BHNovels

01/08/2026

Gift for cuties....🙂
link par click kare Or phar kare check ye mere payre Follower ke lye
react keya kare ta ke ham jalde Novel la sake

A cute little website filled with compliments, surprises, and a heartfelt message made just for you.

31/07/2026

What's That ❤️🤧
Amazing 😍

31/07/2026

میرا خیال ہے پہلے حضرت ایوب ابو انصاری کے مزار سے شروع کرتے ہیں۔۔۔پھر خود ہی کہنے لگے۔۔۔۔آپ کے ہاں پاکستان میں حضرت ایوب ابو انصاری کہا جاتا ہے
جبکہ یہاں ہم لوگ سلطان ایوپ کہتے ہیں کیونکہ ہمارے یہاں ترکی میں ب کی جگہ پ استعمال کیا جاتا ہے۔۔۔۔پچیس منٹ بعد انہوں نے گاڑی مزار کے باہر روکی
تھوڑی بہت تبدیلیوں کے باوجود حیات پہچان گئی۔۔۔۔۔یہ وہی مزار تھا جہاں وہ بچپن میں کئی بار آ چکی تھی۔۔۔۔۔آخری بار وہ آج سے سات سال پہلے 16 برس کی عمر میں آئی تھی۔۔۔۔۔"مزار کے باہر احاطے میں لوگوں کا رش لگا ہوا تھا۔۔۔حیات کو بالکل پکنک جیسا سماں لگا۔۔۔۔۔۔۔۔۔۔۔
مزار کے اندر پہنچے تو بڑی تعداد میں زائرین موجود تھے۔۔۔ماحول وجد میں ڈوبا ہوا تھا۔کچھ لوگ تلاوت کر رہے تھے۔۔۔کچھ دعا مانگ رہے تھے۔۔۔کچھ دیر وہاں گزار کر وہ سب مزار کی پچھلی طرف نکل آئے۔۔۔ یہاں بہت بڑا قبرستان تھا۔۔۔۔۔۔۔۔۔۔۔۔۔۔ ایک ڈھلوانی راستہ جو قبرستان کے ساتھ ساتھ اوپر کو جا رہا تھا اسی راستے پر چڑھ کر اوپر پہنچے۔۔۔۔۔۔۔۔۔حیات کے پیر کچھ دکھنے لگے تھے جوتوں میں،میوج نے فوراً ہی اپنے آرام دہ جوتے اتار کر اسکے نا نا کرنے کے باوجود زبردستی پہنائے۔۔۔۔۔اسکے جوتے اپنے بیگ میں ڈال دیے
اور خود ننگے پیر چلنے لگی۔۔۔۔۔۔۔۔۔۔جب وہ اوپر پہنچے تو وہاں موجود سٹالز پر سے آتی کھانے پینے کی اشتہا انگیز خوشبو نے سب کی بھوک کو چمکا دیا۔۔۔۔۔اگرچہ کھانے میں ترک ڈشز تھیں۔۔۔۔۔۔ جن کو حیات نے صرف چکھنے پہ اکتفا کیا اپنے لئیے اس نے شوارما منگوایا۔۔۔

اگلے تین دن تک وہ مسلسل اسے استنبول کی سیر کرواتے رہے۔۔۔۔۔۔۔چوتھے دن حیات نے تھکاوٹ کی وجہ سے جانے سے انکار کر دیا۔۔۔۔۔۔ بابا اور مون سے اسکی روزانہ بات ہوتی۔۔۔۔۔ایسرا آنٹی کے ساتھ جا کے وہ مام کی قبر پر بھی ہو آئی تھی۔۔۔۔میوج اسکی وجہ سے کالج سے چھٹیاں کیے ہوئے تھی۔۔۔مگر آج حیات کے بے حد اصرار پہ وہ چلی گئی تھی۔۔۔۔۔۔۔۔ناشتے کے بعد وہ کمرے میں لیٹی سیل فون یوز کر رہی تھی(وہ یہاں اپنی سم لینا چاہ رہی تھی مگر میوج نے اسے اپنی سم دے دی تھی کہ وہ جب تک یہاں ہے یہی استعمال کرکے)۔۔۔۔۔۔۔وہ حورین سے چیٹ کر رہی تھی کہ ارتضیٰ کی واٹس ایپ پر کال آتی دیکھ کر فوراً ریسیو کی۔۔۔"

اپنے ہاف میکے آ کے ہمیں بھول گئیں کیا۔۔۔۔۔"ارتضیٰ کی شکوے بھری آواز سنائی دی۔۔۔۔۔۔"

ہاف میکے۔۔۔۔۔؟؟

ہاں ہاف۔۔۔۔۔۔۔۔۔۔۔۔کیونکہ پاکستان تمہارے فادر کا ملک ہے اور ترکی تمہاری مدر کا اس حوالے سے دونوں Countries تمہارا آدھا آدھا میکہ۔۔۔۔۔ارتضیٰ نے اطمینان سے کہا۔۔۔۔حیات کی ہنسی چھوٹ گئی۔۔۔۔۔پہلی بار وہ ارتضیٰ کی کسی بات پر اتنا ہنسی تھی۔۔۔"

کاش میں اسوقت تمہارے پاس ہوتا پھر تمہاری یہ خوبصورت ہنسی سننے کے ساتھ دیکھنے کا بھی شرف حاصل ہو جاتا۔۔۔۔۔اس نے ٹھنڈی آہ بھر کر کہا۔۔۔۔۔۔"

تو کس نے کہا تھا امریکہ جانے کو۔۔۔۔۔نا جاتے تو اس وقت ہم دونوں ترکی میں ساتھ ساتھ گھومتے۔۔۔۔حیات نے اس کا ری ایکشن دیکھنے کیلئے جان بوجھ کر کہا

ہاں غلطی ہو گئی مجھ سے۔۔۔۔مجھے امریکہ نہیں آنا چاہیے تھا۔۔۔۔تمہیں رخصت کروا کے ہنی مون پر لے جانا چاہیے تھے۔۔۔۔۔وہ پچھتانے کے انداز میں بولا

اب تو کچھ نہیں ہو سکتا سر جی۔۔۔۔چھے مہینے آپ کو انتظار کرنا پڑے گا۔۔۔۔۔۔حیات نے شوخ لہجے میں کہا

کیوں کچھ نہیں ہو سکتا۔۔۔۔کہو تو ترکی آ کر دکھا دوں

ہاہا۔۔۔۔آ جائیں وہ ہنسی۔۔۔۔۔۔۔"

ہنسو مت ایسا نا ہو کہ دیوانہ سچ میں آ جائے۔۔۔۔

دیوانہ۔۔۔۔۔۔وہ کھلکھلائی۔۔۔۔۔۔۔۔۔۔۔۔"

نکاح کے بعد گزرے چند دنوں میں اس نے جس بے ساختہ انداز میں اپنی بے لوث محبت و چاہت کا بے خودی میں اظہار کیا تھا۔۔۔۔۔اس اظہار نے حیات عبدالرحمان کے دل کو ایک نا آشنا اور اچھوتے جذبے سے آشنا کر دیا تھا۔۔۔۔۔۔وہ اسکی دلی حالت سے بے خبر گنگنا رہا تھا۔۔۔۔۔

ہم تو دیوانے ہوئے یار۔۔۔۔تیرے دیوانے ہوئے یار۔۔۔۔۔۔"

اسکی دودھ جیسی سپید اور گلابی رنگت میں مزید سرخیاں گھلنے لگی تھیں۔۔۔۔۔۔۔فون پر بھی اسے شرم نے آ گھیرا۔۔۔۔۔۔۔۔۔"

حیات تو مزاق کر رہی۔۔۔۔۔۔۔۔۔۔مگر وہ دیوانہ سچ میں دیوانہ تھا۔۔۔۔۔۔اب وہ استنبول جا کے اسے سرپرائز دینے والا تھا۔۔۔۔۔۔۔۔۔"

💓

ڈائریکٹر۔۔۔۔۔۔۔ پروڈیوسر۔۔۔۔۔ہیرو۔۔۔۔۔۔۔۔ہیروئن۔۔۔۔۔ ماحر، عبیر۔۔۔۔۔۔۔۔۔زین اور نتاشا سمیت فلم کی پوری ٹیم شوٹنگ کے لئیے ترکی جانے کو تیار تھی۔۔۔۔۔مگر روانگی سے چار گھنٹے پہلے ماحر اپنی گاڑی کا ایکسیڈنٹ کروا بیٹھا۔۔۔۔۔۔"
جس میں اسے ٹانگوں پر خاصی چوٹیں آئی تھیں۔۔۔ڈاکٹر نے آٹھ دس دن تک مکمل بیڈ ریسٹ کا کہا۔۔۔سو سب کی سیٹیں کینسل ہو گئیں۔۔۔۔۔۔اسوقت وہ ٹانگ پر پلستر چڑھائے اپنے بیڈ پر لیٹا جھنجلا رہا تھا۔۔۔۔اپنے آپ کو کوس رہا تھا۔۔۔کیا ضرورت تھی اتنی فاسٹ ڈرائیونگ کی۔۔۔۔اگر ایکسیڈنٹ نا ہوا ہوتا تو اب تک
وہ ترکی پہنچ کر اس کی اسکی عقل ٹھکانے لگا چکا ہوتا۔۔۔۔۔۔۔"

فرقان نے عبدالرحمان صاحب کے چوکیدار کو رشوت دے کر اس سے انفارمیشن لے لی تھی کہ وہ کتنے عرصے کیلئے ترکی گئی ہے۔۔۔۔۔ وہاں کہاں پہ اور کس کے پاس ٹھہری ہے۔۔۔۔۔"

ماحر سے اسکی واپسی تک صبر نہیں ہو پا رہا تھا۔۔۔وہ جلد از جلد ترکی پہنچ جانا چاہتا تھا مگر اس کیلئے اس کا اپنے قدموں پر چلنا ضروری تھا۔۔۔۔۔۔"

سر اگر آپ کہیں تو میں ترکی چلا جاتا ہوں۔۔۔۔۔اس کو ڈھونڈ کے آپ کو اسکے بارے میں انفارم کرتا رہوں گا جب تک آپ ٹھیک ہو کے وہاں نہیں پہنچتے۔۔۔۔۔۔فرقان نے اسکی جھنجھلاہٹ بھری بے قراری کو دیکھتے ہوئے کہا تھا۔۔۔۔۔وہ ماحر سے کچھ چیکس پر سائن لینے آیا تھا۔۔۔۔۔۔۔۔"

ہاں یہ ٹھیک ہے۔۔۔۔تم فوراً سیٹ کنفرم کرواؤ اپنی۔۔۔۔میں ڈاکٹر سے کنسلٹ کرتا ہوں اپنی انجری کے جلدی ٹھیک ہونے کیلئے۔۔۔۔۔۔خلاف توقع وہ فوراً مان گیا

پھر اسی شام کو فرقان بھی ترکی کیلئے روانہ ہو گیا

💓

ہاں بولو فراز۔۔۔۔۔کچھ انفارمیشن ملی۔۔۔۔؟مثال شیرانی نے کال ریسیو کرتے ہی بے تابی سے پوچھا

جی میم انفارمیشن مل گئی ہے۔۔۔۔

پھر جلدی بتاؤ نا۔۔۔۔وہ تیز لہجے میں بولی

میری معلومات کے مطابق ماحر سر اس لڑکی کو ہر صورت اپنی فلم کی ہیروئن بنانا چاہتے تھے۔۔۔۔۔اس مقصد کیلئے انہوں نے اسے اغواء بھی کیا۔۔۔۔۔۔۔کنٹریکٹ پر زبردستی سائن بھی کروائے مگر وہ لڑکی کسی صورت راضی نہیں ہوئی۔۔۔۔۔۔۔۔پھر انہوں نے اسے گرل فرینڈ بنانا چاہا مگر وہ اس پر بھی نہیں مانی بلکہ ماحر سر کی بے عزتی کی اور پولیس میں کمپلین کرنے کی دھمکی دی انہوں نے یہ بھی کہا کہ انکے پاس ماحر سر کی کال ریکارڈنگز ہیں۔۔۔۔۔۔۔۔۔اگر انہوں نے اسے مزید تنگ کیا تو وہ ان ریکارڈزنگز کو وائرل کر دیں گی۔۔۔۔۔۔۔۔

بس۔۔۔۔۔یا اسکے علاؤہ کچھ۔۔۔۔۔۔؟؟

ہاں اسکے علاؤہ یہ کے ماحر سر کو ضد ہو گئی ہے۔اسے ہر حال میں حاصل کرنا چاہتے ہیں۔۔۔۔اس مقصد کیلئے انہوں نے اس لڑکی کو پرپوز بھی کیا مگر اس لڑکی نے انہیں انکار کر دیا بلکہ بری طرح بے عزتی بھی کی۔۔۔اور یہ اسی دن کی بات ہے جس دن انہوں نے آپ کو۔۔۔۔۔۔"وہ کہتے کہتے رک گیا۔۔۔۔۔۔۔"

