Дэлхий дүүрэн цэцэг

04/05/2025

САРНЫ ДОМ
Уламжлалт ёсоор монгол эмэгтэйчүүд сарны хөдөлгөөнийг харгалзаж үйл ажлаа тааруулдаг байжээ.
Шинийн гурван, арван тавны сарыг тааруулан үрийн заяа дуудах болон орон гэртэйгээ холбоотой хүслээ даатган дууддаг байна.
Монголчууд сарнаас хишиг буян гуйхдаа хормойгоо дэвсэн сууж, баруун гараа зүүн гарынхаа доогуур оруулж, зүүн гартаа дугуй хэлбэртэй мөнгө тавин, дэлхийн эргэлтийн чигээр хөдөлгөх үйлдэл хийдэг байв. Үүлтэй бүрхэг харагдахгүй байсан ч хамаагүй. Сарны туяа, түүний эрчим юуг ч нэвтэлж чаддаг.
Гадаадад байгаа хүмүүст ч хамаатай аж. Яг энэ өдрийн монгол цаг товоор хүсэл юугаа бодож өргөл юугаа хийж санасан бүхнээ шивнээрэй.

Gopy

04/05/2025

ӨӨРТӨӨ ХЭЛЭХ УРМЫН ҮГС
1. Амьдралд бэлэн болно гэж байдаггүй. Тиймээс эргэлзэлгүй эхэлж байх нь л зөв.
2. Хэрвээ чиний мөнгө, мэдлэг, танилын хүрээ гурвын аль нь ч өсөж нэмэгдэхгүй байгаа бол чи яг одоо цагаа хий дэмий үрж байна.
3. Энгийн хүмүүс хэрхэн цаг нөхцөөх талаар боддог бол, амжилттай хүмүүс цагийг хэрхэн ашиглах талаар боддог.
4. Мөрөөдөл зорилгодоо итгэдэг хүн л ирээдүйгээ хүссэнээрээ удирддаг.
5. Өнөөдөр хийж болох зүйлийг маргааш гэж бүү хойшлуул.
6. Цагийг буруу зарцуулдаг хүмүүс л үргэлж завгүй байгаагаа гайхдаг.
7. Сонирхсон 10 хүнээс зорьсон ганц хүн дээр.
8. Дуртай зүйлээ хийж өнгөрүүлсэн 2 цаг дургүй зүйлтэйгээ зууралдаж өнгөрүүлсэн 10 цагаас үнэтэй.
9. Төлөвлөхөөс залхуурч байгаа бол бүтэлгүйтэхдээ бэлд.
10. Өнөөдөр юу хийж байгаагаас ирээдүй чинь шалтгаална.
11. Хийх хүн арга хайдаг, Хийхгүй хүн шалтаг хайдаг.
12. Төлөвлө. Учир нь төлөвлөсөн зүйл төлөвлөөгүйтэй харьцуулахад бүтэх боломж хэд дахин өндөр байдаг.
13. Хүн юу хүсэж мөрөөдөнө, түүний ирээдүй яг л тийм л байдаг.
14. Мөрөөдөх нь төлөвлөхийн эхлэл юм. Мөрөөдсөн хүн л зорьж, зорьсон хүн л төлөвлөж, төлөвлөсөн хүн л мөрөөдлөө биелүүлдэг.
15. Байнга үйлддэг дадал маань л биднийг тодорхойлдог.
16. Барилга барихад төлөвлөгөө хэрэгтэй байдаг шиг амьдралаа бүтээхэд ч төлөвлөгөө хэрэгтэй.
17. Энгийн хүмүүсийн хийхийг хүсдэггүй зүйлийг өөртөө дадал болгож чадсан хүн амжилттай амьдардаг.
18. Азгүйтэлдээ цэг тавихыг хүсвэл яг одооноос бүхнийг төлөвлөж эхлэ.
19. Хэр удаан явах нь хамаагүй хамгийн гол нь зогсохгүй л байх хэрэгтэй.
20. Амьдрал азаар гоё болдоггүй. Өөрчлөлтөөр л гоё болдог.
21. Хангалттай цаггүй байгаа нь биш хангалттай тэмүүлэлгүй байгаа нь л асуудал юм.
22. Амжилт чухал ч амжилтанд хүрэх зам нь илүү чухал.
23. Ирээдүйгээ урьдчилан мэдэх арга бий. Тэр бол өнөөдөр түүнийг бүтээх юм.
24. Шүүмжлэлээс зугтах ганц л боломж бий. Тэр нь юу ч хийхгүй, юу ч хэлэхгүй хэн ч биш байх.
25. Амжилтанд шууд хүргэх цахилгаан шат гэж үгүй. Тэнд нэг нэг шатаар өгсөж л очих боломжтой. Тэр шатны хамгийн эхнийх нь сайн дадлыг өөртөө суулгах юм.
26. Хэрвээ яг одоо бүх юм уйтгартай санагдаж байвал чамд хангалттай том зорилго алга байна гэсэн үг. Зорилготой хүнд уйдах зав байдаггүй.
27. Саад бэрхшээл чамайг зогсоохгүй. Асуудлууд болоод бусад хүмүүс ч чамайг зогсоож чадахгүй. Гагцхүү чи л өөрөө л өөрийгөө зогсоодог.
28. Юм бүхэнд ялагч нь байх албагүй ээ. Хамгийн сайнаараа хичээсэн гэдгээрээ л бахархаж болох мөчүүд амьдралд олон байдаг. Чиний дэргэд ядаж оролдож ч үзэлгүй шантарсан олон хүн бий.
29. Өөрийн гэсэн үзэл бодолтой байхаас илүү тэр бодлоо бусдад хүргэхэд илүү ухаан шаардагддаг.
30. Бидний хамгийн том сул тал бол бид юу юугүй бууж өгдөг. Амжилтын хамгийн зөв алхам бол ахиад нэг оролдож үзэхэд оршдог. TsoilogsoZ

03/05/2025

Хоосон байсан ч өглөг өгч болох 12 арга

Өглөг нь зөвхөн ямар нэг зүйлс өгөх төдий бус, СЭТГЭЛЭЭСЭЭ, ЯЛГАВАРЛАЛГҮЙ, ҮНЭНЧЭЭР, ХАРАМГҮЙ өгч байгаа сэтгэлийн нандин чанар бөгөөд энэ нь хүмүүн бүрт анхны таван их буян, арван сайн үйлийн эхлэл болдог.

