RLG

Website

RLG Playing pickle ball and badminto 🏸.

(CEBMB'99) Gipadayag 12:1-18:"― 12 ―Ang Babaye ug ang Dragon¹ Unya nagpakita ang usa ka dakong tilimad-on didto sa langi...
18/10/2026

(CEBMB'99) Gipadayag 12:1-18:
"― 12 ―

Ang Babaye ug ang Dragon
¹ Unya nagpakita ang usa ka dakong tilimad-on didto sa langit: usa ka babaye nga nagbistig adlaw ug nagtunob sa bulan ug gikoronahan siyag 12 ka bituon.
² Hapit na siya manganak ug nagtiyabaw siya sa kasakit.
³ Unya may laing tilimad-on nga nakita didto sa langit. May dakong dragon nga p**a; ug may pito kini ka ulo, napulo ka sungay ug may korona ang matag ulo niini. Dan. 7:7 Gipa. 13:1 Gipa. 17:3
⁴ Gikahig niya pinaagi sa iyang ikog ang ikatulong bahin sa mga bituon sa langit ug gitambog ngadto sa yuta. Mibarog siya sa atubangan sa babayeng hapit na manganak aron tukbon niya ang bata nga mahimugso. Dan. 8:10
⁵ Unya gianak sa babaye ang usa ka batang lalaki nga maghari sa kanasoran sa paagi nga higpit kaayo. Apan gisakmit ang bata ug gidala ngadto sa Dios ug sa iyang trono. Sal. 2:9 Is. 66:7
⁶ Mikagiw ang babaye ngadto sa kamingawan diin ang Dios nag-andam kaniya ug dapit. Ug didto atimanon siya sulod sa 1,260 ka adlaw. Gipa. 11:3
⁷ Unya may gubat didto sa langit. Si Miguel ug ang kauban niyang mga anghel nakigsangka sa dragon ug sa mga anghel niini. Dan. 10:13 Dan. 10:21 Dan. 12:1 Jud. 1:9
⁸ Apan nabuntog ang dragon ug ang mga anghel niini ug gipanghinginlan sila gikan sa langit.
⁹ Gitambog ang dakong dragon, ang karaang bitin nga ginganlag Yawa o Satanas nga maoy naglimbong sa tibuok kalibotan. Gitambog siya uban sa tanang mga anghel niya ngadto sa yuta. Gen. 3:1 Luc. 10:18
¹⁰ Unya nadungog ko ang kusog nga tingog gikan sa langit nga nag-ingon, “Ania na gayod ang kaluwasan gikan sa Dios! Gipadayag na gayod sa Dios ang iyang gahom ingon nga Hari ug gipakita na sa Mesiyas ang iyang awtoridad! Kay ang tigsumbong nga nagbarog sa atubangan sa Dios ug nagsumbong sa atong kaigsoonan adlaw ug gabii gihinginlan na gikan sa langit. Job 1:9-11 Zac. 3:1
¹¹ Gibuntog sa atong mga kaigsoonan ang Yawa pinaagi sa dugo sa Nating Karnero ug sa kamatuoran nga gisangyaw nila. Wala nila ihikaw ang ilang kinabuhi bisan sa kamatayon.
¹² Busa paglipay kamo, kalangitan ug kamong tanan nga nagpuyo diha! Apan alaot ang yuta ug ang dagat! Kay mikunsad kaninyo ang Yawa nga suko kaayo kay nasayod man siya nga mubo na lang ang iyang panahon!”
¹³ Sa pagkamatngon na sa dragon nga gitambog na siya ngadto sa yuta, gigukod niya ang babaye nga nanganak ug batang lalaki.
¹⁴ Apan ang babaye gihatagag pako sa dakong agila aron makalupad siya ngadto sa iyang dapit sa kamingawan diin atimanon siya sulod sa tulo ka tuig ug tunga ug makalikay siya sa kapintas sa dragon. Dan. 7:25 Dan. 12:7
¹⁵ Unya mibugwak ang dragon ug tubig nga daw suba aron ibanlas ang babaye sa bul-og niini.
¹⁶ Apan ang yuta mitabang sa babaye. Giabli ang baba niini ug gisuyop ang tubig nga gibuga sa dragon.
¹⁷ Napungot pag-ayo ang dragon ug nakig-away siya sa tanang kaliwat sa babaye ug sa tanan nga nagtuman sa mga sugo sa Dios ug nagmatinumanon sa kamatuoran nga gipadayag ni Jesus. Gen. 3:15
¹⁸ Ug ang dragon nagtindog sa baybayon."

