23/07/2026
جب بھی پاکستان میں ٹماٹر، پیاز، آلو یا کوئی اور زرعی چیز مہنگی یا نایاب ہو جائے تو سوشل میڈیا پر ایک جملہ ضرور نظر آتا ہے:
"پاکستان تو زرعی ملک ہے، پھر یہ حال کیوں ہے؟"
یہ سوال اپنی جگہ درست ہے، لیکن ایک سوال میرا بھی ہے...
آخر پاکستان ہے کون؟
کیا پاکستان صرف زمین، پہاڑ، دریا اور نقشے کا نام ہے؟ یا پھر ہم سب مل کر پاکستان بنتے ہیں؟
اگر کسی ملک کو "زرعی ملک" کہا جاتا ہے تو اس کی وجہ صرف زرخیز زمین نہیں ہوتی، بلکہ وہ لوگ ہوتے ہیں جو زمین سے محبت کرتے ہیں، بیج بوتے ہیں، پودے اگاتے ہیں اور پیداوار بڑھاتے ہیں۔
ہم اکثر حکومت، نظام اور ملک پر تنقید کر دیتے ہیں، لیکن کبھی ایک لمحے کے لیے خود سے بھی پوچھا ہے کہ میں نے زراعت کے لیے کیا کیا؟
اگر کھیت نہیں تو کیا ہوا؟ کیا ایک گملے میں دھنیا، پودینہ، مرچ یا ٹماٹر بھی نہیں لگا سکتے؟ کیا گھر کی چھت یا صحن کے ایک کونے میں چھوٹا سا کچن گارڈن نہیں بنایا جا سکتا؟
بات صرف چند سبزیوں کی نہیں، سوچ کی ہے۔
جس دن ہم دوسروں سے سوال کرنے کے ساتھ ساتھ خود سے بھی سوال کرنا شروع کر دیں گے، اسی دن بہت سے مسائل کا حل بھی شروع ہو جائے گا۔
یاد رکھیں، کسی ملک کی پہچان صرف اس کی زمین سے نہیں بنتی، بلکہ اس کے باشندوں کی سوچ، محنت اور کردار سے بنتی ہے۔ https://nova.ebrain.pk/mart
