Murya Daya Online

Murya Daya Online Contact information, map and directions, contact form, opening hours, services, ratings, photos, videos and announcements from Murya Daya Online, Katsina.

Mun san abin da muke yi. Littafinmu da Manzon Allah (SAWW) sun wayar mana da kai, sun nuna mana hanya. Mun san inda muke...
11/02/2026

Mun san abin da muke yi. Littafinmu da Manzon Allah (SAWW) sun wayar mana da kai, sun nuna mana hanya. Mun san inda muke sanya ƙafafunmu.

Idan musiba ta zo, an koya mana mu ce: Inna lillahi wa inna ilaihi raji’un. Idan ni’ima da yalwa s**a zo, mun san yadda za mu sarrafa su. Idan matsala ta taso, mun san inda za mu kaita. Saboda haka mu, muna da komai da komai.

__ Cewar Sheikh Yaqoub Yahya Katsina

Murya Daya Online
11/Feb/2026M.

Yana da mahimmanci mu fahimci hadafin Harkar nan guda biyu: na farko a kan kanka; na biyu, tabbatar da adalci da samun h...
07/02/2026

Yana da mahimmanci mu fahimci hadafin Harkar nan guda biyu: na farko a kan kanka; na biyu, tabbatar da adalci da samun hukunci na Alƙur’ani.

Wannan na biyun ba a hannunmu yake ba, yana hannun Allah (SWT). Abinda ke hannunka shi ne mita bautar Allah har mutuwa ta riskeka. Wannan muna iya kwana da sallah da zikiri, mu wuni da karatun Alƙur’ani, dai-dai gwargwadon yadda zamu iya.

Amma tabbatar da addini ba a hannunmu yake ba yana hannun Allah. Amma muna fata ya yi da mu.

___ Sheikh Yaqoub Yahya Katsina.

Murya Daya Online
07/February/2026M.

NISF-SHA’ABAN 1447H / 2026.A wannan rana mai albarka, zuciyoyin muminai suna cike da farin ciki, bege da tunani mai zurf...
03/02/2026

NISF-SHA’ABAN 1447H / 2026.

A wannan rana mai albarka, zuciyoyin muminai suna cike da farin ciki, bege da tunani mai zurfi, yayin da ake tunawa da Nisf-Sha’aban, rana mai daraja a cikin Musulunci. Rana ce da ta dace da cikar Limamin Zamani, Sahibul Asr, IMAM AL-MAHDI (AS), shekaru 1192 da haihuwa — Imamin da al’umma ke rayuwa cikin jiran zuwansa, cike da fata, adalci da gyaran duniya.

IMAM AL-MAHDI (AS) alama ce ta gaskiya, adalci da cikar alkawarin Allah. Tunawarsa tana ƙara mana ƙarfi wajen tsayawa kan gaskiya, kyautata tarbiyya, da jajircewa wajen gina al’umma bisa tsoron Allah, hakuri da adalci.

A daidai wannan lokaci mai albarka kuma, Jagora, Sayyid Ibraheem Zakzaky (H) na cika shekaru 75 cif da haihuwa. Rayuwarsa ta kasance cike da sadaukarwa, gwagwarmaya da tsayin daka wajen kare addini, gaskiya da mutuncin al’umma. Ya zama abin koyi ga masu neman gaskiya, da darasi ga masu tsayin daka duk da ƙalubale da jarabawa.

Haɗuwar wannan ranar tunawar haihuwar IMAM AL-MAHDI (AS) da cikar shekarun Jagora Sayyid Zakzaky (H) na tunatar da mu muhimmancin jiran gaskiya da aikata ta, ba da hakuri a kan hanya, da ci gaba da addu’a da aiki nagari har zuwa cikar burin adalci a duniya.

Allah Ya sanya mu cikin masu bin tafarkin gaskiya, Ya ƙarfafa imanimmu, Ya hanzarta bayyanar IMAM AL-MAHDI (AS), Ya kuma ba Jagora Sayyid Zakzaky (H) lafiya, tsawon rai da lada mai girma.

Daya Online
Tue, 03, Feb, 2026.

MURYA ƊAYA ONLINE NA TAYA JAGORA SAYYID IBRAHEEM ZAKZAKY (H) TARE DA IMAM AL-MAHDI (A.F) MURNAR RANAR HAIHUWA.A yau 15 g...
03/02/2026

MURYA ƊAYA ONLINE NA TAYA JAGORA SAYYID IBRAHEEM ZAKZAKY (H) TARE DA IMAM AL-MAHDI (A.F) MURNAR RANAR HAIHUWA.

