Mufti Ghulam Yaseen Qadri

07/09/2026

03/09/2026

🌹 ہار جیت مقدر کی بات ہے، مگر اخلاقیات سب سے مقدم ہیں 🌹

ہار اور جیت تو مقدر کی بات ہے، لیکن گالیاں دینا، الزام تراشی کرنا اور کسی برادری کو نشانہ بنانا شریف لوگوں کا شیوہ نہیں۔ ایسی باتوں سے دوسروں سے زیادہ انسان کی اپنی سوچ، تربیت اور اصلیت سامنے آتی ہے۔

حقیقت یہ ہے کہ اگر ووٹ لینے کا کام نہ ہوتا تو سیاست دان کبھی کسی کے دروازے پر نہ جاتے، بلکہ لوگ ان کی شکلیں دیکھنے کو ترستے رہتے۔ یہی ووٹ ہے جو سیاست دان کو عوام کے دروازے تک لے کر آتا ہے اور یہی ووٹ عوام کے سامنے سیاست دان کا اصل کردار اور کارکردگی بھی واضح کرتا ہے۔

بہاول پور کے کئی دوستوں نے بتایا ہے کہ بعض سیاسی رہنما ایسے بھی ہیں جو ووٹ لینے کے بعد اپنی ہی عوام سے ہاتھ ملانا تو دور کی بات، سیدھے منہ بات تک نہیں کرتے۔ لیکن جب ووٹ لینے کا وقت آتا ہے تو اچانک اخلاقیات، محبت اور عوامی خدمت سب یاد آجاتی ہیں۔

میری گزارش ہے کہ پنجابی اور سرائیکی بھائیوں کو آپس میں لڑانے کے بجائے ہر سیاسی رہنما اپنا سیاسی کردار اور اپنی کارکردگی عوام کے سامنے رکھے۔ پھر عوام جسے چاہیں، اپنی مرضی سے ووٹ دیں۔

میری ذاتی رائے ہے کہ اس مرتبہ چوہدری طارق بشیر چیمہ صاحب کو ووٹ دیا جائے، کیونکہ سیاسی حلقے کسی کی جاگیر نہیں ہوتے۔

میں اپنے چنٹر بھائیوں اور ان کے چاہنے والوں سے بھی گزارش کرتا ہوں کہ دل بڑا کریں۔ آج اگر طارق بشیر چیمہ صاحب آپ کے حلقے میں آکر الیکشن لڑ رہے ہیں تو آپ بھی آئندہ یزمان سے الیکشن لڑیں اور بہاول پور میں جو کام آپ نے کیے ہیں، انہیں اپنی سیاسی تقریروں میں مثال بنا کر عوام کے سامنے پیش کریں۔

پھر عوام سے ووٹ مانگیں۔ اگر آپ نے واقعی لوگوں کے مسائل حل کیے ہوں گے، انہیں روزگار دیا ہوگا، ان کے لیے آسانیاں پیدا کی ہوں گی، تو عوام یقیناً آپ کی کارکردگی کو دیکھ کر آپ کا ساتھ دیں گے۔

اسی لیے کہا جاتا ہے:

🌹 کامیابی محنت سے ملتی ہے، حسد سے نہیں! 🌹

اب بات آتی ہے چوہدری مسعود صاحب کی۔ وہ آرائیں برادری سے تعلق رکھتے ہیں اور سیاسی طور پر ان کی حمایت کرنے والے بھی موجود ہیں، لیکن جذبات میں آکر ملک صاحب نے پوری آرائیں برادری کو ہی تنقید کا نشانہ بنا دیا۔

یہ دراصل اپنے ہی پاؤں پر کلہاڑی مارنے کے مترادف ہے۔ ممکن ہے کہ جو آرائیں بھائی پہلے انہیں ووٹ دینے کا ارادہ رکھتے ہوں، اب اس بیان کے بعد ان کے لیے دوبارہ ایسا فیصلہ کرنا مشکل ہو جائے۔

بعد میں معافیاں مانگنے سے بہتر ہے کہ الفاظ بولنے سے پہلے سوچ لیا جائے، کیونکہ بعض اوقات جذبات میں زبان سے نکلی ہوئی بات سیاسی طور پر بہت بڑا نقصان پہنچا دیتی ہے۔

بہرحال، آئندہ ایسی باتوں سے خود بھی احتیاط کیجیے اور اپنے کارکنوں کو بھی تلقین کیجیے کہ سیاست میں اختلاف ضرور کریں، مگر اخلاق اور احترام کا دامن ہاتھ سے نہ چھوڑیں۔

🤝 اختلافِ رائے اپنی جگہ، بھائی چارہ اپنی جگہ۔
🌹 پنجابی اور سرائیکی بھائی بھائی ہیں۔
🌹 بہاول پور زندہ باد!
🌹 عوام پائندہ باد!