(CEBMB'99) 2 Mga Taga-Tesalonica 2:1-12:"― 2 ―Ang Tawong Yawan-on¹ Mahitungod sa pag-anhi sa atong Ginoong Jesu-Cristo u...
18/10/2026

(CEBMB'99) 2 Mga Taga-Tesalonica 2:1-12:
"― 2 ―

Ang Tawong Yawan-on
¹ Mahitungod sa pag-anhi sa atong Ginoong Jesu-Cristo ug sa atong pagkatigom aron makig-uban kaniya, naghangyo ako kaninyo mga igsoon: 1 Tes. 4:15-17
² ayaw dayon kamo kataranta ug kabalaka kon makadungog kamo nga ang Adlaw sa Ginoo miabot na. Ayaw kinig tuohi bisag gipasikad pa kini sa propesiya o sa wali o sa sulat nga kuno gikan kanamo.
³ Ayaw kamo palimbong ni bisan kinsa sa bisan unsang paagi. Kay ang maong Adlaw dili moabot samtang dili pa mahitabo ang kataposang pag-alsa batok sa Dios ug dili pa motungha ang Tawong Yawan-on nga gitagana alang sa kalaglagan. Mat. 24:4 Mar. 13:5 Luc. 21:8 Ef. 5:6
⁴ Supakon niya ang tanan nga gipakadios ug gipakabalaan sa tawo. Himoon niyang labaw ang iyang kaugalingon kay kanilang tanan. Gani mosulod ug molingkod siya sa Templo sa Dios ug angkonon niya nga siya Dios. Ezeq. 28:2 Dan. 11:36
⁵ Wala ba kamo mahinumdom nga gisultihan ko kamo niining tanan samtang ako uban pa kaninyo?
⁶ Apan may nagpugong niini aron dili kini mahitabo karon ug nasayod kamo niini. Busa sa panahon nga gitagal, moanhi ang Tawong Yawan-on.
⁷ Ang tinagoang gahom sa Tawong Yawan-on naglihok na ug madayag lamang kining gahoma kon kini dili na pugngan sa nagpugong niini.
⁸ Unya ang Tawong Yawan-on moanhi ug patyon siya sa Ginoong Jesus pinaagi sa huyop ug sa kasulaw sa iyang pagpadayag. Job 4:9 Is. 11:4
⁹ Ang Tawong Yawan-on moanhi nga may gahom ni Satanas ug maghimo sa tanang matang sa milagro ug mga buhat nga katingalahan. Mat. 24:24
¹⁰ Gamiton niya ang tanang paagi aron malimbongan ang mga laglagonon. Pagalaglagon sila kay wala man nila dawata ug higugmaa ang kamatuoran. Kon gibuhat pa nila kini, maluwas unta sila.
¹¹ Tungod niini, gipadad-an sila sa Dios ug dakong kalibog aron motuo sila sa bakak
¹² ug aron kasilotan ang tanan nga wala motuo sa kamatuoran apan nagpatuyang hinuon sa pagpakasala."

