17/10/2021
သီတင်းကျွတ်'လအခါ ဘာလို့မီးထွန်းရတာလဲ"
____________________________________
သီတင်းကျွတ်လမီးထွန်းရခြင်း၏ ရည်ရွယ်ချက်
ငယ်ငယ်တုန်းကတော့ သီတင်းကျွတ်လအခါရောက်ရင်
အိမ်ပတ်ပတ်လည်အနှံ့ လမ်းဘေးဝယ်ယာ အစရှိသော နေရာ
အသီးသီးကို ဖယောင်တိုင်းလေးတွေ ဆီမီးခွက်လေးတွေ
လိုက်လံ ထွန်းညှို့ပြီး အဓိပ္ပါယ်မဲ့စွာနဲ့ ပျော်ရွှင်ခဲ့ဖူးပါတယ်။
မိရိုးဖလာ အဆင့်လောက်ပဲ့ရှိတဲ့ ပတ်ဝန်ကျင်အသိုင်းဝိုင်းကြားမှာ
သီးတင်းကျွတ်လခါသမယ အဘယ်ကြောင့်မီးထွန်းရသလဲဆိုသော
အကြောင်းကိုတော့ ဂဃနဏ မသိခဲ့ရတော့ အမှန်ပါပဲ။
မိမိလိုပဲ ယခုအခါ သီတင်းကျွတ်လအခါ မီးထွန်းညှို့ရတဲ့
အကြောင်းကို မသိရသေးသော ဗုဒ္ဓဘာသာဝင် လူငယ်လေးများ
အဓိပ္ပါယ်မဲ့စွာ ပျော်ရွှင်မှုအတွက်မဟုတ်ပဲ့ မီးထွန်းရခြင်း၏။
ရည်ရွယ်ချက် အလေ့အထကို အကျိုးရှိပုံကို နည်းနည်းလောက်
ရေးသားပေးလိုက်ပါတယ်။
တကယ့်တော့ သီတင်းကျွတ်လအခါ အိမ်မှာဖြစ်ဖြစ် လမ်းမှာပဲဖြစ်ဖြစ် စေတိဘုရား ကျောင်းကန်မှာပဲဖြစ်ဖြစ် မီးထွန်းကြတဲ့ အလ့ အထဟာ ဗုဒ္ဓဘာသာဝင်တို့အတွက် ရှေးယဉ်ကျေးမှုအစဉ်အလာမှ
အကျိုးတရား အင်မတန်းများတဲ့ဓလေ့ပါ။
မြတ်ဗုဒ္ဓဘုရားရှင်ကို ရည်မှန်လို့ ဆီမီးလှူဒါန်းသောဓလေ့ ဘဝင်
ကြည်အေးလို့ ပီတိဖြစ်ရ ရွှင်လန်းကြပါ၏။ ဘယ်လောက်အဓိပ္ပါယ်
ရှိလေးနက်သလဲဆိုရင်တော့ တွေကြည့်လေ ကြည်နူးလေပဲဆိုတာ
အကျိုးရှိတဲ့ ပျော်ရွှင်မှုပါ။
သင်္ကဿနဂိုရ် ရာဇဂြိုဟ်ပြန်လာတို့ဘုရား သဒ္ဓါတရားဖြင့်
ရွှင်လန်းလို့ဆီးကြို ပူဇော်မှုလှူဒါန်း ဤဆီမီးဇာက်လမ်းက ကြားရ
သမျှ ဘယ်ခါဖြစ်ဖြစ် နားဝင်ချိုလို့အေး တို့မမေ့အပ်ခဲ့သေးတာ
ဘာသာတရား၏ အဆုံးမဖြင့် ရလိုက်တဲ့ အဖိုးအနဂ္ဃပါ။
နှစ်စဉ်အခါ သီတင်းကျွတ်လရောက်တိုင်း ပျော်မြူးလို့လှူဒါန်းခဲ့တဲ့ သည်မီးထွန်းပွဲ တကယ့်တော့ အနုဂါမိကခေါ်နောင်သံသရာအရေးဖို့
ရိက္ခာဆောင် ရွှေအိုးမြှပ်လိုက်တဲ့ နေ့ထူးနေ့မြတ်ပါပဲ့။
မြတ်ဘုရားအား ရည်မှန်လို့ လှူဒါန်းရသော ဤဆီမီးလှူအကျိုး
(၁၁) မျိုးနှင့် ပူဇော်ရလာ အကျိုးတရား( ၆) ပါး မုချအားဖြင့်
မလွဲမသွေ ခံစားရပေမို့ပါ။
မြတ်စွာဘုရားအား ဆီမီးပူဇော်ရခြင်းအကျိုး ( ၆ )ပါး။
>
၁။ဖြစ်လေရာ ဘဝတိုင်းဘဝတိုင်း၌ များစွာသော ဆီမီးတို့သည်
ကောင်းစွာတောက်ပခြင်း။
၂။နံရံတစ်ဖက်,ကျောက်တောင်တစ်ဖက်,တောင်စသည်တို့ကို
