10/08/2026
NASIHA GA MASU SIYASAR CIN MUTUNCI
Siyasa ba ta kamata ta zama hanyar wulakanta mutum, zagi, ƙage, ɓatanci ko ɓata mutuncin abokin hamayya ba. Siyasa ra’ayi ce da ake iya saɓawa a cikinta, amma saɓanin ra’ayi bai halatta ya zama saɓanin ɗabi’a ba.
1. Ka soki aiki, kada ka zagi mutum.
2. Ka yi magana da hujja, kada ka yi magana da ƙage.
3. Ka bambanta tsakanin kuskuren shugaba da mutuncinsa.
4. Kada ka yada labarin da ba ka tabbatar da gaskiyarsa ba.
5. Ka tuna cewa kalmar da ka furta za ta iya cutar da mutum fiye da yadda kake zato.
6. Kada ka mayar da siyasa ƙiyayya tsakanin iyalai, abokai da al’umma.
7. Idan abokin adawarka ya yi abin kirki, ka yarda da shi.
8. Idan ka yi kuskure, ka kasance mai ƙarfin hali ka gyara maganarka.
9. Kada ka bari son jam’iyya ya sa ka kare abin da ka san cewa ba daidai ba ne.
10. Ka tuna cewa siyasa lokaci ce; amma mutunci da kyakkyawan suna suna iya kasancewa na tsawon rayuwa.
Allah Maɗaukaki Ya ce:
﴿وَلَا يَجْرِمَنَّكُمْ شَنَآنُ قَوْمٍ عَلَىٰ أَلَّا تَعْدِلُوا ۚ اعْدِلُوا هُوَ أَقْرَبُ لِلتَّقْوَىٰ﴾
“Kada ƙiyayyar wasu mutane ta sa ku bar adalci. Ku yi adalci; shi ne mafi kusa da taƙawa.”
(Al-Mā’idah: 8)
“Mutuncinku da dukiyarku da rayukanku harumne “
inji Annabin Rahmah (saw).
Siyasa mai kyau ita ce wadda take gina al’umma, ba wadda take raba ta ba. Ka iya kasancewa mai tsananin adawa da ra’ayin mutum, amma ka zama mai kiyaye mutumin mutum.
Wataran zaa haɗe kuma azo ana jin kunya.