اچھا تو اس دن اس لڑکی کا غصہ بھی مجھ پہ نکالا تھا۔۔۔۔۔وہ سوچتے ہوئے بڑ بڑائی۔۔۔۔۔۔"

بات سنو۔۔۔۔۔۔۔۔۔اس لڑکی نے کیا کہا کہ اس کے موبائل میں ماحر کی کال ریکارڈنگز ہیں نا۔۔۔۔۔؟تم ایسا کرو۔۔۔کسی بھی حال میں مجھے اس لڑکی کا فون چوری کر کے دو۔۔۔۔۔۔۔"ایک خیال کوندے کی طرح اس کے دماغ میں لپکا۔۔۔۔۔۔۔"

اس کیلئے آپ کو وہٹ کرنا پڑے گا۔۔۔۔۔کیونکہ وہ لڑکی ترکی گئی ہوئی ہے۔۔۔۔ یقیناًاپنا موبائل بھی ساتھ لے گئی ہو گی۔۔۔۔۔۔"

شٹ اپ۔۔مثال شیرانی نے غصے کے صوفے پر مکہ مارا۔۔۔

وہ جو ارتضیٰ کی بات کو مذاق سمجھ رہی تھی۔۔۔۔۔۔۔دوسرے دن اسے اپنے روبرو پا کے ہکا بکا رہ گئی۔۔۔۔۔۔۔۔وہ اور میوج نیلی مسجد کے قریب تاریخی گرینڈ بازار میں شاپنگ کرنے آئی تھیں۔۔۔۔۔۔۔۔یہ بازار شاپنگ کا ایک بہت بڑا مرکز تھا۔۔۔۔۔۔۔۔۔۔۔۔۔(tourists) سے بھرا ہوا تھا۔۔۔۔۔۔۔۔۔۔۔۔۔۔ حیات دکانوں میں سجی اشیا کو دلچسپی سے دیکھ رہی تھی۔۔۔۔۔۔۔۔۔اسے ونڈو شاپنگ کا شوق تھا۔۔۔۔۔۔۔۔۔۔۔۔۔۔۔۔۔۔یعنی ایسی شاپنگ جو صرف دیکھنے کی حد تک ہوتی ہے۔۔۔۔۔۔۔۔۔۔۔۔۔۔"یہ اسکی پرانی
عادت تھی۔۔۔۔۔۔۔۔۔۔۔۔۔شاپنگ مال میں جاتی تو چیزوں کو پسند کرنے یا خریدنے کے بجائے دلچسپی سے دیکھتی رہتی۔۔۔۔۔۔۔۔۔۔۔۔۔۔۔۔۔۔۔عبدالرحمان صاحب اسے ٹوکتے،حیا کچھ پسند کرو۔۔۔۔۔۔۔۔۔۔۔۔۔ وہ کہتی بابا یہ سب ان شیشے کی خوبصورت دکانوں میں زیادہ اچھا لگ رہا ہے۔۔۔۔۔۔۔۔۔میرے پاس یہ چیزیں ایسے چمکتی ہوئی نہیں دکھیں گی اس لئیے بس مجھے صرف دیکھنے دیں۔۔۔۔۔۔۔۔۔۔۔۔عبدالرحمان صاحب اسکی اس عجیب وغریب لاجک پہ حیرت سے دیکھ کے رہ جاتے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔پھر خود ہی اس کیلئے شاپنگ کرتے،سائرہ رحمان ساتھ ہوتیں تو وہ شاپنگ میں ہیلپ کر تیں۔۔۔۔۔۔۔۔۔۔۔۔۔۔۔۔۔۔۔"

۔۔۔۔۔۔۔۔۔اب بھی وہ حسب عادت سجی ہوئی چیزوں کو صرف دیکھ کے ہی انجوائے کرلیتی جو اگر میوج پرزور اصرار نا کرتی۔۔۔۔۔۔۔۔۔۔۔چند ایک چیزیں خریدنے کے بعد وہ دونوں ساتھ ہی موجود ایک کافی شاپ میں چلی گئیں۔۔۔۔۔۔۔۔۔۔۔"بیس منٹ بعد جب وہ میوج کے ساتھ وہاں سے نکلی تو ارتضیٰ کو سامنے دیکھ کر شاکڈ رہ گئی۔۔۔۔۔۔۔۔۔۔۔"

بلو جینز وائٹ شرٹ میں اس کا اونچا مضبوط سراپا
نمایاں و خوبصورت تھا۔۔۔۔۔۔۔۔۔۔کیا ہوا پہچان نہیں پا رہیں۔۔۔۔۔۔۔۔میں آپ کا وہی شوہر نامدار ہوں جس کے ساتھ گیارہ دن پہلے آپ کا نکاح ہوا تھا۔۔۔۔۔۔۔۔جس کو فراموش کیے آپ اکیلے اکیلے یہاں سیریں کر رہی ہیں۔۔۔۔۔۔۔اب کم از کم سلام کا جواب تو دے دو۔۔۔۔انہوں نے بمشکل اپنی مسکراہٹ ضبط کر کے کہا۔۔۔۔۔۔۔"

آآآ آپ یہاں۔۔۔۔۔وہ ابھی بھی شدید حیرت و استعجاب مبتلا تھی۔۔۔۔۔۔"
ہاں کل تم نے ہی تو کہا تھا کہ آ جاؤں۔۔۔۔۔اس نے چہرے پر مصنوعی سنجیدگی طاری کرتے ہوئے کہا۔۔۔۔۔"

میں نے تو مذاق میں کہا تھا۔۔۔۔۔۔۔۔۔

اور میں سچ میں آ گیا۔۔۔۔۔۔۔وہ مسکرایا۔۔۔۔۔۔اور اب شاک سے باہر نکل آؤ تمہاری میزبان کیا سوچ رہی ہوگی۔۔۔۔۔۔اس نے قریب کھڑی میوج کی طرف اشارہ کیا۔۔۔۔۔۔۔۔جو انکی باتیں سمجھ تو نہیں رہی تھی۔۔۔۔۔۔۔۔۔۔لیکن انکے چہروں کے تاثرات پر غور ضرور کر رہی تھی۔۔۔۔۔۔ارتضیٰ
کے کہنے پر اسے خیال آیا تو تعارف کروانے لگی۔۔۔۔۔۔"

یہ میوج ہے ایسرا آنٹی اور حلوک انکل کی بیٹی۔۔۔۔۔اور میوج یہ ارتضیٰ ہیں۔۔۔۔۔۔"اتنا کہہ کر خاموش ہو گئی

ادھورا انٹروڈکشن کیوں کروایا میرا۔۔۔۔۔۔تمہارا کیا لگتا ہوں یہ تو بتاؤ اسے۔۔۔۔۔۔۔۔۔۔۔۔۔ارتضیٰ نے شوخ لہجے میں سرگوشی کی۔۔۔۔وہ جھینپ گئی، اور آہستہ سے بولی اسے معلوم ہے۔۔۔۔۔۔۔۔۔۔۔۔۔۔۔۔"

ایک منٹ۔۔۔۔آپ کو یہ کیسے پتہ چلا کہ میں اسوقت یہاں ہوں۔۔۔۔۔۔۔۔۔۔۔۔۔۔۔۔۔۔؟؟ اچانک خیال آیا تو چونک کر استفسار کرنے لگی۔۔۔۔۔۔۔۔۔۔"

میں نے بتایا۔۔۔۔۔۔۔ارتضیٰ کے کچھ بولنے سے پہلے میوج بول پڑی۔۔۔۔۔حیات نے یہ بات انگلش میں پوچھی تھی۔
تم نے کیسے۔۔۔۔۔۔؟؟
جب آپ واش روم اپنا ڈریس صاف کرنے گئی تھیں۔ (کافی شاپ میں اسکے کپڑوں پر کافی گر گئی تھی)
۔۔۔۔۔۔۔۔۔تب انکی کال آئی آپ کے موبائل پہ جو میں نے ریسیو کی اور انہیں بتا دیا کہ آپ میرے ساتھ ہیں اور اسوقت ہم یہاں کافی شاپ میں ہیں۔۔۔۔۔۔۔۔۔اور مجھے آپکو بتانے سے منع کیا۔۔۔۔۔۔۔۔۔۔تاکہ سرپرائز دے سکیں میوج نے مزے سے بتایا۔۔۔۔۔۔۔۔۔"حیات نے ارتضیٰ کی طرف دیکھا وہ کندھے آچکا کے مسکرا دیا۔۔۔۔۔۔۔۔۔۔۔۔"

آپ ائیرپورٹ سے سیدھے یہیں آ رہے کیا۔۔۔۔۔۔۔۔؟؟اپنی چہرے پر ٹکی اس کی نرم گرم نگاہوں کو نظر انداز کرتے حیات نے استفسار کیا۔۔۔۔۔۔۔۔۔"

نہیں پہلے ہوٹل گیا۔۔۔۔ روم لیا۔۔۔۔۔۔۔سامان رکھا۔۔۔۔پھر تمہیں کال کی جو کہ خوش قسمتی سے تمہاری میزبان نے اٹینڈ کی اور مجھے تمہیں سرپرائز دینے کا موقع مل گیا۔۔۔۔آخری بات پہ ہلکا سا مسکرایا۔۔۔۔۔۔"

آپ لوگ ایسے کھڑے کھڑے باتیں کرتے رہیں گے یا کہیں بیٹھیں گے بھی۔۔۔۔۔میوج کے احساس دلانے پر انہیں خیال آیا کہ وہ کافی دیر سے کھڑے ہیں۔۔۔۔۔۔"

چلو یہیں ساتھ ساتھ گھوم پھر لیتے ہیں۔۔۔۔۔۔۔ارتضی نے چلنے کیلئے قدم بڑھائے۔۔۔۔۔"

ہاں نیلی مسجد ساتھ ہے۔۔۔۔۔۔وہاں چلتے ہیں۔۔۔۔۔۔۔میوج نے فوراً آئیڈیا دیا۔۔۔۔۔"

ہاں یہ صحیح ہے۔۔۔۔۔۔حیات بھی ایکسائیٹڈ ہوئی۔۔۔"

آپ پہلے بھی کبھی ترکی آئے کیا۔۔۔۔۔۔؟؟چلتے ہوئے اس نے ارتضیٰ سے پوچھا۔۔۔۔۔۔۔"

ہاں تین سال پہلے یہاں ایک یونیورسٹی میں ہونے والی کانفرنس میں شرکت کیلئے آیا تھا۔۔۔۔۔۔۔مگر زیادہ گھومنے پھرنے کا موقع نہیں ملا تھا۔۔۔نا کسی تاریخی مقام پہ جا سکا تھا۔۔۔۔۔۔۔۔۔۔۔ہاں البتہ ایک چھوٹی سی زمینی جنت دیکھنے کا اتفاق ضرور ہوا تھا۔۔..۔۔۔۔۔اور میں چاہوں گا کہ اب تمہارے سنگ اسی زمینی جنت کا نظارا کروں۔۔۔۔۔۔۔۔۔۔۔۔۔"اس نے جذبات سے بھرپور لہجے میں کہا۔۔۔۔۔۔۔"

واؤ۔۔۔۔۔۔کہاں پہ ہے وہ جنت۔۔۔۔۔؟؟حیات نے اشتیاق سے پوچھا۔۔۔۔۔۔مگر اسکے جواب دینے سے پہلے میوج نے منہ پھلا کر کہا۔۔۔۔۔۔۔۔۔پلیز آپ لوگ انگلش میں بات کریں نا تاکہ میں بھی تو آپکی باتوں میں حصہ لے سکوں۔۔۔۔وہ دونوں بے اختیار مسکرائے۔۔۔۔۔۔۔۔۔

اوکے ہم اب آپ کے سامنے اردو نہیں بولیں گے لٹل گرل۔۔۔۔۔۔۔۔۔چونکہ نیلی مسجد میں میرا تو پہلا وزٹ ہے سو آپ ایسا کریں۔۔۔۔۔۔۔۔۔۔۔آپ گائیڈ کے فرائض سر انجام دیں۔مجھے مکمل بریف کریں نیلی مسجد کے بارے۔۔۔۔۔۔۔
ارتضیٰ کے کہنے پر وہ فوراً خوش ہو گئی۔۔۔۔۔۔۔۔۔۔۔اوکے میں آپکی گائیڈ ہوں اب آپ لوگ صرف مجھے سنیں گے۔۔۔۔۔۔۔۔تو گائز ہم نیلی مسجد پہنچنے والے ہیں۔۔بلکہ پہنچ چکے ہیں۔۔۔۔وہ رہی( Blue Mosque) میوج نے کسی گائیڈ کے ہی انداز میں کہا۔۔۔۔۔۔ohh۔۔۔۔۔۔۔میں تو سمجھا تھا نیلی مسجد نیلے ہی رنگ کی ہوگی۔۔۔مگر یہ نیلی تو نہیں ہے۔۔۔۔مسجد کے قریب پہنچ کر ارتضیٰ نے حیرت سے کہا۔۔۔۔۔۔"اس نے واقعی میں یہی سمجھا تھا
باہر سے نیلی نہیں ہے۔۔۔۔۔۔۔۔۔۔۔لیکن جب آپ اسکو اندر سے دیکھیں گے تب آپ کو اس کی تسمیہ سمجھ میں آئیگی کیونکہ اندر سے یہ مکمل نیلے رنگ کی ٹائلز سے مزین ہے۔۔۔۔۔۔ اکثر لوگ دھوکا کھا جاتے ہیں۔۔۔۔۔مگر اس کا بیرونی نہیں صرف اندرونی حصہ نیلا ہے۔۔۔۔۔حیات نے اپنے اسکارف کی پن کو صحیح سے لگاتے ہوئے کہا

