01/07/2026
ဝါခေါင်မိုးနှင့်အတူ ပေါ်လာသော ကောက်လန်းတီမုန့်🌸🌸
ဝါဆို ၊ ဝါခေါင် ရေဖောင်ဖောင် ဆိုတဲ့ အတိုင်း တောင်သူဦးကြီးတို့မှာ မိုးနှင့် အပြိုင် စိုက်ကျ ၊ ပျိုးကျ ရတော့ လယ် အလုပ်နဲ့ မအားလပ်တာများပါတယ် ။ သို့ပေမယ့် မုတ်သုံမိုးဖြိုင်ဖြိုင်ကျသည့် ဝါခေါင်လ မျိုးမှာ လယ်ကန်သင်းရိုးများပေါ်တွင် ဖူးပွင့်လေ့ရှိသည့် ကောက်လန်းတီပန်းကလေးများကို ခူးဆွတ်၍ ပြုလုပ်ကြသည့် ကောက်လန်းတီမုန့်မှာ အရောင်အဆင်းအားဖြင့်လည်းကောင်း၊ အနံ့အရသာအားဖြင့်လည်းကောင်း တစ်မျိုးတစ်ဘာသာ ထူးခြားသည့် ရိုးရာ ဓလေ့ မုန့်တွေ ထဲက ကောက်လန်းတီ မုန့်ကိုတော့ လုပ်စားဖြစ်သည် မှာ မလွဲဧကန်ပင် ။
ကောက်လန်းတီမုန့်ကို အနည်းနှင့် အများဆိုသလို မြည်းစမ်းကြည့်ကြဖူးမည်ဖြစ်သော်လည်း ကောက်လန်းတီပင်နှင့် ကောက်လန်းတီပန်းကိုမူ ကိုယ်တိုင်ကိုယ်ကျ မြင်ဖူးတွေ့ဖူးသူနည်းပါးနိုင်ပါသည်။
ကောက်လန်းတီဟု လူသိများသည့် အပင်ကို ကောက်လှိုင်းတီဟုလည်းခေါ်ဆိုကြပြီး ယင်း၏အင်္ဂလိပ်အမည်မှာ Forest Ghost Flower ဟု ခေါ်ဆိုကြသကဲ့သို့ Indian broomrape ဟုလည်းခေါ်ဆိုကြ၏။ ရုက္ခဗေဒအမည်မှာ Aeginetia indica Linn., ဟုလည်း ခေါ်ဆိုကာ မျိုးရင်း Orobanchaceae တွင်ပါဝင်၏။ ကောက်လန်းတီပင်သည် အာရှနိုင်ငံများ၏ အပူပိုင်းနှင့် အပူလျော့ပိုင်းဒေသများအပါအဝင် အိန္ဒိယ၊ တရုတ်၊ ဂျပန်၊ အရှေ့အာရှ၊ အရှေ့တောင် အာရှနိုင်ငံများ၊ ပစိဖိတ်ကျွန်းစုဒေသတို့တွင် သဘာဝအလျောက် ပေါက်ရောက်တတ်သည့်အပင်မျိုးဖြစ်၏။ ယင်းအပင် ကို နယူးဂီနီ Papua New Guinea နှင့် ပစိဖိတ်သမုဒ္ဒရာနှင့် ကျွန်းနိုင်ငံများတွင်လည်း တွေ့ရှိရ၏။
ကောက်လန်းတီပင်တွင် အစိမ်းရောင်ခြယ် ကလိုရိုဖီးလ်ပါဝင်ခြင်းမရှိခြင်းကြောင့် ကိုယ်တိုင်အစာမချက်နိုင်ဘဲ အခြားသော စပါး၊ ကြံ ဝါး၊ မြက်မျိုးနွယ်ဝင်အပင်များ၊ အပင်မျိုးကို ကပ်ပါးပြုပြီး ပေါက်တတ်သော အပင်မျိုးဖြစ်၏။ အမြဲတမ်းစိမ်းလန်းသော တောင်ကုန်း၊ ဝါး၊ စိုစွတ်သောရွက်ကြွေတောများနှင့် ထင်းရှူးတောများ၊ အမြဲစိမ်းသစ် တောများ၊ စိုစွတ်သောမြေနိမ့်မြက် ခင်းတွင်သာမက အခြားသစ်တောများနှင့် လမ်းဘေးများ အထူးသဖြင့် ကျောက်တုံး သို့မဟုတ် ထုံးကျောက်အလွှာပေါ်တွင် ပေါက်တတ်သည့် အမြစ်ကပ်ပါးပင် မျိုးဖြစ်၏။ အပင်ပုလေးများဖြစ်ပြီး အရွက်လုံးဝမရှိသည့်အပင်မျိုးဖြစ်၏။ အပင်ပေါက်လေးများ မြေကြီးထဲမှ ထိုးထိုး ထောင်ထောင်နှင့် ထွက်လာပြီး အပင်၏ ထိပ်ပိုင်းတွင် ပန်းပွင့်၏။ ပန်းပွင့်မှာ သုံးလေးပွင့်အစုမှသည် တစုတဝေးတည်း အခင်းလိုက် ပေါက်ရောက်တတ်၏။ အပင်တစ်ပင်လုံးမှာ ခရမ်းရင့်ရောင်ရှိပြီး အပွင့်ပုံသဏ္ဍာန်မှာ သစ်ခွပန်းပွင့်ကဲ့သို့ရှိ၏။ ဝါဆို၊ ဝါခေါင်လများတွင် ကောက်လှိုင်းတီပင်မှ အပွင့်များကို ခူးဆွတ်ပြီး မုန့်လုပ်ရာတွင် အသုံးပြုကြသည့် ကောက်လန်းတီ (ခ) ကောက်လှိုင်းတီ မုန့် လုပ်နည်းလေးကို ဖော်ပြပေးလိုက်ပါတယ်။
ကောက်လန်းတီ မုန့် ပြုလုပ်နည်း
၁။ ကောက်လှိုင်းတီပန်းကို ရေအနည်းထည့်ပြီး ကျေသွားသည်အထိ Blender နဲ့ ကြိတ်ပေးရပါမယ်။ Blender မရှိရင် ကောက်လှိုင်းတီပန်းထဲကို ရေထည့်ပြီး ခရမ်းရောင်လေးတွေထွက်သည်အထိ ချေပေးပါ ပြီးရင် အဖတ်တွေဖယ်ပြီးအရည်စစ်ယူထားရပါမယ်။
၂။ ထန်းလျက်ကိုကျေအောင်ထောင်းပြီး ရေနည်းနည်းလေးနဲ့ဖျော်ပြီး ထန်းလျက်ရည်လုပ်ထားပေးပါ။
၃။ ကြိတ်ထားသည့် ကောက်လှိုင်းတီအရည်ထဲကို ဆန်မှုန့် ၁၀သား ပီလောပီနံမှုန့် ၅ကျပ်သား ဆားအနည်းငယ် ထန်းလျက်ရည် ထည့်ပြီး မွှေပေးပါ ( ဆန်မှုန့်နဲ့ ပီလောပီနံမှုန့်က ထက်ဝက်အချိုးကွာရပါမယ် )
၄။ ပေါင်းမည့်အိုးထဲသို့ ထည့်ပြီး နှစ်သက်သောပုံစံခွက် ဖြင့် မိနစ် ၃၀ လောက် ပေါင်းပေးပါ။
၅။ မိနစ် ၃၀ ပြည့်ပြီဆိုရင် တင်းတင်းအိအိလေးဖြစ်နေတဲ့ ကောက်လှိုင်းတီမုန့်လေးရပါပြီ။
၆။ မုန့်ကိုဓါးဖြင့်အတုံးလေးတွေတုံး အုန်းသီးလေးကိုခြစ်ပြီး အပေါ်ကနေဖြူးကာ ကောက်လှိုင်းတီမုန့် မွှေးမွှေးလေးကို သုံးဆောင်နိုင်ပါပြီ။
ကိုးကားချက် - https://www.chetmal.com/2023/08/blog-post_6.html
-----------
ဝါခေါင်မိုးနှင့်အတူ ပေါ်လာသော ကောက်လန်းတီမုန့်🌸🌸
