NutriLuxe - Nutritional Supplements and Health Food Store

28/09/2026

ကျောက်ကပ်ကောင်းတဲ့သူများ cholesterol တက်မှာကြောက်တယ် အသားဓာတ်လဲရချင်ရင် ကြက်ဥအကာကို ကြိုက်သလောက်စားလို့ရပါတယ်ရှင့်

🥚 ကြက်ဥစားရင် Cholesterol တက်မှာလား?🤔
ကြက်ဥအနှစ်စားရင် ဘာဆိုးကျိုး ဘာကောင်းကျိုးရှိနိုင်မလဲ???

အရင်ဆုံး ကြက်ဥရဲ့ အာဟာရတန်ဖိုးလေးကို ပြောပြချင်ပါတယ်
ကြက်ဥတစ်လုံးမှာ
၇၀-၇၈ ကယ်လိုရီ
ကစီဓာတ် ~ ၀.၆ ဂရမ်
အသားဓာတ် ~ ၆-၇ ဂရမ်
အဆီဓာတ် ~ ၅ ဂရမ် (ပြည့်ဝဆီ ~ ၁.၆ ဂရမ်)
ကိုလက်စထရော - ၁၈၆ ဂရမ် ပါဝင်ပါတယ်

ဒါပေမယ့် အစားအစာထဲက Cholesterol ကို စားလိုက်တာနဲ့ သွေးထဲက Cholesterol တိုက်ရိုက်တက်သွားတယ်လို့တော့ ရိုးရှင်းစွာ မပြောနိုင်ပါဘူး
ခန္ဓာကိုယ်ကလည်း Cholesterol ကို ကိုယ်တိုင်ထုတ်လုပ်ပါတယ်
ပြီးတော့ သွေးတွင်း Cholesterol အပေါ် သက်ရောက်မှုမှာ အစားအစာထဲက Saturated Fat (ပြည့်ဝဆီ) နဲ့ Trans Fat ပမာဏ ကလည်း အရေးကြီးပါတယ်

🥚 ကြက်ဥမှာ တခြားအာဟာရတန်ဖိုးတွေ ဘာတွေပါသေးလဲ?
ကြက်ဥတစ်လုံးမှာ -
💪 Selenium (ကိုယ်ခံအားကောင်းစေခြင်း)
🦷 Vitamin D (အရိုးသန်မာစေခြင်း)
🧠 Choline (ဦးနှောက်မှတ်ဉာဏ်ကောင်းစေခြင်း)
👁️ Lutein & Zeaxanthin (မျက်စိအားကောင်းစေခြင်း)
🩸 Vitamin B12 (သွေးအားကောင်းစေခြင်း)
💪 Vitamin B2 (အာဟာရဓာတ်မှ ခန္ဓာကိုယ်အတွက်လိုအပ်သော စွမ်းအင်ထုတ်ရာတွင် ကူညီပေးခြင်း)
စတဲ့ အာဟာရဓာတ်တွေ ပါဝင်ပါတယ်

ကြက်ဥအကာမှာ ~ ၁၇ ကယ်လိုရီနဲ့ အသားဓာတ် ~ ၃.၆ ဂရမ် ပါဝင်ပြီး အဆီနဲ့ ကစီဓာတ် မပါဝင်ပါဘူး
ကြကဥအနှစ်မှာတော့ ~ ၅၃ ကယ်လိုရီနဲ့ အသားဓာတ် ~ ၂.၄ ဂရမ်၊ အဆီဓာတ် ~ ၄.၅ ဂရမ် ပါဝင်ပါတယ်
တခြားပါဝင်တဲ့ အာဟာရအများစုကတော့ ကြက်ဥအနှစ်မှာပါဝင်တာဖြစ်ပါတယ်
အဲ့ဒါကြောင့် ကြက်ဥအနှစ်ကို ဖယ်ပစ်လိုက်ရင် အာဟာရဓာတ်တချို့လည်း လျော့နည်းသွားနိုင်ပါတယ်

❤️ နှလုံးကျန်းမာရေးအတွက်ရော?
ကျန်းမာတဲ့လူအများစုအတွက် ကြက်ဥကို အာဟာရပြည့်ဝတဲ့ အစားအစာတစ်ခုအဖြစ် တစ်နေ့လျှင် အနှစ် ၂ လုံးထိ စားသုံးနိုင်ပါတယ်

ဒါပေမယ့် ကိုယ့်မှာ သွေးတွင်း LDL cholesterol မြင့်နေခြင်း၊ နှလုံးသွေးကြောရောဂါ၊ ဆီးချိုရောဂါ စတဲ့ ကျန်းမာရေးအခြေအနေတွေရှိရင်တော့ တစ်ပတ်မှာ ကြက်ဥအနှစ် ၄ လုံးထိပဲ စားသင့်ပါတယ်