گائیڈ میں ہوں۔۔۔۔سو مجھے بتانے کا موقع دیا جائے۔۔۔میوج نے سخت احتجاج کیا۔۔۔۔۔"

ہاں بھئی میں نے گائیڈ سے پوچھا تھا۔۔۔۔۔۔۔۔۔۔۔آپ چپ رہیں۔۔۔۔۔۔۔۔۔۔ارتضی نے مصنوعی سنجیدگی سے کہا

اوہو۔۔۔۔سوری۔۔سوری۔۔اب میں نہیں بولوں گی۔۔۔۔۔حیات نے اپنی ہنسی کو ہونٹوں میں دبایا۔۔۔۔۔"میوج پھولے پھولے گالوں کے ساتھ ناراضگی بھرا انداز دکھاتی بالکل چھوٹی سی بچی لگ رہی تھی۔۔۔۔۔حیات کو بے ساختہ اس پہ پیار آنے لگا۔۔۔۔۔۔۔۔۔"

اوکے پھر غور سے سنیں اس مسجد کو استنبول کی پہچان بھی کہا جاسکتا ہے۔۔۔۔۔۔اس مسجد کو سلطنت عثمانیہ کی فن تعمیر کا سب سے بڑا شاہکار بھی کہا جا سکتا ہے۔۔۔۔اس مسجد کے علاؤہ ہمارے ملک کی صرف دوسری ایسی مسجد ہے جسکے چھے مینار ہیں۔اور وہ مسجد ادانہ میں ہے جسکا نام Sabanci central mosque ہے۔۔۔۔۔۔۔۔آئیے اندر چلتے ہیں پھر ساتھ ساتھ بتاتی جاؤں گی۔۔۔۔۔۔۔۔لیکن پہلے ادھر وضو کر لیتے ہیں۔میوج نےمسجد کی مرکزی سیڑھیوں سے پہلے بنائے گئے صاف وشفاف وضو خانے کی طرف اشارہ کیا۔۔۔۔۔۔۔وضو سے فارغ ہو کر وہ تینوں بلند مرکزی دروازے سے اندر داخل ہوئے۔۔۔۔۔۔۔میوج کسی پیشہ وار گائیڈ کے فرائض سر انجام دے رہی تھی"مسجد کے وسیع و عریض احاطے میں داخل ہوئے تو خوب چہل پہل تھی۔۔۔۔بڑی تعداد میں سیاح فوٹوگرافی میں مصروف تھے۔۔۔۔جن بچاروں کو کسی کی مدد حاصل نہیں تھی تو وہ سیلفی سے ہی کام چلا رہے تھے۔۔۔۔۔۔۔۔ ارتضیٰ نے جیب سے موبائل نکالا اور حیات کے ساتھ ایک خوبصورت سیلفی لی۔۔۔۔۔۔مجھے دیں میں آپ لوگوں کی فوٹو لیتی ہوں۔۔۔۔۔میوج نے آگے بڑھ کر ارتضیٰ سے موبائل لے لیا اور انکی کئی تصویریں بنا ڈالیں۔۔۔۔۔۔۔۔۔۔۔۔۔۔"

احاطے کے چاروں اطراف خوبصورت گنبد اور انکو سہارا دیے مہرابی ستون مسجد کی خوبصورتی بڑھا رہے تھے۔۔۔۔۔۔۔۔۔۔۔مسجد کے مرکزی ہال کے دونوں طرف انتظامیہ کے لوگ موجود تھے۔۔۔۔۔۔۔۔۔۔یہ مسلم اور غیر مسلم سیاحوں کی رہنمائی کے لئیے یہاں پر ہیں اور وہ جو ٹائٹ جینز شرٹس پہنے اوپر سے چادریں، اسکارف لپیٹے عورتیں اندرونی ہال میں گھوم رہی ہیں نا یہ غیر مسلم ہیں۔۔۔۔۔۔۔۔۔۔انکو یہ اسکارف چادریں یہاں کی انتظامیہ ہی مسجد کے وقار کو ملحوظ خاطر رکھتے ہوئے مہیا کرتی ہے۔۔۔۔۔۔۔میوج نے اندرونی ہال کی طرف بڑھتے ہوئے بتایا۔۔۔۔۔۔۔۔"یہ تو بہت اچھی بات ہے۔ارتضیٰ
نے تعریف کی۔۔۔۔۔۔۔۔۔۔۔اندر داخل ہوئے تو ارتضیٰ کو اس
بلیو مسجد نام کی وجہ سمجھ میں آئی۔۔۔۔۔۔۔اندرونی حصہ مکمل طور پر نیلے رنگ کی ٹائلز سے آراستہ تھا۔۔۔۔۔۔۔۔۔۔۔یہ نیلا رنگ کھڑکیوں کے شیشوں سے بھی نظر آ رہا تھا جن پر نقش نگاری کی گئی تھی۔۔۔۔۔۔۔ہال کے درمیان میں بے شمار قمقموں سے سجا بہت بڑا فانوس لوگوں کی توجہ کھینچ رہا تھا۔۔۔۔۔۔۔زیادہ تر لوگ وہاں عبادت میں مصروف تھے۔۔۔۔۔۔۔۔۔ارتضیٰ کے موبائل پر کال آنے لگی۔تو وہ وہیں رک گیا۔۔۔۔۔۔۔۔ جبکہ میوج حیات کو لے کر خواتین والے حصے سے ہوتی ہوئی اگے
بنے جنگلے کی طرف بڑھی۔۔۔۔۔۔۔۔۔۔۔۔یہاں پر بھی گارڈ موجود تھے جو دوران نماز غیر مسلم سیاحوں کو اس طرف آنے سے روکتے تھے۔۔۔۔۔۔۔جنگلے سے پیچھے لوگ مسجد کی خوبصورتی میں کھوئے ہوئے تھے۔۔۔۔۔۔۔اسی دوران عصر کا وقت ہو گیا تھا۔۔۔۔۔۔۔ان تینوں نے وہیں نماز ادا کی کچھ دیر مزید وہاں گزار کے وہ مسجد کے قریب ہی سلطان احمت پارک میں آ بیٹھے۔۔۔۔۔۔۔۔۔وہاں بھی سیاحوں کا رش تھا۔۔۔۔۔۔۔۔۔۔۔۔پارک میں کھجور کے کافی درخت تھے۔بیچوں بیچ ایک وسیع وعریض فوارہ موجود تھا،جس سے پھوٹتا ہوا پانی اس پارک کی خوبصورتی کو چار چاند لگا رہا تھا۔۔۔۔۔۔۔۔۔۔۔۔وہیں بیٹھے بیٹھے میوج نے بھوک کا شور مچایا۔۔۔۔۔۔۔سو قریب ہی واقع ایک کیفے میں چلے گئے۔۔۔مینیو خالص ٹرکش ڈشز پر مشتمل تھا۔۔۔۔۔۔آرڈر میوج نے کیا۔۔۔۔۔۔ ڈورم(ہلکی آنچ پر بنی لذیذ چکن کو روٹی میں لپیٹ کر پیش کیا جاتا ہے) اورمورائیک پاستا کھانے کے بعد ٹرکی کی مخصوص چائے پی گئی۔۔۔۔۔۔۔۔۔۔۔۔۔۔۔کھانے کے بعد تازہ دم ہو کے انہوں نے ٹاکسم(تقسیم) اسکوائر کا رخ کیا۔وہاں بہت سے کبوتروں کے غول تھے۔ کئی سیاح انکو دانہ ڈال رہے تھے۔۔۔۔۔میوج نے اپنے بیگ میں سے دانے برآمد کئیے اور کبوتروں کو اکٹھا کرنے لگی۔۔۔۔۔۔۔جب ایک غول جمع ہو کر دانے چگنے لگا تو اس نے حیات سے کہا وہ ان کے درمیان میں جا کر انہیں اڑائے۔۔۔اور خود اس منظر کو کیمرے میں قید کر لیا۔۔۔۔۔۔بہت خوبصورت منظر تھا یہ۔۔۔۔۔۔۔" توپ کاپی میوزیم بھی
گئے۔۔۔۔۔۔۔میوج نے فون کر کے اپنی ماں کو بتا دیا تھا کہ حیات کا ہزبینڈ آیا ہوا ہے وہ دونوں اس کے ساتھ ہیں اور لیٹ آئیں گی۔۔۔۔۔۔۔یوں گھومتے پھرتے عشاء کا وقت ہو گیا۔۔۔۔۔۔۔۔۔۔۔۔واپسی پہ ارتضیٰ نے ہوٹل جانا تھا مگر میوج نے نہیں جانے دیا۔۔۔۔ایسرا اور اس کا شوہر رات کے کھانے پہ ان کا انتظار کر رہے تھے۔۔۔۔۔۔۔۔۔ارتضیٰ کو انہوں نے کھلے دل سے ویلکم کیا۔۔۔۔۔۔کھانا خوشگوار ماحول میں کھایا گیا۔۔۔۔۔۔۔۔۔۔کھانے کے بعد ارتضیٰ نے اجازت چاہی میوج اور ایسرا آنٹی نے اسے رکنے پر اصرار کیا۔۔۔۔۔۔۔۔۔مگر اس نے انکار کیا اور انہیں خدا حافظ کہہ کر نکل آیا۔۔۔۔۔۔۔۔۔۔۔۔۔مگر جیسے ہی باہر نکلا حلوک انکل مل گئے جو کھانے کے بعد کسی ضروری کام سے باہر گئے تھے۔۔۔۔۔۔۔۔انہوں نے ارتضیٰ کو روک لیا اور اصرار کر کے اندر لے آئے۔۔۔۔۔۔۔۔۔۔حیات اور میوج کمرے میں بیٹھی کوئی انگلش مووی دیکھ رہی تھیں۔۔۔۔۔سو انہیں اسکے واپس آنے کا پتہ نہیں چلا۔۔۔۔حلوک انکل ارتضیٰ کو اپنے کمرے میں بٹھائے دیر تک پاکستان اور ترکش سیاست پر گفت و شنید کرتے رہے۔۔۔۔۔۔۔۔"

خاصی دیر بعد انہوں نے اسکی جان چھوڑی اور کمرے کا راستہ دکھایا۔۔۔۔۔۔وہ آہستگی سے دروازہ کھول کر اندر داخل ہوا۔۔۔۔۔تاریکی نے استقبال کیا۔۔۔۔۔ دیوار پر لگے الیکٹرک بورڈ پر اندازے سے بٹن دبائے۔۔۔۔۔دوسرے ہی لمحے فانوسوں اور فینسی ٹیوب لائٹس کی روشنیوں سے کمرا جگمگا اٹھا۔۔۔۔۔۔کمرے کے وسط میں رکھے بیڈ پر وہ سینے تک کمبل اوڑھے کروٹ لیے سو رہی تھی۔۔۔۔۔۔۔۔۔۔۔چند لمحے بیڈ کے نزدیک کھڑا اسے محبت بھری نگاہوں سے دیکھتا رہا۔۔۔۔۔۔۔وہ رعنائی اور دلربائی کا حسین پیکر اسکی نظروں سے بے خبر سو رہی تھی۔۔۔۔۔۔۔۔۔۔۔۔وہ آہستگی سے سائیڈ پر لیٹ گیا۔۔۔نظریں بار بار بھٹک کر اسکے حسین چہرے کی طرف اٹھ رہی تھیں۔۔۔۔۔۔۔۔۔۔نیند آنکھوں سے کوسوں دور تھی۔۔۔۔۔۔۔۔وقت گزارنے اور دھیان بٹانے کی خاطر اس نے بیڈ کی سائیڈ ٹیبل پر رکھا انگریزی میگزین اٹھا لیا۔۔۔۔۔۔۔حیات نیند میں کروٹ لے کر سیدھی ہوئی۔۔۔۔۔کمرے میں پھیلی روشنی کی چکا چند نے اس کی آنکھوں پر تیز اثر ڈالا۔۔۔۔۔۔روشنیوں کے عکس سے ایک دم اسکی حس بیدار ہو گئی۔۔۔۔۔۔۔۔اس نے حیرت سے آنکھیں کھول کر ادھر ادھر دیکھا۔۔۔۔بیڈ پر اپنے سے تھوڑے فاصلے پر لیٹے ارتضیٰ کو میگزین پڑھتے دیکھا تو بوکھلا کے اٹھ بیٹھی۔۔۔۔۔۔۔۔۔۔۔"

