Amalgamated Union Trader And Artisans Bauchi LGA Hadaka

Amalgamated Union Trader And Artisans Bauchi LGA Hadaka Contact information, map and directions, contact form, opening hours, services, ratings, photos, videos and announcements from Amalgamated Union Trader And Artisans Bauchi LGA Hadaka, Grocers, Bauchi.

KUNGIYAR HAƊAKAR ’YAN KASUWA TA ZIYARCI MA’AIKATAR CO-OPERATIVE & SME DEVELOPMENT TA JIHAR BAUCHI.Kungiyar Haɗakar ’Yan ...
10/09/2026

KUNGIYAR HAƊAKAR ’YAN KASUWA TA ZIYARCI MA’AIKATAR CO-OPERATIVE & SME DEVELOPMENT TA JIHAR BAUCHI.

Kungiyar Haɗakar ’Yan Kasuwa da Masu Sana’ar Hannu ta Jihar Bauchi, ƙarƙashin jagorancin Shugabanta Hon. Abdullah Caps, ta jagoranci tawagar ’yan kasuwa zuwa Ma’aikatar Co-operative & SME Development ta Jihar Bauchi domin gudanar da ziyarar taya murna tare da ƙarfafa kyakkyawar alaƙa da haɗin gwiwa domin ci gaban harkokin ’yan kasuwa.

A yayin ziyarar, Kungiyar Haɗakar ’Yan Kasuwa ta yi kira ga Mai Girma Gwamnan Jihar Bauchi da ya ƙara waiwaye kan halin da ’yan kasuwa ke ciki tare da tallafa musu da jarin kasuwanci, domin bunƙasa sana’o’insu da kuma inganta tattalin arzikin Jihar Bauchi.

A nasa jawabin, Kwamishinan Ma’aikatar Co-operative & SME Development, Hon. Madaki Ahmad Gololo, ya bayyana matuƙar jin daɗinsa da wannan ziyara da Kungiyar Haɗakar ’Yan Kasuwa ta kai masa.

Ya kuma yaba da wannan kyakkyawan yunƙuri na ƙarfafa haɗin kai tsakanin gwamnati da ’yan kasuwa, tare da tabbatar da cewa Ma’aikatar za ta ci gaba da yin aiki tare da ƙungiyoyin ’yan kasuwa domin samar da ci gaba mai ɗorewa.

Shugaban Gamayyar 'Yan Kasuwa da Masu Sana'ar Hannu na Jihar Bauchi Ya Kai Ziyarar Taya Murna Jahun/Yalwa.Shugaban Gamay...
06/08/2026

Shugaban Gamayyar 'Yan Kasuwa da Masu Sana'ar Hannu na Jihar Bauchi Ya Kai Ziyarar Taya Murna Jahun/Yalwa.

Shugaban Gamayyar 'Yan Kasuwa da Masu Sana'ar Hannu na Jihar Bauchi Hon. Abdullah Caps ya jagoranci tawagar 'yan kasuwa domin kai ziyarar taya murna ga Mai Gundumar Jahun da kuma Mai Gundumar Yalwa.

A yayin ziyarar, shugaban ya bayyana cewa wannan ziyara alama ce ta girmamawa, haɗin kai da kuma ƙarfafa kyakkyawar alaƙa tsakanin masarautu da ƙungiyar 'yan kasuwa da masu sana'ar hannu.

Allah Ya ba su lafiya, hikima da nasara wajen gudanar da ayyukansu, tare da ci gaba da zaman lafiya da cigaban al'umma.

GAMAIYAR 'YAN KASUWA DA MASU SANA'AR HANU TA ƘARAMAR HUKUMAR BAUCHI TA KAI ZIYARA GA (BWSO).Gamaiyar 'Yan Kasuwa da Masu...
02/08/2026

GAMAIYAR 'YAN KASUWA DA MASU SANA'AR HANU TA ƘARAMAR HUKUMAR BAUCHI TA KAI ZIYARA GA (BWSO).

Gamaiyar 'Yan Kasuwa da Masu Sana'ar Hannu ta Ƙaramar Hukumar Bauchi ta kai ziyarar girmamawa ga Bala Wunti Sport Organization (BWSO) domin ƙarfafa haɗin gwiwa da tattauna hanyoyin da za a bunƙasa kasuwanci da ci gaban al'umma.