Юу ч үгүй хоосон хүмүүн дараах 12 өглөгийг бусдад өгьюү гэж хүсвээс өгч чаддаг. Харин та ямар сэтгэлээр, юугаа өгч чадах вэ?

1. Биеийн өглөг

Өргөст замд хэн нэгэнд түшиг болж,

Өвдөг сөхрөөд ч болов замыг нь барьюу.

Өөрийн оронд бусдыг аварч чадах бол,

Өнгөн бие минь ч өглөгийн дээд ариун билээ.

2. Сэтгэлийн өглөг

Хэлээгүй ч гомдлыг нь сэтгэлээр сонсож,

Хэлж чадаагүй жаргалыг нь зөн совингоор мэдэрнэ.

Хэн нэгэн итгэл алдахад итгэж байж,

Хүний сэтгэлд гэрэл асаах нь өглөг бөлгөө.

3. Нүдний өглөг

Өрөвдөнгүйд өрөвдөх харцаар ивээн,

Өнчрөн зогсох сэтгэлд дулаан төөнөнө.

Нулимстай нүдэнд итгэлийн цацраг шингээж,

Нүгэлгүй харцаар нигүүлсэл хайрламу.

4. Нүүрний өглөг

Нар мэт инээмсэглэл, сэтгэлд төөнөн,

Намраас ч дулаахан нүүрээр энэрнэ.

Нэг л сайхан ааш, өр зөөлрүүлдэг,

Нүглийг ч уусааж, нигүүлсэл төрүүлнэ.

5. Үгний өглөг

Урам хайрласан үг бол уул нураана,

Унтарсан зүрхэнд гал асаана.

Үг бүр маань үр болдог хорвоод,

Үнэт эрдэнэ мэт өглөгийн хүч болму.

6. Суудлын өглөг

Өвгөн хөгшдөд суудал тавих, дээш залан хүндлэх нь

Өндөр дээдийн жамын хүндлэл билээ.

Олдохгүй гээд өнгөрөхийн оронд,

Ойлгож өгсөн сэтгэл өглөгийн гэгээ.

7. Орон байрны өглөг

Аяга цайтай, дулаан өрөөтэй,

Аяны хүн ч амсхийх гудастай,

Асуусангүй ч ирсэнд онгойлгох хаалга,

Ариун өглөгийн орчлонгийн амирлал.

8. Ухааны өглөг

Сүүдэртэй сэтгэлд гэрэл цацах,

Сургаалын мэлмийгээр замчилан заах.

Сонссон бүхэн нь сэхээрэл болох,

Сүнсний өглөг бол ухааных юм.

9. Цаг хугацааны өглөг

Тавгүйд хажууд нь суух ганцхан хором,

Талархал дүүрэн бүтэн өдөр шиг мэдрэгдэнэ.

Тэвчээртэй сонсох, хариу нэхэхгүй байх,

Тэр л нэг мөч – өглөгийн оршихуйн гэрэл.

10. Уучлалын өглөг

Гомдлыг үүрээд зөөлөн инээмсэглэх,

Гэрэл лугаа сэтгэл уучлалаар гэрэлтэнэ.

Гэмтэйд ч нигүүлсэн гараа сунгах нь,

Гэгээн өглөгийн дээд хэлбэр мөхөс билээ.

11. Амар амгалангийн өглөг

Айлгах бус, амирлуулах үг яриа,

Аюулгүй орчлонгийн эцэсгүй хайр.

Амьтай бүхэнд амгалангийн илгээмж бол,

Аугаа өглөг бол аюулын эсрэг ариун сахиус.

12. Ерөөл сэтгэлийн өглөг

Хэлэлгүй ч хүслээ бусдын төлөө тавих,

Хэзээд ч сайхныг ерөөж явдаг сэтгэл ариун.

Хүн бүхэнд сайн сайхныг шивнэхүй дор,

Хувь заяа хүртэл ивээлт замаар гэрэлтэнэ.

💖💖💖📣📣📣🥰🥰🥰

Тиймээс бүх судар номыг уншихад зориулга ерөөл уншдаг бөгөөд заавал ном уншлага гэхгүй бүх үйлдэлдээ ерөөл оршоож байвал тун сайн.

Сайхнаас сайхан бүхнийг дэлгэрүүлж нэгнээ дэмжин тараан түгээцгээе📣📣📣

Нийт олноороо л сайхан бүхнийг хуулж хувилаад тараагаад байвал муу сэтгэл үйлтэй буруу зөрүү хүмүүст санах сэрэх боломж болж юуны магад.

БАТЛАМЖ ҮГС: ӨГЛӨГ БУЯНГ СЭТГЭЛИЙН АРИУСЛААР ӨГЦГӨӨЕ.🪬🔥☯️

03/05/2025

#БҮРГЭДЭЭС СУРАЛЦАХ ЗУРГААН ЗАРЧИМ:

1. Бүргэд🦅 ганцаараа өндөрт нисдэг.
Тэр бор шувуу, хэрээ болон бусад жижиг шувуудтай хамт нисдэггүй.
Суралцах нь: Чамайг доош нь буулгадаг явцуу сэтгэлгээтэй хүмүүсээс хол бай. Бүргэд🦅 бүргэдтэй хамт нисдэг.
Сайн нөхөрлөлийг сонго

2. Бүргэдүүд 🦅тодорхой алсын хараатай байдаг. Тэд 5 км зайд байгаа зүйлд анхаарлаа төвлөрүүлэх чадвартай.
Саад бэрхшээл байсан ч бүргэд олзоо барьж автлаа анхаарлаа төвлөрүүлдэг.
Суралцах нь: Алсын хараатай байж, ямар ч саад бэрхшээлийг үл харгалзан анхаарлаа төвлөрүүл, тэгвэл та амжилтанд хүрнэ.

3. Бүргэд 🦅🦅сэг иддэггүй.
Тэд зөвхөн шинэ махаар хооллодог.
Суралцах нь: Өнгөрсөн амжилтдаа бүү найд, байлдан дагуулах шинэ хил хязгаарыг эрэлхийл.
Өнгөрсөн үеээ өнгөрсөнд нь үлдээ.