🍳 ကြက်ဥစားတဲ့ပုံစံလည်း အရေးကြီးပါတယ်
ကြက်ဥကို -
✅ ပြုတ်စားခြင်း
✅ Poached egg
✅ ဟင်းသီးဟင်းရွက်တွေနဲ့ တွဲစားခြင်း
တို့လို ပိုမိုကျန်းမာတဲ့ပုံစံတွေနဲ့ စားနိုင်ပါတယ်

ကြက်ဥကို Butter၊ Bacon၊ Sausage၊ အဆီများတဲ့ processed foods တွေနဲ့ မကြာခဏတွဲစားတာထက် ဟင်းသီးဟင်းရွက်၊ Whole grains နဲ့ Protein source ကောင်းတွေနဲ့ တွဲစားတာ ပိုကောင်းပါတယ်

အစားအစာတစ်မျိုးတည်းကို ကြောက်ရမယ့်အစား
👉 အစားအသောက်ပုံစံတစ်ခုလုံး
👉 စားသုံးတဲ့ပမာဏ
👉 ကိုယ့်ရဲ့ ကျန်းမာရေးအခြေအနေ
တွေကို ထည့်သွင်းစဉ်းစားဖို့ အရေးကြီးပါတယ်

ကြက်ဥအနှစ်မှာ cholesterol ပါလို့ စားလို့ရရဲ့လားဆိုသူများအတွက် ဒီ post လေးက အထောက်အကူဖြစ်မယ်လို့ ယူဆပါတယ်

Dr. Thin Zar Wai
Clinical Nutritionist

24/09/2026

🥛 အာဟာရဖြည့်စွက်မှုန့်တွေ ရွေးချယ်တဲ့အခါ ဘာတွေကို ကြည့်သင့်လဲ?

အာဟာရဖြည့်စွက်မှုန့်တစ်မျိုး ဝယ်မယ်ဆိုရင် Brand နဲ့ ဈေးနှုန်းကိုပဲ ကြည့်ပြီး မရွေးသင့်ပါဘူးနော်။
ကိုယ့်အတွက် တကယ်သင့်တော်တဲ့ Product ဖြစ်ဖို့ အောက်ဖော်ပြပါ အချက်လေးတွေကို အရင်ကြည့်သင့်ပါတယ်။

ပထမအချက် — ကိုယ့်ရဲ့ ရည်ရွယ်ချက်ကို သိထားပါ။ 🌿
ဘာကြောင့် အာဟာရဖြည့်စွက်မှုန့် သောက်ချင်တာလဲ?
👉Protein ပိုလိုအပ်လို့လား?
👉အစားအစာကနေ Calories နဲ့ Energy မလုံလောက်လို့လား?
👉အစားစားနိုင်တာနည်းလို့ အာဟာရဖြည့်ချင်တာလား?
👉ဒါမှမဟုတ် အသက်ကြီးသူတစ်ယောက်အတွက် အာဟာရဖြည့်ချင်တာလား?
👉ရောဂါအခံရှိလို့လား?
ဆိုတာ အရင်စဉ်းစားရပါမယ်။

ဒုတိယအချက် — Protein ပမာဏကို ကြည့်ပါ။ 💪
Product ရဲ့ အရှေ့ဘက်မှာ “High Protein” လို့ ရေးထားတာတစ်ခုတည်းနဲ့ မဆုံးဖြတ်ပါနဲ့။
Nutrition Label ကိုဖတ်ပါ။
👉တစ်ကြိမ်သောက်တဲ့ပမာဏ (Serving Size) တစ်ခုမှာ Protein ဘယ်လောက်ပါလဲ ဆိုတာကို ကြည့်ပါ။

တတိယအချက် — Calories နဲ့ Carbohydrates ကိုကြည့်ပါ။ 🔎
တစ်ခါသောက် 1 serving မှာ Calories ဘယ်လောက်ပါလဲ?
Carbohydrate ဘယ်လောက်ပါလဲ?
Sugar ဘယ်လောက်ပါလဲ?
ဆိုတာကို ကြည့်သင့်ပါတယ်။
အထူးသဖြင့် ဆီးချိုရောဂါရှိသူတွေလို သီးခြားအာဟာရလိုအပ်ချက်ရှိသူတွေက ပိုပြီး သတိထားရွေးချယ်သင့်ပါတယ်။

စတုတ္ထအချက် — Ingredients နဲ့ ကိုယ့်ရဲ့ Dietary Needs ကို ကြည့်ပါ။ 🌱
Milk protein ပါလား?
ကြက်ဥပါလား?
မြေပဲပါလား?
ကိုယ့်ရဲ့ အစားအသောက်ကန့်သတ်ချက်တွေနဲ့ သင့်တော်လား? (Halal)
ကိုယ်နဲ့မတည့်တဲ့ ပါဝင်ပစ္စည်းရှိလား? (Vitamin)
ဆိုတာ စစ်ဆေးကြည့်ပါ။

