15/02/2026
🤱 RENY AVY NATAO CÉSARIENNE : Nahoana no be rivotra ny kibo?
Rehefa avy natao opération césarienne dia maro ny reny no mitaraina hoe: “Be rivotra be ny kiboko”
“Mibontsina sady manaintaina”
“Tsy mety mivoaka ny gaz”
⚠️ Aza matahotra, MAHAZATRA io aorian’ny fandidiana.
🔎 Fa maninona no mitranga izany?
✔️ Rehefa nosokafana ny kibo nandritra ny fandidiana dia lasa miadana ny fiasan'ny tsinay.
✔️ Ny fanafody nampatoriana na nampanalefaka fanaintainana dia mampiadana ny fandevonan-kanina.
✔️ Tsy afaka mihetsika firy ianao andro voalohany, ka mitangorona ao anatiny ny rivotra.
Izay no mahatonga ilay hoe mibontsina feno rivotra, na manindrona ny kibo.
💡 Inona no atao hanalana azy?
🌿 Miezaha mandeha moramora rehefa avela hifoha sy hitsangana.
💧 Misotroa rano ampy.
🥣 Mihinàna sakafo mora levona (legioma masaka, voankazo, vary malefaka).
🚫 Aza mihinana sakafo mampiteraka gaz be (tsaramaso, laisoa, zava-pisotro misy gaz).
🌬 Manao respiration profonde (mifoka rivotra lalina, mamoaka miadana).
Matetika dia mihena tsikelikely io ao anatin’ny andro vitsivitsy rehefa miverina miasa tsara ny tsinay.
🚨 Fa manatona dokotera raha:
❗ Marary kibo mafy be
❗ Tsy mivoaka mihitsy ny rivotra na ny maloto
❗ Misy tazo na mibontsina be tsy ara-dalàna
🤍 Hafatra ho an’ny reny:
Tsy hoe misy olana lehibe akory raha be rivotra aorian’ny césarienne. Dingana mandalo izy io, ary miova tsikelikely, mihatsara miandalana