A yayin ziyarar, ɓangarorin biyu sun jaddada muhimmancin haɗin kai, tallafa wa matasa, da samar da damammakin ci gaba ga 'yan kasuwa da masu sana'ar hannu da yan kasuwa a Ƙaramar Hukumar Bauchi.

Shugaban Gamaiya yan kasuwa na karamar hukumar Bauchi Hon. Adamu Yahaya ya Jagoranci yan kasuwan.

A YAU AN GUDANAR DA ADDU'AR UKU GA MAI DAKIN BABBAN SAKATAREN KWAMITIN ZAƁEN ƘUNGIYAR HADAKA YAN KASUWA DA MASU SANA'AR ...
07/07/2026

A YAU AN GUDANAR DA ADDU'AR UKU GA MAI DAKIN BABBAN SAKATAREN KWAMITIN ZAƁEN ƘUNGIYAR HADAKA YAN KASUWA DA MASU SANA'AR HANU TA JIHAR BAUCHI, ALH. MAIJAMA'A BELLO WAZIRI.

Shugaban Ƙungiyar Hadaka Yan Kasuwa da Masu Sana'ar Hannu ta Jihar Bauchi, Hon. Abdullah Caps, ne ya jagoranci tawagar shugabanni da mambobin ƙungiyar wajen halartar addu'ar ukun, domin yi wa marigayiyar addu'ar samun rahama da gafarar Allah.

A yayin addu'ar, an roƙi Allah Maɗaukakin Sarki Ya jikanta da rahama, Ya gafarta mata kura-kuranta, Ya sanya Aljannatul Firdausi ta zama makomarta, sannan Ya bai wa Alh. Maijama'a Bello Waziri da iyalansa haƙurin jure wannan babban rashi.

Gamayyar Ƙungiyoyin ’Yan Kasuwa ta Jihar Bauchi Ta Raba Tallafin Kuɗi ga Ƙananan ’Yan Kasuwa_______Gamayyar Ƙungiyoyin ’...
15/06/2026

Gamayyar Ƙungiyoyin ’Yan Kasuwa ta Jihar Bauchi Ta Raba Tallafin Kuɗi ga Ƙananan ’Yan Kasuwa
_______

Gamayyar Ƙungiyoyin ’Yan Kasuwa ta Ƙasa reshen Jihar Bauchi, ƙarƙashin jagorancin shugabanta Alhaji Abdullah Caps, ta raba tallafin kuɗi ga wasu ƙananan ’yan kasuwa da s**a shiga matsaloli domin ƙarfafa musu gwiwa da bunƙasa harkokin kasuwancinsu.
Shirin tallafin ya kasance wani gagarumin mataki na inganta rayuwar ’yan kasuwa tare da ƙarfafa tattalin arziƙin jihar Bauchi, inda waɗanda s**a amfana s**a bayyana matuƙar farin cikinsu da godiya bisa wannan karamci.

Masu cin gajiyar tallafin sun yaba da jagorancin Alhaji Abdullah Caps, tare da bayyana shi a matsayin garkuwa kuma abin dogaro ga al’ummar ’yan kasuwa a Jihar Bauchi, saboda ƙoƙarin da yake yi wajen tallafawa masu sana’o’i a lokutan da suke cikin ƙalubale.

Da yake jawabi, shugaban Gamayyar Ƙungiyoyin ’Yan Kasuwa ta Ƙasa reshen Jihar Bauchi, Alhaji Abdullah Caps, ya bayyana cewa wannan ba shi ne karo na farko da ƙungiyar ke gudanar da irin wannan tallafi ba.
Ya ce ƙungiyar ta saba tsayawa tsayin daka wajen tallafawa duk wani ɗan kasuwa da ya samu kansa cikin wani hali na buƙata ko matsala, domin taimaka masa ya dawo kan ƙafafunsa da ci gaba da gudanar da kasuwancinsa.

Ya ƙara da cewa ƙungiyar za ta ci gaba da ƙaddamar da shirye-shiryen tallafawa ’yan kasuwa domin bunƙasa harkokin kasuwanci da haɓaka tattalin arziƙin Jihar Bauchi da Najeriya baki ɗaya

Shugabannin Gamayyar Ƙungiyar ’Yan Kasuwa ta Jihar Bauchi, ƙarƙashin jagorancin Alhaji Abdallah Caps, sun kai ziyarar gi...
11/06/2026

Shugabannin Gamayyar Ƙungiyar ’Yan Kasuwa ta Jihar Bauchi, ƙarƙashin jagorancin Alhaji Abdallah Caps, sun kai ziyarar girmamawa ga Hon. Dr. Yakubu Adamu, ɗan takarar gwamnan Jihar Bauchi na Jam’iyyar APM, domin taya shi murnar samun tikitin takara tare da bayyana cikakken goyon bayansu ga tafiyarsa ta siyasa.

