15/08/2026
အိမ်ထောင်ရေးမှာ အချစ်တစ်ခုတည်းနဲ့ မလုံလောက်ဘူး။ 🤍
အချစ်ဆိုတာ
တစ်ယောက်ကို တစ်ယောက် လိုချင်တာ၊
သတိရတာ၊
အတူရှိချင်တာမျိုးပါ။
ဒါပေမယ့် ကိုယ်ချင်းစာတရား ဆိုတာကတော့
ကိုယ်မကြုံဖူးတဲ့ သူ့အခက်အခဲကိုတောင်
“သူ့နေရာမှာ ငါဆိုရင် ဘယ်လိုခံစားရမလဲ”
လို့ တွေးပေးနိုင်တာမျိုး ။
တစ်ယောက်ပင်ပန်းနေတဲ့အချိန်
တစ်ယောက်က နားလည်ပေးနိုင်ဖို့လိုတယ်။
ကိုယ်မှန်နေတယ်ဆိုရင်တောင်
တစ်ဖက်လူရဲ့ခံစားချက်ကို မနာကျင်အောင် ပြောတတ်ဖို့လိုတယ်။
စိတ်ဆိုးတဲ့အချိန်မှာ
အနိုင်ရဖို့ထက်
“ငါ့စကားကြောင့် သူဘယ်လောက်နာကျင်သွားမလဲ”
လို့ တွေးပေးနိုင်ဖို့လိုတယ်။
ဘာလို့လဲဆိုတော့…
အချစ်က တစ်ယောက်နဲ့တစ်ယောက် နီးစေတယ်။
ကိုယ်ချင်းစာတရားက အနားမှာ ဆက်ရှိနိုင်အောင် ထိန်းထားပေးတာမျိုးပါ။
အချစ်လျော့သွားတဲ့နေ့တွေ ရှိနိုင်တယ်။
စိတ်ဆိုးတဲ့နေ့တွေ ရှိနိုင်တယ်။
အမြင်မတူတဲ့နေ့တွေလည်း ရှိနိုင်တယ်။
အချစ်ဆိုတာ
တစ်ယောက်ကိုတစ်ယောက် တွယ်ညှိမိစေတဲ့အရာပါ။
ဒါပေမယ့် အိမ်ထောင်ရေးတစ်ခုကို
နှစ်တွေကြာအောင် ဆက်ထိန်းထားဖို့ဆိုရင်
အချစ်တစ်ခုတည်းနဲ့ မလုံလောက်ပါဘူး။
တစ်ယောက်ပင်ပန်းနေရင်
တစ်ယောက်က နားလည်ပေးနိုင်ဖို့လိုတယ်။
ကိုယ်မကြုံဖူးတဲ့အခက်အခဲကိုတောင်
“သူ့နေရာမှာ ငါဆိုရင် ဘယ်လိုခံစားရမလဲ”
လို့ တွေးပေးနိုင်ဖို့လိုတယ်။
ဒါက ကိုယ်ချင်းစာတရား ပါ။
နောက်တစ်ခုက
မိသားစုစိတ်ဓာတ် ပါ။
အဆင်ပြေတဲ့အချိန်မှာပဲ
“ငါတို့” လို့ ပြောတာမဟုတ်ဘဲ…
အခက်အခဲကြုံလာတဲ့အခါ
“ဒါက သူ့ပြဿနာ” မဟုတ်ဘဲ
“ဒါက ငါတို့ရဲ့ပြဿနာ” လို့ တွေးပေးနိုင်တာပါ။
အိမ်မှာ တစ်ယောက်က ပင်ပန်းနေရင်
တစ်ယောက်က ဝန်ကို မျှပေးတယ်။
တစ်ယောက်အောင်မြင်ရင်
တစ်ယောက်က အားပေးတယ်။
တစ်ယောက်မှားသွားရင်
အနိုင်ယူဖို့မဟုတ်ဘဲ ပြန်ကူညီတယ်။
အချစ်က အိမ်ထောင်ရေးကို စတင်စေတယ်။
ကိုယ်ချင်းစာတရားက တစ်ယောက်နဲ့တစ်ယောက် နားလည်စေတယ်။
မိသားစုစိတ်ဓာတ်က “ငါတို့” အဖြစ်နဲ့ ဆက်ရှိနေစေတယ်။ 🤍
အိမ်ထောင်ရေးမှာ
ဘယ်သူနိုင်လဲဆိုတာထက်
“ငါတို့နှစ်ယောက် အတူတူ ဘယ်လိုကျော်ဖြတ်ကြမလဲ”
ဆိုတဲ့စိတ်က ပိုအရေးကြီးပါတယ်။ 🤍
#နှလုံးသားထဲကစကားလေးတစ်ချို့
