen häerzlech wëllkomm a freeën eis op vill flott Momenter zesummen!

Natierlech duerften och e leckere Buffet an déi passend, schmaachhaft Wäiner net feelen. Kuerz gesot: eng gelongen Owend, bei deem Traditioun, Frëndschaft a Genoss Hand an Hand gaange sinn. 🥂

Op déi nächst schéin Begéinungen! 🍇✨

25/12/2025

🎄 Schéi Chrëschtdeeg! ✨

Mir wënschen Iech all schéi Chrëschtdeeg, roueg a gemittlech Momenter am Krees vun Ärer Famill,
an e gudde Rutsch an dat neit Joer – mat Gesondheet, Freed a villen schéinen Amenter.

13/12/2025

Unser traditionelles „Wanterchapiter“

11/11/2025

🌳 – De neie Brudder vum Palmberg 🌿

Nom Éiner Wënzerdag ass elo och fir eis d’Zäit komm, d’Schëpp an d’Hand ze huelen! 💪
Eise Bam steet – an dat net just esou: hien ass offiziell an d’Confrérie Palmberg opgeholl ginn! 🍇🎩

Natierlech huet de Neien d’Initiatioun mat Bravour gepackt – e bësse Äerd, e bëssen Schweess, an zum Schluss e gudde Schlupp vum Palmberg selwer. 🍷😉

E grousse Merci un d’Éiner Wënzerdag fir d’Nominatioun – an elo ginn d’Stafelen (oder éischter d’Schëpp) weider: mir nominéieren Confrérie St. Cunibert an Institut Viti-Vinicol (Martine Kohll an Serge Fischer).

A wann dir de Bam net rechtzäiteg an d’Äerd kritt, da wësse mir schonn, wéi mir dat kompenséiere kënnen – mat engem flotten Iessen an engem Crémant op ären Deckel! 🍾😋

🌳✨

31/07/2025

Hei war déi lescht Etapp vun eiser Champagnerees 🍾✨

Am “Le Comptoir de la Licorne” zu Châlons hu mir net just gutt giess – mee och nach eng flott Degustatioun vun dräi ausgewielte Champagner genoss. Gefouert gouf d’Verkostung vun eisem Confrère Hubert, Sekretär vun der Confrérie, deen eis mat sengem Charme duerch d’Champagnerwelt begleet huet.

Eng schéi Ofschlossstatioun fir eng gelonge Rees! 🥂

Adresse

15, Rue De La Résitance
Luxembourg
5401

Site Web

http://www.confreriepalmberg.lu/

Notifications

Soyez le premier à savoir et laissez-nous vous envoyer un courriel lorsque Confrérie du Palmberg publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.