4. Бүргэдүүд🦅🦅 шуурганд дуртай.
Үүл цугларахад бүргэд догдолж, шуургыг ашиглан өөрийгөө үүлнээс дээш өргөдөг. Энэ нь бүргэдэд элин хальж, далавчаа амраах боломжийг олгодог.
Харин бусад шувууд шуурга хараад модны мөчир, навчнуудад нуугдана.
Суралцах нь: Бэрхшээлүүд таныг өмнөхөөсөө илүү хүчтэй, илүү сайн болгох тул бэрхшээлүүдтэйгээ нүүр тул. Амьдралын шуургыг ашиглан илүү өндөр оргилд гар. 💪💪Амжилтанд хүрсэн хүмүүс илүү өндөр оргилд гарахаас айдаггүй. Амжилтанд хүрсэн хүмүүс сорилт бэрхшээлээс айдаггүй, харин түүнийг ашигладаг.

5.Байнга суралц, өсөж дэвш.📚

6. Бүргэд хөгширөхөд өд нь суларч, хурд нь саарч, өндөрт гарч чадахгүй болдог.
Энэ нь түүнийг сул дорой болгож, үхэлд ч хүргэдэг. Тиймээс тэр алс хол⛰🗻 ууланд очиж биеийнхээ сул өдийг сугалан авч, хошуу, сарвуугаа хаданд цохьдог.
Энэ үед цус гарч, маш их өвдөлт мэдэрдэг. Дараа нь шинэ өд, шинэ хошуу, сарвуутай болтлоо тэндээ нуугдаж байгаад өмнөхөөсөө илүү өндөрт🦅 нисч гарч ирдэг.
Суралцах нь: Хичнээн хэцүү байсан ч гэсэн хуучин зуршлаасаа салах шаардлагатай. Танд дарамт учруулдаг, эсвэл амьдралд үнэ цэнэ нэмдэггүй зүйлсээсээ татгалз.
Хэзээ ч битгий бууж өг.💪🦾
🙏🙏🙏🙏🙏🙏🙏🙏🙏🙏🙏🙏🙏🙏
copy

03/05/2025

https://www.facebook.com/share/p/18m51bzmjw/?mibextid=wwXIfr

ХИЙ өвчний тухай товч ойлголт хүргэж байна.
Хийг дарах ардын уламжлалт аргууд:
Арвидсан хийг тухай бүр нь дарж байх нь онош мэдэгдэхгүй өвчин тусах, ядрах, сульдахаас урьдчилан сэргийлдэг гол арга юм.
1. Хиншүү, хярвас, утаа, үнэрээр дарах
- Хөх аргал, хомоолын утаа
- Ясны хиншүү
- Толгой, шийрний хярвас
- Шар эсгийний хярвас
- Сармисны үнэр
2. Хийн цэгүүдээр илж, жигнэж, төөнөж дарах
- Халуун чулуу. (Заавал боодог, хорхогны чулуу гэхгүй. Ястай цуг буцалгасан хар, хөх өнгийн чулуу байхад болно.)
- Хуушуур
- Шар тос
- Чөмөгний тос
- Ургамлын үрийн тос
3. Өвөрмөц хоол идэх аргаар дарах
- Хонины ясны шөлөнд хийсэн бантан
- Хайлмаг (1-2 халбагыг халуунаар идэх)
- Цагаан тосны цөв (1-2 халбагыг халуунаар идэх)
- Буцалсан усанд хар цай шиг өнгөтэй болтол бор бурам хутгаж, 3 гр шар тос нэмж, хий босох цагаар уувал биеийн ядаргаа арилж цус төлжүүлж, бодисын солилцоо сайжирна.
- Шүдлэн хонины борви , тойг, далны тогоо яс, охор сүүлний үзүүрийн 5 үе ясыг хамтад нь чанаж, шөлийг нь халуунаар уух
- 50гр монгол архинд бурам, шар тос хийж бүлээсгэж орой хий хөдлөх цагаар уух.
- Өглөө хий босох цагаар 7 банштай шөл, борцтой цай уух
- Хонины махтай гурилтай шөл
- Халгайн зутан
Эдгээр хоолыг ээлжлэн хэрэглэж болно.
Хий босох цагууд:
- Өглөө: 7.40-11.40
- Орой: 17.40-19.40
Хийн цэгүүд:
- Бай Ху (толгойн чанх орой дээр байдаг цэг)
- Сээр нурууны Th1 гурван орноор
- 2 чихний арын төвгөр
- 2 чихний нүх
- 2 чамархай
- Ооч
- Эгэмний төвгөр
- Хүйс
- Умдаг ясны дээд тал орчим
- 2 бөөр тушаа (араас)
- Олон уулзах
- 2 гарын алга, 2 хөлийн тавхай, хуруунуудын өндөг
- Гарын шуу урд 1/3 (дотор талдаа)
Хийг ихэсгэх буруу явдал мөр
- Их ярих, чалчих
- Даарах, салхи жавар, чийгтэй газарт удах
- Тачаал ихдэх, эмэгтэйтэй нэг дор удаанаар хэвтэх
- Нойр алдах, шөнөөр удаан ажиллах
- Харах, үнэрлэх, амтлах, сонсох, хүрэлцэх үйлэнд шунан тачаадах( удаанаар амттанд үнэртэнд дурлах, тасралтгүй амралтгүйгээр нэг зүйлийг хийх, завсаргүй тв, компьютер, утас харах, хурьцлыг хэтрүүлэн дусал ихээр алдах зэрэг)
- Цус алдах, хээр бээрч ,хонох, өлдөх, шимгүй идээ( үхэр, ямаа, тэмээ, загас, гахай, тахиа зовлого мах, сэрүүн шимгүй будаа, тутрага, ногоон цай, хар ус, байхуу, түүхий ногоо, жимс зэрэг) ундааг хэт шүтэх
- Ядрах зэрэгт хий арвидна.
Хийг дарах МУАУ ны эмт жор найрлага
Агар, задь, зандангаар голлосон Норов-7, Задь 5, Зандан-3, Агар-8,10,15,35,
Нейровален, Астрадин, Асваргал г м
Засал
Төөнүүр, бариа, жин засал, ороолт, дэвтээлэг
Хийг хөдөлгөдөг, босгодог засал дотор зүүг хэт олон тавих, удаан тариа дусал хийлгэх, хатуу заслыг хэт шүтэх , бэлдэлгүй буруу хануур, самнуур хийлгэх, үр хөндүүлэх , хагалгаа зэрэг орно!
Орчин цагт хий өвчин ихэссэн ба нойргүйдэл, зүрх дэлсэх, давчдах, сэтгэл амаргүй, айдас түгшүүрээр илэрч стресс нэрийн дор явж буйг мэдэх хэрэгтэй ба европ багажийн оношлогоонд илрэхгүй , ямар ч өөрчлөлт гардаггүй оношлогддоггүйг санагтүн.
Зөвлөмжийг түгээж бусдад тус хүргээрэй найзуудаа! Т.Т Т.Т

29/04/2025

МОДДЫН ЭНЕРГИ асар хүчтэй. Тэднийг тэврэн энергийн хүчийг нь мэдрэн илааршиж болно
Моддыг тэврэн тэдний энергийг ашиглан эрүүлжиж болно. Модоо хайрлацгаая! Байгалиа хайрлая!