(CEBMB'99) Mga Taga-Galacia 6:1-10:"― 6 ―Kinahanglan Magtinabangay Kamo¹ Mga igsoon, kon usa kaninyo makasala, kinahangl...
18/10/2026

(CEBMB'99) Mga Taga-Galacia 6:1-10:
"― 6 ―

Kinahanglan Magtinabangay Kamo
¹ Mga igsoon, kon usa kaninyo makasala, kinahanglan nga kamong mga hamtong na sa pagtuo maoy magpabalik kaniya apan buhata ninyo kini uban ang kalumo. Ug bantayi nga dili usab kamo matintal.
² Pagtinabangay kamo sa pagpas-an sa inyong mga alantuson kay niining paagiha matuman ninyo ang sugo ni Cristo.
³ Kon may maghunahuna nga bililhon siya bisan kon ang tinuod mao nga wala diay siyay bili, naglimbong lamang siya sa iyang kaugalingon.
⁴ Ang tagsatagsa angay nga magsusi sa iyang kaugalingong binuhatan. Kon maayo kini, makapasigarbo siya sa iyang nahimo sa walay pagtandi niini ngadto sa nabuhat sa uban.
⁵ Kay ang matag usa kinahanglan magpas-an sa iyang kaugalingong palas-anon.
⁶ Ang gitudloan sa Cristohanong mensahe angay nga magpaambit sa iyang magtutudlo sa tanang maayong butang nga anaa kaniya.
⁷ Ayaw limbongi ang inyong kaugalingon pinaagi sa pagtuo nga makalimbong kamo sa Dios. Ang ipugas sa tawo mao usab ang iyang anihon.
⁸ Kon magtanom siya diha sa uma sa lawasnon niyang mga tinguha, gikan niini maani niya ang kamatayon. Kon magtanom siya diha sa uma sa Espiritu, maani niya gikan sa Espiritu ang kinabuhing walay kataposan.
⁹ Busa dili kita magtinap**an sa pagbuhat ug maayo kay kon magmadasigon kita moabot ang panahon nga makaani gayod kita sa bunga niini. 2 Tes. 3:13
¹⁰ Busa samtang may kahigayonan kita, buhaton ta ang maayo ngadto sa tanang mga tawo labi na gayod sa atong isigkamagtutuo."

(CEBMB'99) Mga Taga-Galacia 5:22-26:"²² Apan ang Espiritu naghatag sa gugma, kalipay, kalinaw, pailob, kaluoy, kaayo, pa...
18/10/2026

(CEBMB'99) Mga Taga-Galacia 5:22-26:
"²² Apan ang Espiritu naghatag sa gugma, kalipay, kalinaw, pailob, kaluoy, kaayo, pagkamaminatud-on,
²³ pagkamapaubsanon ug pagkamapinugnganon sa kaugalingon. Kining mga butanga wala mahisupak sa bisan unsang balaod. (22-23) Ef. 5:9
²⁴ Gilansang na diha sa krus sa mga tawo nga iya na ni Cristo Jesus ang mga tawhanong kailibgon ug mga lawasnong pangandoy.
²⁵ Ang Espiritu maoy naghatag kanatog kinabuhi busa paharion nato siya sa atong kinabuhi.
²⁶ Kinahanglan dili kita magmapagarbohon o magmasuk-anon o magmasinahon sa usag-usa."

(CEBMB'99) Mga Taga-Galacia 5:19-21:"¹⁹ Sayon kaayo pag-ila sa buhat sa tawhanong kinaiya. Makita kini diha sa salawayon...
18/10/2026

(CEBMB'99) Mga Taga-Galacia 5:19-21:
"¹⁹ Sayon kaayo pag-ila sa buhat sa tawhanong kinaiya. Makita kini diha sa salawayon nga pakighilawas, hugaw ug hilas nga mga buhat,
²⁰ ingon man sa pagsimba sa mga diosdios ug sa pagpamarang. Makita usab kini sa pagdinumtanay, pagbingkilbingkil, sa kasina, sa kapungot, sa kahakog, sa pagkabahinbahin,
²¹ pagkamasinahon, pagkapalahubog, pagkamapatuyangon sa lawasnong kaibog ug uban pang mga butang nga sama niini. Busa pasidan-an ko kamo karon sama sa akong gihimo kaniadto: ang magbuhat niining mga butanga walay dapit sa Gingharian sa Dios. (19-21) 1 Cor. 6:9-10 (19-21) Ef. 5:5"

(CEBMB'99) 2 Mga Taga-Tesalonica 2:1-4:"― 2 ―Ang Tawong Yawan-on¹ Mahitungod sa pag-anhi sa atong Ginoong Jesu-Cristo ug...
18/10/2026