آپ۔۔۔۔۔آپ یہاں۔۔۔۔۔۔۔پنک کاٹن کی ڈھیلی ڈھالی شرٹ میں اس کا چہرہ معصومیت اور دلکشی لئیے ہوئے اس حد تک جاذب نظر لگ رہا تھا کہ وہ متزلزل ہونے لگا۔۔۔۔

کیوں میں یہاں نہیں سو سکتا کیا۔۔۔آئی ایم یور ہزبینڈ ڈرارلنگ۔۔۔۔ارتضیٰ مسکرایا اور اٹھ کر اسکے گرد بازوؤں کا حصار باندھا۔۔۔۔۔۔۔۔۔۔وہ اسکے انداز پہ گھبرا گئی۔۔۔بدحواس ہو کر اسکے بازوؤں کا حصار توڑا اور ڈوپٹہ اٹھا کر بیڈ سے اتر گئی۔۔۔۔۔۔ارتضیٰ نے حیرانی سے اسے دیکھا۔۔۔۔۔۔۔۔۔پھر اس کا گریز سمجھ میں آیا تو دلکش مسکراہٹ نے لبوں کو چھوا۔۔۔۔۔۔۔۔۔۔۔۔۔۔۔"

ایکچولی مجھے تمہارے حلوک انکل نے روک لیا تھا۔۔۔ورنہ میں تو جا رہا تھا۔۔۔۔۔۔۔۔۔۔۔اب ظاہری بات ہے سونے کیلئے تو انہوں نے مجھے میری بیوی کے روم میں ہی بھیجنا تھا نا۔۔۔۔۔۔۔۔تمہیں مجھ سے گھبرانے کی ضرورت نہیں ہے میں کمزور نفس کا انسان نہیں ہوںِ۔۔۔۔۔۔جانتا ہوں تمہاری باقاعدہ رخصتی نہیں ہوئی میرے ساتھ ابھی۔۔۔۔۔۔۔۔ڈسٹرب کرنے کیلئے سوری۔۔۔۔۔اب تم سو جاؤ میں وہاں صوفے پہ ایڈجسٹ کر لوں گا۔۔۔۔۔۔بیڈ سے اٹھ کر سامنے آ کھڑا ہوا۔۔۔۔۔اس کے انداز کا برا منائے بغیر نرمی سے کہنے لگا۔۔۔۔۔۔۔۔۔۔۔"

حیات کو ڈھیروں شرمندگی نے آ گھیرا۔۔۔۔۔۔۔۔۔۔"

نہیں ایسی کوئی بات نہیں۔۔۔۔۔۔ایکچولی گہری نیند میں تھی اچانک آپ کو دیکھا تو۔۔۔۔۔۔اس نے شرمندہ سے انداز میں وضاحت دی۔۔۔۔۔۔"

اٹس اوکے۔۔۔۔۔۔اچھا یہاں بیٹھو اور میری بات سنو۔۔۔۔۔
ارتضیٰ نے اسے صوفے پر بیٹھنے کا اشارہ کیا اور خود بھی فاصلہ رکھتے ہوئے بیٹھ گیا۔۔۔۔۔"

میں صرف تین دن کیلئے ترکی آیا ہوں۔۔۔۔۔۔ان تین دنوں میں ایک ایک لمحہ ایک ایک پل تمہارے ساتھ گزار کے انہیں ہمیشہ کیلئے یادگار بنا دینا چاہتا ہوں۔۔۔۔۔۔۔۔اس کا لہجہ مکمل طور پر چاہت کی چاشنی میں ڈوبا ہوا تھا عبدالرحمان انکل سے میں اجازت لے چکا۔۔۔۔تمہیں انکی فکر کرنے کی بالکل ضرورت نہیں۔۔۔۔۔۔۔۔۔۔۔۔۔"

بابا سے آپ نے کیا کہا کہ آپ کس لئیے یہاں آئے۔۔؟؟حیات نے جھجھکتے ہوئے پوچھا تو ارتضیٰ اس کا مطلب سمجھ کر ہنس پڑا۔۔۔۔۔۔۔۔۔"

ڈونٹ وری۔۔۔ان سے میں نے یہ نہیں کہا کہ اسپیشل تمہارے لئیے آیا ہوں۔۔۔۔۔۔بھرپور نگاہوں سے دیکھا

تو پھر کیا کہا۔۔۔۔۔۔۔؟؟حیات نے ادھر ادھر نگاہیں دوڑاتے ہوئے دھیمی آواز میں پوچھا۔۔۔۔۔۔۔"

یہاں کسی کانفرنس میں شرکت کا بہانہ کیا یار۔۔۔۔۔چلو اب سوتے ہیں۔۔۔۔۔پھر صبح سویرے نکلنا ہے۔۔۔۔۔۔۔

آآپ وہاں سو سکتے ہیں۔مجھے کوئی اعتراض نہیں۔۔۔وہ کھڑے ہوتے ہوئے بولی۔۔۔۔۔۔۔"

رئیلی کوئی اعتراض نہیں۔۔۔۔۔؟ارتضیٰ کا انداز شرارتی تھا۔۔۔۔۔۔۔"

جی۔۔۔۔۔۔۔۔۔۔۔۔وہ نظریں چراتے ہوئے بیڈ کی طرف بڑھ گئی۔۔۔۔۔۔ارتضیٰ بھی لائٹ آف کر کے دوسری سائیڈ آ کر لیٹ گیا۔۔۔۔۔۔۔۔۔۔۔۔۔۔"
💓

آپ کے لاڈلے صاحب زادے کن چکروں میں ہیں آجکل۔۔۔ذرا معلوم تو کریں۔۔۔۔۔۔۔چائے بناتی فائزہ، سکندر علی خان سے مخاطب ہوئیں۔۔۔۔۔۔"

آپ بھی ماں ہیں کبھی آپ بھی خبر لے لیا کریں۔۔۔انہوں نے اس کے ہاتھ سے چائے لیتے ہوئے مصنوعی سنجیدگی سے کہا۔۔۔۔۔۔۔۔۔۔"انداز سراسر چھیڑنے والا تھا

آپ کی مورل سپورٹ ہماری کمی پوری کر دیتی ہے۔۔۔۔کوئی اہمیت ہے ماں کی انکی نظر میں۔۔۔۔۔وہ ناراضگی سے گویا ہوئیں۔۔۔۔۔۔"

کیا ہو گیا ہے۔۔۔۔کیا کیا ہے میرے بیٹوں نے۔۔۔۔۔؟؟ مسکرا کر پوچھا۔۔۔۔۔۔۔۔۔"

بس آپ یوں ہی مسکراتے رہیں۔۔۔۔۔۔۔۔اور میں اپنا خون جلاتی رہوں۔۔۔۔۔ایک نوابزادہ ہنی مون پر پیرس کیا گیا وہیں پہ ہی بیوی کے گوڈے سے لگ کر بیٹھ گیا۔۔۔۔۔۔دوسرا پتا نہیں کن چکروں میں پڑا ہوا ہے۔۔۔۔رات رات بھر گھر سے غائب رہتا ہے۔۔۔۔۔۔۔اور تیسرا یعنی سب کا استاد۔۔۔۔۔۔۔ابھی تک گرل فرینڈز کے چکروں میں الجھا رہتا ہے۔۔۔۔شادی کی بات کرو تو صاف انکار۔۔۔۔۔۔۔۔۔۔اوپر سے آئے روز کوئی نا کوئی کارنامہ سر انجام دے دیتا پھر کئی کئی دن میڈیا میں طوفان برپا رہتا ہے۔۔۔۔ابھی پچھلے دنوں دیکھا نہیں کسی لڑکی کو اس کے لائیو شو میں تھپڑ مار آیا۔۔۔۔۔۔۔۔۔۔۔۔کتنے دنوں سے میڈیا میں چرچا ہو رہا ہے۔۔۔۔ہر سوشل پلیٹ فارم پر وہ تھپڑ والی ویڈیو وائرل ہوئی۔۔۔۔۔۔۔۔مگر آپ کے صاحب زادے کو کوئی فرق ہی نہیں پڑتا۔۔۔۔۔۔۔۔وہ خاصے غصے سے بولیں

ارے چھوڑیں بیگم صاحبہ ہمارے بیٹے سٹارز ہیں۔۔۔۔۔اور سٹارز تو ایسے کام کرتے رہتے ہیں۔۔۔۔کوئی انوکھی بات نہیں۔۔۔۔۔۔۔پھر میڈیا والوں کی تو عادت ہے بات کا پتنگڑ بنا دینا۔۔۔آپ دل مت لیں۔۔۔۔۔۔۔انہوں نے لاپرواہی سے کہا۔۔۔۔۔۔۔۔۔"

آپ کبھی میری بات کو سیرس مت لینا۔۔۔۔۔۔۔۔۔۔۔۔وہ جلے بھنےانداز میں کہتیں وہاں سے اٹھ گئیں۔۔۔۔۔۔۔۔۔۔۔۔۔۔"

💓

تاحد نگاہ سبزے اور جنگلی خوش رنگ پھولوں کی بہتات تھی۔۔۔۔۔۔۔۔۔۔۔۔پہاڑوں سے گرتے جھرنے وہاں کی خوبصورتی میں اضافہ کر رہے تھے۔۔۔۔۔۔۔۔۔۔۔حیات عبدالرحمان خوابناک نگاہوں سے یہ سب دیکھ رہی تھی۔۔۔۔۔۔۔بلیک کلر کی جینز کے اوپر ڈارک سرخ شیشوں والی شارٹ فراک پہنے وہ خود بھی سبزے کے درمیان کھلا ہوا کوئی سرخ پھول لگ رہی تھی۔۔۔۔۔۔۔۔ارتضی کی محبت سے لبریز نگاہیں اسکے رخساروں کی سرخی میں اضافہ کر رہی تھیں۔۔۔۔۔۔۔۔۔۔۔"نکاح کے تین بولوں نے ارتضیٰ کو اس کا دیوانہ بنا دیا۔۔۔۔۔۔۔۔۔اسکی نگاہوں سے چھلکتی عشق کی خماری اسے کنفیوژ کیے جا رہی تھی
۔۔۔۔۔۔۔۔۔۔۔۔۔وہ پروانے کی طرح اس پر فدا تھا۔۔۔۔۔۔۔۔۔۔۔
۔۔۔۔۔۔۔۔۔۔حیات اپنی قسمت پر جتنا رشک کرتی کم تھا۔۔۔۔۔۔۔۔۔۔۔۔۔۔۔سرخ ریشمی ڈوپٹہ جسکے کناروں پہ موتیوں اور شیشوں کا کام تھا بار بار کندھوں سے پھسل رہا تھا۔۔۔۔۔۔۔۔۔۔ریشمی براؤن بال کیچر میں مقید تھے۔۔۔۔۔۔۔۔۔۔۔۔۔۔اسوقت وہ ارتضیٰ کے ساتھ استنبول شہر سے تین کلو میڑ دور سواس نامی ایک چھوٹے سے قصبے میں موجود تھی۔۔۔۔۔۔۔۔۔۔یہ قصبہ نہیں تھا گویا زمین پر ایک چھوٹی سی جنت تھی۔۔۔۔۔۔"

ادھر دیکھیں کتنا حسین منظر ہے۔۔۔۔۔۔۔۔۔۔۔۔اس نے سرخ پھولوں کے اوپر گھومتے رنگ برنگے ننھے منے پنچھیوں کی طرف اشارہ کیا۔۔۔۔جن کے دلکش پروں میں اسوقت خوبصورت قوس قزح تھی۔۔۔لیکن اسے نہیں پتہ تھا ان کے پروں سے زیادہ دلکش قوس قزح تو اسوقت اسکے اپنے چہرے پر تھی۔۔۔۔۔۔۔۔۔۔"

آپ کی طرف دیکھنے سے فرست ملے محترمہ تو کہیں اور دیکھوں نا۔۔۔۔۔۔۔۔۔ارتضی نے اسکے گرد بازو پھیلاتے ہوئے محبت سے کہا تو وہ جھنیپ گئی۔۔۔۔۔۔۔۔چہرے کی سرخی میں حیا کی لالی بھی شامل ہو گئی۔۔۔۔۔۔۔۔۔۔

آآ آپ کیسی باتیں کرتے ہیں۔۔۔۔۔آپ ایسے لگتے تو نہیں تھے۔۔۔۔۔۔۔وہ ہلکلا گئی۔۔۔۔۔ارتضیٰ کا یہ انداز اسے سخت کنفیوژ کر دیتا تھا۔۔۔۔۔۔۔۔۔۔"