Эхлээд нэгэн түүх өгүүлэе: Оросын нэгэн тосгоны охины бие өвдөж, цээжээр нь хөндүүрлэдэг байсан ч онош нь нарийн тодрохгүй байжээ. Орчин цагийн олон оношлогоо хийлгэсэн ч тусыг эс олжээ. Гэтэл түүний ээж өсөж төрсөн тосгоныхоо нэгэн эмгэний зөвлөснөөр эмчилгээ хийлгэхээр болжээ.

Тэрээр охиныг ойд аваачаад нэгэн том хус модны дэргэд ирээд уг модыг тэврэн чин сэтгэлээсээ өвчнөөс ангижруулж өгөхийг залбиран гуйхыг хүссэн байна. Ингээд охин эмгэний хэлснээр модноос тэврэн сэтгэл зүрхнээсээ залбиран эрүүл энхийг гуйдаг болж. Удалгүй охины нүд нь сэргэн гялалзаж, хацар нь туяарах болжээ. Гэтэл гайхалтай зүйл тохиож, охины өвчин илааршин алга болсон байжээ.

Тэрээр биеэ хямарч, сэтгэл санаа тавгүйрхсэн үед хус модоо дурсан санахаар тэр бүх муу зүйлс нь холдон алга болдог хэмээн ярьдаг байна.

МОДНЫ ХҮЧ

Модны анагаах хүч чадал үнэхээр гайхалтай. Мод хүнийг эрүүлжүүлдэг гэдэг нь ямар нэгэн тоглоом тохуу, цуу яриа биш харин ч шинжлэх ухаанаар батлагдсан зүйл юм. Олон зуун жилийн тэртээгээс хүмүүс модны анагаах хүч чадлыг мэдэрсээр ирсэн байдаг. Мод нь стресс бухимдлаас ангижрах, оюун бодлоо төвлөрүүлэхэд чухал нөлөө үзүүлдэг төдийгүй өвчин эмгэгийг эмнэж, сайхан инергийг түгээдэг байна. Зөвхөн өөрт тохирох зөв модоо л олж авах нь чухал байдаг байна.

Олон төрлийн модод байдаг: Тэдгээрийг Анагаагч ба Сорогч модод гэж ангилдаг.

Зарим модод эрч хүч, инерги өгч, өвчин шаналалыг нь анагаадаг бол зарим нь харин ч энэ бүхнийг нь сорон авчихдаг байна. Хүндхэн стресс, бухимдал, толгойн өвдөлт, үрэвсэлт өвчин болоод үүнтэй төстэй өвчнөөс ангижрая гэвэл сөрөг энергиэсээ ангижрах хэрэгтэй. Ингэхийн тулд модны хойд зүг рүү харсан хэсгийг нуруугаараа түшиж зогсоод түүнээс зовлон зүдгүүрээс авран хамгаалахыг гуй.

Хэрэв танд өвдөлт, таагүй мэдрэмж төрж байвал энэ мод зүгээр л танд тохирохгүй байгаагийн шинж, иймд өөр мод сонгох нь зүйтэй. Хэрвээ танд элч инергиэ алдаж, суларч байгаа байдал ажиглагдах юм бол урд зүгт орших тохирох мод руу хандаад үзээрэй. Та байгалийн гайхамшиг болсон тэрхүү мод руу нүүр тулан зогсож, духаараа тулан алгаараа хүрч, чин сэтгэлээсээ тусламж хүсэх хэрэгтэй.

Одоо та өөртөө ямар төрлийн мод тохирохыг олж мэдээрэй.

Хус
Маш эрч хүчтэй, энерги ихтэй өгөөмөр мод. Залуухан хус мод ч гэсэн анагаах энергиэ хүнтэй хуваалцах чадвартай байдаг байна. Хус мод нь эерэг анагаах энергиэр тэжээдэг өгөөмөр мод юм. Хусны энерги зөөлөн, та түүний дэргэд удаан байж болно. Хус нь эмэгтэйчүүдийн болон хүүхдийн эрүүл мэндэд маш сайн нөлөө үзүүлдэг. Мөн арьсны асуудалд сайнаар нөлөөлөхийн зэрэгцээ өвдөлт зовиур намдаах, сэтгэл санааг тайвшруулахад тустай аж.

Граб мод
Энэхүү хүчтэй энергитэй хүчирхэг мод нь таны ядаргааг тайлж, сул дорой байдлаас, янз бүрийн айдсаас салахад тань туслах болно. Мөн нь янз бүрийн хэцүү бэрхшээлтэй асуудлыг даван туулах хүч чадлыг өгч, шийдэмгий бус байдлаасаа салахад туслана. Гэхдээ энэ мод нь маш хүчтэй энергитэй тул та удаан хугацаагаар ойрхон байж болохгүй гэдгийг санаарай. 5-10 минут байхад л хангалттай.

Хушганы мод
Хушганы мод нь сөрөг энергиэс салахад тусалдаг сайхан мод юм. Энэхүү мод нь үрэвслийн процессийг зогсоохын зэрэгцээ уур бухимдалыг арилгаж тайван амгалан болгодог байна.

Лийрний мод
Ихэнх жимсний модод зөөлөн энергитэй байдаг. Жимсний модод, ялангуяа цэцэрлэгийн модод энергиэ харамгүй хуваалцдаг. Гэхдээ энергиэ илүү сайн нэмэгдүүлэе гэж байгаа бол байгалийн зэрлэг лийрний мод рүү явбал илүү зохимжтой. Зэрлэг лийрний мод нь энерги алдагдсантай холбоотойгоор үүссэн янз бүрийн өвчинд нэн тустай.