A yau 15 ga watan Sha’aban, rana ce mai girma a tarihin Musulunci; rana da aka haifi Imam al-Mahdi (A.F), jagoran adalci, mai cika Duniya da gaskiya bayan ta cika da zalunci. Rana ce da take sabunta fata a zukatan muminai, tana ƙarfafa mana juriyar jira, tsayin daka, da biyayya ga tafarkin gaskiya.

A wannan rana mai albarka, Murya Ɗaya Online na miƙa gaisuwa ta musamman tare da taya Jagoranmu Sayyid Ibraheem Zakzaky (H) murnar wannan haihuwa mai girma, bisa matsayinsa na jagora mai ɗaukar tutar Wilayah, mai raya tunanin jira da tsayin daka bisa tafarkin Ahlul-Baiti (AS).

Muna roƙon Allah (SWT) Ya tsawaita rayuwar Jagora Sayyid Ibraheem Zakzaky (H) cikin ƙoshin lafiya da nasara, Ya hanzarta bayyanar Imam al-Mahdi (A.F), Ya kuma sanya mu cikin sahabbansa na gaskiya, waɗanda za su tsayu kan adalci kamar yadda aka umarce su.

Allah Ya karɓa daga gare mu, Ya haɗa zukatanmu waje guda, Ya tabbatar da mu bisa addu’ar malamai.

Murya Daya Online
15/Sha'aban/1447H.
03/February/2026M.

Wa ɗansu su kan tsokane mu, su ce mana, wai me yasa sai mu tattaro komi namu mu ɗaura akan Ahlul-baiti (AS), kamar ba sa...
02/02/2026

Wa ɗansu su kan tsokane mu, su ce mana, wai me yasa sai mu tattaro komi namu mu ɗaura akan Ahlul-baiti (AS), kamar ba sauran mutane a doron Duniya sai su? Sai muce masu, Eeh, a wajen Allah ba wasu sai su. Ko wanene shi, sai ya bisu ya samu Rahamar Allah (SWT). Sai dai idan mutum ba Annabi Muhammad (SAWW) yake bi ba, wani Annabi yake bi daban.

___ Sheikh Yaqoub Yahya Katsina ya yin wannan maganar ne a cikin wani jawabi na Mauludin Sayyida Faɗimatu Azzahra (SA) na shekarar 2024M.

Murya Daya Online
02/Feb/2026M.

Zalunci ne a hana mutum faɗin ra’ayinsa. Idan mutum yana da ra’ayi, ya faɗi nasa; in kana so ka karɓa, in ba ka so ka ba...
27/01/2026

Zalunci ne a hana mutum faɗin ra’ayinsa. Idan mutum yana da ra’ayi, ya faɗi nasa; in kana so ka karɓa, in ba ka so ka bar masa ra’ayinsa. Haka nan ma, idan kai kana da ra’ayi, ka faɗi naka; in yana so ya karɓa. Amma wannan ba magana ce ta rigima ko gaba ba.

Waɗanda muke gani suna faɗawa rigima saboda saɓanin ra’ayi ko banbancin fahimta, su na aikin shaiɗan ne. Saboda haka sai mu ce: Allah Ya yi muku afuwa, Allah Ya dawo da ku kan hanya madaidaiciya.

___ Sheikh Yaƙub Yahya Katsina ya bayyana wannan magana ne a ranar Asabar, 02/02/1445H dai-dai da 19/08/2023M, a wajen gagarumin gangamin matasa da aka gudanar a ranar.

Murya Daya Online
Talata: 27/01/2026M.

Idan kun fadi gaskiya Allah zai inganta ayyukanku, Ku fadi gaskiya a koda yaushe, koda wata rana kunyi kuskure Allah zai...
27/01/2026

Idan kun fadi gaskiya Allah zai inganta ayyukanku, Ku fadi gaskiya a koda yaushe, koda wata rana kunyi kuskure Allah zai kare makiya daga yi maku izgili da Wulakanci.

_Shaikh Yaqoub Yahya a wajen rufe Mu'utamar na Media Forum a garin Katsina. Lahdi 9Feb2020

Kada ya zamana mun bai wa maƙiya damar cimma burinsu. Ba a ce kada a yi raddi ba; ai Allah (SWT) da kansa Ya yi wa kafir...
24/01/2026

Kada ya zamana mun bai wa maƙiya damar cimma burinsu. Ba a ce kada a yi raddi ba; ai Allah (SWT) da kansa Ya yi wa kafirai raddi a madadin Manzon Allah (SAWW). A wurare da dama za ka ga Allah (SWT) Yana tsayawa Ya kare ManzonSa, Yana yin raddi a madadinSa. Amma raddi dole ne ya kasance bisa gaskiya da adalci, ba bisa zagi ko baƙar magana ba.