Product ရဲ့ရှေ့မှာ “Premium” “Natural” လို့ ရေးထားတာထက် Ingredients List နဲ့ Nutrition Facts ကို ကြည့်တာက ပိုအရေးကြီးပါတယ်။

နောက်ဆုံးအချက် — Serving Size နဲ့ ဖျော်စပ်ပုံကို ကြည့်ပါ။ 🥄

တစ်ကြိမ်သောက်ဖို့ အမှုန့် ဘယ်နှစ်ဇွန်းလိုလဲ?
ရေအေး ဒါမှမဟုတ် ရေနွေးနဲ့ ဖျော်ရမလား?
တစ်ဗူးမှာ Serving ဘယ်နှစ်ကြိမ်စာပါလဲ?
ဇွန်းနဲ့ မွှေရင်ပိုကောင်းလား သို့ shaker နဲ့မှ ပိုကြေမှာလား?
ဆိုတာလည်း သိထားသင့်ပါတယ်။

ဒါကြောင့်…
အကောင်းဆုံး Nutritional Powder ဆိုတာ ဈေးအကြီးဆုံး Product ဖြစ်ဖို့ မလိုပါဘူး။
ကိုယ့်ရဲ့ အာဟာရလိုအပ်ချက်၊ ကျန်းမာရေးအခြေအနေနဲ့ ရည်ရွယ်ချက် တွေနဲ့ သင့်တော်တဲ့ Product ဖြစ်ဖို့က ပိုအရေးကြီးပါတယ်။ 💚

ကိုယ့်အတွက် ဘယ်လို Nutritional Powder မျိုး ရွေးချယ်သင့်လဲ မသိသေးရင် NutriLuxe မှာ လာရောက်မေးမြန်းနိုင်ပါတယ်ရှင့်။ 🌿

21/09/2026

ကလေးတွေရဲ့ ဦးနှောက်နဲ့ ဉာဏ်ရည်ဖွံ့ဖြိုးမှုကို အားပေးတဲ့ Roots က အစေ့အဆံထောပတ်မျိုးစုံကို NutriLuxe မှာ ဝယ်ယူနိုင်ပါပြီရှင့်

19/09/2026

🧠🥑 ကလေးတွေရဲ့ ဦးနှောက်ဖွံ့ဖြိုးဖို့ အဆီက ဘာကြောင့်လိုအပ်တာလဲ?
“ကလေးတွေကို အဆီများတဲ့အစားအစာတွေ မကျွေးသင့်ဘူး” လို့ ထင်နေကြတဲ့ မိဘတွေရှိပါတယ်။
တကယ်တော့ ကလေးတွေအတွက် အဆီက မရှိမဖြစ်လိုအပ်တဲ့ အာဟာရဓာတ်တစ်မျိုးပါ။

ဘာကြောင့်လဲဆိုတော့—
ပထမအချက်အနေနဲ့ အဆီက စွမ်းအင်အများကြီးပေးနိုင်ပါတယ်။
အဆီ ၁ ဂရမ်မှာ စွမ်းအင် ၉ ကယ်လိုရီ ပါဝင်တဲ့အတွက် ကြီးထွားဖွံ့ဖြိုးနေတဲ့ ကလေးတွေအတွက် လိုအပ်တဲ့ စွမ်းအင်ကို ဖြည့်ပေးနိုင်ပါတယ်။
ဒုတိယအချက်ကတော့ ဦးနှောက်ဖွဲ့စည်းတည်ဆောက်မှုနဲ့ ဖွံ့ဖြိုးမှုအတွက် အဆီဓာတ်တွေ လိုအပ်ပါတယ်။
အထူးသဖြင့် Omega-3 fatty acid တစ်မျိုးဖြစ်တဲ့ DHA က ဦးနှောက်နဲ့ မျက်စိရဲ့ အစိတ်အပိုင်းတွေမှာ အရေးကြီးတဲ့ အဆီဓာတ်တစ်မျိုး ဖြစ်ပါတယ်။
ဒါ့အပြင် အဆီက Vitamin A, D, E နဲ့ K လို အဆီမှာပျော်ဝင်တဲ့ Vitamin တွေကို ခန္ဓာကိုယ်က စုပ်ယူနိုင်ဖို့လည်း ကူညီပေးပါတယ်။

ဒါပေမယ့် “အဆီများများစားလေ ဦးနှောက်ပိုကောင်းလေ” ဆိုတာတော့ မဟုတ်ပါဘူးနော်။
အရေးကြီးတာက အဆီကို လုံးဝရှောင်တာမဟုတ်ဘဲ ကျန်းမာရေးအတွက်ကောင်းတဲ့အဆီတွေကို သင့်တော်တဲ့ပမာဏနဲ့ ရရှိအောင် ကျွေးပေးဖို့ပါ။
ဥပမာ—
🐟 ငါး
🥚 ကြက်ဥ
🥑 ထောပတ်သီး
🥜 အခွံမာသီးနဲ့ အခွံမာသီးအနှစ်
🌱 အစေ့အဆန်တွေ
🥛 သင့်တော်တဲ့ နို့နဲ့ နို့ထွက်ပစ္စည်းတွေကနေ အဆီဓာတ်တွေ ရရှိနိုင်ပါတယ်။