A yayin ziyarar, shugaban ƙungiyar ya bayyana cewa sun yanke shawarar mara wa Hon. Dr. Yakubu Adamu baya ne sakamakon nagartarsa, jajircewarsa da kuma irin hangen nesan da yake da shi wajen kawo ci gaba ga jihar.

Shi ma da yake jawabi, Hon. Sulaiman Mohammed Bello ya yi kira ga Gwamnatin Jihar Bauchi da ta cika alkawarin tallafin da ta yi wa ƙungiyar, yana mai bayyana cewa sun fara ganin alamun aiwatar da wannan alkawari, tare da fatan za a kammala shi cikin gaggawa.

A nasa martanin, Hon. Dr. Yakubu Adamu ya nuna matuƙar godiya ga shugabannin ƙungiyar bisa wannan ziyara da kuma irin goyon bayan da s**a nuna masa. Ya tabbatar da aniyarsa ta ci gaba da aiki tukuru domin samar da ci gaba mai ɗorewa da bunƙasa tattalin arzikin Jihar Bauchi idan aka ba shi dama.

An kammala taron da addu'o'in neman zaman lafiya, haɗin kai da ci gaba ga Jihar Bauchi da al'ummar Najeriya baki ɗaya.

Kungiyar Gamayyar ’Yan Kasuwa Ta Kasa reshen Jihar Bauchi, karkashin jagorancin shugabanta, Hon. Abdullah Caps, ta kai z...
03/06/2026

Kungiyar Gamayyar ’Yan Kasuwa Ta Kasa reshen Jihar Bauchi, karkashin jagorancin shugabanta, Hon. Abdullah Caps, ta kai ziyara ga sabon shugaban Jam’iyyar APM na Jihar Bauchi domin taya shi murnar samun nasarar gudanar da zaben fidda gwani na jam’iyyar cikin lumana da nasara.

A yayin ziyarar, shugabannin kungiyar sun yabawa sabon shugaban jam’iyyar bisa jagoranci da kokarin da yake yi wajen hada kan mambobin jam’iyyar da kuma tabbatar da zaman lafiya a tsakanin ’ya’yanta.
Haka kuma, kungiyar ta jinjina wa Gwamnan Jihar Bauchi bisa irin alherin da yake yi wa ’yan kasuwa da kuma kokarin bunkasa harkokin kasuwanci a jihar. Sun yi kira da a ci gaba da aiwatar da manufofi da shirye-shiryen da za su taimaka wajen inganta rayuwar ’yan kasuwa da al’umma baki daya a sabuwar gwamnati da ake sa ran kafuwa nan gaba, da yardar Allah.

Kungiyar ta kuma bayyana cikakken goyon bayanta ga tsarin da Jam’iyyar APM ke tafiyarwa a Jihar Bauchi, tare da nuna gamsuwa da salon shugabanci da manufofin jam’iyyar. Ta jaddada aniyarta ta ci gaba da hada kai da jam’iyyar domin ci gaban jihar da walwalar al’umma.

Gamaiyyar Ƙungiyar Haɗaɗɗun ‘Yan Kasuwa da Masu Sana’o’i ta Jihar Bauchi ta kafa kwamitoci uku domin tsara makomarta a s...
03/05/2026

Gamaiyyar Ƙungiyar Haɗaɗɗun ‘Yan Kasuwa da Masu Sana’o’i ta Jihar Bauchi ta kafa kwamitoci uku domin tsara makomarta a siyasance.

Ƙungiyar Amalgamated Traders and Artisans Association (ATAA), reshen Jihar Bauchi State, ta gudanar da wani muhimmin taro na musamman domin tattauna harkokin siyasa da kuma makomar ƙungiyar a nan gaba.

A yayin taron, ƙungiyar ta amince da kafa kwamitoci guda uku da za su wakilci shiyyoyin Bauchi South, Bauchi Central da Bauchi North, domin su fara tuntubar ƙananan ‘yan kasuwa da masu sana’o’i a faɗin jihar.

