22/07/2023
Mga kapatid, ang ating minamahal na patrona, ang Mahal na Birhen del Carmen. Sa mga panahon na tayo'y naliligalig dala ng pagsubok sa lupa, kumapit tayo sa kaniyang eskapularyo na ang tinipan sa ati'y kaligtasan at kapayapaan.
Sama-sama nating dasalin ang panalangin sa Mahal na Birhen del Carmen.
O Birhen del Carmen, Pinakabanal na Maria, ipinangako mong maging pananggalang ng mga magsusuot ng iyong banal na eskapularyo, tagapagligtas sa lahat ng panganib sa mundo at sa tukso ng demonyo, at ipinamalas mo ang katotohanang ito sa pamamagitan ng maraming himala. Sumasamo ako, O ina, na maging tagapagligtas ng buhay na ito, upang sa lahat ng panganib ako ay maging matibay at sa lahat ng tukso maging matagumpay, magpakailanmang nananalig sa iyong tulong upang makamit ang walang hanggang biyaya.
O Birhen Del Carmen, Ina ng Diyos at tagapagtanggol ng mga nagsusuot ng iyong banal na eskapularyo, yamang ang Banal na kamahalan ay ikinararangal ka sa pamamagitan ng pagluluklok sa iyo bilang kanyang ina, nagsusumamo ako sa iyo na mapagtagumpayan ko buhat sa iyong mahal na anak ang pagpapatawad sa aking mga kasalanan, sa aking pagbabagong buhay, tulungan mo ako sa aking mga pangangailangan, pagaanin ang aking mga pasanin at ang natatanging biyaya na hinihingi ko sa nobenang ito kung iyong mamarapatin sa iyong ngalan at pagmamakapuri at kabutihan ng aking kaluluwa. Amen.
Mahal na Birhen, Bulaklak at Ina ng Carmel,
ipanalangin mo kami!
- - - - - - -
Kalingain nawa tayo ng Mahal nating Diyos sa pamamagitan ng Mahal na Birhen del Carmen.