ဒါကြောင့် မိဘတွေအနေနဲ့ ကလေးတွေရဲ့အစားအစာထဲမှာ အဆီကို လုံးဝဖယ်ရှားဖို့ မလိုပါဘူး။
ကလေးတွေရဲ့ ကြီးထွားဖွံ့ဖြိုးမှုနဲ့ ဦးနှောက်ဖွံ့ဖြိုးမှုအတွက် အဆီကလည်း အရေးကြီးတဲ့ အာဟာရတစ်ခုဖြစ်ပါတယ်။ ❤️

ဒေါက်တာသင်ဇာဝေ
အာဟာရဆရာဝန်

အာဟာရဆိုင်ရာ အသိပညာတွေကို ဆက်လက်မျှဝေပေးသွားမှာမို့ NutriLuxe Page 🌿ကို Follow လုပ်ထားပေးပါရှင့်။

12/09/2026

သဘာဝအတိုင်း စိုက်ပျိုးထားတဲ့ အစေ့အဆံတွေနဲ့ ထုတ်လုပ်ထားတဲ့ roots က ထောပတ်လေးတွေ NutriLuxe 🌿 မှာ instock ရနေပါပြီ 👋🏻👋🏻👋🏻

👉 Roots က products တွေဟာဆိုရင် သဘာဝအတိုင်း ကျောက်ကြိတ်ဆုံနဲ့ ကြိတ်ထားပြီး တာရှည်ခံဆေးနဲ့ တခြား အဆီတွေ မပါဝင်တာမလို့ အာဟာရဓာတ် ကောင်းမွန်စွာရရှိနိုင်မှာပဲ ဖြစ်ပါတယ်…

👉100 g ပါဝင်တဲ့ glass jar လေးတွေမလို့ မြည်းစမ်းကြည့်ချင်သူများအတွက်လဲ အဆင်ပြေပါတယ်ရှင့်…

👉ဓာတ်ခွဲခန်းမှာ ပါဝင်ပစ္စည်းနဲ့ အာဟာရဓာတ်များကိုလဲ သေချာစမ်းသပ်ထားလို့ ယုံကြည်စိတ်ချစွာ စားသုံးနိုင်ပါတယ်…

ရရှိနိုင်တဲ့ အမျိုးအစာလေးတွေကတော့
- မြေပဲထောပတ် (crunchy)
- မြေပဲထောပတ် (smooth)
- သီဟ်ုဠ်စေ့ထောပတ်
- နှမ်းထောပတ်
- နှမ်းဟင်းခတ်မှုန့် တို့ပဲဖြစ်ပါတယ်…

🧑🏼‍🌾တောင်သူဦးကြီးတို့နဲ့ မြန်မာအမျိုးသမီးတို့ရဲ့ လုပ်အားကို အမှီပြုပြီး မြန်မာ့ရိုးရာနည်းပညာအတိုင်း သေချာလေးထုတ်လုပ်ထားတဲ့ roots Myanmar က ထောပတ်တွေကို အားပေးချင်ရင်တော့ NutriLuxe ကို သတိရပေးပါဦးနော်…

