13/02/2023
#شاعری
اپنے گھر سے ہی نکل جائیں گے معلوم نہ تھا
یوں بھی حالات بدل جائیں گے معلوم نہ تھا
زندگی ایسے بھی اک موڑ پہ لائے گی ہمیں
ہم کھلونوں سے بہل جائیں گے معلوم نہ. تھا
برف جذبات مرے ان سے ملاقات کے بعد
لگ کے سینے سے پگھل جائیں گے معلوم نہ تھا
میں نہ شاعر ہوں نہ ہی کوئی مصور لوگو
درد الفاظ میں ڈھل جائیں گے معلوم نہ تھا
ایک مدت سے جنھیں اپنا سمجھ بیٹھا تھا
میری شہرت سے وہ جل جائیں گے معلوم نہ تھا
ہائے نادر ! جو تیرے ساتھ رھے برسوں سے
چال وہ موت کی چل جائیں گے معلوم نہ تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ف ق۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