کیسی باتیں کرتا ہوں۔۔۔۔۔۔؟اور پہلے کیسا لگتا تھا۔۔۔؟
ارتضیٰ نے اسکے چہرے پر پھیلے دلکش رنگوں کو دیکھتے ہوئے دلچسپی سے پوچھا۔۔۔۔۔۔۔۔۔"وہ پزل ہو کر ادھر ادھر دیکھنے لگی۔۔۔۔۔۔۔۔۔۔"

بتاؤ نا۔۔۔۔۔۔۔۔۔اس نے مسکراہٹ روک کر سنجیدگی سے استفسار کیا۔۔۔۔"وہ اسکی گھبراہٹ کو انجوائے کر رہا تھا۔۔۔۔۔۔۔۔۔۔۔۔"

پہلے آپ بہت ہی سخت۔۔۔۔۔۔۔۔۔میرا مطلب ہے بہت ہی سنجیدہ قسم کے انسان لگتے تھے۔۔۔۔۔۔۔میں سوچ بھی نہیں سکتی تھی کہ آپ اتنے رومینٹک بھی ہونگے۔۔۔۔انداز جھینپا جھینپا سا تھا۔۔۔۔ارتضی ہنس پڑا۔۔۔۔۔۔"

جاری ہے .
Target 1K

29/07/2026

ہیلو۔۔۔۔کون ہے۔۔۔دوسری طرف خاموشی تھی۔۔۔"

وہی ہوں جان من جسکی آپ بہت بڑی فین ہیں۔وہ جو
کال پر ارتضیٰ حسن کی آواز سننے توقع کر رہی تھی۔۔اسکی جگہ وہی بھاری خون منجمد کر دینے والی آواز،دلکش گھمبیر لہجہ سن کر اس کا دھڑک اٹھا۔۔۔۔

کیوں فون کیا ہے۔۔۔۔۔؟وہ سرد آواز میں بولی

" بہت ہی ضروری بات کرنی ہے۔۔۔ اگر فون پر میری بات سن لو گی تو ٹھیک۔۔۔۔۔۔۔۔۔ ورنہ مجبوراً مجھے تمہارے گھر آنا پڑے گا۔۔۔۔اور ایسا تم کبھی نہیں چاہو گی۔۔۔۔۔ وہ جو سمجھ بیٹھی تھی کہ شائد پیچھا چھوڑ گیا ہے۔دوبارہ سے اسکی آواز سن کر اس کا دل کانپ اٹھا۔۔۔۔۔ماتھے پر پسینے کی ننھی منی بوندیں نمودار ہوئیں۔۔۔۔

آپ کیوں میرے پیچھے پڑ گئے ہیں۔۔میں آپکو صاف انکار کر چکی ہوں پھر بھی آپ باز نہیں آ رہے۔۔لگتا ہے سیلف ریسپیکٹ تو آپ میں ہے ہی نہیں۔۔۔۔اسکی غیرت جگانی چاہی شائد اسطرح پیچھا چھوڑ دے۔۔۔۔۔ "

اگر تم سوچ رہی ہو کہ سیلف ریسپیکٹ کا طعنہ دوگی اور میری غیرت جاگ جائے گی اور میں تمہارا پیچھا چھوڑ دوں گا تو یہ تمہاری غلط فہمی ہے۔۔ماحر سکندر خان سے اب تہمارا پیچھا اسوقت تک نہیں چھوٹ سکتا جب تک میں خود نا چاہوں۔۔۔۔۔۔۔۔"

کس قدر گھٹیا ہیں آپ۔.۔کیا چاہتے ہیں آخر آپ۔۔۔وہ زچ ہو کر بولی۔۔۔۔

تم سے شادی کرنا چاہتا ہوں۔۔۔وہ اطمینان سے بولا

کیا۔۔۔۔اسکی آواز چیخ سے مشابہ تھی۔۔۔۔

کیا ہوا شاک لگا نا۔۔۔۔کوئی بات نہیں میں تمہاری فیلنگز سمجھ سکتا ہوں۔ایک ایسا سپر سٹار جسکے پیچھے دنیا بھر کی لڑکیاں پاگل ہوں۔وہ اچانک سے کسی عام لڑکی کو پرپوز کر دے تو اس کا شاکڈ ہونا تو بنتا ہے نا۔۔۔۔ غرور بھرا لہجہ تھا۔۔خیر شادی میں جلد از جلد کرنا چاہوں گا۔اور فکر مت کرنا اپنی بیوی سے میں موویز میں کام نہیں کرواؤں گا۔۔۔۔حیات کے تو تن بدن میں آگ لگ گئی۔۔۔۔۔۔"

آپ نے کیسے سوچ لیا کہ میں آپ کا پروپوزل ایکسیپٹ کر لوں گی۔۔۔؟؟

کیوں کیا خرابی ہے مجھ میں۔۔۔نام ہے۔پیسہ ہے۔عزت اس نے بظاہر آرام سے کہا مگر اندر شدید توڑ پھوڑ مچ گئی۔۔۔وہ تو خود کو آسمان پر چمکتے ہوئے ستارے کی مانند سمجھتا آیا تھا۔جس کی لوگ خواہش تو کر سکتے تھے۔۔۔۔۔۔مگر اس تک رسائی ممکن نہیں تھی۔وہ سوچ بھی نہیں سکتا تھا کہ کوئی لڑکی اسے مسترد کر سکتی ہے۔۔۔۔۔۔۔"

کیا خرابیاں یا خامیاں ہونگی آپ میں۔۔۔۔۔۔یہ آپ خود ہی بہتر جانتے ہونگے۔۔۔۔۔۔۔۔۔۔۔۔۔۔لیکن پتہ ہے میں کیوں ریجیکٹ کر رہی آپ کو۔۔۔۔۔۔۔۔۔۔۔؟؟

کیونکہ اللّٰہ تعالیٰ نے قرآن پاک میں فرمایا ہے کہ نیک مردوں کیلئے نیک عورتیں۔۔۔۔۔۔۔۔۔۔اور برے مردوں کیلئے بری عورتیں ہونگی۔۔۔۔۔۔۔میں نے زندگی میں یقیناً بہت ساری غلطیاں کی ہونگی لیکن میں اتنی بھی گنہگار نہیں کہ میری زندگی میں آپ جیسا شخص آئے۔۔۔۔۔"

نفرت۔۔۔۔۔۔ حقارت۔۔۔۔۔۔۔۔ تضحیک۔۔۔۔کیا نہیں تھا حیات عبدالرحمان کے لہجے میں۔۔۔۔۔۔۔۔۔۔۔۔۔۔"

وہاٹ۔۔۔۔۔۔۔؟؟ گویا یکلخت اسکے اندر جیسے آگ دہک اٹھی تھی۔۔۔۔۔۔۔

کبھی قرآن پڑھا ہو تو پتہ ہو نا۔۔۔۔۔خیر اپنے اعمالوں کا آپ نے خود ہی جواب دینا ہے۔۔۔۔بہرحال میرا پیچھا چھوڑ دیں تو بہتر ہوگا۔۔۔میں ریکوئسٹ نہیں کر رہی۔۔۔بلکہ لاسٹ بار وارن کر رہی ہو۔۔۔۔مجھے کمزور سمجھنے کی غلطی مت کریں۔۔۔۔میں اگر خاموش ہوں تو اس کا یہ مطلب ہر گز نہیں کہ آگے بھی خاموش رہوں گی۔۔۔۔وہ خاصے نڈر انداز میں بولی۔۔۔۔۔۔۔۔۔"

میں نے نے کوئی معیوب یا اخلاق سے گری ہوئی بات نہیں کی۔۔۔۔۔۔ تمہیں سمپل طریقے سے پرپوز کیا ہے۔۔۔تم سات پردوں میں مخفی رہنے والی کوئی ایسی ہستی نہیں ہو جس سے ایسی بات نہیں کی جا سکتی۔۔۔۔۔۔۔اور یہ کیا لیکچر جھاڑ رہی ہو۔۔۔۔۔۔۔۔۔۔۔آزاد اور مخلوط تعلیمی اداروں میں تعلیم حاصل کرنے والی لڑکی کو اتنا اسلامک لیکچر دینا کچھ سوٹ نہیں کرتا۔۔۔۔۔۔۔۔وہ جو اتنی دیر سے خود پر قابو پائے ہوئے تھا۔۔۔۔۔حیات عبدالرحمان کا تضحیک و تنفر سے بھرپور انداز اسکو آگ لگا گیا۔۔۔۔۔۔جوابا وہ بھی بگڑے ہوئے تیوروں کے ساتھ بولا۔۔۔۔۔۔۔۔۔۔۔"

ہونہہ۔۔۔۔پرپوز۔۔۔۔۔۔مائی فٹ۔۔۔۔۔ایک عیاش اور بدقماش شخص کا میں نام بھی لینا گوارا نہیں کرتی۔۔۔۔۔۔۔اپنی پیشکش کسی اپنے جیسی لڑکی کو ہی کریں۔۔۔۔۔بدکردار مردوں کے ساتھ بدکردار عورتیں ہی زیب دیتی ہیں۔۔۔۔میں مخلوط تعلیمی ادارے میں تعلیم ضرور حاصل کر رہی ہوں۔۔۔۔لیکن الحمداللہ میرا کردار صفاف و شفاف آئینے کی طرح ہے۔۔۔۔۔۔۔"

اور میں بھی آپ کو سمپل طریقے سے انکار ہی کر رہی
ہوں۔۔۔۔۔۔۔۔میں نا آپ کے ٹائپ کی ہوں۔۔۔۔۔۔۔۔۔۔اور نا آپ میری ٹائپ کے۔۔۔۔۔۔۔آپ کے اس پرپوزل کا مقصد بھی اچھے جانتی ہوں۔۔۔۔۔۔۔"آپ شوبز والے کسی ایک پر اکتفا کرنے والے نہیں ہوتے۔۔۔۔۔۔جگہ جگہ منہ مارنے کی عادت ہوتی ہے آپ لوگوں کو۔۔۔۔۔۔۔۔۔۔"
جیسی میں ہوں اللّٰہ ویسے ہی انسان سے میرا جوڑ بنائے گا۔۔۔۔۔۔۔۔۔۔۔۔۔۔( اپنے نکاح کی بات کو چھپا گئی تھی)..........ویسے آپ جیسے لوگوں کو شادی کی ضرورت ہوتی تو ہے نہیں۔۔۔۔۔۔۔لیکن اگر آپ کرنا ہی چاہتے ہیں تو اپنے جیسی کوئی ڈھونڈیں۔۔۔۔۔۔۔بلکہ ڈھونڈھنے کی ضرورت بھی نہیں۔۔۔۔۔۔۔آپ جیسے لوگوں کے آس پاس ایسی لڑکیاں تو ہمہ وقت موجود ہوتی ہیں۔۔۔۔۔۔۔۔۔"وہ گہرے کاٹ دار انداز میں کہہ رہی تھی

میں عیاش ہوں۔۔۔۔؟بدقماش ہوں۔۔۔۔؟بدکردار ہوں۔۔۔۔؟

اس پر جیسے دہکتے انگاروں کا تھال الٹ دیا گیا تھا"

آف کورس۔۔۔۔ساری دنیا جانتی ہے۔۔۔۔۔۔جا کہ گوگل پہ اپنی ہسڑی دیکھ لیں۔۔۔۔۔آپکی عیاشیوں کی داستانیں ودھ پکچرز موجود ہیں وہاں۔۔۔۔۔۔۔۔انداز میں نفرت اور حقارت کوٹ کوٹ کر بھری ہوئی تھی۔۔۔۔۔۔"

تم سمجھتی کیا ہو خود کو۔۔۔۔۔کس بات پر اتنا اکڑتی ہو۔۔۔۔۔۔۔۔۔ہاں بولو۔۔۔۔۔۔وہ غرا کر بولا

جو بھی سمجھوں آپ کو اس سے کوئی مطلب نہیں ہونا چاہیے۔۔۔۔۔۔نام پیسے کا اتنا غرور ہے تو ان حسیناؤں
پہ نظر کرم کریں جو آپ کی نگاہ التفات کے لئیے ترس رہی ہیں۔۔۔۔۔میرے نزدیک آپ جیسے لوگوں کی کوئی
اہمیت نہیں ہوتی۔۔۔۔لہذا مجھ پہ اپنا ٹائم ویسٹ مت کریں مسٹر۔۔۔۔۔۔۔حیات کا انداز ہتک آمیز تھا۔۔۔۔۔۔۔۔"

دوسری طرف اس کا اشتعال لمحہ بہ لمحہ بڑھتا جا رہا تھا۔۔۔۔۔۔

تمہیں حاصل کرنا مقصود ہو تو کچھ نا ممکن نہیں۔۔۔۔۔اگر ایسا ہی کرنا ہوتا تو مجھے تمہیں شادی کی آفر کرنے کی ضرورت بھی نہیں تھی۔۔۔۔۔۔نا ہی میں کسی خوف کا شکار ہوں۔۔۔۔مگر ایک بات یاد رکھنا مجھے انکار کر تم اپنے ساتھ بہت برا کروگی۔۔۔۔۔۔لہجہ تھا
یا زہریلے اژدھے کی پھنکار۔۔۔۔۔۔"