12/09/2026

Hello 👋🏻

“Roots at NutriLuxe🌿”…

Support Organic Myanmar Products 💪💪💪

Ever look at a jar of peanut butter or tahini and wonder... who actually grew this?
(English version is below.)
ဟိုးအရင်က မြေပဲထောပတ် ဒါမှမဟုတ် နှမ်းထောပတ်တစ်ဘူးကို မြင်ရင်... "ဒါတွေကို တကယ်တမ်း ဘယ်သူတွေ စိုက်ပျိုးခဲ့တာလဲ" ဆိုပြီး တွေးမိဖူးလား?
သူတို့ကတော့ မကွေးတိုင်းက တောင်သူဦးကြီးတွေပဲ ဖြစ်ပါတယ်။ သူတို့ရဲ့ နှစ်ပေါင်းများစွာ ဒီမြေပေါ်မှာစိုက်ပျိုးလာကြတာမို့လို့ ဒီမြေအကြောင်းကို သူတို့ထက် ပိုသိတဲ့သူ မရှိဘူးလေ။ ဒါပေမဲ့ နောက်ပိုင်းမှာတော့ အစိုးမရတဲ့ ရာသီဥတုဒဏ်တွေနဲ့ မတည်ငြိမ်တဲ့ ဈေးကွက်ပေါက်ဈေးတွေကြောင့် စိုက်ပျိုးရေးလုပ်ငန်းဟာ တောင်သူတွေအတွက် တကယ့်ကို စွန့်စားရတဲ့ လောင်းကစားတစ်ခုလို ဖြစ်လာခဲ့ရတယ်။ မိုးဖျက်ရင်ဖျက် မဖျက်ရင်ဈေးကဖျက်နဲ့ တောင်သူတွေရဲ့ဘဝ။
ရုစ်ကို စတင်ခဲ့တာဟာ တောင်သူတွေရဲ့ ဒီလိုစွန့်စားရုန်းကန်ရမှုတွေကို ကူညီပံ့ပို့ပေးချင်လို့ပါ။ ဒါကြောင့်ပဲ တောင်သူတွေနဲ့ တိုက်ရိုက်လက်တွဲပြီး ဓာတုဗေဒပစ္စည်းတွေ လုံးဝမပါတဲ့ သဘာဝအော်ဂဲနစ် ရိုးရာစိုက်ပျိုးရေးနည်းစနစ်တွေဆီ ပြန်သွားနိုင်ဖို့ ပံ့ပိုးပေးနေတာဖြစ်ပါတယ်။ ဘေးအန္တရာယ်ဖြစ်စေတဲ့ အဆိပ်အတောက်တွေ လုံးဝမသုံးဘဲ မြေဆီလွှာကို တန်ဖိုးထားဖို့နဲ့ တောင်သူတွေရဲ့ ပင်ပန်းမှုအတွက် ထိုက်တန်တဲ့ ဈေးနှုန်း ရစေဖို့ပဲ စဉ်းစားခဲ့တာပါ။
နောက်တစ်ခါ ရုစ်ရဲ့ ထုတ်ကုန်တွေကို မြည်းစမ်းကြည့်တဲ့အခါတိုင်း မကွေးက တောင်သူဦးကြီးတွေရဲ့ ကြံ့ကြံ့ခံနိုင်စွမ်းနဲ့ ကြိုးစားအားထုတ်မှုတွေကိုပါ သတိရပေးပါဦး။
Meet the farming communities of Magway, Myanmar. For generations, they've known the land better than anyone. But lately, unpredictable weather and wild market price swings have made farming feel like a dangerous gamble.
When we started Organic Roots Myanmar, we wanted to take the gamble out of the equation. By working directly with farmers, we support them in returning to traditional, chemical-free organic farming. No harmful toxins, just pure respect for the earth and a fair price for the hard work.
Next time you taste our products, remember: you’re tasting the resilience of Magway’s farmers.

11/09/2026

မင်္ဂလာပါရှင့် 🌿
အရင်နေ့တွေက နွားနို့အကြောင်းလေးနဲ့ အစေ့အဆံရဲ့ ကောင်းကျိုးလေးတွေကို sharing လုပ်ပေးခဲ့ပြီးပြီဆိုတော့ ဒီနေ့မှာတော့ NutriLuxe မှာ ဝယ်ယူရရှိနိုင်တဲ့ ProMax Myanmar ကနေထုတ်ထားတဲ့ products လေးတွေအကြောင်းရှင်းပြချင်ပါတယ်ရှင့်…

👉ProMax Myanmar ကနေထုတ်ထားတဲ့ အာဟာရမှုန့်တွေမှာဆိုရင် အဆီထုတ်ထားတဲ့နို့ကို အသုံးပြုထားတဲ့အတွက် လုံလောက်တဲ့ အသားဓာတ်ပါရှိပြီး အဆီဓာတ်ပါဝင်မှု နည်းပါးပါတယ်ရှင့်…
👉မြေပဲ၊ သီဟိုဠ်စေ့ စတဲ့ အစေ့အဆံတွေလဲ ပါဝင်တာမလို့ အစေ့အဆံကနေ ရရှိနိုင်တဲ့ အာဟာရဓာတ်များလဲ ရရှိနိုင်မှာ ဖြစ်ပါတယ်ရှင့်…
👉ထို့အပြင် ဆီးချိုရောဂါအခံရှိသူများအတွက်ပါ အထူးထုတ်လုပ်ထားသော အာဟာရမှုန့်များလဲရရှိနိုင်လို့ ရွေးချယ်စရာ များပြားပါတယ်ရှင့်…
👉ဘူးသေး၊ အထုတ်ကြီးလဲ ခွဲဝယ်လို့ ရတာမလို့ စမ်းသောက်ကြည့်ချင်သူများအတွက်လဲ အဆင်ပြေပါတယ်ရှင့်…
👉မြန်မာပြည်အတွင်း အာဟာရဆရာဝန်ကိုယ်တိုင် သေချာတွက်ချက်ထုတ်လုပ်ထားတာမလို့ ဈေးနှုန်းသင့်တင့်မျှတပါတယ်ရှင့်…

NutriLuxe 🌿 မှာ instock ရရှိနိုင်တဲ့ ProMax Myanmar products များကို မှာယူချင်ရင်တော့ messenger သို့ Viber phone - 09777637795 ကို ဆက်သွယ်နိုင်ပါတယ်ရှင့်…

