عصر حاضر اور ظہور مہدی

06/09/2026

30/08/2026

🔥 موجودہ پُرفتن ماحول میں ایمان کو بچانا ہاتھ میں دہکتے ہوئے انگارے پکڑنے کے مترادف ہے۔

ایسے دور میں لوگوں سے غیرضروری توقعات اور امیدیں وابستہ نہ کرو، کیونکہ دلوں کا سہارا انسان نہیں، صرف اللہ تعالیٰ ہے۔ اپنے رب سے تعلق مضبوط کرو، اسی سے امید رکھو، اسی پر بھروسہ کرو اور اسی کے سامنے اپنے دل کو جھکاؤ۔

اور یاد رکھو! صحبتِ صالحہ ایمان کی حفاظت کا ایک مضبوط ذریعہ ہے۔
چاہے ایک ہی دوست ہو، مگر ایسا ہو جو تمہارا ہم نظریہ، مخلص اور دین دار ساتھی ہو؛ ایسا ساتھی جو صرف دنیا کی باتوں میں نہ الجھائے بلکہ تمہیں اللہ کی یاد دلائے، امتِ مسلمہ کے درد کو محسوس کرے، اپنے کردار کی اصلاح کے لیے کوشاں ہو اور موجودہ دور کے فتنوں میں حق و باطل کی پہچان کے ساتھ مثبت اور پُرامن دینی و اصلاحی جدوجہد میں اپنا کردار ادا کرنے والا ہو۔

دوست کم ہوں، مگر ایسے ہوں کہ ان کی صحبت تمہارے ایمان کو کمزور نہیں بلکہ مزید مضبوط کرے۔

لوگوں سے امیدیں کم کرو، اللہ سے تعلق بڑھاؤ؛
محفلیں کم کرو، صالح صحبت اختیار کرو؛
اور اس پُرفتن دور میں اپنے ایمان کی حفاظت کو زندگی کا اہم ترین مقصد بناؤ۔ 🤲🖤

01/08/2026

*(10)"نفاذ اسلام کیلیے غلط راستوں کا انتخاب الٹا نقصان کرتا ہے"*
ان سیاسی تحریکات میں بعض تحریکات وہ ہے جو صرف اپنے ممالک میں نفاذ اسلام کیلیے اٹھیں، لیکن انہوں نے اسلام کی فطری اور بنیادی راہ کی بجائے ایسے راستوں کو تجویز کیا کہ ان پر چل کر خود کارکنان تحریک ایمان و اسلام کی روح سے خالی ہونے لگتے ہیں۔جب خود تحریکات اپنے کارکنان سے اسلامی روح نکالتی ہیں تو وہ معاشرے سے ایمان دار لوگوں کو چننے میں کس طرح کامیاب ہوسکتی ہیں۔
*(اسرار العروج حضرت مولانا مفتی مختار الدین صاحب)*

13/07/2026

کبھی تنہائی میں بیٹھ کر اپنے آپ سے یہ سوال ضرور کرنا...

چلوں تو ڈر ہے کہ کہیں نگاہ کسی حرام پر نہ پڑ جائے، نہ چلوں تو ڈر ہے کہ عمر غفلت میں نہ گزر جائے۔

بولوں تو خوف ہے کہ کہیں جھوٹ، غیبت، چغلی، فحش کلامی، طنز، بہتان یا کسی کا دل نہ ٹوٹ جائے، خاموش رہوں تو ڈر ہے کہ کہیں حق بات چھپ نہ جائے۔

سوچوں تو نفس گندے خیالات، بدگمانی، حسد، کینہ اور تکبر سے دل کو آلودہ کر دیتا ہے۔ لوگوں میں رہوں تو گناہوں کا خوف، تنہائی میں رہوں تو شیطان اور نفس کے حملوں کا خوف۔

نیک عمل کروں تو اخلاص کی فکر، اپنے اعمال پر روؤں تو ریا کا خوف، نہ روؤں تو سنگ دلی کا ڈر، لوگوں سے دور رہوں تو عُجب کا اندیشہ، لوگوں میں رہوں تو شہرت اور تعریف کی خواہش کا خطرہ۔

یا اللہ! آخر میں جاؤں تو کہاں جاؤں؟ اپنے اعمال پر بھروسہ کروں تو وہ بھی ناقص ہیں، اپنے آنسوؤں پر بھروسہ کروں تو ان میں بھی ریا کا ڈر ہے، اپنے دل کو دیکھوں تو وہ بھی گناہوں سے زخمی ہے۔