کال بند ہو چکی تھی مگر وہ ریسیور ہاتھ میں تھامے سن کھڑی تھی۔۔۔۔۔۔"جانتی تھی ابتدائی کوششوں میں ناکامی کے بعد وہ شخص سیدھے سیدھے شادی کی بات پر آ گیا تھا۔۔۔۔۔۔۔اگر اس کا ارتضیٰ حسن سے نکاح نا ہوا ہوتا تب بھی اس شخص کو تو وہ مر کر بھی ہاں نہیں کرتی۔۔۔۔۔۔۔۔۔۔۔۔۔۔"

💓

اس نے اپنے بیگ کا ایک بار پھر سے جائزہ لیا۔۔۔۔۔پیکنگ مکمل ہو چکی تھی۔۔۔۔۔۔۔۔۔۔۔۔کل رات کھانے پہ بابا نے اسے ترکی بھجوانے کی خوشخبری سنائی تھی۔۔۔۔۔آج
رات کو اسکی فلائٹ تھی۔۔۔۔۔۔۔۔۔ کل جس وقت ماحر سکندر نے اسے کال کی تھی اسکے فوراََ بعد اس نے بابا کو بتا دیا تھا۔۔۔۔۔۔انہوں نے اسے منع کر دیا تھا کہ وہ اگین اسکی کوئی بھی کال نا سنے۔۔۔۔ذہن سوچوں میں الجھا ہوا تھا۔۔۔۔۔۔۔۔۔ مام کی برسی میں تو ابھی بہت ٹائم رہتا تھا۔۔۔۔۔۔۔۔۔ پھر بابا نے اچانک اور اتنی جلدی اسکو ترکی بھیجنے کا فیصلہ کیوں کیا۔۔۔۔؟؟کہیں بابا کو بھی اس شخص کا خوف تو نہیں۔۔۔۔۔۔۔۔۔۔۔"

ترکی جانے کی خوشی تو تھی۔۔۔۔۔۔۔
مگر عجیب سے اندیشے اور وسوسے اسکے اندر سر اٹھانے لگے تھے۔۔۔خیال بار بار اس شخص پہ جا رکتا تھا۔۔۔۔۔نجانے کیوں اسے لگ رہا تھا اتنی آسانی سے وہ اس کا پیچھا نہیں چھوڑنے والا تھا۔۔۔۔۔۔۔۔۔۔۔۔دل گھبرا اٹھا۔۔۔۔۔۔۔۔۔۔۔بے مقصد اس نے دو تین چکر کمرے میں لگائے۔۔۔۔۔۔۔۔۔مگر کچھ سمجھ میں نہیں آ رہا تھا کہ کیا کرے۔۔۔۔۔۔پھر گلاس ڈور کھول کر کھڑی ہو گئی۔۔۔۔باہر لان میں بارش سے پھول اور پتے دھل کر نکھر گئے تھے
ہرے ہرے پتوں کے درمیان کھلے ہوئے نیلے پیلے جامنی سرخ وسفید پھول دلکش لگ رہے تھے۔۔۔۔۔۔۔۔۔آسمان پر ابھی بھی گہرا ابر موجود تھا۔۔۔ہوا کے جھونکے اسکے چہرے سے ٹکرا رہے تھے۔۔۔۔اس کا گلابی چہرہ سردی سے سرخ ہو رہا تھا۔۔۔۔۔۔۔۔مگر وہ بے نیازی سے سامنے پھولوں پر نگاہیں جمائے مجسمے کی طرح کھڑی تھی۔

💓

دھاڑ سے کمرے کا دروازہ کھول کر وہ اندر داخل ہوا
کوٹ اتار کر ایک طرف اچھالا۔۔۔۔۔۔۔۔۔۔۔کچھ دیر تک کمرے کو خالی خالی نظروں سے دیکھتا رہا۔۔۔۔۔۔رات بھر ڈرنک کرنے کی وجہ سےآنکھیں سرخی سے لال تھیں۔اندر جیسے لاوا سا اٹھ رہا تھا۔۔۔۔۔۔۔ آتش فشاں پھٹ رہا تھا۔۔۔۔۔۔۔۔۔۔"

حیات عبدالرحمان کے کہے گئے تضحیک آمیز فقرے اسکے دماغ میں گونج کر اسکے دماغی فشار کو بڑھا رہے تھے۔۔۔۔۔۔۔۔۔۔۔۔ وہ ہمیشہ سے دلوں کو روندتا کسی فاتح کی طرح آگے اوپر اور اوپر کی جانب بڑھتا رہا تھا۔۔۔۔۔۔۔۔ مگر کل رات وہ بہت بلندی سے گرا تھا۔۔۔۔۔۔۔

حیات عبدالرحمان کا انکار کسی ہتھوڑے کی مانند اسکے دل و دماغ پر لگا تھا۔۔۔۔۔۔۔۔اسکی شان و شوکت اسکے غرور کو کرچی کرچی کر گیا تھا۔۔۔۔۔۔۔۔۔اس کا انکار۔۔۔۔۔۔۔۔"

بلاشبہ وہ بہت حسین تھی۔۔۔۔۔۔۔۔۔عام نہیں تھی۔۔۔۔۔۔غریب بھی نہیں تھی۔۔۔۔۔۔۔۔۔مگر دولت میں اسکی ہم پلہ بھی نہیں تھی۔۔۔۔۔۔۔۔۔نا اسکی طرح اسکے پاس شہرت اور پاور تھی۔۔۔۔۔وہ تو لاکھوں لڑکیوں کا خواب تھا۔۔۔۔۔۔۔اسکی جگہ ماحر کی کوئی فین ہوتی تو یقیناً خوشی سے مر جاتی مگر حیات عبدالرحمان کو تو اس بات سے کوئی فرق ہی نہیں پڑتا تھا کہ وہ کوئی عام بندہ نہیں بلکہ ایک سپر سٹار ہے۔۔۔۔۔۔۔۔"

وہ گلابی چہرے اور نیلی آنکھوں والی معصوم لڑکی ان تمام ٹوٹے ہوئے دلوں کی بد دعاؤں کا نتیجہ تھی۔جنہیں اس نے ٹھکرا دیا تھا۔۔۔۔۔اس کا چہرہ غصے کی شدت اور ٹھکرائے جانے کی ذلت سے سرخ ہو رہا تھا۔

کل کی پوری رات اس نے آفس میں شراب پیتے ہوئے گزاری تھی۔۔۔۔اب صبح کے نو بجے گھر آیا تھا۔۔۔۔۔۔۔"

سگریٹ سلگا کر وہ اپنے اندر اٹھتے اشتعال کے لاوے کو دبانے کی کوشش کرنے لگا۔۔۔۔۔کیونکہ اس اشتعال کی جو وجہ تھی وہ فی الوقت دسترس میں نہیں تھی ورنہ وہ اسے توڑ پھوڑ کے رکھ دیتا۔۔۔۔۔۔

موبائل بجنے لگا۔۔۔۔۔۔وہ اگنور کیے سگریٹ پیتا رہا۔۔۔جب بجنا بند نہیں ہوا تو تنگ آ کے اٹھا لیا۔۔۔۔۔کیا بات ہے کیوں ڈسڑب کر رہے ہو۔۔۔۔۔دھاڑنے کے انداز میں پوچھا۔۔۔۔۔۔۔"

سس سر۔۔۔۔وہ کچھ ضروری بات بتانی ہے۔۔۔۔دوسری طرف مینیجر فرقان اسکے دھاڑنے پر بوکھلا گیا۔۔۔۔۔۔

بولو۔۔۔۔۔۔اس نے جھلا کر کہا

سر وہ کسی اشتیاق بیگ نامی وکیل کی طرف سے آپ کے لئیے نوٹس آیا ہے۔۔۔۔۔۔۔۔۔"

کیسا نوٹس۔۔۔۔۔اس نے جلتی ہوئی سگریٹ کو ایش ٹرے میں مسلا۔۔۔۔۔۔۔

مس حیات عبدالرحمان کے والد نے بھجوایا ہے۔۔۔۔انکی بیٹی کو دھمکانے اور حراس کرنے کے جرم میں۔۔۔۔۔۔۔۔"

کیا۔۔۔۔۔۔۔وہ بری طرح چونکا۔۔۔۔۔۔۔

جی سر۔۔۔۔۔۔۔۔ کہا گیا ہے کہ اگر آپ نے ان کی بیٹی کا پیچھا نا چھوڑا تو وہ آپ پر کیس کر دیں گے اور آپ کے خلاف پریس کانفرنس بھی۔۔۔۔۔۔۔۔۔۔۔۔۔۔"

مجھے۔۔۔۔۔۔۔مجھے نوٹس بھجوایا ۔۔۔۔یعنی سپر سٹار ماحر سکندر خان کو۔۔۔۔۔وہ پھر سے دھاڑا۔۔۔۔۔۔۔۔۔فرقان کی دی گئی خبر نے جلتی پر تیل کا کام کیا تھا۔۔۔۔۔۔"

سر اسکے علاؤہ ایک اور خبر بھی ہے۔۔۔۔۔۔۔۔فرقان نے ڈرتے ڈرتے کہا۔۔۔۔۔۔۔"

بتانا بھی ضروری تھا۔۔۔۔ورنہ نا بتانے پر بھی ماحر کا غصہ اسی پر نکلتا۔۔۔۔۔۔۔۔۔۔"

جلدی بولو۔۔۔۔۔۔وہ غرایا

سر مس مثال شیرانی نے میڈیا میں کہا ہے کہ آپ اور وہ جلد شادی کرنے والے ہیں۔۔۔۔۔ ۔اب یہ بات ہر طرف پھیل گئی ہے۔۔۔۔۔۔۔۔۔آپکے پرستار میڈیا والے سب اسی خبر کی تصدیق کروانا چاہتے ہیں۔۔مجھے فونز پر فونز آ رہے ہیں۔۔۔۔اب میں کیا کہوں میڈیا والوں کو۔۔۔۔۔؟؟

کب کہی اس نے یہ بات۔۔۔۔۔؟؟انتہائی بگڑے ہوئے تیوروں کے ساتھ پوچھا۔۔۔۔۔۔۔۔۔۔"

سر ابھی آدھا گھنٹہ پہلے جب وہ اپنے شو پر جا رہی تھیں۔۔۔تب کچھ ریورٹرز کو اس نے یہ بات کہی اور اب یہ خبر آگ کی مانند پھیلتی جا رہی ہے۔۔۔۔۔۔۔"

اب میڈیا والوں کو کیا جواب دوں سر ہمارے آفس کے باہر پریس رپورٹرز جمع ہیں۔۔۔۔۔۔۔۔؟؟فرقان نے پریشانی سے ماتھا مسلتے ہوئے کہا

تم کوئی جواب مت دو۔۔۔۔نا کسی کا فون اٹینڈ کرنے کی ضرورت ہے۔۔۔۔۔۔۔۔۔۔۔۔ ماحر نے خشک لہجے میں کہتے ہوئے کال کاٹ دی۔۔۔۔۔۔۔۔۔۔۔"

ماحر آ گئے تم۔۔۔۔۔۔۔؟؟اسی وقت فائزہ سکندر کمرے میں داخل ہوئیں۔۔۔۔۔۔"وہ جو فون کو پاکٹ میں ڈال کر کمرے سے نکلنے ہی لگا تھا کہ مام کو سامنے دیکھ کر رک گیا۔۔۔۔۔۔"

پھر کہیں جا رہے ہو کیا۔۔۔۔۔؟؟؟پھر سے اسکا باہر جانے کا ارادہ دیکھ کر وہ حیرانگی بھرے لہجے میں استفسار کرنے لگیں۔۔۔۔۔۔"

جی۔۔۔۔۔مختصر انداز میں کہتا انکی سائیڈ سے گزر کر باہر نکلنے لگا۔۔۔انہوں نے فوراً بازو سے پکڑا اور برہمی سے کہا۔۔۔۔۔رات بھر غائب تھے۔۔۔ابھی کچھ دیر پہلے آئے ہو۔۔۔۔۔ناشتہ تو کرتے جاؤ۔۔۔۔۔۔۔۔"

مام پلیز ابھی بہت جلدی میں ہوں۔۔۔۔۔۔۔۔۔کچھ دیر میں آ کے ناشتہ کرتا ہوں۔۔۔۔۔۔۔اپنا بازو چھڑاتے ہوئے بولا اور مزید انکی کوئی بات سنے بغیر تیز تیز قدموں سے باہر نکل گیا۔۔۔۔۔۔۔۔۔۔"