09/09/2026

🥜 အခွံမာသီး (Nuts) တွေမှာ ဘာအာဟာရတွေ ပါဝင်လဲ?
အခွံမာသီးတွေဟာ ပမာဏနည်းနည်းစားရုံနဲ့ အသားဓာတ် (Protein)၊ အမျှင်ဓာတ်၊ ကျန်းမာရေးအတွက်ကောင်းတဲ့ အဆီဓာတ် (Unsaturated Fat)၊ ဗီတာမင်နဲ့ သတ္တုဓာတ်များ ရရှိနိုင်တဲ့ အာဟာရပြည့်ဝတဲ့ အစားအစာတစ်မျိုးပါ

🌰 မြေပဲ (Peanut)
• Protein ပါဝင်ပြီး ဗိုက်ပြည့်စေပါတယ်
• Niacin, Folate နဲ့ Magnesium ပါဝင်ပါတယ်

🌰 သီဟိုဠ်စေ့ (Cashew)
• Copper, Magnesium နဲ့ Iron ကြွယ်ဝပါတယ်
• ကျန်းမာရေးအတွက်ကောင်းတဲ့ Unsaturated Fat ပါဝင်ပါတယ်

🌰 Almond
• Vitamin E ကြွယ်ဝပါတယ်
• Magnesium နဲ့ အမျှင်ဓာတ် ရရှိနိုင်ပါတယ်

🌰 သစ်ကြားသီး (Walnut)
• Omega-3 အမျိုးအစား ALA ပါဝင်ပါတယ်
• နှလုံးကျန်းမာရေးအတွက် အထောက်အကူပြုနိုင်ပါတယ်

🌰 Pistachio
• Protein နဲ့ Fibre ပါဝင်ပါတယ်
• Vitamin B6 နဲ့ Potassium ရရှိနိုင်ပါတယ်

🌰 Hazelnut
• Vitamin E ကြွယ်ဝပါတယ်
• ကျန်းမာရေးအတွက်ကောင်းတဲ့ Monounsaturated Fat ပါဝင်ပါတယ်
• Manganese နဲ့ အခြား Antioxidants များ ရရှိနိုင်ပါတယ်

🌰 မက်ကဒေးမီးယား (Macadamia)
• Monounsaturated Fat ကြွယ်ဝပါတယ်
• Manganese နဲ့ အခြားအာဟာရဓာတ်များ ပါဝင်ပါတယ်
• အရသာကောင်းပြီး Snack အဖြစ် စားသုံးနိုင်ပါတယ်

✨ ဘယ်လောက်စားသင့်လဲ?
အများအားဖြင့် တစ်နေ့ကို 28–30 g ခန့် (လက်တစ်ဆုပ်စာခန့်) ကို Snack အဖြစ် စားသုံးနိုင်ပါတယ်
⚠️ အခွံမာသီးတွေမှာ အဆီဓာတ်နဲ့ Calories ပါဝင်မှုများတဲ့အတွက် ပမာဏကို ထိန်းပြီးစားဖို့ အရေးကြီးပါတယ်
👉 ဆားမပါသော၊ သကြားမထည့်ထားသော၊ ရိုးရိုးစားနိုင်တဲ့ သို့မဟုတ် ပေါ့ပေါ့ပါးပါးလှော်ထားတဲ့ အခွံမာသီးတွေကို ရွေးချယ်ပါ
❌ ဆားအလွန်များ၊ သကြားထည့်ထားသော၊ Deep-fried အခွံမာသီးများကို ရှောင်သင့်ပါတယ်

💡 သတိပြုရန်
မြေပဲ/အခွံမာသီး Allergy ရှိသူများအနေနဲ့ မိမိနဲ့မတည့်တဲ့ အစားအစာကို ရှောင်ကြဉ်သင့်ပါတယ်
အခွံမာသီးတွေက ကျန်းမာရေးနဲ့ညီညွတ်တဲ့ Snack တစ်မျိုးဖြစ်ပေမယ့် “များများစားရင် ပိုကောင်းတယ်” မဟုတ်ပါဘူး
ပမာဏမှန်မှန်နဲ့ Balanced Diet ထဲမှာ ထည့်သွင်းစားသုံးတာက အကောင်းဆုံးပါ 🌿

ဒေါက်တာသင်ဇာဝေ
အာဟာရဆရာဝန်

07/09/2026

နွားနို့ရဲ့ အကြောင်းလေးကို ပြည့်ပြည့်စုံစုံ သိရဖို့အတွက် အာဟာရဆရာဝန်မှ sharing လုပ်ပေးထားတာလေးပါရှင့်…

ညီမတို့ NutriLuxe မှာ skim milk နဲ့ထုတ်ထားတဲ့ products ဘာလေးတွေရှိမလဲဆိုတာ နောက်နေ့ကျ အသေးစိတ်လေး ပြန်တင်ပေးပါ့မယ်ရှင့်…