ဝါဆို ၊ ဝါခေါင် ရေဖောင်ဖောင် ဆိုတဲ့ အတိုင်း တောင်သူဦးကြီးတို့မှာ မိုးနှင့် အပြိုင် စိုက်ကျ ၊ ပျိုးကျ ရတော့ လယ် အလုပ်နဲ့ မအားလပ်တာများပါတယ် ။ သို့ပေမယ့် မုတ်သုံမိုးဖြိုင်ဖြိုင်ကျသည့် ဝါခေါင်လ မျိုးမှာ လယ်ကန်သင်းရိုးများပေါ်တွင် ဖူးပွင့်လေ့ရှိသည့် ကောက်လန်းတီပန်းကလေးများကို ခူးဆွတ်၍ ပြုလုပ်ကြသည့် ကောက်လန်းတီမုန့်မှာ အရောင်အဆင်းအားဖြင့်လည်းကောင်း၊ အနံ့အရသာအားဖြင့်လည်းကောင်း တစ်မျိုးတစ်ဘာသာ ထူးခြားသည့် ရိုးရာ ဓလေ့ မုန့်တွေ ထဲက ကောက်လန်းတီ မုန့်ကိုတော့ လုပ်စားဖြစ်သည် မှာ မလွဲဧကန်ပင် ။
ကောက်လန်းတီမုန့်ကို အနည်းနှင့် အများဆိုသလို မြည်းစမ်းကြည့်ကြဖူးမည်ဖြစ်သော်လည်း ကောက်လန်းတီပင်နှင့် ကောက်လန်းတီပန်းကိုမူ ကိုယ်တိုင်ကိုယ်ကျ မြင်ဖူးတွေ့ဖူးသူနည်းပါးနိုင်ပါသည်။
ကောက်လန်းတီဟု လူသိများသည့် အပင်ကို ကောက်လှိုင်းတီဟုလည်းခေါ်ဆိုကြပြီး ယင်း၏အင်္ဂလိပ်အမည်မှာ Forest Ghost Flower ဟု ခေါ်ဆိုကြသကဲ့သို့ Indian broomrape ဟုလည်းခေါ်ဆိုကြ၏။ ရုက္ခဗေဒအမည်မှာ Aeginetia indica Linn., ဟုလည်း ခေါ်ဆိုကာ မျိုးရင်း Orobanchaceae တွင်ပါဝင်၏။ ကောက်လန်းတီပင်သည် အာရှနိုင်ငံများ၏ အပူပိုင်းနှင့် အပူလျော့ပိုင်းဒေသများအပါအဝင် အိန္ဒိယ၊ တရုတ်၊ ဂျပန်၊ အရှေ့အာရှ၊ အရှေ့တောင် အာရှနိုင်ငံများ၊ ပစိဖိတ်ကျွန်းစုဒေသတို့တွင် သဘာဝအလျောက် ပေါက်ရောက်တတ်သည့်အပင်မျိုးဖြစ်၏။ ယင်းအပင် ကို နယူးဂီနီ Papua New Guinea နှင့် ပစိဖိတ်သမုဒ္ဒရာနှင့် ကျွန်းနိုင်ငံများတွင်လည်း တွေ့ရှိရ၏။
ကောက်လန်းတီပင်တွင် အစိမ်းရောင်ခြယ် ကလိုရိုဖီးလ်ပါဝင်ခြင်းမရှိခြင်းကြောင့် ကိုယ်တိုင်အစာမချက်နိုင်ဘဲ အခြားသော စပါး၊ ကြံ ဝါး၊ မြက်မျိုးနွယ်ဝင်အပင်များ၊ အပင်မျိုးကို ကပ်ပါးပြုပြီး ပေါက်တတ်သော အပင်မျိုးဖြစ်၏။ အမြဲတမ်းစိမ်းလန်းသော တောင်ကုန်း၊ ဝါး၊ စိုစွတ်သောရွက်ကြွေတောများနှင့် ထင်းရှူးတောများ၊ အမြဲစိမ်းသစ် တောများ၊ စိုစွတ်သောမြေနိမ့်မြက် ခင်းတွင်သာမက အခြားသစ်တောများနှင့် လမ်းဘေးများ အထူးသဖြင့် ကျောက်တုံး သို့မဟုတ် ထုံးကျောက်အလွှာပေါ်တွင် ပေါက်တတ်သည့် အမြစ်ကပ်ပါးပင် မျိုးဖြစ်၏။ အပင်ပုလေးများဖြစ်ပြီး အရွက်လုံးဝမရှိသည့်အပင်မျိုးဖြစ်၏။ အပင်ပေါက်လေးများ မြေကြီးထဲမှ ထိုးထိုး ထောင်ထောင်နှင့် ထွက်လာပြီး အပင်၏ ထိပ်ပိုင်းတွင် ပန်းပွင့်၏။ ပန်းပွင့်မှာ သုံးလေးပွင့်အစုမှသည် တစုတဝေးတည်း အခင်းလိုက် ပေါက်ရောက်တတ်၏။ အပင်တစ်ပင်လုံးမှာ ခရမ်းရင့်ရောင်ရှိပြီး အပွင့်ပုံသဏ္ဍာန်မှာ သစ်ခွပန်းပွင့်ကဲ့သို့ရှိ၏။ ဝါဆို၊ ဝါခေါင်လများတွင် ကောက်လှိုင်းတီပင်မှ အပွင့်များကို ခူးဆွတ်ပြီး မုန့်လုပ်ရာတွင် အသုံးပြုကြသည့် ကောက်လန်းတီ (ခ) ကောက်လှိုင်းတီ မုန့် လုပ်နည်းလေးကို ဖော်ပြပေးလိုက်ပါတယ်။
ကောက်လန်းတီ မုန့် ပြုလုပ်နည်း
၁။ ကောက်လှိုင်းတီပန်းကို ရေအနည်းထည့်ပြီး ကျေသွားသည်အထိ Blender နဲ့ ကြိတ်ပေးရပါမယ်။ Blender မရှိရင် ကောက်လှိုင်းတီပန်းထဲကို ရေထည့်ပြီး ခရမ်းရောင်လေးတွေထွက်သည်အထိ ချေပေးပါ ပြီးရင် အဖတ်တွေဖယ်ပြီးအရည်စစ်ယူထားရပါမယ်။
၂။ ထန်းလျက်ကိုကျေအောင်ထောင်းပြီး ရေနည်းနည်းလေးနဲ့ဖျော်ပြီး ထန်းလျက်ရည်လုပ်ထားပေးပါ။
၃။ ကြိတ်ထားသည့် ကောက်လှိုင်းတီအရည်ထဲကို ဆန်မှုန့် ၁၀သား ပီလောပီနံမှုန့် ၅ကျပ်သား ဆားအနည်းငယ် ထန်းလျက်ရည် ထည့်ပြီး မွှေပေးပါ ( ဆန်မှုန့်နဲ့ ပီလောပီနံမှုန့်က ထက်ဝက်အချိုးကွာရပါမယ် )
၄။ ပေါင်းမည့်အိုးထဲသို့ ထည့်ပြီး နှစ်သက်သောပုံစံခွက် ဖြင့် မိနစ် ၃၀ လောက် ပေါင်းပေးပါ။
၅။ မိနစ် ၃၀ ပြည့်ပြီဆိုရင် တင်းတင်းအိအိလေးဖြစ်နေတဲ့ ကောက်လှိုင်းတီမုန့်လေးရပါပြီ။
၆။ မုန့်ကိုဓါးဖြင့်အတုံးလေးတွေတုံး အုန်းသီးလေးကိုခြစ်ပြီး အပေါ်ကနေဖြူးကာ ကောက်လှိုင်းတီမုန့် မွှေးမွှေးလေးကို သုံးဆောင်နိုင်ပါပြီ။
ကိုးကားချက် - https://www.chetmal.com/2023/08/blog-post_6.html
-----------
ထွက်တိုး Telegram Channel ဝင်ရန် နှိပ်ပါ - https://t.me/htwettoe
စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး - http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်း နိုင်ပါ ကြောင်းသတင်းကောင်းပါလိုက်ပါတယ်။