فرقان کی دی گئی دونوں خبروں نے اسے بے حد مشتعل کر دیا تھا۔۔۔۔وہ آندھی طوفان کی مانند گھر سے نکلا اور مثال شیرانی کے شو پر جا پہنچا جو اسوقت لائیو چل رہا تھا۔۔۔۔۔۔۔جارحانہ انداز میں وہ اس تک پہنچا اور بنا کیمروں کی پروا کیے ایک زور دار تمانچہ اسے دے مارا۔۔۔۔۔۔۔۔۔۔۔"

کیا بکواس کی ہے تم نے میڈیا والوں کے سامنے۔۔۔۔۔۔۔۔۔

میں شادی کر رہا ہوں۔۔۔۔۔۔۔۔۔ اور وہ بھی تم سے۔۔۔۔؟

گرل فرینڈ کیا بنا لیا۔۔۔۔۔۔۔۔۔۔تم تو سر ہی چڑھ گئی۔۔۔۔۔ابھی اور اسی وقت پورے پاکستان کے سامنے تم سے اپنے بریک اپ کا اعلان کرتا ہوں۔۔۔۔۔۔وہ شیر کی مانند دھاڑتے ہوئے مجسم آگ بنا ہوا تھا۔۔۔۔۔۔۔"نس نس سے شرارے نکل رہے تھے۔۔۔۔۔۔۔۔۔"

مثال شیرانی تو دم بخود کھڑی تھی۔۔۔۔۔"زبان تالو سے
چپک گئی تھی۔۔۔۔۔۔۔۔'

جس شخص کے آگے ہمیشہ خود کو ٹرے میں رکھ کر کھلونے کی طرح استعمال کرواتی رہی۔۔۔۔۔۔۔۔وہ شخص پورے پاکستان کے سامنے اسے کی اتنی بے عزتی کرے گا۔۔۔۔۔ دو کوڑی کا کر کے رکھ دے گا۔۔۔۔۔۔۔یہ تو اس نے خواب میں بھی نہیں سوچا تھا۔۔۔۔۔۔۔۔۔۔"مگر ضروری تو نہیں کہ جو نا سوچا جائے وہ کبھی نا ہو۔۔۔۔۔۔۔۔"

اس کے ذرا سے التفات کو وہ محبت سمجھ بیٹھی تھی۔۔۔۔۔۔جبکہ وہ شخص تو انڈسٹری کی ہیروئنز کے ساتھ صرف اور صرف ٹائم پاس کرتا تھا۔۔۔۔۔یہ بات پوری دنیا کے ساتھ ساتھ وہ خود بھی جانتی تھی۔ مگر پھر بھی اس سے توقعات لگانے کی اتنی بھیانک غلطی کر بیٹھی تھی۔۔۔۔۔۔۔۔۔"

بحرحال قصور اس کا اپنا تھا۔۔۔۔۔۔ماحر سکندر کا نہیں۔۔۔۔کیونکہ ہر کسی کو پتہ تھا کہ وہ انتہائی جذباتی طبیعت کا انسان تھا۔۔۔۔۔جسکو غصہ بہت جلدی آتا تھا۔۔۔۔جب آتا تو موقع محل۔۔۔یا جگہ کی پروا کیے بنا نکال دیتا تھا۔۔۔۔۔۔۔"

شو کی پوری ٹیم اور آڈینس سمیت پورے پاکستان نے یہ سین ٹی وی پر دیکھا۔۔۔۔پھر کچھ دیر بعد یہ ویڈیو
ہر سوشل پلیٹ فارم پر پھیل گئی تھی۔۔۔۔۔۔۔۔۔۔۔۔۔۔۔

کوئی انجوائے کر رہا تھا۔۔۔۔۔ تو کوئی افسوس۔۔۔۔۔۔۔۔۔"

کوئی کہہ رہا تھا ان جیسی آوارہ فلم ایکٹریسز کے ساتھ ایسا ہی ہونا چاہیے۔۔۔۔تو کسی کا کہنا تھا بیچاری کے ساتھ غلط ہوا۔۔۔۔۔۔سوشل میڈیا پر لوگوں کی آپس میں بحث چل رہی تھی۔۔۔۔۔۔۔۔۔۔۔"

ماحر سکندر کے مخالفین اس پر تنقید کر رہے تھے کہ اسے یوں لائیو شو میں ایک فیمیل کی تذلیل نہیں کرنی چاہیے تھی۔۔۔۔جبکہ اسکے فینز مثال شیرانی کو برا بھلا کہہ رہے تھے۔۔۔۔۔۔۔۔۔۔۔۔۔۔۔"

💓

وہ محتاط انداز میں سیڑھیاں چڑھتا ہوا تیسری منزل پر واقع اپارٹمنٹ کے سامنے پہنچا۔۔۔۔بیل بجائی تو اگلے ہی پل دروازہ کھل گیا۔۔۔۔۔دروازہ کھولنے والی عورت نے اسے ڈرائنگ روم میں بٹھایا اور خود باہر نکل گئی۔۔۔وہ بیٹھے بیٹھے ڈرائنگ روم کا جائزہ لینے لگا۔۔۔۔۔۔۔۔۔۔"

دس منٹ بعد بلیک جینز پر نیلی شرٹ پہنے شولڈر کٹ بالوں والی مثال شیرانی اندر داخل ہوئی۔۔۔۔۔۔فراز اسے دیکھ کے فوراً کھڑا ہو گیا۔۔۔۔۔۔۔۔بیٹھو۔۔۔۔۔مثال شیرانی نے اسے بیٹھنے کا اشارہ کیا اور خود بھی اسکے سامنے بیٹھ گئی۔۔۔۔۔۔۔۔۔۔۔"

آپ نے مجھے کیا بات کرنے کیلئے بلایا ہے۔۔۔۔۔؟فراز نے اسکے بیٹھتے ہی پوچھا۔۔۔۔۔۔۔۔۔۔"

مجھے ماحر سکندر سے اپنی بے عزتی کا بدلہ لینا ہے۔۔۔۔وہ بے عزتی جو اس نے پورے پاکستان کے سامنے کی ہے۔۔۔۔۔میں چاہتی ہوں اسکی بھی ایسے ہی بےعزتی ہو۔۔۔۔۔۔لوگ اس پر تھو تھو کریں۔۔۔۔۔اسے برباد کر دینا چاہتی ہوں۔۔۔۔۔۔وہ بے حد زہریلے لہجے میں کہہ رہی تھی۔۔۔۔۔۔۔۔۔۔"اور اس سب کیلئے مجھے تمہاری ہیلپ چاہیے۔۔۔۔۔۔۔۔۔۔۔بولو کرو گے نا۔۔۔۔۔۔؟؟

میرے لئیے بہت مشکل ہے یہ۔۔۔۔۔۔۔میں ماحر سر کا سیکرٹری ہوں۔۔۔۔۔۔اگر انکو پتہ چل گیا نا کہ میں نے ان سے غداری کی ہے تو نا جانے وہ کیا کریں گے میرے ساتھ۔۔۔۔۔۔۔۔وہ ڈر رہا تھا۔۔۔۔۔۔۔۔"

کیسے پتا چلے گا۔۔۔۔۔ کون بتائے گا اسے۔۔۔۔۔میں یا تم۔۔۔۔تم نے ہامی بھری تھی پہلے اور ایڈوانس بھی لیا تھا مجھ سے۔۔۔۔۔۔وہ تیز لہجے میں بولی

پہلے کی بات اور تھی۔۔۔۔۔۔۔۔پہلے آپ انکی گرل فرینڈ تھیں۔۔۔۔۔۔۔۔۔انکی جاسوسی کیلئے آپ کو میری ہیلپ چاہیے تھی۔۔۔۔۔۔۔۔مگر اب بات الگ ہے۔۔۔۔۔۔۔اب آپ کا ان سے بریک اپ ہو چکا ہے۔۔۔۔۔۔۔۔۔اور آپ ان سے بدلہ لینے کیلئے میری مدد چاہتی ہیں۔۔۔۔رہی بات آپکے پیسوں کی تو وہ میں آپ کو واپس کر دوں گا۔۔۔۔۔فراز نے صاف انکار کیا۔۔۔۔۔۔۔۔

ایک منٹ ابھی آتی ہوں۔۔۔۔ ۔۔وہ فوراً اٹھ کر باہر نکل گئی۔۔۔۔۔دس منٹ بعد واپس آئی تو اسکے ہاتھ میں ایک چھوٹا سا بیگ تھا جو اس نے فراز کے سامنے ہی ٹیبل پر رکھ دیا۔۔۔۔۔۔۔"

یہ کیا ہے۔۔۔۔۔۔۔؟فراز نے سوالیہ نظروں سے دیکھا

خود کھول کر دیکھ لو۔۔۔۔۔۔۔۔وہ لاپرواہی سے بولی

اسکے کہنے پر فراز نے بیگ کو کھولا تو وہ پورا نوٹوں سے بھرا ہوا تھا۔۔۔۔۔۔۔۔"

ی ی یہ۔۔۔۔۔۔۔۔وہ ششدر رہ گیا۔۔۔۔۔۔۔۔۔

پورے پچاس لاکھ ہیں۔۔۔۔۔۔۔۔باقی کے پچاس لاکھ اپنا مقصد پورا ہو جانے کے بعد دوں گی۔۔۔۔۔وہ اطمینان سے بولی۔۔۔۔۔۔۔۔"

کیا کرنا ہوگا مجھے۔۔۔۔۔۔۔؟؟کچھ دیر سوچنے کے بعد وہ آمادہ ہو گیا۔۔۔۔۔اتنی بڑی رقم کو دیکھ کر اس کا لالچ فوراً جاگ اٹھا۔۔۔۔وہ فراز جو کچھ پہلے صاف انکار کر رہا تھا۔۔۔۔نوٹوں سے بھرا بیگ دیکھ کر رال ٹپکنے لگی اور فوراً ہاں کر دی۔۔۔۔۔۔۔۔۔"

مثال شیرانی جو اسکی لالچی فطرت سے آگاہ تھی۔۔۔اس کے مان جانے پہ طنزیہ مسکرائی۔

پہلے تم مجھے یہ پتہ کر کے بتاؤ گے کہ پچھلے ایک مہینے سے وہ حیات عبدالرحمان نامی جس لڑکی کے پیچھے پڑا ہے اس لڑکی کے ساتھ اب اس کا کیا سین ہے۔۔۔۔وہ اسکی مووی میں کام کرنے کیلئے مانی یا نہیں۔۔۔۔پہلے مکمل انفارمیشن لے کے دو مجھے۔۔۔۔اس کے بعد آگے کا پلان بناؤنگی۔۔۔۔۔۔"وہ بات مکمل کر کے اٹھ گئی۔۔۔۔۔۔۔۔"

اوکے۔۔۔۔۔فراز بھی اٹھ کھڑا ہوا۔۔۔۔۔۔

مگر یاد رکھنا انفارمیشن غلط نہیں ہونی چاہیے۔۔۔۔مثال شیرانی نے وارننگ دینے والے انداز میں انگلی سے اشارہ کیا۔۔۔۔۔۔۔۔۔۔فراز نے فوراً اثبات میں سر ہلایا

پھر مثال شیرانی نے اسے جانے کو کہا تو وہ بیگ کو
سے سنبھالتا اسکے اپارٹمنٹ سے نکل گیا۔۔۔۔۔۔۔"

💓

ماحر سکندر خان بے چینی سے کمرے میں چکر کاٹ رہا تھا۔۔۔۔۔نظریں بے تابی سے بار بار فون کا طواف کرنے لگتی تھیں۔۔۔۔۔۔بلو شرٹ اور لائٹ بلو جینز میں ملبوس اسکے چہرے پہ پتھروں جیسی سختی تھی۔۔۔۔۔ طبیعت پھر سے اشتعال انگیز ہو رہی تھی۔۔۔۔بالآخر گھنٹی بج اٹھی۔۔۔۔۔۔اس نے فوراً سے پہلے یس کیا"

بولو۔۔۔۔۔۔۔ہو گیا کام۔۔۔۔۔۔؟ بے تابی سے پوچھا

نہیں سر۔۔۔۔۔۔۔۔"دوسری طرف سے ڈرتے ڈرتے کہا گیا

کیوں۔۔۔۔۔۔۔۔۔۔۔۔۔۔۔۔؟؟اس نے سرد لہجے میں پوچھا

سر وہ اپنے گھر پہ نہیں ہیں۔۔۔۔کل رات کی فلائٹ سے ترکی جا چکی ہیں۔۔۔۔۔فرقان کی اطلاع پہ وہ لمحہ بھر کو چپ کا چپ رہ گیا۔۔۔۔۔ "

اوکے پھر تیاری کرو۔۔۔۔۔۔۔۔ہمیں بھی تو اپنی فلم کی شوٹنگ کیلئے ترکی جانا ہے۔۔۔۔۔۔ہیروئن تو پہلے سے وہاں پہنچ چکی ہیں۔۔۔۔۔۔اگلے ہی پل اس نے ہنس کر کہا۔۔۔۔۔۔

