31/10/2025
پنجاب کی صوبائی ترقیاتی ورکنگ پارٹی نے 36 ارب روپے کے منصوبوں کی منظوری دے دی
پنجاب کی صوبائی ترقیاتی ورکنگ پارٹی نے مختلف ترقیاتی منصوبوں کے لیے 36 ارب روپے کی منظوری دے دی ہے۔
اجلاس کی صدارت ڈاکٹر نعیم رؤف نے کی، جس میں زراعت، تعلیم، سڑکیں، پانی و سیوریج نظام اور فیصل آباد ماس ٹرانزٹ منصوبہ سمیت متعدد پروگراموں کے لیے فنڈز کی منظوری دی گئی۔ پروگراموں میں پوٹوہار میں زرعی ترقی، مری میں کشمیر بازار کی توسیع، نارووال میں سڑک کی تعمیر و مرمت اور جنوبی پنجاب میں کھجور کے باغات کی ترقی شامل ہیں۔