Cow Milk (နွားနို့) အကြောင်း သိကောင်းစရာ

ဒီလ ဇွန်လ ၁ ရက်နေ့က World Milk Day ပါ
ဒါကြောင့် World Milk Day ကို ဂုဏ်ပြုတဲ့ အနေနဲ့ ဇွန်လ မကုန်ခင် နွားနို့ရဲ့ အသုံးဝင်ပုံ အမျိုးအစားတွေကို ပြောပြပေးချင်ပါတယ်

နို့လို့ ပြောလိုက်တာနဲ့ ကျွန်မတို့တွေ အများဆုံးသောက်သုံးကြတာက နွားနို့ပဲ ဖြစ်ပါတယ်

နွားနို့ကို Whole milk, Reduced fat milk, Low fat (1%) နဲ့ Skim (fat-free) milk ဆိုပြီး ၄ မျိုးခွဲပြီး ရရှိနိုင်ပါတယ်
၄ မျိုးလုံးမှာ ဖန်ခွက် တစ်ခွက်ကို ကစီဓာတ် ၁၅ ဂရမ်နဲ့ အသားဓာတ် ၈ ဂရမ် ပါလို့ ပါဝင်မှုနှုန်းက တူပါတယ်

“Whole Milk”
ပထမဆုံးအနေနဲ့ အဆီ မထုတ်ထားတဲ့ နွားနို့က ကယ်လိုရီပမာဏ အများဆုံးဖြစ်ပါတယ်
အဆီပမာဏအနေနဲ့ တစ်ခွက်မှာ ၈ ဂရမ်ပါပြီးတော့ ကယ်လိုရီ ၁၅၀ ပါပါတယ်
အဆီကနေ ရရှိတဲ့ အာဟာရဓာတ်တွေ အားအင်ဓာတ်တွေ အဓိကလိုအပ်တဲ့ ဖွံ့ဖြိုးဆဲအရွယ် ကလေးတွေကတော့ တစ်နေ့တစ်ခွက် သောက်သုံးပေးသင့်ပါတယ်

“Reduced Fat Milk”
မြန်မာနိုင်ငံက အသင့်ချက်ပြီးသားရောင်းတဲ့ နွားနို့ဆိုင် တော်တော်များများမှာ ရနိုင်တဲ့ နို့ဖြစ်ပါတယ်
အဆီပမာဏအနေနဲ့ တစ်ခွက်မှာ ၅ ဂရမ်ပါပြီးတော့ ကယ်လိုရီ ၁၂၀ ပါပါတယ်
ဝိတ်ချနေတဲ့ သူများကတော့ လွယ်လွယ်ကူကူရနိုင်တဲ့ ဒီအမျိုးအစားကို သောက်သုံးနိုင်ပါတယ်

“Low Fat Milk and Skim Milk”
ဒီအမျိုးအစား၂ မျိုးကတော့ နိုင်ငံခြားက တင်သွင်းတဲ့ နွားနို့တွေ နို့မှုန့်တွေမှာ ရရှိနိုင်ပါတယ်
တစ်ခွက်မှာ အဆီ ၀-၃ ဂရမ်နဲ့ ကယ်လိုရီ ၉၀ ပါဝင်ပါတယ်
ဝိတ်သေချာထိန်းချင်တဲ့သူတွေအတွက် အသင့်တော်ဆုံးနို့အမျိုးအစားဖြစ်ပါတယ်