An bayyana cewa an bai wa kwamitocin wa’adin mako biyu domin su kammala tattara ra’ayoyi da shawarwari daga ƙananan ‘yan kasuwa, wanda hakan zai taimaka wajen bai wa ƙungiyar damar tsayar da matsaya kan alkiblar da za ta dosa a siyasance.

Haka kuma, ƙungiyar ta yi kira ga Gwamnatin Jihar Bauchi da ta ƙara himma wajen tallafa wa ‘yan kasuwa, musamman ƙananan ‘yan kasuwa, ta hanyar samar musu da jarin kasuwanci da kuma inganta yanayin gudanar da sana’o’insu.

Ƙungiyar ta kuma roƙi gwamnatin jihar da ta samar wa waɗanda aka cire daga wuraren kasuwancinsu wasu gurare na daban domin ci gaba da gudanar da harkokinsu cikin sauƙi da walwala.

A gefe guda, ƙungiyar ta yabawa Gwamnan Jihar Bauchi, Bala Abdulkadir Mohammed, bisa irin ayyukan ci gaba da yake gudanarwa a ɓangaren kasuwanci, musamman aikin gina sabuwar kasuwa da ake yi a hanyar Ibrahim Bako Bypass.

Ƙungiyar ta bayyana wannan aiki a matsayin babban ci gaba da zai taimaka wajen bunƙasa harkokin kasuwanci da samar da ingantaccen yanayi ga ‘yan kasuwa.

Haka zalika, ƙungiyar ta yaba da sauran ayyukan ci gaba da gwamnatin jihar ke gudanarwa a faɗin Bauchi, tare da jaddada cewa a shirye take ta ci gaba da bai wa gwamnati cikakken goyon baya domin tabbatar da cigaban jihar da walwalar al’umma.

Shugaban ƙungiyar, Abdallah Caps, ya jaddada kudirin ƙungiyar na haɗa kan ‘yan kasuwa da kare muradunsu, yana mai cewa haɗin kai da tsari ne za su taimaka wajen cimma manufofin ƙungiyar da inga

AN ROKI GWAMNAN JIHAR BAUCHI YA KAI DAUKI GA MAYANKAN BAUCHI (KWATA)_________Shugaban gamayyar ƙungiyoyin ‘yan kasuwa na...
23/04/2026

AN ROKI GWAMNAN JIHAR BAUCHI YA KAI DAUKI GA MAYANKAN BAUCHI (KWATA)
_________

Shugaban gamayyar ƙungiyoyin ‘yan kasuwa na jihar Bauchi ya roƙi Mai Girma Gwamnan Jihar Bauchi, Sanata Bala Mohammed, da ya kai dauki ga mahautan Kwatan Bauchi tare da ɗaukar matakin sabunta wurin domin ya dace da tsarin zamani.

Shugaban ya bayyana hakan ne yayin wata ziyara ta gani da ido da ya kai Kwatan Bauchi, bayan shugabannin ƙungiyar mahauta sun ziyarce shi a ofishinsa inda s**a gabatar da koken su kan halin da kwatan ke ciki.

Daga bisani ne ya kai ziyara domin ganewa idon sa yadda wurin yake.Ya jaddada cewa Gwamnan Jihar Bauchi ya shahara wajen kawo sauyi da cigaba, yana mai cewa ya riga ya sauya fasalin wurare da dama a jihar cikin wa’adin mulkinsa.

Ya ƙara da cewa gwamnan ya inganta gidajen sarauta, ya gyara gidan gwamnati tare da mayar da shi na zamani, sannan ya inganta kasuwanni da hanyoyi, wanda hakan ya sa yawancin sassan jihar s**a samu sabon salo na cigaba.

A ƙarshe, ya bayyana cewa akwai kyakkyawan fata cewa gwamnatin jihar za ta duba koken mahautan tare da ɗaukar matakin da zai kawo sauƙi da cigaba a Kwatan Bauchi cikin ƙanƙanin lokaci, da yardar Allah.

Address

Bauchi

Website

Alerts

Be the first to know and let us send you an email when Amalgamated Union Trader And Artisans Bauchi LGA Hadaka posts news and promotions. Your email address will not be used for any other purpose, and you can unsubscribe at any time.

Shortcuts

Share

Category