25/03/2026
There was a time na parang ako lang at yung coffee machine ang magka-team sa Afar Cafe.
Hindi ko siya pinapagalaw kahit kanino. Lahat ng orders, ako. From first cup hanggang last. Kahit pagod, kahit hilo na sa amoy ng kape, tuloy lang. Parang naging comfort ko na rin, na ako lang ang may alam, ako lang ang may kontrol. (ay feeling 😂)
Pero one day, tinamaan ako ng realization.
Hindi pwedeng ako lang.
Hindi pwedeng umiikot lang ang café sa kung anong kaya kong gawin mag-isa. Kasi paano na kapag wala ako? Paano na kung gusto kong huminga kahit saglit?
Doon nagsimula.
Unti-unti ko silang tinuruan. Paano galawin yung machine, paano timplahin ng tama, paano alagaan yung bawat cup na nilalabas namin. Hindi naging madali, oo. May kaba, may doubt, may moments na gusto kong bawiin at ako nalang ulit gumawa.
Pero pinili kong magtiwala.
At ngayon? Sila na.
Sila na yung gumagawa ng 10, 20, hanggang umaabot ng daan-daang cups of coffee. Sila na yung bumubuhay sa galaw ng café kahit wala ako sa likod ng machine.
And today, paggising ko, iba na naman.
Bigla ko na namang naisip… gusto ko naman maging baker.
Gusto ko bumili ng oven. Gusto ko mag-bake ng cookies. Gusto ko mag amoy harina at mantikilya naman ang café, hindi lang kape.
Ganito siguro talaga pag business owner.
Hindi natutulog ang utak. Lahat ng ideas, gusto mong subukan. Lahat ng pangarap, gusto mong buuin.
Nakakapagod… pero ang saya.
Hindi na to negative sentiment, positive na to ☺️
Ang sarap makita yung ibang small business owners na nagsisimula, lumalaban, at unti-unting umaangat. Parang bawat success nila, success din nating lahat.
Sana lahat tayo magtagumpay.
Hindi man sabay-sabay, hindi man pare-pareho ng timeline… pero darating din tayo doon.
“For I know the plans I have for you,” declares the Lord, “plans to prosper you and not to harm you, plans to give you hope and a future.”
- Jeremiah 29:11
Let’s keep believing in our dreams. ☕
