18/06/2024
السلام عليكم 💕
حابه نقوللكم كلام طالع من قلبي و رسالتي بنوجها لي اي بنت تقرى في البوست و حابه تبدا مشروعها 💕
اول شي مش ضروري انك تخدمي معنها انتي محتاجه او فيك شي لا بلعكس الخدمة تخليك مستقله ماديا ونفسيا ومعنويا فكري بينك وبين روحك انتي شن يلي ناجحه فيه شن يلي تعرفي تخدميه ومستعده تبدعي فيه توكلي على ربي وابدي وربي كل واحد كاتبله رزقته انتي عليك انك تسعي وراء الرزق يلي كاتبهولك ربي وديرو في بالكم بداية الغيث قطره وفيه هلباا يبو يخدمو وخايفين من نظرة الناس وخايفين من البدايه بالنسبه ليا البدايه كانت صاعبه عليا و خسرت فيها وتعبت فيها للامانه بس قعدت نسعى و مافقدتش الامل ف نجاحي وبفضل الله و الحمدالله تيسرت من عند ربي🥺💕
دير ف بالك لما انتي ناويه تخدمي عمرك ماتفكري في نظرة الناس ليك فكري ف نفسك فقط طالما انك مش دايره شي حرام مادوري حد ولما توصلي لي مرحلة كبيره في خدمتك وتبدي فخوره بيها كلهم يتمنو انهم يكونو مكانك وفي النهايه الحاجة مش حتجيك فجاءة وانتِ مقعمزه كله حياخد تعب وجهد بس في النهايه حتكوني فرحانه بالشئ اللي انتِ انجزتيه في حياتك🥺💕 .