(CEBMB'99) 2 Mga Taga-Tesalonica 2:1-4:
"― 2 ―

Ang Tawong Yawan-on
¹ Mahitungod sa pag-anhi sa atong Ginoong Jesu-Cristo ug sa atong pagkatigom aron makig-uban kaniya, naghangyo ako kaninyo mga igsoon: 1 Tes. 4:15-17
² ayaw dayon kamo kataranta ug kabalaka kon makadungog kamo nga ang Adlaw sa Ginoo miabot na. Ayaw kinig tuohi bisag gipasikad pa kini sa propesiya o sa wali o sa sulat nga kuno gikan kanamo.
³ Ayaw kamo palimbong ni bisan kinsa sa bisan unsang paagi. Kay ang maong Adlaw dili moabot samtang dili pa mahitabo ang kataposang pag-alsa batok sa Dios ug dili pa motungha ang Tawong Yawan-on nga gitagana alang sa kalaglagan. Mat. 24:4 Mar. 13:5 Luc. 21:8 Ef. 5:6
⁴ Supakon niya ang tanan nga gipakadios ug gipakabalaan sa tawo. Himoon niyang labaw ang iyang kaugalingon kay kanilang tanan. Gani mosulod ug molingkod siya sa Templo sa Dios ug angkonon niya nga siya Dios. Ezeq. 28:2 Dan. 11:36"

(CEBMB'99) Mga Hebreo 13:17:"¹⁷ Tahora ang inyong mga pangulo ug tumana ang ilang mga sugo. Kini sila walay pahulay sa p...
18/10/2026

(CEBMB'99) Mga Hebreo 13:17:
"¹⁷ Tahora ang inyong mga pangulo ug tumana ang ilang mga sugo. Kini sila walay pahulay sa pag-atiman sa inyong mga kalag kay maghatag man silag husay sa ilang pag-alagad sa Dios. Malipay sila sa pagtuman sa ilang buluhaton kon tahoron ninyo sila. Apan kon dili, masubo sila sa pag-alagad kaninyo ug kana dili makatabang kaninyo."

(CEBMB'99) Gipadayag 21:22-27:"²² Wala akoy nakitang templo didto sa siyudad kay ang Ginoong Dios nga Labing Gamhanan ug...
17/10/2026

(CEBMB'99) Gipadayag 21:22-27:
"²² Wala akoy nakitang templo didto sa siyudad kay ang Ginoong Dios nga Labing Gamhanan ug ang Nating Karnero mao man ang templo.
²³ Didto wala na kinahanglana ang kahayag sa adlaw ug sa bulan kay nagdan-ag man niini ang himaya sa Dios ug ang Nating Karnero maoy suga didto. Is. 60:16 Is. 60:19-20 Gipa. 22:5
²⁴ Ug maglakaw ang katawhan sa kalibotan diha sa kahayag niini ug dad-on sa mga hari sa kalibotan ang ilang mga bahandi ngadto sa maong siyudad. Is. 60:3
²⁵ Binuksan sa tibuok adlaw ang mga ganghaan niini ug dili kini sirhan kay didto wala na may gabii. Gipa. 22:5
²⁶ Dad-on ngadto sa siyudad ang kabantog ug ang bahandi sa kanasoran. (25-26) Is. 60:11
²⁷ Apan walay bisan unsang hugaw nga makasulod sa siyudad o bisan kinsa nga naghimog makauulawng buhat o nagbakak. Ang pasudlon sa siyudad mao lamang ang mga tawo nga ang ngalan nahisulat sa libro sa kinabuhi sa Nating Karnero. Is. 52:1 Ezeq. 44:9"

(CEBMB'99) Isaias 65:17-25:"Ang Bag-ong Kalibotan¹⁷ Ang GINOO miingon, “Tan-awa, magbuhat akog bag-ong langit ug bag-ong...
17/10/2026

