PRO Water and Power Division Diamer

15/09/2026

ایکسئن واٹر اینڈ پاور دیامر، محبت خان صاحب کی ہدایت پر سب انجینئر نے رائیکوٹ پاور ہاؤس کا دورہ کیا اور پاور ہاؤس میں بجلی کی پیداوار اور تکنیکی امور کا جائزہ لیا۔

اس موقع پر اسٹاف کو سختی سے ہدایت کی گئی کہ پاور ہاؤس کو کسی بھی غیر ضروری غفلت یا کوتاہی کے باعث بند نہ ہونے دیا جائے اور کسی بھی تکنیکی فالٹ کی صورت میں فوری طور پر کارروائی کرتے ہوئے بجلی کی پیداوار بحال رکھی جائے۔

15/09/2026

ایکسئن دیامر محبت خان کی انتھک محنت، مخلصانہ کاوشوں، مؤثر انتظامی حکمتِ عملی اور مسلسل نگرانی کے باعث دیامر میں بجلی کی فراہمی کے نظام میں بہتری اور عوامی مشکلات کے فوری ازالے کے لیے عملی اقدامات جاری ہیں۔ ان کی قیادت میں محکمہ واٹر اینڈ پاور عوام کو بلاتعطل اور بہتر بجلی کی فراہمی کے لیے ہر ممکن کوشش کر رہا ہے۔

15/09/2026

افتخار احمد کو بلنگ کلرک، ہیڈ کوارٹر چلاس تعینات کر دیا گیا۔
Iftikhar Shareef

15/09/2026

گینی ایریا میں بجلی کی سپلائی بحال

گینی کے مقام پر آئل ٹینکر گرنے کے باعث ایک ایچ ٹی پول ڈیمیج ہوگیا تھا، جسے سب انجینئر امین اللہ، حلقہ ون کی نگرانی میں دوبارہ درست کر دیا گیا۔ اس کے علاوہ تیز ہواؤں کے باعث دو پولز کے کراس آرمز بھی ٹوٹ گئے تھے، جنہیں مرمت کرنے کے بعد گینی ایریا کی بجلی کی سپلائی بحال کر دی گئی۔

15/09/2026

حتمی نوٹس:-

درج ذیل اسٹاف کو ایک بار پھر ہدایت کی جاتی ہے کہ وہ کل سے اپنے اپنے مقررہ اسٹیشنوں پر حاضری یقینی بنائیں۔

بصورتِ دیگر غیر حاضری کی صورت میں تنخواہ میں کٹوتی کے ساتھ ساتھ ملازمت سے برخاستگی سمیت محکمانہ کارروائی عمل میں لائی جائے گی۔

"ایکسئن واٹر اینڈ پاور دیامر چلاس"

15/09/2026

رائیکوٹ پاور ہاؤس

رائیکوٹ پاور ہاؤس کے ایک یونٹ میں تکنیکی خرابی کے باعث یونٹ بند ہوگیا۔ اطلاع ملتے ہی ایکسئن واٹر اینڈ پاور دیامر محبت خان موقع پر پہنچ گئے اور ٹیکنیکل ٹیم کے ہمراہ خود کام کرکے خرابی دور کرکے یونٹ کو کامیابی سے بحال کر دیا۔

وقاص انجم ترجمان محکمہ برقیات

12/09/2026

بابوسر ہٹ کے 100 KVA ٹرانسفارمر کی ایچ ٹی بش جل جانے کے باعث بجلی کی سپلائی متاثر ہوئی تھی، جسے سب انجینئر نے بروقت کارروائی کرتے ہوئے ٹھیک کر دی ۔

اسی دوران بابوسر سائٹ کی مین ایچ ٹی لائن بھی شارٹ ہونے کی وجہ سے بجلی بند تھی۔ متعلقہ ٹیم نے شارٹ دور کرکے لائن بحال کر دی، جس کے بعد بابوسر ہٹ اور سائٹ پر بجلی کی سپلائی بحال کر دی گئی۔

12/09/2026

ایکسئن واٹر اینڈ پاور دیامر محبت خان صاحب نے 2 میگاواٹ کھنبری پاور ہاؤس کا دورہ کیا، جہاں موجود اسٹاف نے پاور ہاؤس کی کارکردگی، بجلی کی پیداوار اور دیگر امور کے حوالے سے انہیں تفصیلی بریفنگ دی۔

ایکسئن محبت خان صاحب نے اسٹاف کو سختی سے ہدایت کی کہ فرائض کی انجام دہی میں کسی قسم کی غفلت یا کوتاہی برداشت نہیں کی جائے گی۔ انہوں نے اسٹاف کو اپنی ڈیوٹی پوری ذمہ داری، محنت اور مستعدی سے انجام دینے کی ہدایت بھی کی۔

11/09/2026

مٹھاٹ ہائیڈرو پاور پراجیکٹ کے ایمرجنسی بحالی کام کا معائنہ

ایکسئین واٹر اینڈ پاور دیامر، محبت خان نے ڈویژنل کمشنر دیامر استور ڈویژن عظیم اللہ زید، ایڈیشنل سیکریٹری کمیونیکیشن اینڈ ورکس اور سپرنٹنڈنگ انجینئر سی اینڈ ڈبلیو عبدالہادی کے ہمراہ 1.2 میگاواٹ مٹھاٹ ہائیڈرو پاور پراجیکٹ کا دورہ کیا۔

دورے کے دوران کمیٹی نے منصوبے کے ایمرجنسی بحالی کے کام کا تفصیلی معائنہ، فزیکل ویریفکیشن اور تعمیراتی کام کے معیار کا جائزہ لیا۔ اس موقع پر جاری بحالی کے کام کی پیش رفت اور موقع پر موجود دیگر امور کا بھی تفصیلی جائزہ لیا گیا۔

11/09/2026