Царс мод
Царс мод нь маш хүчтэй энергитэй хүчирхэг мод юм. Царс мод нь бие, сэтгэл тань хүчтэй, бодол санаа тань тунгалаг, эрүүл сайхан байх хүч чадлыг танд өгнө. Царс мод нь өвчин зовиур болоод амьдралын хүнд сорилтуудтай тэмцэх хангалттай хүч чадалгүйгээсээ болж бухимдан, тайван бус байдалтай болсон хүнийг ч тайвшруулдаг байна.

Гэхдээ та царс модноос болгоомжлох хэрэгтэй, түүний энерги нь хүн бүрт тохирдоггүй. Эмэгтэйчүүд, хүүхдүүд болоод цусны даралт багатай хүмүүст энэ модны нөлөө хэт их хүчтэй нөлөөлж болзошгүй юм. Энэ модыг эрчүүдэд илүү тохиромжтой гэж үздэг, гэхдээ царсны шим тэжээлийг буруугаар ашиглаж болохгүй.

Гацуур
Гацуур мод нь муу энергийг сордог сорогч мод юм. Гацуур нь таны бүх сөрөг сэтгэл хөдлөлийг алгуурхан зөөлөн арилгаж, тайвшруулан стресс, бухимдлаас ангижруулна. Гацуур мод нь маш сайн өвдөлт намдаах үйлчилгээтэй. Нойргүйдэх, хар дарж зүүдлэхийг зогсоодог байна.

Уд мод
Уд мод нь маш хүчтэй сорогч модонд тооцогддог. Уд модыг эмэгтэй мод гэж үздэг, тиймээс эрчүүдээс илүүтэй эмэгтэйчүүдэд тусладаг. Гэхдээ зөвхөн амьдралын тусламж үнэхээр хэрэгтэй байгаа онцгой мөчид л тусламж хүсэн энэхүү мод руу очих хэрэгтэй шүү. Уд мод нь сэтгэлийн зовлонгоо тайтгаруулах, хагацал, уй гашуугаа даван туулахад бусад модноос илүүтэй тусладаг байна. Уд мод нь сэтгэлийн зовлонг арилгахын сацуу итгэл найдвар бэлэглэдэг байна. Багахан зэргийн зовлон бэрхшээлийг уйлж тайтгарах гэж уд модон дээр битгий очоорой, энэ мод нь таны асуудлыг улам хурцатгаж болзошгүй юм шүү.

Агч мод
Агч мод бол маш онцгой мод юм. Энэ мод нь сөрөг энергийг зайлуулаад зогсохгүй түүнийг эерэг энерги ч болгож хувиргадаг байна. Та стрессээс бухимдлаасаа ангижирч, дахин цэнэглэгдэхийг хүсч байвал агч мод руу очих хэрэгтэй.

Линден
Линден бол зөөлөн, эелдэг мод, тэрээр халуун дулаан энергээ хүнтэй хуваалцахад бэлэн байдаг. Муу энерги сорогч модтой харьцсаныхаа дараа тэнцвэрээ сэргээх зорилгоор Линден модон дээр очвол сайн гэж үздэг байна.

Улиангар
Улиангар бол хамгийн хүчтэй сорогч мод юм. Энэ мод нь хамгийн хэцүү бэрхшээлүүдийг даван гарахад туслана. Улиангар нь энергийн сувгуудын бөглөрсөн бөглөрөлийг гаргахад маш сайн нөлөөлдөг байна. Үрэвссэн, шархалсан, хөхөрсөнийг мөн шүдний өвчин, нойргүйдэлийг улиангар эмчилдэг.

Нарс
Нарсыг эмэгтэй донортой зүйрлэж болно. Энэ мод нь хүнийг асар их эрчим хүчээр хангаж, бодисын солилцоог нь хурдасгадаг, гэхдээ хүн бүрт ийм зүйл шаардлагагүй байдаг. Сэтгэл санаагаар унасан хүн тусламж авахын тулд нарс мод руу очих хэрэггүй.

Улиас
Улиас мод нь сөрөг энергиэс салахад тусалдаг. Үүний энерги улиангарнаас арай сул гэхдээ өвдөлт, мэдрэл, сэтгэл санааны зовинолоос салахад тустай. Улиас нь муу зүйлсийг зайлуулдаг ч гэсэн онцгүй харилцаанаас үүдэлтэйгээр түүнээс тусламж хүсэх хэрэггүй л болов уу.

Алимны мод
Алимны мод бол хамгийн зөөлөн өгөөмөр моддын нэг юм. Энэ мод нь эмэгтэйчүүдэд залуу нас, гоо үзэсгэлэнгээ хадгалахад нь тусладаг төдийгүй өдөр тутмын асуудлуудаа зөв шийдвэрлэх хүч чадлыг өгдөг. Таримал алимны модны энерги ч сайн байдаг, гэхдээ та мэдрэлийн талын ноцтой гэмтэл авсан бол зэрлэг алимны модон дээр очсон нь илүү дээр гэж зөвлөх байна.

Хэрвээ та боломжтой бол өөрийн газар дээрээ хэдэн мод тариарай. Гэхдээ байшингийн ойролцоо бүх төрлийн мод ургадаггүй гэдгийг бодолцож үзээд ургуулахад тохиромжтой моднуудаас сонгон тариалаарай.

Модонд хүч чадал бий гэдэгт итгэх эсэх нь зөвхөн таны л хэрэг. Гэхдээ модыг анагаах шинж чанартай эсэхийг шалгаж үзээд дараа нь дүгнэлт хийхийг зөвлөж байна.

Моддыг хайрлацгаая! Байгалиа хайрлая!

