DA 4K Program-𝐒𝐎𝐂𝐂𝐒𝐊𝐒𝐀𝐑𝐆𝐄𝐍

17/08/2026

𝐈𝐏𝐎 𝐃𝐞𝐯𝐞𝐥𝐨𝐩𝐦𝐞𝐧𝐭 𝐀𝐬𝐬𝐞𝐬𝐬𝐦𝐞𝐧𝐭: 𝐏𝐚𝐠𝐭𝐮𝐤𝐨𝐲 𝐬𝐚 𝐏𝐚𝐧𝐠𝐚𝐧𝐠𝐚𝐢𝐥𝐚𝐧𝐠𝐚𝐧 𝐩𝐚𝐫𝐚 𝐬𝐚 𝐌𝐚𝐬 𝐀𝐧𝐠𝐤𝐨𝐩 𝐧𝐚 𝐒𝐞𝐫𝐛𝐢𝐬𝐲𝐨 𝐚𝐭 𝐈𝐧𝐭𝐞𝐫𝐛𝐞𝐧𝐬𝐲𝐨𝐧

SOCCSKSARGEN - Isinagawa ng Department of Agriculture Regional Field Office XII sa pamamagitan ng Kabuhayan at Kaunlaran ng Kababayang Katutubo (4K) Program ang assessment activities sa tatlong Indigenous Peoples Organizations (IPOs) noong Agosto 11–13, 2026.

Isinagawa ang aktibidad sa Yama Farmers Association, Demamis Coffee Farmers Association, at Malitubog IP Farmers Association bilang bahagi ng pagsukat sa antas ng pag-unlad at organizational capacity ng mga benepisyaryong IPO ng 4K Program.

Sinuri sa assessment ang mahahalagang aspeto ng organisasyon, kabilang ang Organizational Maturity, Farm Productivity and Income, Basic Social Services, at Gender and Development.

Layunin ng assessment na matukoy ang kasalukuyang kalagayan, mga pangangailangan, at mga angkop na intervention upang higit pang mapalakas ang kakayahan ng mga IPO at maisulong ang kanilang socio-economic at political empowerment.

Ang resulta ng assessment ay magsisilbing batayan sa pagbuo ng action plans at mga susunod na interventions ng programa para sa patuloy at napapanatiling pag-unlad ng mga Indigenous Peoples communities.

15/08/2026

𝐒𝐀𝐋𝐓 𝐓𝐫𝐚𝐢𝐧𝐢𝐧𝐠: 𝐏𝐚𝐠𝐬𝐮𝐬𝐮𝐥𝐨𝐧𝐠 𝐧𝐠 𝐒𝐮𝐬𝐭𝐚𝐢𝐧𝐚𝐛𝐥𝐞 𝐋𝐚𝐧𝐝 𝐌𝐚𝐧𝐚𝐠𝐞𝐦𝐞𝐧𝐭 𝐬𝐚 𝐀𝐧𝐜𝐞𝐬𝐭𝐫𝐚𝐥 𝐃𝐨𝐦𝐚𝐢𝐧𝐬

Binigyang-diin sa isinagawang Training on Sloping Agricultural Land Technology (SALT) for Diversified and Sustainable Upland Farming in Ancestral Domains ang kahalagahan ng Sustainable Land Management (SLM) sa pangangalaga ng lupa at pagpapaunlad ng sustainable farming sa mga ancestral domains.

Isinagawa ang limang araw na pagsasanay noong Agosto 10–14, 2026 sa Alta Bohol Garden Resort and Convention Center, Baclayon, Bohol, sa pangunguna ng Department of Agriculture – Kabuhayan at Kaunlaran ng Kababayang Katutubo (DA 4K Program), katuwang ang Bureau of Soils and Water Management (BSWM).

Kabilang sa mga kalahok si Desido U. Mindag, Presidente ng Yama Farmers Association mula sa Barangay Tuanadatu, Maitum, Sarangani Province, bilang kinatawan ng Indigenous Peoples mula sa Region XII.

Bukod sa mga talakayang pangklase, isinagawa rin ang field tour at hands-on activities sa paggamit ng A-frame at contouring upang maunawaan ng mga kalahok ang praktikal na aplikasyon ng SALT sa aktuwal na sakahan.

Ayon kay Mindag, mahalagang matutuhan ng mga katutubong magsasaka ang mga bagong pamamaraan tulad ng contouring upang makatulong sa pagkontrol ng pag-agos ng tubig, soil erosion at panganib ng landslide, gayundin ang diversified farming upang mas mapakinabangan ang lupa sa pamamagitan ng pagtatanim ng iba’t ibang pananim sa isang lugar.

“𝘔𝘢𝘩𝘢𝘭𝘢𝘨𝘢𝘯𝘨 𝘮𝘢𝘵𝘶𝘵𝘶𝘩𝘢𝘯 𝘯𝘢𝘵𝘪𝘯 𝘢𝘯𝘨 𝘮𝘨𝘢 𝘣𝘢𝘨𝘰𝘯𝘨 𝘱𝘢𝘮𝘢𝘮𝘢𝘳𝘢𝘢𝘯 𝘴𝘢 𝘱𝘢𝘨𝘴𝘢𝘴𝘢𝘬𝘢 𝘶𝘱𝘢𝘯𝘨 𝘮𝘢𝘱𝘢𝘯𝘨𝘢𝘭𝘢𝘨𝘢𝘢𝘯 𝘢𝘯𝘨 𝘢𝘵𝘪𝘯𝘨 𝘭𝘶𝘱𝘢 𝘢𝘵 𝘮𝘢𝘴 𝘮𝘢𝘱𝘢𝘬𝘪𝘯𝘢𝘣𝘢𝘯𝘨𝘢𝘯 𝘪𝘵𝘰 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘥𝘪𝘷𝘦𝘳𝘴𝘪𝘧𝘪𝘦𝘥 𝘧𝘢𝘳𝘮𝘪𝘯𝘨.” -Desido U. Mindag, President, Yama Farmers Association

Sa pamamagitan ng SALT at Sustainable Land Management, layunin ng pagsasanay na mapalakas ang kaalaman at kakayahan ng mga Indigenous Peoples sa wastong pamamahala ng sloping agricultural lands, pangangalaga sa ancestral domains, at pagpapaunlad ng mas produktibo at sustainable na kabuhayan.