✍️ از قلم: مفتی غلام یسین
کراچی، پاکستان

📅 3 ستمبر 2026ء، بروز جمعرات

02/09/2026

🌹🌿🌸 بہاولپور — محبتوں کا شہر 🌸🌿🌹

میری بہاولپور کے علماءِ کرام سے بھی گزارش ہے
کہ اپنا ووٹ چوہدری طارق بشیر چیمہ صاحب کو دیں 🌹

نبیِ کریم ﷺ کے غلاموں کا شہر بہاولپور
عاشقانِ رسول ﷺ کا شہر بہاولپور

دین کی خدمت کرنے والوں کا شہر بہاولپور
مفسرِ قرآن، حضور فیضِ ملت علیہ الرحمہ کا شہر بہاولپور

نوابوں کا شہر بہاولپور
مہمان نوازوں کا شہر بہاولپور

پاکستان کا احسان مند شہر بہاولپور
نواب صاحب کی ریاست کا مرکزی شہر بہاولپور

ہے جس شہر میں نور محل اور چڑیا گھر
ہے اس شہر کا نام بہاولپور 🌹

میٹھی زبان بولنے والوں کا شہر بہاولپور
پنجابی تے سرائیکی بھائیوں کا شہر بہاولپور

ہے جس شہر میں مفتی غلام یسین کی پیدائش
ہے وہ پیارا شہر بہاولپور 🌸

جس شہر کے لیے شب و روز
مفتی غلام یسین دعا کرتا ہے

سلامت رہے تا قیامت رہے
ہے وہ پیارا شہر بہاولپور 🌹

جس شہر کی مٹی سے محبت ہے
جس شہر کی یاد دل میں بستی ہے

جس شہر کے لیے دل سے دعا نکلتی ہے
اللہ ہمیشہ آباد رکھے
اللہ ہمیشہ سلامت رکھے

🌹 سلامت رہے بہاولپور 🌹
🌿 تا قیامت رہے بہاولپور 🌿

🌸🌿🌹 بہاولپور زندہ باد۔۔۔پنجابی تے سرائیکی بھائی زندہ باد 🌹🌿🌸

╭──────────────🌹🌿🌹──────────────╮

✍️ از قلم: مفتی غلام یسین
کراچی، پاکستان

📅 بروز بدھ، 2 ستمبر 2026ء
🌙 19 ربیع الاول 1448ھ

╰──────────────🌸🌿🌸──────────────╯

30/08/2026

🌹 نعتِ رسولِ مقبول ﷺ 🌹

آسان اردو ترجمہ و مفہوم

آج سکھ متراں دی ودھیری اے
کیوں دلڑی اداس گھنیری اے

آج محبوب سے ملنے کی خوشی بہت زیادہ ہے،
پھر میرا دل اتنا زیادہ اداس کیوں ہے؟

لوں لوں وچ شوق چنگیری اے
آج نیناں لائیاں کیوں جھڑیاں

میرے رگ و پے میں محبت اور شوق کی کیفیت ہے،
آج میری آنکھوں سے آنسوؤں کی جھڑی کیوں لگی ہوئی ہے؟

الطیف سری من طلعتہ
والشذ و بدی من وفرتہ

آپ ﷺ کی ذات نہایت لطیف اور خوبصورت ہے،
اور آپ ﷺ کے بال مبارک سے خوشبو اور حسن ظاہر ہوتا ہے۔

فسکرت ہنا من نظرتہ
نیناں دیاں فوجاں سر چڑھیاں

آپ ﷺ کی ایک نظر ہی ایسی ہے کہ انسان محبت میں مدہوش ہو جائے،
آپ ﷺ کی آنکھوں کی فوج نے میرے دل پر قبضہ کر لیا ہے۔

مکھ چند بدر شعشانی اے
متھے چمکدی لاٹ نورانی اے

آپ ﷺ کا چہرۂ انور چودھویں کے روشن چاند کی مانند ہے،
اور آپ ﷺ کی پیشانی مبارک سے نور کی شعاعیں چمکتی ہیں۔

کالی زلف تے اکھ مستانی اے
مخمور اکھیں ہن مدھ بھریاں

آپ ﷺ کی سیاہ زلفیں نہایت خوبصورت ہیں،
اور آپ ﷺ کی مبارک آنکھیں ایسی دلکش اور پُرکیف ہیں گویا محبت کے جام سے سرشار ہوں۔

دو ابرو قوس مثال دسن
جیں تھیں نوک مژہ دے تیر چھٹن

آپ ﷺ کی دونوں مبارک بھنویں کمان کی مانند خم دار ہیں،
اور آپ ﷺ کی پلکوں کی نوک سے گویا محبت کے تیر چلتے ہیں۔

لباں سرخ آکھاں کہ لعل یمن
چٹے دند موتی دیاں ہن لڑیاں

آپ ﷺ کے سرخ لب یمن کے سرخ قیمتی موتیوں کی مانند ہیں،
اور آپ ﷺ کے سفید دندانِ مبارک موتیوں کی خوبصورت لڑی کی طرح ہیں۔

