26/07/2026
اگر آپ یا آپ کے بچے ڈبے والا جوس پینے کے شوقین ہیں تو یہ تحریر آپ کیلیے ہے۔
آم کا سیزن شروع ہوتے ہی ہمارے ہاں باغات میں پلاسٹک کے ٹاپے لیے لوڈر رکشہ یا ڈالے آجاتے ہیں اور سارے خراب آم ان ٹاپوں میں بھر کے لگ جاتے ہیں ۔ چاہے وہ آم پک کر گل سڑ چکے ہوں یا کیڑے پڑ چکے ہوں، یا کسی بیماری کی وجہ سے خراب ہوچکے ہوں۔ کاشتکار یا باغ مالکان انھیں ایک اپنے درختوں سے دور اکٹھا کر دیتے ہیں یا دور پھینک دیتے ہیں تاکہ ان سے مزید پھل خراب نہ ہو۔ تو یہ جوس فیکٹریوں سے بھیجے گئے لوڈرز آتے ہیں اور سارے تعفن زدہ آم ٹاپوں میں اٹھا کر لے جاتے ہیں اور آپ لوگوں کے من پسند جوس تیار کرتے ہیں۔
مزے کی بات یہ ہے کہ کافی باغات کے مالکان یہ خراب یا گلے ہوئے آم انھیں بیچ کر قیمت بھی وصول کرلیتے ہیں۔
زیرِ نظر تصویر میں نے اپنے ساتھ والے باغ سے لی جس میں لیبر درختوں کے نیچے سے آم چن کر اپنے ٹاپے بھرنے میں مگن تھی اور میں نے لوڈر رکشہ پر پڑے آموں کی تصویر بنا لی۔ کوالٹی کا اندازہ آپ خود لگا لیں۔
محکمہ فوڈ اتھارٹی سے گزارش ہے کہ اس پر ایکشن لیا جائے اور مکمل چیک اینڈ بیلنس رکھا جائے۔ شکریہ۔
mangojuice