15/08/2026

Maligayang Anibersaryo, DA 4K Program!
Walong taon ng dedikasyon, malasakit, at makabuluhang paglilingkod para sa ating mga Kababayang Katutubo. Patuloy nating isabuhay ang ating adhikain: “Empowering Indigenous Peoples Toward Self-Determination.”




DA 4K Program - National

Maligayang Anibersaryo, DA 4K Program!

Walong taon ng dedikasyon, malasakit, at makabuluhang paglilingkod para sa ating mga Kababayang Katutubo. Patuloy nating isabuhay ang ating adhikain: “Empowering Indigenous Peoples Toward Self-Determination.”

12/08/2026

Mula sa DA 4K Program - National

𝐖𝐀𝐓𝐂𝐇: What is the DA 4K Program?
Learn more about the program, its goals, and the support it provides to our Indigenous Peoples.

09/08/2026

Mula kay Sen. Loren Legarda

Sa tuwing nakakasama ko ang ating mga pamayanang katutubo, dama ko ang kanilang dedikasyon na ipagpatuloy ang ating tradisyon, pangalagaan ang ating kalikasan, at panatilihin ang pamana ng ating kultura.

Bilang Principal Sponsor ng Republic Act No. 10689 na nagtatakda sa Agosto 9 bilang National Indigenous Peoples Day, malaking karangalan para sa akin na maging bahagi sa pagbibigay ng pambansang pagkilala sa kanilang mga ambag. Ang araw na ito ay pagdiriwang ng ating pinagmulan at paalala na ito ay bahagi ng ating kasaysayan at kinabukasan.

06/08/2026

𝗕𝗔𝗦𝗔𝗛𝗜𝗡 | 𝐌𝐚𝐭𝐚𝐭𝐚𝐠 𝐧𝐚 𝐏𝐚𝐦𝐚𝐦𝐚𝐡𝐚𝐥𝐚 𝐧𝐠 𝐦𝐠𝐚 𝐈𝐏𝐎, 𝐏𝐢𝐧𝐮𝐫𝐢 𝐬𝐚 𝐈𝐬𝐢𝐧𝐚𝐠𝐚𝐰𝐚𝐧𝐠 𝐏𝐫𝐨𝐣𝐞𝐜𝐭 𝐌𝐨𝐧𝐢𝐭𝐨𝐫𝐢𝐧𝐠, 𝐄𝐯𝐚𝐥𝐮𝐚𝐭𝐢𝐨𝐧, 𝐚𝐧𝐝 𝐒𝐢𝐭𝐞 𝐕𝐢𝐬𝐢𝐭𝐚𝐭𝐢𝐨𝐧

Sa loob ng limang araw na Project Monitoring, Evaluation, and Site Visitation na isinagawa noong Hulyo 27–31, 2026, kinilala ng 4K National Program Management Office (4K-NPMO) ang patuloy na pag-unlad ng mga Indigenous Peoples Organizations (IPOs) na kabilang sa Department of Agriculture Regional Field Office XII – Kabuhayan at Kaunlaran ng Kababayang Katutubo (4K) Program sa SOCCSKSARGEN.

Ayon kay 𝗗𝗿. 𝗡𝗼𝗿𝗼𝗱𝗶𝗻 𝗦. 𝗠𝗮𝗹𝘂𝗴𝗮𝘆𝗮𝗸, 4K Project Development Officer IV at Team Leader ng 4K-NPMO, kapansin-pansin sa bawat IPO na kanilang binisita ang maayos na pamamahala, organisadong samahan, matatag na pagkakaisa, at malaking potensyal na umunlad sa patuloy na suporta sa kanilang kabuhayan. Binigyang-diin din niya na tunay na pinahahalagahan ng mga komunidad ang mga proyektong ipinagkaloob ng DA-4K at unti-unti nilang nakikita ang mahalagang papel ng mga ICCs/IPs bilang katuwang ng pamahalaan sa pagsusulong ng food security ng bansa.

Binigyang-diin din ni Dr. Malugayak na ang sama-samang pagtutulungan ng mga ahensya ng pamahalaan ang susi upang matugunan ang iba't ibang pangangailangan sa mga ancestral domain. Aniya, sa pamamagitan ng patuloy na pagkakaisa, pagpapalakas ng teknikal na kakayahan, pag-uugnay sa merkado, pagpapatibay ng mga organisasyon, at paggalang sa kultura ng mga katutubo, higit pang mapalalakas ang kanilang kabuhayan at magiging mas matatag ang kanilang ambag sa pagpapaunlad ng sektor ng agrikultura.

Patuloy na pinagtitibay ng DA-RFO XII sa pamamagitan ng 4K Program ang layunin nitong maisulong ang inklusibong pag-unlad, mapalakas ang kakayahan ng mga ICCs/IPs, at kilalanin ang kanilang mahalagang papel bilang katuwang sa pagkamit ng isang mas matatag at masaganang sektor ng agrikultura.