Орчуулсан: Х.Гэгээн copy

28/04/2025

ЭСТРОГЕН ДААВАР БА ЭМЭГТЭЙ ХҮН💁‍♀️
Эмэгтэй хүний биед савны өсөлт, өндгөвч, залуу охидод хөхний өсөлт, үр тогтох сувгыг эр бэлгийн эс саадгүй явах боломжыг бүрдүүлэх, сарын тэмдгийн хугацааг тохируулан барих, биед хэрэггүй холестерин үүсэн судсанд бөглөрт үүсэхээс сэргийлэн бодисын солилцоо сайжруулж байдаг, ясны сийрэгжилтээс урьдчилан сэргийлдэг, цусан дахь зэсний хэмжээг тэнцвэржүүлдэг, санах ой төвлөрөлт, жирэмсэний тээлтийн хэвийн ажиллагаа, үс хумсны болон арьсны өнгөн хэсэг, зүрхний булчингын хэвийн ажиллагаа, биед кальци уусахад, эмэгтэйчүүдийн галбир болон дуу хоолойн өнгөд эерэг нөлөө үзүүлдэг гормон буюу даавар юм байна.
👉Энэ Эстроген даавар нь эрэгтэй хүнд байдаг Тестостерон дааварыг дарахгуйлаад илүүдвэл илүү эмэгтэйлэг байдал илэрдэг юм байна.🤭
👩‍🦰Эмэгтэй хүн дааврын бүтээгдэхүүн их хэрэглэдэг бол, байнга архины🍻🥃🍸🍾 төрлийн зүйл хэрэглэдэг бол, илүүдэл жинтэй бол, сахрын шижингийн өвчтэй, зүрх судасны өвчтэй, байнга эм тариа хэрэглэдэг бол энэ даавар тогтворгүй байх магадлал өндөр юм байна.
‼️Эмэгтэйчүүдийн эстроген бууруулдаг хүчин зүйлс:
-Удаан хугацаагаар биеийн хүчний хөдөлмөр хийх
-Хорт зуршил, архи уух тамхи татах, мансуурах донтой болох
-Өнчин тархины эмгэгүүд
-Өндгөвчний үйл ажиллагааны алдагдал
-Стресс, сэтгэл гутралын эсрэг эм удаан хэрэглэх
-Хавдар, хавдар төст эмгэгүүдээр өвдөх
-Зарим нэг эмийн төрлийн бодис удаан хугацаагаар хэрэглэх.
👩‍⚕️Эстрогений тогтворгүй байдал ба дааврын буурах нь дараах эмгэгүүдэд нөлөөлнө:
-Жин нэмэх, бэлхүүс, өгзөг, гуя хэсгээрээ таргалалттай
-сарын тэмдэг тогтмол биш (нэг бол бага, нэг бол ихээр ирдэг)
-сарын тэмдэг ирхийн өмнө болон дунд үед хөх хавдаж эмзэглэдэг
-нойргүүдэл, сэтгэл санааны тогтворгүй байдал буюу гэнэт баярлах, уйлах, айх /Сэтгэл гутрал, сэтгэл зовнилийн шинжүүд илрэх зэрэг өөрчлөлтөнд нөлөөлдөг./
-сарын тэмдэг ирэх дөхөөд ирхээр байнга толгой өвддөг
-ой тогтоолт муудах, Альцгеймер
-байнга ядрах, сульдах, бэлгийн дур хүсэл буурах
-цэвэршилтын шинж тэмдэгүүд илэрнэ
-Үтрээ хуурайших болон хатингарших

👩‍⚕️Дутагдаж буйн шинж тэмдэг нь:
-15-16 насанд бол сарын юм тогтворгүй байх, эрэгтэйлэг бие буюу тааз жижиг, мөр өргөн шинж илрэх ба энэ нь зөвхөн гаднах байдал ба үүнтэй адил доторх эрхтэнд бас нөлөөлөн савны хэмжээ бага гээд олон нарийн зүйл байдаг юм байна шүү (анагаахын мэдлэггүй болхоор тодорхой орчуулсангүй)
-45 наснаас хойш цэвэршилтийн шинж тэмдэгтэй давхцан зүрх хурдан цохилох, гэнэт хөлрөх, толгой эргэх, хүчтэй толгой өвдөх
-35 наснаас хойш бол жин нэмэх, арьс үрчлээтэх, целлюлит үүсэх, арьс язрах, төрөл бүрийн толбо мэнгэ үүсэх, тархины цусан хангамжинд өөрчлөлт орох
-залуу эмэгтэйд бол үе мөч өвдөх, даралт унах, доошоо юм гарах шинж тэмдэгүүд илэрдэг юм байна.

Эстроген дааврын дараах 5 хүнс дэмжиж өгдөг.
1️⃣ Гүнждийн үр (Sesame Seeds)
Кальци, магни, цайр зэрэг эрдэс бодисоор баялаг тул дааврын тэнцвэрийг хадгалахад тустай.
Өдөрт 1-2 халбага гүнждийн үрийг хоолондоо нэмж хэрэглэх эсвэл тахини (гүнждийн үрийн паста) хэлбэрээр хэрэглэж болно.
2️⃣Маалингийн үр (Flaxseeds)
Омега-3 тосны хүчил ихтэй тул эмэгтэйчүүдийн гормоны зохицуулалтад сайнаар нөлөөлнө.
Өдөрт 1-2 халбага нунтагласан линений үрийг тараг, шүүс, салатанд хийж хэрэглэхийг зөвлөж байна.
3️⃣. Шар буурцаг (Soy & Soy Products)
Органик, исгэж боловсруулсан шар буурцаг (темпе, мисо, натто) хэрэглэх нь илүү ашиг тустай.
Байнга их хэмжээгээр хэрэглэхээс зайлсхийх нь зүйтэй.
4️⃣ Анар жимс (Pomegranate)
Байгалийн фитоэстроген агуулдаг бөгөөд дааврын балансыг хадгалах, арьсыг толигор байлгахад тустай.
Антиоксидантаар баялаг тул хөгшрөлтийг удаашруулж, биеийн үрэвслийг бууруулна.
Шинэхэн анарыг идэх эсвэл жүүс байдлаар ууж болно.
5️⃣ Синнамон (Cinnamon)
Бие махбодийн цусан дахь инсулины түвшинг тогтворжуулж, дааврын зохицуулалтад тусалдаг.
Өдөрт 1/2 - 1 цайны халбага нунтаг шанцайг халуун цайнд хийж уух эсвэл хоолондоо нэмж болно.
📍Эстрогенийг дэмжихийн тулд амьдралын эрүүл хэв маягийг баримталж, хангалттай унтаж, дасгал хөдөлгөөн хийж, стрессээ удирдах нь чухал. 🙏

