13/07/2026
😍🔥
میدان کا اصل فائٹر: آفاق کوہاٹ کی کمال باؤلنگ اور جادوئی ورائٹی نے سب کے دل جیت لیے!
پہلے حسن شہید میموریل ٹورنامنٹ جنڈ میں اگر الغازی کرکٹ کلب جنڈ نے فائنل تک کا شاندار سفر طے کیا، تو اس کے پیچھے آفاق کوہاٹ کی تباہ کن اور سحر انگیز باؤلنگ کا بہت بڑا ہاتھ تھا۔ پہلے سیمی فائنل کے بڑے معرکے میں آفاق کوہاٹ الغازی کلب کے لیے اصل ہیرو بن کر سامنے آئے۔ انہوں نے اپنی تیز رفتار پیس اور لاجواب ورائٹی سے حریف بلے بازوں کو بے بس کر کے رکھ دیا اور کمال کھیل پیش کرتے ہوئے تن تنہا اپنی ٹیم کو سیمی فائنل میں ایک شاندار اور یکطرفہ فتح دلوائی۔
صرف سیمی فائنل ہی نہیں، بلکہ فائنل کے انتہائی ہائی پریشر میچ میں بھی جب ٹیم ایک چھوٹے ٹوٹل کا دفاع کر رہی تھی، آفاق کوہاٹ نے دلیری کی انتہا کر دی اور فائنل جیسے بڑے اسٹیج پر محض 5 رنز کا ناقابلِ یقین اوور کر کے میچ کو آخری گیند تک زندہ رکھا۔ ہار اور جیت کھیل کا حصہ ہے، اور شاید اس بار قسمت کو کچھ اور ہی منظور تھا، لیکن آفاق کوہاٹ نے اپنے دلیرانہ کھیل اور لاجواب باؤلنگ سے شائقینِ کرکٹ کے دلوں پر اپنی دھاک بٹھا دی ہے۔ الغازی کلب کے اس عظیم فخر کو دل سے سلام اور مستقبل کے لیے نیک تمنائیں!
تحریر: طلحہ مسعود