ကျော်လွန်၍ အလိုရှိအပ်သော အရာဝတ္ထုတို့ကို မြင်နိုင်ခြင်း။
၃။မျက်စိ အထူးစင်ကြယ်ခြင်း။
၄။အခြံတို့ဖြင့် တောက်ပခြင်း။
၅။သဒ္ဓါတရား တည်မြဲရှိသူဖြစ်ခြင်း။
၆။ပညာဉာဏ်ကြီးသူ ဖြစ်ခြင်း။
(အပ၊၂ ၊ ၂၅၁) (အပ၊မြန်၊၂။၂၄၃)
( ပိဋကသုံးပုံ သရုပ်စုံ အဘိဓာန် နှာ၁၃၂)
ရတနာသုံးပါးစေတီစသည်တို့၌ ဆီမီးလှူရကျိုး( ၁၁ ) ပါး။
_____________________________________________
၁။တာဝတိ ံသာနတ်ပြည်၌ အမြင့်ယူဇနာခြောက်ဆယ်,အကျယ်ယူ
ဇနာ သုံးဆယ်ရှိသော ဘုံဗိမ္မာန် ရရှိခြင်း။
၂။မရေမတွက်နိုင်သော ဆီမီးတိုင်များ ဝန်ရံလျက်နတ်ဘုံရှိသ
လောက် ထွန်းလင်းတောက်ပခြင်း။
၃။မျက်ကွယ်ဖြစ်လျက် အလိုရှိလျှင် အထက်အောက်ဖီလာ အရပ်
မျက်နှာအားလုံးကို မြင်နိုင်ခြင်း။
၄။သုဂတိဘဝ,ဒုဂ္ဂတိဘဝလာရောက်မည့် ပုဂ္ဂိုလ်တို့ကို အပိတ်
အပင်မရှိဘဲ ကြည့်ရှု့နိုင်ခြင်း။
၅။ရှစ်ကျိပ်သော နတ်မင်းကြီးတို့နှင့် တစ်ရာသော စကြာမင်းမင်တို့
၏ မိဖုရားဖြစ်ရခြင်း( အမျိုးသမီးများ ရသောအကျိုးဖြစ်မည်)
၆။လူ့ဘဝ နတ်ဘဝတို့၌ ဆီမီးတစ်သိန်း ဝန်းရံလျှက် တောက်ပခြင်း
၇။မွေးဖွားရာ အိမ်၌ ဆီမီးတစ်သိန်းတို့တောက်ပခြင်း။
၈။မဏ္ဍပ်,သစ်ပင်ရင်း,ဆိတ်ငြိမ်ရာကျောင်းတို့၌ နေစဉ် ဆီမီးများ
အမြဲတောက်ပခြင်း။
၉။ဒိဗ္ဗစက္ခုအဘိညာဉ်သည် အထူးစင်ကြယ်လျှက် စျာန်အဘိညာဉ်
တို့၌ အထွဋ်အထိပ်သို့ ရောက်ခြင်း။
၁၀။ဗောဓိပင်အား ဆီမီးလှူခဲ့သည့်အခါမှ စ၍ ကမ္ဘာတစ်သိန်းတိုင်
တိုင် ဒုဂ္ဂတိဘဝသို့ မလားခြင်း။
၁၁။နောက်ဆုံးဘဝ၌ ခုနစ်နှစ်အရွယ်တွင် ကိလေသာကုန်ခန်း၍
ရဟန္တာဖြစ်ခြင်း။
(ပိဋကသုံးပုံ သရုပ်စုံအဘိဓာန် နှာ-၁၃၃)
ထိုကြောင့် ရတနာ သုံးပါးအားလည်းကောင်း စေတီ ဘုရား
ပုထိုးတော် စသည့်တို့အား ဆီမီးပူဇော် လှူဒါန်ခွင့်ရရှိခြင်းသည်
ထူးကဲ့မွန်မြတ်ရခဲလှလေ၏ ဘုန်းကံရှိသူတို့သာလျှင် ပြုလုပ်ခွင့်
ရသည်ဟု မှတ်ယူသင့်ပေ၏။ သီတင်းကျွတ်သမယနှင့်
တန်ဆောင်မုန်းလကာလတို့၌လည်း မိမိတို့ထွန်းညှို့
လိုက်သော ဆီမီးတစ်တိုင် အလင်းတိုင် တစ်ချောင်းသည်
ပစ္စုပ္ပန်ဘဝပေါင်းများစွာအတွက် အကျိုးမျိုးမျိုးပေးလိမ့်မည်ဆိုတာ
မုချအားဖြင့် မှတ်သားလိုက်ပါ။ မြတ်ဗုဒ္ဓအား ရည်မြော်လှူဒါန်း
ပူဇော်မှန်ရသည့် ဒီဓလေ့ မမေ့သည့်တိုင် အကျိုးများစွာ
တိုးပွားတဲ့ အသိဖြင့် ပီတိဖြစ်နိုင်ကြပါစေ။
~~~~~~~~~~~~~~~~~~~~~~~~~~~~~~