27/04/2025

ХАЙР, ИТГЭЛ, ЗОРИГ, ХҮНДЛЭЛ, ХАРИУЦЛАГА
Би чамайг хэзээ ч хэцүү үед чинь, буруу явахад чинь, алдахад чинь, ялагдахад чинь орхихгүй. Тэр үед чи намайг гомдоосон байлаа ч, итгэлийг минь алдсан байлаа ч би тэвчээд дэргэд чинь байж түшиж тулна. Чамайг алдаад дахин босоход чинь туслана. Би чамайг ялагдахад дахин хичээхэд чинь дэмнэнэ. Зовлон хагацал уйтгар гуниг дайрвал би чамайг хөгжөөнө. Буруудаад уруудаад байвал би татаад босгоно. ЭНЭ БОЛ #ХАЙР ЮМ. Ирээдүй чинь гэрэлтэй, амьдрал чинь дардан, амжилт чинь ирсэн үед харин намайг гомдоож надад хайргүй болж, өөр нэгэнтэй учирсан байвал би чамайг орхиж чадна. Чамайг алдахгүй одоо алзахгүй намайг алдахаас айхгүй, харилцаагаа үргэлжлүүлэх зориггүй, ирээдүй чинь надгүй харагдаж болж байвал би хичнээн их, хязгааргүй их чамд хайртай байлаа ч чамайг орхих шийдвэрийг гаргаж чадна. ЭНЭ БОЛ #ИТГЭЛ ЮМ. Уучлал ихсэх тусам итгэх итгэл улам багасдаг юм. Тиймээс итгэл алдаж уучлаарай гэдэг үгний давтамжийг ихэсгэж утгыг уландаа гишгэж болохгүй. Амьдралд алдаа дутагдал зовлон шаналалаар дүүрэн ч гэсэн ямар ч хүнд алдаж болохгүй алдаа хийж болохгүй зүйл гэж байдаг юм. Харин тэр хязгаарыг давж итгэлийг минь эвдэж сэтгэлийн минь сэвтээвэл надаас зууралгүй явуулах ёстой. ЭНЭ БОЛ #ЗОРИГ ЮМ. Нэг нэгнийхээ бодлыг сонсож, үргэлж нэгэндээ итгэж хайрлаж, дэм өгч байгаа ч гэлээ өмчирхөж эд зүйл мэт харьцах гэлгүй өөрөөрөө байх боломжийг олгож, орон зайг нь бүрдүүлж, ярих гэлгүй сонсож, шийдэх гэлгүй ярилцаж, дийлэх гэлгүй буулт хийж, чадна гэлгүй бууж өгөх сонголт өгч, шийдвэрийг нь сонсож байна. Өөрийгөө олох өөрийгөө бүтээх нөхцөл цаг хугацааг хангалттай надад өг, би ч бас чамд үргэлж чамд өгч байна. ЭНЭ БОЛ #ХҮНДЛЭЛ ЮМ.
Зөв ч бай буруу ч бай том ч бай жижиг ч бай үүссэн нөхцөл байдал үр дагаварыг тооцоолж, шийдсэн шийдвэр дээрээ олон дахин эргэлзэж тунгаан бодож сонголт хийж байна. Дараа нь харин сонгосон сонголт гаргасан шийдвэртээ чи ч бай би ч бай эзэн нь байя. Хийх ёстой зүйлээ тултал нь хийж, зорьсон зорилго руу гаа чадах чинээгээрээ ойрт харин чадахгүй байвал үнэнээ хэл, нууж хуурч болохгүй. ЭНЭ БОЛ #ХАРИУЦЛАГА ЮМ.
/Tuvshin Jargal/

27/04/2025

ТА ХУРУУНЫХАА ҮЗҮҮРЭЭР
СЭТГЭЛИЙН ХААЛГАА ИДЭВХЖҮҮЛЖ БАЙГААРАЙ.

Энэ бол уламжлалт дорнын анагаах ухаанд хэрэглэгддэг зүрхний меридиан дагуух даралтын цэгүүдийг идэвхжүүлж, биеийн болон сэтгэцийн эрүүл мэндийг дэмжих арга юм.
Цэг тус бүрийн ач холбогдол
❤️HT 3: Меридианы эрч хүчийг сэргээж , цэрийг задалж бие дахь цэр шингэнийг гадагшлуулна.
❤️️HT 4: Тохой, гарын агшсан өвдөлтийг намдаана.
❤️️HT 5: Хэлний хөдөлгөөний асуудал (хөшилт), зүрх дэлсэхийг намдаана.
❤️HT 6: Сэтгэл түгшилт, цээжний өвдөлт, хэт их сэтгэлийн хөөрлийг тэнцвэржүүлдэг.
❤️HT 7: Сэтгэлийг амрааж, сэтгэл хөдлөлийг зохицуулдаг.
💞Цэгүүдийн байрлал
Бугуйнаас дээш 1.5 см
Тохойноос доош 10.5 см
❤️HT 3: Тохой орчимд байрлах бөгөөд тохойг бага зэрэг нугалсан байхад, нугалаас дотор талд мэдрэгдэнэ.
❤️HT 4–HT 7: Бугуйны дотор талд, бугуйны нугалаас дээш 1.5 см зайд байрлана. Эдгээр цэгүүд бие биенийгээ даган нэг шугамаар оршдог.
💆 Массаж хийх заавар
- Сууж эсвэл хэвтэж тайвшраарай.
--Цэгүүдийг олоорой.
Бугуйны нугалаас дээш 1.5 см орчим хэмжиж олоод, зөөлөн дарахад бага зэрэг өвдөлттэй мэдрэгдэх цэгүүдийг илрүүлнэ.
-Зөөлөн даралт үзүүлнэ.
Нэг цэг дээр хурууныхаа өндгөөр эсвэл бага зэрэг хурц үзүүртэй зүйлээр (жишээ нь массажны савх) 1-2 минутын турш зөөлөн дараарай.
-Дарахдаа амьсгалаа удаан, гүнзгий авбал илүү үр дүнтэй.
-Хоёр гараар ээлжлэн ажиллаж болно. Аль гар дээр илүү эмзэг байгааг мэдэрч, илүү их анхаараарай.
- Өдөрт 1-2 удаа давтан хэрэглэвэл сайн. (Өглөө, орой)

‼️Анхаарах зүйлс:

Хэт хүчтэй дарахгүй байх.
Арьс гэмтээхээс зайлсхийх.
Хэрэв өвдөлт эсвэл таагүй байдал үүсвэл шууд зогсоох.
Жирэмсэн эмэгтэйчүүд болон зүрх судасны ноцтой эмгэгтэй хүмүүс хэрэглээний талаар эмчтэй зөвлөлдөх хэрэгтэй.