(CEBMB'99) Isaias 65:17-25:
"Ang Bag-ong Kalibotan
¹⁷ Ang GINOO miingon, “Tan-awa, magbuhat akog bag-ong langit ug bag-ong yuta ug dili na hinumdoman ang tanang nangagi. Is. 66:22 2 Ped. 3:13 Gipa. 21:1
¹⁸ Busa paglipay pag-ayo hangtod sa hangtod tungod sa akong gibuhat kay himoon kong malipayon ang katawhan sa Jerusalem.
¹⁹ Magmalipayon ako tungod sa Jerusalem, ug magsadya ako tungod sa akong katawhan; dili na madungog diha niini ang mga danguyngoy ug bakho ug ang tuaw sa pagpakitabang. Gipa. 21:4
²⁰ Ang kabataan dili na mamatay nga masuso pa, ug ang tigulang matigulang gayod pag-ayo una mamatay, kay ang mamatay sa panuigon nga usa ka gatos isipon nga batan-on, ug kon ang tawo dili moabot sa panuigon nga usa ka gatos, isipon siya nga gisilotan.
²¹ Maghimo silag mga balay ug silay magpuyo niini; magtanom silag mga paras ug sila usab ang mopahimulos sa mga bunga niini.
²² Dili sila magtukod ug kabalayan aron puy-an lamang sa uban, o mananom ug unya lain ang mokaon niini; mabuhi ang akong katawhan ingon sa gidugayon sa pagkabuhi sa kahoy, ug kapahimuslan pag-ayo sa akong mga pinili ang ilang hinagoan.
²³ Dili na makawang ang ilang paghago; dili sila manganak aron lamang mangamatay, kay sila ug ang ilang mga anak mga kaliwat man sa katawhan nga gipanalanginan sa GINOO. Is. 61:9
²⁴ Sa dili pa sila motawag kanako, tubagon ko na sila ug samtang nagsulti pa, dunggon ko na sila.
²⁵ Magsalo na pagkaon ang lobo ug ang nating karnero, ug magkaon nag dagami ang liyon sama sa baka; abog na ang kan-on sa halas. Dili na sila mangunsa diha sa akong balaang bukid.” Is. 11:6-9"

(CEBMB'99) Mateo 8:11:"¹¹ Hinumdomi kini: daghan ang mangabot gikan sa sidlakan ug sa kasadpan ug makigsalo kang Abraham...
17/10/2026

(CEBMB'99) Mateo 8:11:
"¹¹ Hinumdomi kini: daghan ang mangabot gikan sa sidlakan ug sa kasadpan ug makigsalo kang Abraham, kang Isaac ug kang Jacob didto sa Gingharian sa langit."

(CEBMB'99) Mateo 13:38:
"³⁸ Ang uma mao ang kalibotan ug ang maayong binhi mao ang mga tawo nga sakop sa Gingharian. Ang mga sagbot mao ang mga tawo nga sakop sa Yawa"

(CEBMB'99) Mateo 16:19:
"¹⁹ Ihatag ko kanimo ang mga yawi sa Gingharian sa langit: ang imong idili dinhi sa yuta, idili usab didto sa langit. Ug ang imong itugot dinhi sa yuta, itugot usab didto sa langit.""

(CEBMB'99) Mateo 19:14:
"¹⁴ Si Jesus miingon, "Paduola kanako ang mga bata ug ayaw sila pugngi kay ang gingharian sa langit ila sa mga tawo nga sama kanila.""

(CEBMB'99) Mateo 26:29:
"²⁹ Sultihan ko kamo nga dili na gayod ako mousab pag-inom niining maong bino hangtod sa adlaw nga moinom ako sa bag-ong bino uban kaninyo didto sa gingharian sa akong Amahan.""

(CEBMB'99) Marcos 4:11:
"¹¹ Si Jesus mitubag, "Gipadayag na sa Dios kaninyo ang mga tinago sa iyang Gingharian. Apan alang sa uban nga anaa sa gawas, ang kamatuoran gipadayag ingon nga mga sambingay."