اس صورت نوں میں جان آکھاں
جانان کہ جانِ جہان آکھاں

میں آپ ﷺ کے حسین چہرے کو اپنی جان کہوں،
یا آپ ﷺ کو تمام جہان کی جان کہوں؟

سچ آکھاں تے رب دی شان آکھاں
جس شان تو شاناں سب بنیاں

اگر سچ کہوں تو آپ ﷺ کے حسن و کمال کو اللہ تعالیٰ کی شان کی نشانی کہوں،
کیونکہ دنیا کی تمام خوبیاں اور شانیں اللہ تعالیٰ نے آپ ﷺ کے وسیلے سے عطا فرمائی ہیں۔

ایہا صورت شالا پیشِ نظر
رہے وقتِ نزع تے روزِ حشر

یا اللہ! آپ ﷺ کی یہ نورانی صورت ہمیشہ میری نگاہوں کے سامنے رہے،
خصوصاً موت کے وقت اور قیامت کے دن۔

وچ قبر تے پل تھیں جد ہوسی گذر
سب کھوٹیاں تھیں سن تد کھریاں

جب قبر کے بعد پل صراط سے گزرنے کا وقت آئے گا،
تب تمام کھوٹ اور حقیقت واضح ہو جائے گی اور اصل حقیقت سامنے آ جائے گی۔

لاہو مکھ تو مخطط بردِ یمن
من بھانوری جھلک دکھلاو سجن

اے محبوب! اپنے چہرۂ انور سے یمنی نقش و نگار والی چادر ہٹا کر،
اپنے حسین چہرے کی ایک جھلک دکھا دیجیے، اے محبوب!

اوہا مٹھیاں گالیں الاو مٹھن
جو حمرا وادی سن کریاں

وہی میٹھی میٹھی باتیں دوبارہ ارشاد فرمائیے،
جو حمرا وادی میں کی تھی

انہاں سکدیاں تے کرلاندیاں تے
لکھ واری صدقے جاندیاں تے

جو آپ ﷺ کی محبت میں تڑپتے اور آہیں بھرتے ہیں۔
یہ عاشق لاکھوں مرتبہ آپ کے نام پر قربان ہونے کو تیار ہیں

انہاں بردیاں مفت وکاندیاں تے
شالا آون وت وی اوہ گھڑیاں

یارسول اللہ یہ آپ کے غلام آپ کی محبت میں اپنی جان تک بے قیمت فروخت کر دیتے ہیں،

کاش! وہ محبت اور عقیدت بھرے لمحات دوبارہ واپس آ جائیں۔

🌹 عربی اشعار

سُبْحَانَ اللّٰهِ مَا أَجْمَلَکَ
مَا أَحْسَنَکَ مَا أَکْمَلَکَ
اللہ پاک ہے ! آپ ﷺ کتنے خوبصورت ہیں،
آپ ﷺ کتنے حسین ہیں اور کتنے کامل ہیں!

کتھے مہر علی کتھے تیری ثنا
گستاخ اکھیں کتھے جا اڑیاں

مہر علی! تم کہاں اور حضور نبی کریم ﷺ کی شانِ ثنا کہاں!

میری یہ کمزور اور عاجز آنکھیں آخر کہاں تک پہنچ سکتی ہیں کہ آپ ﷺ کی عظیم شان کا حق ادا کر سکیں؟

یہ شعر شاعر کی انتہائی عاجزی اور ادب کا اظہار ہے کہ حضور ﷺ کی حقیقی شان بیان کرنا اس کے بس کی بات نہیں۔

🌹 مجموعی مفہوم: 🌹

یہ خوبصورت نعتِ رسول ﷺ حضور اکرم ﷺ کے حسن و جمال، چہرۂ انور، زلفوں، آنکھوں، ابرو، لبوں اور دندانِ مبارک کی محبت بھری تعریف بیان کرتی ہے۔ شاعر آپ ﷺ کے حسن و کمال کو بیان کرتے ہوئے آخر میں اپنی عاجزی کا اظہار کرتا ہے کہ حضور ﷺ کی حقیقی شان بیان کرنے کے لیے میرے الفاظ اور میری حیثیت بہت کم ہے۔

✍️ مترجم

مفتی غلام یسین
کراچی، پاکستان

📅 بروز اتوار، 30 اگست 2026ء
🌙 16 ربیع الاول 1448ھ

29/08/2026

حضرت سید بسم اللہ شاہ بخاری علیہ الرحمہ کے مزار شریف پر حاضری

29/08/2026

30 اگست 2026ء بروز اتوار بعد نماز ظہر

26/08/2026

آگے نبی آگےنبی صلی اللہ علیہ وسلم

26/08/2026

مرحبا یا مصطفی کے نعرے لگا تے ہوئے
محمد ابو بکر صدیق