Idan misali mutum ya zo yana yin iƙirari iri-iri, sai a ɗauko hujja ko magana ko hoto da ke nuna akasin abin da ya faɗa, a ce: “Ga yadda abin yake.” Inji Sheikh ɗin, ba zagi za a yi ba, kuma ba amfani da baƙar magana za a yi ba.

Haka kuma, idan yana da wani gwaninsa ko abin alfahari, ba zagin wannan gwanin nasa za a yi ba. A yi masa magana ta hankali, ta hujja, da ladabi.

___ Gargadi da jan hankali Sheikh Yaqoub Yahya Katsina ga Murya Daya Online.

Murya Daya Online
Asabar: 24/01/2026.

Ranar Haihuwar Abulfadal Abbas.Abulfadhal Abbas (A.S.) an haife shi ne a Madina a ranar 4 ga watan Sha’aban, shekara ta ...
23/01/2026

Ranar Haihuwar Abulfadal Abbas.

Abulfadhal Abbas (A.S.) an haife shi ne a Madina a ranar 4 ga watan Sha’aban, shekara ta 26 bayan Hijira (26H). Shi ɗa ne ga Imam Ali (A.S.) da Sayyida Ummul Banin (A.S.). Tun yana ƙarami ya taso cikin tarbiyyar addini, jarumta da ladabi, yana koyi kai tsaye daga mahaifinsa Imam Ali (A.S.).

Abbas (A.S.) ya shahara da jarumta, aminci da cikakken biyayya ga ‘yan Ahlul Baiti. Ya kasance mai ƙaunar ‘yan’uwansa musamman Imam Husaini (A.S.), wanda ya tsaya masa tsayin daka har zuwa ƙarshen rayuwarsa.

A ranar Ashura, 10 ga Muharram, shekara ta 61H, a filin Karbala, Abbas (A.S.) ya nuna kololuwar sadaukarwa. Ya fita domin nemo ruwa ga yara da mata a tantin Imam Husaini (A.S.), duk da tsananin haɗari. A kan wannan tafiya ne aka yi masa rauni mai tsanani har ya yi shahada, yana kare gaskiya da mutunci har zuwa numfashinsa na ƙarshe.

A yau, Abulfadhal Abbas (A.S.) yana zama abin koyi ga Musulmi da masu neman gaskiya, darussan rayuwarsa na sadaukarwa, aminci, jarumta da biyayya ga adalci na ci gaba da haskaka zukata har zuwa yau.

Daya Online
Fri. 23, Jan, 2026.

21/01/2026

Mata masu Juna Biyu.

Mace mai ciki daga Imam Ridah (A.s)

_Shaikh Yaqoub Yahya

Abunda nike cewa, ni bance a rama mani ba, tunda Ni ƙaddarata kenan! Haka Allah ya rubuta mani. Tawa kaddarar kenan, ya ...
21/01/2026

Abunda nike cewa, ni bance a rama mani ba, tunda Ni ƙaddarata kenan! Haka Allah ya rubuta mani. Tawa kaddarar kenan, ya zakayi mani maganin ƙaddarata? Shisaya nace karda a ramani tunda haka Allah ya rubuta mani, kubar Ni da ƙaddarar Allah. Amma kuyi ƙoƙari ku isar da abunda ke dai-dai, abunda ke dai-dai ku isar.

___ Sakon Sheikh Yaqoub Yahya Katsina ga Murya Daya Online

Murya Daya Online
Laraba: 21/01/2026

Dangane da aikin yaɗa labarai da isar da saƙo ga al’umma, Sheikh Yaqoub Yahya ya bayyana cewa babban al’amari ne. Ya amb...
20/01/2026

Dangane da aikin yaɗa labarai da isar da saƙo ga al’umma, Sheikh Yaqoub Yahya ya bayyana cewa babban al’amari ne. Ya ambaci cewa ya ji Sayyid Khamene’i (H) yana jaddada muhimmancin aikin masu yaɗa labarai, yana kira gare su da su ƙara ninka ƙoƙarinsu, domin aikin yana da matuƙar tasiri.

Sheikh ya ce wani rubutu na iya zama dalilin shiriyar mutum, wani kuma ya dawo kan hanya bayan ya kauce. Idan aka yi rubutu mai kyau da manufa, mai rubutun zai samu ladan shiriyar wanda ya amfana, tare da ladan niyyarsa. Ya jaddada cewa duk abin da za a yi, a yi shi domin Allah, kamar yadda Malam Zakzaky (H) yake faɗa.

Daya Online
Tue, 20, Jan, 2026.

Address

Katsina
1234

Telephone

+2348038139613

Website

Alerts

Be the first to know and let us send you an email when Murya Daya Online posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Murya Daya Online:

Shortcuts

Share