“UHT and Pasteurized Milk”
အပေါ်မှာပြောသွားတဲ့ နွားနို့ဆိုင်တွေမှာ ရနိုင်တဲ့ အသင့်ချက်ပြီး နို့နဲ့ နိုင်ငံခြားက တင်သွင်းတဲ့ နို့က ဘာကွာသလဲ?
မြန်မာနိုင်ငံမှာ အလွယ်တကူရနိုင်တဲ့ အသင့်ချက်ပြီး နွားနို့တွေက pasteurized milk အမျိုးအစားဖြစ်ပါတယ်
အပူချိန် ၁၆၂ ဒီဂရီဖာရင်ဟိုက် (၇၂ ဒီဂရီ စင်တီဂရိတ်) နဲ့ ၁၅ စက္ကန့် အပူပေးပြီး ရလာတဲ့ နို့ဖြစ်ပါတယ်
အဲ့လို အပူပေးခြင်းအားဖြင့် ပိုးမွှားတော်တော်များများကို သတ်ပြီးသားဖြစ်လို့ နွားနို့မှာပါတဲ့ ပိုးကြောင့်ဖြစ်တဲ့ နောက်ဆက်တွဲရောဂါတော်တော်များများကို ကာကွယ်နိုင်ပါတယ်
ဒါပေမယ့် spore forming bacteria တစ်မျိုးကိုတော့ မသေစေနိုင်ပါဘူး
ဒီနည်းက နွားနို့ အရသာပြောင်းလဲခြင်းမရှိလို့ တော်တော်များများကြိုက်ကြတဲ့ အမျိုးအစားဖြစ်ပါတယ်
မကောင်းတဲ့အချက်ကတော့ ရေခဲသေတ္တာထဲမှာပဲ သိမ်းရပြီး ၂-၃ ရက်သာခံပါတယ်
နိုင်ငံခြားကနေ တင်သွင်းတဲ့ နို့တွေကတော့ UHT milk အမျိုးအစားဖြစ်ပါတယ်
အပူချိန် ၂၈၄ ဒီဂရီဖာရင်ဟိုက်(၁၄၀ ဒီဂရီ စင်တီဂရိတ်) နဲ့ ၄ စက္ကန့် အပူပေးပြီး ရလာတဲ့နို့ဖြစ်ပါတယ်
အပြင်းဆုံးအပူချိန်နဲ့ spore forming bacteria အပါအဝင် ရှိသမျှပိုးအကုန်သေနိုင်လို့ ကျန်းမာရေးအတွက် စိတ်အချရဆုံးဖြစ်ပါတယ်
အရသာအနည်းငယ် ပြောင်းသွားလို့ နွားနို့ကြိုက်တဲ့ အချို့သူများကတော့ သိပ်မကြိုက်ကြပါဘူး
ကောင်းတဲ့အချက်အနေနဲ့ကတော့ ပြင်ပအခန်းအပူချိန်မှာပဲ ၆ လ ထားနိုင်ပါတယ် ဒါပေမယ့် ဖွင့်ပြီးရင်တော့ ရေခဲသေတ္တာထဲ ထည့်ပြီး ၃ ရက်အတွင်း သောက်ရပါမယ်
ဒါဆိုရင် အိမ်မှာ သေသေချာချာလေး မလိုင်တက်အောင် ကြိုထားတဲ့ နွားနို့ဆိုရင်ရော?
ဟုတ်ကဲ့ အပေါ်ကပြောထားတဲ့ အပူချိန် ကြာချိန်အတိုင်းရအောင် မကြိုနိုင်ရင်တော့ ပိုးမွှားတွေ မသေနိုင်တဲ့အတွက် အပေါ်က နွားနို့ ၂ မျိုး လုံးဝ ဝယ်ရမလွယ်ကူတဲ့ နေရာတွေက လွဲလို့ ရှောင်နိုင်ရင် ပိုကောင်းပါတယ်

နွားနို့မှာ အသားဓာတ်ကောင်းကောင်းအပြင် တခြားဗီတာမင်နဲ့ သတ္ထုဓာတ်တွေလဲ အများကြီးပါဝင်ပါတယ်
ကယ်စီယမ်၊ မဂ္ဂနီစီယမ်၊ စလီနီယမ်၊ ဇင့်၊ ဖောလိတ်၊ ဗီတာမင် A,E,B2 နဲ့ B12 တို့ပါဝင်ပါတယ်
အဲ့ဒါကြောင့် နွားနို့တစ်နေ့တစ်ခွက် ပုံမှန်သောက်သုံးပေးသင့်ပါတယ်

Dr. Thin Zar Wai
Clinical Nutritionist

05/09/2026

NutriLuxe 🌿 မှာ instock ရရှိနိုင်တဲ့ whey protein ကနေထုတ်ထားတဲ့ အာဟာရမှုန့်များကို ဖော်ပြပေးထားပါတယ်ရှင့်…

ဆီးချိုအထူး
👉 Glucomeal 400 g - 95000 ကျပ်
👉 Diabetasol 180 g - 30000 ကျပ်
👉 Prohance D 400 g - 64000 ကျပ်

ရိုးရိုး
👉 Entrasol 400 g - 45000 ကျပ်

Protein သီးသန့်
👉 Novi Pro Whey Isolate Powder 300 g - 135000 ကျပ်

မိမိကိုယ်တိုင်သောက်ဖို့ပဲဖြစ်ဖြစ် လူကြီးမိဘတွေကို ဂါရဝပြုဖို့ပဲဖြစ်ဖြစ် ဝယ်ယူအားပေးချင်တယ်ဆိုရင်
Viber ph - 09777637795 ကနေလဲ မှာယူနိုင်သလို page messenger ကနေလဲ မှာယူနိုင်ပါတယ်ရှင်…

ကိုယ်နဲ့သင့်တော်တဲ့ အာဟာရမှုန့်ကိုရွေးချယ်ရခက်နေရင်လဲ သေချာလေး ရှင်းပြပေးမှာမလို့ သိချင်တာရှိရင် စာပို့ပြီး မေးထားလို့ရပါတယ်ရှင့်…

Delivery ခလေးလဲ ဈေးအချိုဆုံးဖြစ်အောင် safe delivery နဲ့အပ်ပေးပါတယ်ရှင့်
မန်းလေးမြို့တွင်းဆို နေရာလေးပေါ်မူတည်ပြီး ပို့ချိန်လေး ၁-၂ ရက်စောင့်ရနိုင်ပါတယ်ရှင့်…