(CEBMB'99) Marcos 9:47:
"⁴⁷ Ug kon ang usa nimo ka mata maoy makaangin kanimo sa pagpakasala lugita kini! Mas maayo pa kanimo nga mosulod sa Gingharian sa Dios nga usa ray mata kay sa duha ang imong mata apan itambog ka sa impirno."

(CEBMB'99) Marcos 10:14:
"¹⁴ Sa pagkamatikod ni Jesus niini, nasuko siya ug giingnan niya ang iyang mga tinun-an, "Paaria kanako ang mga bata. Ayaw silag pugngi kay ang Gingharian sa Dios ila sa mga sama niining mga bata."

(CEBMB'99) Marcos 10:37:
"³⁷ Mitubag sila, "Kon molingkod ka na unya sa imong trono didto sa imong gingharian nga mahimayaon, palingkora kami uban kanimo: ang usa sa imong tuo ug ang usa sa imong wala.""

(CEBMB'99) Marcos 14:25:
"²⁵ Ug sultihan ko kamo nga dili na gayod ako moinom pag-usab niining bino hangtod sa adlaw nga moinom ako sa bag-ong bino didto sa Gingharian sa Dios.""

(CEBMB'99) Lucas 13:28:
"²⁸ Maghilak unya kamo ug magkagot ang inyong mga ngipon inigkakita ninyo kang Abraham, kang Isaac ug kang Jacob ug sa tanang mga propeta didto sa Gingharian sa Dios samtang kamo adto ra sa gawas!"

(CEBMB'99) Lucas 13:29:
"²⁹ Daghang mga tawo ang mangabot gikan sa sidlakan ug sa kasadpan ug gikan sa amihanan ug sa habagatan nga motambong sa kan-anan didto sa Gingharian sa Dios."

(CEBMB'99) Lucas 16:16:
"¹⁶ "Ang Balaod ni Moises ug ang mga sinulat sa mga propeta hangtod lamang sa panahon ni Juan nga Magbubunyag. Sukad niadto gisangyaw ang Maayong Balita mahitungod sa Gingharian sa Dios ug nakigbisog ang tagsatagsa ka tawo sa pagsulod niini."

(CEBMB'99) Lucas 18:16:
"¹⁶ Apan gipaduol sila ni Jesus ug miingon siya, "Pasagdi ninyo ang mga bata nga moduol kanako. Ayaw sila pugngi kay ang Gingharian sa Dios ila sa mga sama kanila."

(CEBMB'99) Lucas 22:16:
"¹⁶ Kay sultihan ko kamo nga dili na gayod ako mokaon niini hangtod nga himoon kini didto sa Gingharian sa Dios.""

(CEBMB'99) Lucas 22:18:
"¹⁸ kay sultihan ko kamo nga sukad karon dili na ako moinom niining bino hangtod nga moabot ang Gingharian sa Dios.""

(CEBMB'99) Lucas 22:30:
"³⁰ Mangaon kamo ug manginom didto sa akong lamisa sa akong Gingharian ug manglingkod unya kamo sa mga trono aron paghukom sa 12 ka banay sa Israel."

(CEBMB'99) Gipadayag 1:6:
"⁶ Gihimo kita niyang usa ka gingharian sa mga pari aron mag-alagad sa iyang Dios ug Amahan. Iya ni Jesu-Cristo ang dungog ug gahom sa walay kataposan! Amen."

(CEBMB'99) Gipadayag 5:10:
"¹⁰ Gihimo mo silang gingharian sa mga pari aron mag-alagad sa atong Dios; ug maghari sila sa kalibotan.""

(CEBMB'99) Gipadayag 11:15:
"¹⁵ Unya gipatingog sa ikapitong anghel ang iyang trumpeta. May naninggit didto sa langit nga nag-ingon, "Ang gingharian sa kalibotan nahimo nang gingharian sa atong Ginoo ug sa iyang Cristo ug maghari siya hangtod sa kahangtoran!""

Address

P1 Santo Rosario
Caraga
8604

Website

Alerts

Be the first to know and let us send you an email when RLG posts news and promotions. Your email address will not be used for any other purpose, and you can unsubscribe at any time.

Shortcuts

Share

Category