26/04/2025

ИТГЭЛ НЬ ХҮНИЙ БИЕИЙН ГЕНЕТИК КОДЫГ ӨӨРЧИЛЖ, ЭДГЭЭДЭГ БОЛОХ НЬ ШИНЖЛЭХ УХААНААР НОТЛОГДСОН
Хэвлэл мэдээллийн хэрэгслээр үхлийн өвчнөөс эдгэсэн тухай нийтлэлүүд гарахад эмч, эрдэмтдийн нүүрэнд “үл итгэх” инээмсэглэл тодордог. Харин судалгаагаар батлагдсан аргуудын талаар нийтлэгдэхэд уламжлалт анагаах ухаан тэдгээрийг үл тоож, өөр тайлбарыг тавьдаг. Гэсэн хэдий ч америкийн генетикч Брюс Липтон жинхэнэ итгэлээр, хүн өөрийн бодлын хүчээр ямар ч өвчнөөс ангижирч чадна хэмээн үзэж байна. Сэтгэл зүй аливаа зүйлийг өөрчлөх боломжтой гэдгийг түүний судалгаанууд харуулсан. Ген хүний итгэлтэй хамааралтай. Олон жилийн турш Брюс Липтон генийн инженерчлэлийн салбарт мэргэшиж, докторын зэрэгээ хамгаалж, олон арван судалгааны зохиогч болсон. Энэ хугацаанд бусад генетикч,биохимчидтэй адил хүн бол биоробот гэдэгт итгэж ирсэн. Тиймээс хүний амьдрал өөрийн генд бичигдсэн программд захирагддаг гэж итгэсэн. Ген бүх зүйлийг тодорхойлдог. Гадаад төрхийн онцлог, хувь хүний чадвар, темперамент, ямар өвчинд илүү мэдрэг, насжилт зэрэг бүгдийг тодорхойлдог. Хэн ч өөрийн генетик кодыг өөрчлөж чадахгүй учир байгалаас заяасан зүйлтэйгээ эвлэрэх хэрэгтэй. 1980д оны сүүлд хийсэн Липтоны судалгаа түүний үзэл бодлыг өөрчилжээ. Тэрнээс өмнө шинжлэх ухаанд эсийн цөмд оршиж буй ген нь мембранаар дамжин өнгрөх зүйлсийг тодорхойлж, юуг дамжуулах уу юуг дамжуулахгүй вэ гэдгийг шийддэг гэж үздэг байсан. Харин Липтоны туршилтаар эсэд үзүүлэх гадаад нөлөөлөл гены зан үйл болон тэдгээрийн бүтцэд өөрчлөлт оруулж болдог болохыг харуулжээ. Тиймээс сэтгэл зүйн үйл явцын тусламжтайгаар ямар нэгэн өөрчлөлтөнд хүрч болох уу гэдгийг олох хэрэгтэй. Энгийнээр хэлбэл итгэлийн хүчээр өөрчлөлтөд хүрч болох уу? Липтон хэлэхдээ:
- Би ямар нэгэн шинэ зүйл олж илрүүлээгүй. Олон зууны туршид эмч нар плацебогийн үр нөлөөг мэддэг байсан. Энэ бол өвчтөнд үр нөлөөгүй бодисыг санал болгодог үйл явц юм. Ингэхдээ өвчтөнд энэ бодисыг эм хэмээн өгдөг. Эцсийн үр дүнд бодис эдгээх нөлөө үзүүлдэг. Сонин санагдах болов ч энэ үзэгдэлд ямар ч тайлбар байдаггүй. Миний нээлт дараах тайлбарыг өгч болоход хүргэсэн. Итгэлийн тусламжтайгаар өвчтөн өөрийн ууж буй эмэнд итгэж, бие махбодид болж буй үйл явцыг молекулын түвшинд хүртэл өөрчилж чаддаг. Итгэл нь зарим генийг «унтрааж» заримийг нь «асааж», бүр цаашлаад өөрийн генетик кодыг өөрчилж чаддаг. Үүний дараа би гайхамшигаар эдгэсэн янз бүрийн тохиолдолуудын талаар бодож эхэлсэн. Эмч нар тэдгээрийг үл тоодог байсан. Гэвч яг үнэндээ ийм төрлийн ганц тохиолдол болох үед эмч нар түүний мөн чанарын талаар бодох ёстой байсан. Гайхамшиг бий! Академик шинжлэх ухаан Брюс Липтоны үзэл бодлыг тааламжгүй хүлээн авсан. Гэсэн ч тэрээр өөрийн судалгаагаа үргэлжлүүлсэн. Ямар ч эмгүйгээр биеийн генетикт нөлөө үзүүлж болно хэмээн батлажээ. Генетик кодын гадны нөлөөллийг судалдаг шинжлэх ухааны чиглэлийг «эпигенетик» хэмээн нэрийддэг. Бидний эрүүл мэндийн төлөв байдлыг өөрчилж чадах хамгийн гол хүчин зүйл бол бодлын хүч хэмээн Липтон үздэг. Бидний эргэн тойронд бус харин бидний дотор болж буй зүйл хамгийн их нөлөөг бидэнд үзүүлдэг. Липтон хэлэхдээ:
- Хоёр хүн адилхан хавдраар өвдөх магадлалтай байж болдог. Гэвч нэгнийх нь өвчин илэрч харин нөгөө хүнийх нь илрээгүй. Яагаад? Яагаад гэвэл тэд өөрөөр амьдарч ирсэн. Нэг нь нөгөөхөөсөө илүү их стресстдэг, тэд өөр өөрөөр өөрсдийгөө үнэлдэг, тэд өөр өөр бодолтой. Өнөөдөр бид өөрсдийн байгалийн биологийн шинж чанараа удирдаж чадна хэмээн хэлж чадна. Бид бодол, итгэл үнэмшлийн тусламжтай өөрсдийн генд нөлөөлж чадна. Хүн бусдаас юугаар ялгардаг вэ гэвэл хүн өөрийн биеэ өөрчилж, үхлийн өвчнөөс эдгээж, удмын өвчнөөс ангижирч чаддагт байгаа юм. Бид бидний генетик кодын золиос болохгүй байж чадна. Та ямар ч өвчнөөс ангижирч, урьдчилан сэргийлж чадна гэдэгт итгэ.