13/09/2026
هلبا بنات يسألوني:
«دكتورة، ندير ديرمابن توا ولا مزال؟» 🤍
بنات، الديرمابن نقدروا نديروها في أي وقت، مش شرط شتي أو صيف 🌸
الفكرة مش في الفصل، الفكرة في شن وضعك بعد الجلسة؟ 👇🏻
يعني سوا شتي أو صيف، مع الالتزام بالروتين والتعليمات المعينة بعد الجلسة، نقدروا نديروها ونمشيوا في علاجنا عادي.
لكن فيه فرق بين وحدة ووحدة:
👩🏻💻 لو خدمتك مكتبية، وما تطلعيش هلبا في النهار ولا تتعرضي للشمس، الوضع حيكون أسهل عليك.
☀️ أما لو خدمتك أغلبها تحت الشمس، هني نقولك اصبري شوية لين تزيد تشتي الدنيا، لأن حتى مع التعليمات، التعرض للشمس بعد الجلسة حيكون صعب عليك.
يعني مش معناها الديرمابن ممنوعة في الصيف ❌
لكن معناها نختاروا الوقت اللي يناسب روتينك ونمط حياتك.
الخلاصة:
الديرمابن نقدروا نديروها توا، ونقدروا نديروها في الشتي
المهم الالتزام بتعليمات ما بعد الجلسة، وحماية البشرة من الشمس 🤍
وبنات، ما تخلوش حرقه الصيف وصهدته يأخروكم عن العناية ببشرتكم 🌸
🌸د.مروه البقار 🌸
للحجز : 0912359851
