29/07/2026
Hindi sumpa ang ulan. It's God's gift.
Ang ulan ay nagbibigay-buhay. Pinupuno nito ang ating mga dam, dinidiligan ang ating mga pananim, at nagpapanatili ng balanse ng kalikasan.
Pero bakit sa Pilipinas, lalo na sa Metro Manila, kahit konting ulan lang, maraming tao ang kinakabahan na?
Hindi dahil sa ulan.
Kundi dahil alam na natin ang kasunod.
Baha. Trapik. Hirap sa commute. Mga kalsadang hindi madaanan. Mga bahay na nalulubog sa tubig. Isang normal na pag-ulan, pero parang titigil na ang buong siyudad.
Sa paglipas ng panahon, nasanay na tayong sisihin ang ulan. Pero ang totoo, hindi ang ulan ang problema.
The real curse is the failure to build cities that can withstand something as normal as rain.
Hindi kalikasan ang pumalya. Ang pumalya ay ang mga sistemang dapat nagpoprotekta sa mga tao, maayos na urban planning, effective flood control, maaasahang public transportation, at pamamahalang inuuna ang pangmatagalang solusyon kaysa pansamantalang remedyo.
Hindi tayo dapat matakot sa ulan. Dapat tayong magtanong kung bakit, sa dami ng buwis na binabayaran ng taumbayan at sa dami ng mga pangakong narinig natin, isang normal na pag-ulan pa rin ang kayang magpahinto sa normal na buhay ng mga Pilipino.
The rain is God's gift. Our vulnerability to it is a man-made problem.