اوکے سر۔۔۔۔۔۔۔فرقان اسکی ہنسی کا مفہوم اچھے سے جانتا تھا۔۔۔۔۔۔۔"

حیات عبدالرحمان کہیں بھی جاؤ۔۔۔۔۔۔۔۔۔۔۔۔۔کسی بھی قصبے،شہر۔۔۔۔ملک ملک۔۔۔۔۔نگر نگر ماحر سکندر خان کا خوفناک آسیب تم سے چمٹا رہے گا۔۔۔۔۔تمہاری بھونڈی اور فضول ضد نے مجھے بہت تپایا ہے۔۔۔۔لیکن بس۔۔۔۔۔ اب وہی ہوگا جو ماحر سکندر چاہے گا۔۔۔۔۔۔میں آ رہا ہوں تمہارے پاس۔۔۔۔۔۔۔۔۔۔۔۔۔۔۔۔۔۔وہ بڑ بڑاتے ہوئے خود سے مخاطب تھا مگر لفظوں اور لہجے میں زہر ہی زہر تھا۔۔۔۔۔۔۔۔۔۔۔"

ترکش ائیرلائن کا جہاز Tk0709استنبول کے کمال اتاترک ہوائی اڈے پر اتر چکا تھا۔۔۔۔۔۔۔۔۔۔"
۔۔۔۔۔۔۔مصطفی کمال اتاترک ائیرپورٹ جدید انداز کا خوبصورت ائیرپورٹ تھا۔۔۔۔۔۔۔۔"
۔۔۔۔۔۔۔اس ائیر پورٹ پر وہ کئی بار آ چکی تھی۔۔۔۔ کل رات موسم کی خرابی کی وجہ سے فلائٹ کینسل ہو گئی تھی۔۔۔۔۔۔۔۔۔سو صبح چھے بجے جناح انٹرنیشنل ایئرپورٹ کراچی سے وہ استنبول کیلئے دوسری فلائٹ میں روانہ ہوئی تھی۔۔۔۔۔۔۔۔۔۔۔۔ چھے گھنٹے کے سفر کے بعد جس وقت وہ استنبول ائیرپورٹ پر اتری صبح کے دس بج رہےتھے تھے۔۔۔۔۔۔۔۔۔"
جبکہ پاکستانی وقت کے مطابق دوپہر کے 12 بجے تھے۔۔۔۔جہاز سے باہر آتے ہی ٹھنڈی ہوا کے تھپیڑوں نے اس کا استقبال کیا تھا۔۔۔۔۔۔۔حالانکہ سورج پوری آب وتاب کے ساتھ چمک رہا تھا۔۔۔۔۔۔۔ "
ایسرا آنٹی اور حلوک انکل اسے لینے آئے تھے۔۔۔۔۔۔اگرچہ وہ بہت عرصے بعد ان سے مل رہی تھی مگر اس نے انہیں اور انہوں نے اسے فوراً پہچان لیا تھا۔۔۔۔۔۔کیونکہ کئی بار وہ ان سے ویڈیو کال پر بات کر چکی تھی۔۔۔

ایسرا آنٹی اس سے بے حد محبت سے ملیں۔۔۔۔۔حیات نے دیکھا اسے گلے سے لگاتے وقت انکی آنکھوں میں آنسو تھے۔۔۔۔۔۔۔۔"

مائی گاڈ تم تو اپنی ماں کی کاپی ہو۔۔۔۔۔خاصی دیر بعد جب وه اس سے الگ ہوئیں تو اپنے آنسو صاف کرتے ہوئے مسکرائیں۔۔۔۔۔۔"

تمہاری ماں بہت خوبصورت خاتون تھیں۔۔۔تم ان سے بھی زیادہ ہو۔۔۔۔۔۔۔۔۔وہ بڑی محبت سے اس کا ہاتھ پکڑے ہوئے تھیں۔۔۔۔۔۔۔ "
ائیر پورٹ سے باہر آتے ہی استنبول کا صاف ستھرا کھلی کھلی سڑکوں والا شہر سامنے تھا۔۔۔۔۔۔۔گاڑی استنبول کی سڑکوں پر رواں دواں تھی۔۔۔۔۔۔۔وہ ایسرا آنٹی کے ساتھ پیچھے کی نشت پر بیٹھی ہوئی تھی۔۔۔۔۔۔۔۔۔۔۔۔ سارے راستے وہ اس سے اسکی ماں کے متعلق باتیں کرتی آئی تھیں۔۔۔۔۔دونوں کی گفتگو میں حلوک انکل بھی وقفے وقفے سے حصہ لے رہے تھے۔۔۔۔ دونوں اس سے انگلش میں بات کر رہے تھے۔۔۔۔۔۔۔آدھے گھنٹے کی مسافت کے بعد وہ لفٹ کے ذریعے بیسویں منزل پر واقع انکے اپارٹمنٹ پہنچے۔۔۔۔۔۔۔۔۔۔۔تین چھوٹے چھوٹے بیڈ رومز ،لاونج اور کچن پر مشتمل یہ ایک چھوٹا سا اپارٹمنٹ تھا۔۔۔۔۔۔۔"
فریش ہوکر کافی پینے کے بعد وہ سو گئی تھی۔۔۔۔۔۔۔۔۔۔۔۔۔رات کے کھانے پر اسکی ملاقات ایسرا آنٹی اور حلوک انکل کی اکلوتی بیٹی میوج سے ہوئی۔۔۔۔۔۔۔۔۔۔کالج کی سٹوڈنٹ تھی وہ حیات سے تین سال چھوٹی۔۔۔۔۔۔۔۔کافی اچھی پیاری اور ہنس مکھ لڑکی تھی۔۔۔۔۔۔۔۔۔کھانا اگرچہ پاکستانی کھانوں کی نسبت پھیکا تھا مگر کوفتے اور بھیڑ کے گوشت کے ادانہ کباب اسے پہلے کی نسبت ٹیسٹی لگے۔۔۔۔۔۔۔۔بچپن میں وہ انکے ہاتھ کے بنے کوفتے کباب بہت بار کھا چکی تھی۔۔۔۔۔۔۔۔۔ ترکی کےکوفتوں اور کباب کا سائز بہت چھوٹا ہوتا ہے۔۔۔۔۔کھانے بعد قہوے کا دور چلا۔۔۔۔

تمہارا نام مجھے بہت پسند آیا ہے میوج۔۔۔۔اس کا کیا مطلب ہوتا ہے۔۔۔۔۔۔۔؟

میوج سوسن کے پھول کو کہا جاتا ہے جو اپنے سفید رنگ کی وجہ سے دور سے ہی پہچانا جاتا ہے۔۔۔۔اس نام کا مطلب ہے سوسن کے پھول کی طرح واضع اور سفید
چمکتی ہوئی چیز۔۔۔۔۔۔۔میوج نے اسے اپنے نام کا مطلب سمجھایا۔۔۔۔۔۔۔۔"

صبح ساڑھے دس بجے اسکی آنکھ کھلی تو خیال آیا کہ فجر کی نماز تو رہ گئی۔۔۔۔۔وہ بستر سے اٹھ گئی۔۔۔ونڈو کرٹن ہٹا کر دیکھا تو صبحِ کے کوئی آثار نہیں تھے۔۔۔گہرے بادل چھائے ہوئے تھے۔۔۔۔۔۔۔ ہلکی بارش کے ساتھ تیز ہوا چل رہی تھی۔۔۔جب اس نے کھڑکی کھولی تو یخ ٹھنڈی ہوا کا جھونکا اندر آیا۔۔۔فورا ہی ونڈو بند کر کے وہ اٹیچ واش روم کی طرف بڑھ گئی۔۔۔۔۔کچھ دیر بعد فریش ہو کر کمرے سے باہر نکلی۔۔۔۔۔۔۔۔۔ایسرا آنٹی اور میوج لاؤنج میں بیٹھی تھیں۔۔۔۔اسکی آہٹ پر دونوں نے بیک وقت پلٹ کر دیکھا اور اسے دیکھتے ہی مسکرائیں۔۔۔۔۔۔"

مرحبا۔۔۔۔۔گڈ مارننگ۔۔۔۔۔۔۔۔۔۔ترکی میں پہلی صبح مبارک
ہو حیات۔۔۔۔۔۔۔"ایسرا آنٹی نے قریب آنے پر اسکی گال پر بوسہ دیا۔۔۔۔۔۔۔"

مرحبا۔۔۔۔۔۔۔"وہ بھی مسکرائی

ناشتے میں کیا کھاؤ گی۔۔۔؟

جو آپ لوگ کھاتے ہیں۔۔۔۔اس نے برجستگی سے کہا

اوکے اب جتنے دن یہاں ہو پاکستانی کھانوں کو بھول جاؤ۔۔۔۔ساری خالصں ترکش ڈشز جھکاؤں گی میں تمہیں۔۔۔۔۔۔"وہ ساری ڈشز جو تمہاری ممی تمہارے بچپن میں بنا کر تمہیں کھلایا کرتی تھیں۔۔۔۔۔۔"

آپ کو ممی کی کیا کیا باتیں اور عادتیں یاد ہیں۔۔۔۔؟ماں کے ذکر پر وہ اداس ہو گئی۔۔۔۔۔۔۔۔"

جو جو یاد ہے سب بتاؤں گی پہلے تمہارے لئیے ناشتہ تو لے آؤں۔۔۔۔۔۔اور ہاں اپنے فادر سے فون پر بات کر لینا
صبح ان کا فون آیا تھا تمہارا بھائی تمہیں مس کر رہا ہے۔۔۔۔۔وہ اٹھ کر کچن میں چلی گئیں۔۔۔۔۔حیات نے انکے لینڈ لائن سے بابا کو کال ملائی۔مون اسکی آواز سن کر رو پڑا تو اس کا دل جیسے ڈوبنے لگا۔کل جس وقت وہ ائیر پورٹ کیلئے گھر سے روانہ ہو رہی تھی وہ سو رہا تھا۔۔۔۔مگر جب سارا دن وہ دکھائی نا دی تو رات کو روتے روتے سو گیا تھا۔۔۔۔۔رحمت بوا اور عبدالرحمان صاحب اسے بہلانے کی کوشش کر رہے تھے مگر وہ مسلسل آپی آپی کی گردان کر رہا تھا۔۔۔۔۔۔۔پھر حیات نے فون پر بڑی مشکل سے اسے بہلایا کہ وہ جلد آئے گی اور اسکے لئیے ڈھیر سارے ٹوائز لائے گی۔۔۔۔۔۔۔۔۔۔"

ناشتہ کرنے کے بعد وہ میوج کے ساتھ باتیں کر رہی تھی کہ حلوک انکل آ گئے۔۔۔انہوں نے سب کو تیار ہونے کو کہا وہ حیات کو گھمانے لے جا رہے تھے۔۔۔۔۔۔۔۔۔۔۔۔"

گیارہ بجے وہ ان تینوں کے ساتھ تیار ہو کر گھر سے نکلی۔۔۔۔میوج اور اسکی مدر عبایا پہنتی تھیں۔۔۔۔عبایا کے اوپر انہوں نے عبایا کے ہم رنگ اسکارف لئیے ہوئے تھے۔۔۔حیات نے براؤن کیپری کے اوپر میرون کڑھائی والا شارٹ فراک پہنا ہوا تھا۔۔۔۔۔۔۔۔۔۔براؤن ڈوپٹہ دونوں شانوں پر پھیلایا ہوا تھا جبکہ سر پر میرون کلر کا ریشمی اسکارف لیا ہوا تھا۔۔۔۔۔۔۔۔۔جب وہ باہر نکلے تو آسمان کلئیر ہو چکا تھا تاہم بارش سے ہوا میں خنکی بڑھ گئی تھی۔۔۔۔۔۔گاڑی میں سوار ہوئے۔۔۔۔ایسرا آنٹی اپنے شوہر کے ساتھ آگے بیٹھی ہوئی تھیں جبکہ اسکے ساتھ میوج تھی۔۔۔۔۔۔۔۔۔۔"

بیٹا آپ نے سارا استنبول دیکھا ہوا ہے اور سب جگہوں کا بھی آپ کو پتہ ہے سو یہ بتائیے کہاں سے سٹارٹ کریں آپ کو سیر کروانا۔۔۔۔۔۔حلوک انکل نے گاڑی سٹارٹ کرتے ہوئے حیات سے کہا تو وہ حیران رہ گئی۔۔۔۔۔۔۔"

انکی بات پر نہیں۔۔۔۔حیرانگی کی وجہ یہ تھی کہ انہوں نے یہ بات اس سے اردو میں کہی تھی۔۔۔۔۔"

آپ کو اُردو آتی ہے۔۔۔۔۔۔؟؟

جی بالکل۔۔۔۔آپکے بابا سے سیکھی تھی۔۔۔وہ مسکرائے تھے

#جاری ہے .
Target 1K