بس ایک ہی سہارا باقی ہے... تیری رحمت۔

اے میرے رب! اگر تو نے معاف نہ کیا تو میں ہلاک ہو جاؤں گا۔ اگر تو نے پردہ نہ رکھا تو میرا کوئی پردہ رکھنے والا نہیں۔ اگر تو نے رحم نہ فرمایا تو میرا کوئی ٹھکانہ نہیں۔

اے اللہ! ہمیں اپنے گناہوں پر سچی ندامت، اخلاص والی توبہ، آنسوؤں سے بھری دعائیں، اور موت سے پہلے اپنی رضا نصیب فرما۔ ہمارے خاتمے کو ایمان پر فرما، قبر کو جنت کے باغوں میں سے ایک باغ بنا دے، اور قیامت کے دن اپنے عرش کے سائے میں جگہ عطا فرما۔ آمین یا رب العالمین۔

17/05/2026

کسی بھی عظیم مقصد کو حاصل کرنے کا راستہ یہ ہے:

صحبت → محبت → طلب → ادب → دعا → نتیجہ

سب سے پہلے انسان اُن لوگوں کی صحبت اختیار کرتا ہے جن کے پاس وہ نعمت یا مقصد موجود ہوتا ہے۔ ان کی باتیں اور کردار دل پر اثر کرتے ہیں، جس سے محبت پیدا ہوتی ہے۔ جب محبت دل میں جگہ بنا لیتی ہے تو اسے حاصل کرنے کی سچی طلب اور تڑپ پیدا ہو جاتی ہے۔ پھر انسان ادب، عاجزی اور احترام کے ساتھ اس راستے پر چلتا ہے اور اللہ تعالیٰ سے اخلاص کے ساتھ دعا کرتا ہے۔ اس کے بعد اللہ تعالیٰ اپنے فضل و کرم سے مطلوبہ نتیجہ عطا فرماتا ہے۔

صحبت دل بدلتی ہے، محبت شوق جگاتی ہے، طلب بے چین کرتی ہے، ادب برکت لاتا ہے، دعا تقدیر بدل دیتی ہے۔

12/05/2026

حضرت حسن بصری رحمۃ اللہ علیہ فرماتے تھے کہ کتے کے اندر دس ایسی صفات ہیں کہ اگر ان میں سے ایک صفت بھی انسان کے اندر پیدا ہو جائے تو وہ اللہ تعالیٰ کا ولی بن سکتا ہے۔
1- کتے کے اندر قناعت ہوتی ہے، جو مل جائے اسی پر قناعت کر لیتا ہے اور راضی ہو جاتا ہے۔ یہ قانعین یا صابرین کی علامت ہے۔
2- کتا اکثر بھوکا رہتا ہے۔ یہ صالحین کی علامت ہے۔
3- کوئی دوسرا کتا اس پر زور کی وجہ سے غالب آ جائے تو یہ اپنی جگہ چھوڑ کر دوسری جگہ چلا جاتا ہے۔ یہ راضیین کی علامت ہے۔
4- کتے کا مالک اگر اس کو مارے تو وہ اپنے مالک کو چھوڑ کر نہیں جاتا۔ یہ صادقین کی علامت ہے۔
5- اگر کتے کا مالک بیٹھا کھانا کھا رہا ہو تو یہ باوجود طاقت اور قوت کے اس سے کھانا نہیں چھینتا۔ یہ مساکین کی علامت ہے۔
6- جب مالک اپنے گھر میں ہو تو یہ دور جوتوں کے پاس جا کر بیٹھ جاتا ہے۔ ادنیٰ جگہ پر راضی ہو جاتا ہے۔ یہ متواضعین کی علامت ہے۔
7- دنیا میں رہنے کے لیے اس کا اپنا کوئی گھر نہیں ہوتا۔ یہ متوکلین کی علامت ہے۔
8- رات کو یہ کم سوتا ہے۔ یہ محبین کی علامت ہے۔
9- اگر اس کا مالک اس کو مارے تو یہ تھوڑی دیر کے لیے دور چلا جاتا ہے، اور اگر اس کا مالک دوبارہ روٹی ڈالے تو یہ واپس آ کر کھا لیتا ہے اور ناراض نہیں ہوتا۔ یہ خاشعین کی علامت ہے۔
10- جب کتا کسی جگہ سے اٹھ جاتا ہے تو پیچھے مڑ کر نہیں دیکھتا۔ یہ زاہدین اور اللہ کی طرف متوجہ رہنے والوں کی علامت ہے۔