29/01/2026
گوٹ فارمنگ ٹرینڈ کب تک رہے گا ؟
کیا گوٹ فارمنگ صرف چند دن کا ٹرینڈ ہے؟
کیا گوٹ فارمنگ کا مستقبل نہیں ؟
گوٹ فارمنگ کوئی وقتی ٹرینڈ نہیں کہ آج عروج پر ہے مگر کل ختم ہو جائے گا ،
بلکہ یہ ایک مستقل پیشہ ہے، ایک مستقل فارمنگ اور ایک پائیدار کاروبار ہے۔
اس کی بنیادی وجہ یہ ہے کہ دنیا آج بھی دودھ اور گوشت کی ضرورت پوری کرنے سے قاصر ہے،
اور جب تک انسان زندہ ہے، دودھ اور گوشت کی ضرورت باقی رہے گی۔
لیکن گوٹ فارمنگ کی اہمیت صرف دودھ اور گوشت تک محدود نہیں۔
ایک بہت بڑی تعداد ایسے لوگوں کی بھی ہے جو صرف اور صرف سنتِ نبوی ﷺ کی نیت سے بکریاں پالتے ہیں، برکت کی نیت سے رکھتے ہیں۔
نبی کریم ﷺ نے بکریاں پالنے کی ترغیب دی اور فرمایا کہ بکریوں میں برکت ہے۔
اسی سنت اور برکت کی غرض سے بھی ہر دور میں لوگوں نے بکریاں پالی ہیں اور آئندہ بھی تاقیامت پالتے رہیں گے۔
اور قربانی جیسے عظیم ترین عمل کو سر انجام دینے کیلئے انتہائی شوق اور محبت سے جانوروں کو پالتے ہیں اور قربانی پر سینکڑوں پہلو ایسے ہیں جن کی وجہ سے پورے ملک کو فائدہ ہوتا ہے۔
قربانی تاقیامت جاری رہے گی ، کیوں کہ اب کوئ نئے نبی رسول نہیں آئیں گے جو پہلے والے احکامات تبدیل ہو جائیں اور قربانی کا حکم ختم ہو جائے ،
ہم ختمِ نبوت پر ایمان رکھتے ہیں
حضرت محمد صلی اللہ علیہ وآلہ وسلّم ہمارے آخری نبی ہیں ، آپ ہی خاتم النبیین ہیں ، خاتم الانبیاء ہیں ، آپ کے بعد اب کوئ نبی نہیں آئے گا اور قربانی کا حکم منسوخ نہیں ہوگا ۔
اسی طرح جانوروں کا شوق رکھنے والے لوگ بھی ایک بہت بڑی مارکیٹ ہیں۔ چاہے وہ غریب ہوں یا امیر، جانوروں سے محبت اور شوق کسی خاص طبقے تک محدود نہیں۔
شوق ایک ایسا جذبہ ہے جو نہ کبھی کم ہوا ہے اور نہ کبھی ہوگا۔ پوری دنیا میں شوق کی مارکیٹ ہمیشہ سے مضبوط رہی ہے،
بلکہ حقیقت یہ ہے کہ شوق کی مارکیٹ دودھ اور گوشت کی مارکیٹ سے کہیں زیادہ طاقتور اور مہنگی ہے۔
شوق کے لیے پالا جانے والا جانور عام جانور کے مقابلے میں بعض اوقات دس گنا، بیس گنا بلکہ سو گنا زیادہ قیمت میں فروخت ہوتا ہے،
جبکہ دودھ اور گوشت کے جانوروں کی قیمت اس کے سامنے کم نظر آتی ہے۔
یہی وجہ ہے کہ گوٹ فارمنگ صرف ضروریات کا کاروبار نہیں بلکہ شوق، وقار اور ذوق کا بھی میدان ہے۔
وقت کے ساتھ جیسے جیسے فتنوں میں اضافہ ہوگا، انسان ہجوم سے دوری اختیار کرے گا، مگر بکریوں سے کبھی بے نیاز نہیں ہوگا۔ وہ لوگوں کو تو چھوڑ دے گا، مگر اپنی بکریوں کو نہیں چھوڑے گا، کیونکہ یہی اس کا سب سے بہترین اثاثہ ہوں گی، اس کا سرمایہ بھی اور اس کی تسلی بھی۔
نبی کریم ﷺ نے اسی حقیقت کی طرف اشارہ فرمایا کہ ایک وقت آئے گا جب انسان اپنے دین کو بچانے کے لیے پہاڑوں اور وادیوں کا رخ کرے گا اور اپنے ساتھ بکریاں لے جائے گا۔
یہ اس بات کی واضح دلیل ہے کہ بکری پالنا صرف معاشی سرگرمی نہیں بلکہ ایک فطری، سادہ اور باوقار طرزِ زندگی ہے جو دین اور دنیا دونوں کی حفاظت کا ذریعہ بن سکتا ہے۔
لہٰذا گوٹ فارمنگ نہ صرف آج کی ضرورت ہے بلکہ آنے والے وقتوں کی ایک مضبوط اور اٹل حقیقت ہے — ایک ایسا مستقل پیشہ، مستقل فارمنگ اور مستقل کاروبار جو کبھی ختم نہیں ہوگا، کیونکہ یہ انسان کی بنیادی ضرورت، سنتِ نبوی ﷺ، برکت اور فطری شوق سب سے جڑا ہوا ہے۔
گھریلو شوق سے بڑھ کر اگر آپ
کمرشل لیول پر فارمنگ تک جانا چاہتے ہیں تو پھر آپ کو روایتی طور طریقوں کی بجائے جدید فارمنگ سیکھنی ہوگی۔
گوٹ فارمنگ کے اصولوں کے مطابق چلنا ہوگا ، ورنہ ایک عام چرواہے کی طرح ساری زندگی محنت ومشقت کریں گے مگر اس کے نتیجے میں کوئ خاص آمدن نہیں ہوگی صرف گزر بسر چلے گا ۔
گوٹ فارمنگ شروع کرنے کا سب سے بہترین
مہینہ " مارچ اور اپریل " آنے والا ہے، اور یہ بریڈنگ سیزن بھی ہے، شروع کرنے سے پہلے سیکھیں تاکہ شروع سے ہی آپ کامیاب فارمنگ کے سفر پر چل سکیں۔
جنہوں نے بغیر سیکھے انویسٹمنٹ کی ہے انہوں نے پہلے کئ سال کچھ بھی نہیں کمایا۔
ہم ہر ایسے بندے کو گوٹ فارمنگ سکھاتے ہیں جو واقعی سنجیدہ ہو ،،
