01/05/2026
کسٹمر کو پارسل ٹوٹا ہوا ملا — مگر ان کی خوبصورت سوچ نے دل جیت لیا 💔✨
ایک دن معمول کے مطابق میں نے رائیڈر کے ہاتھ پارسل بھیجا۔ میں ہمیشہ پارسل بہت ٹائٹ اور محفوظ طریقے سے پیک کرتی ہوں تاکہ وہ صحیح حالت میں کسٹمر تک پہنچے۔ راستے میں جھٹکوں کی وجہ سے ڈسپوزیبل آئٹمز اکثر متاثر ہو جاتے ہیں، اسی لیے میں ڈبل شاپر اور مضبوط پیکنگ کا خاص خیال رکھتی ہوں۔
لیکن اُس دن کچھ ایسا ہوا جس نے مجھے واقعی پریشان کر دیا۔ رائیڈر حسبِ معمول پارسل لے گیا، مگر جب وہ کسٹمر تک پہنچا تو وہ ٹوٹی ہوئی حالت میں تھا۔ کسٹمر نے مجھے تصاویر بھیجیں، اور میں دیکھ کر بہت پریشان ہو گئی۔ کیونکہ آرڈر بھی ماشاءاللہ خاصا بڑا تھا—دو سے تین درجن آئٹمز کے ساتھ مزید چیزیں بھی شامل تھیں۔
میں نے فوراً کسٹمر سے درخواست کی کہ وہ پارسل واپس بھجوا دیں تاکہ میں اسے دوبارہ درست شکل دے کر بھیج سکوں۔ لیکن اُن کا جواب سن کر دل کو سکون ملا۔ انہوں نے کہا:
"کوئی بات نہیں، ایسا ہو جاتا ہے۔ شیپ دینے کا کام تو میں بھی کر لوں گی، آپ پریشان نہ ہوں۔"
یقین کریں، اُن کے یہ الفاظ میرے لیے بہت حوصلہ افزا تھے۔ کیونکہ کچھ کسٹمرز ایسے بھی ہوتے ہیں جو ذرا سی خرابی پر ناراض ہو جاتے ہیں، چاہے غلطی کہیں بھی ہوئی ہو۔
ایسے سمجھدار اور مہربان کسٹمرز واقعی نعمت ہوتے ہیں
اللہ ہم سب کے رزق میں برکت عطا فرمائے، ہمارے دلوں میں نرمی دے، اور ہمیں کبھی کسی کا محتاج نہ کرے۔ 🤲
آمین
