Bar Waqt News HD

07/06/2026

22/05/2026

مریدکے، رانا محمد عارف کا انتقال، نماز جنازہ آج
رات ساڑھے نو بجے ریلوے پارک میں ادا ہو گی
(کرامت بھٹی نیوز)
سابق کونسلرز رانا محمد اعظم، رانا محمد مالک، سینئر صحافی رانا الطاف، رانا وارث ببی کے بھائی، صدر مریدکے پریس کلب رانا عرفان کے ماموں جان، رانا محمد عارف آف ٹاؤن مریدکے انتقال کر گئے۔ دل کا اچانک دورہ 56 سالہ رانا محمد عارف کی اچانک وفات کا سبب بنا۔ گھر والوں کے مطابق رانا عارف نماز جمعہ کی تیاری میں مصروف تھے۔ وہ غسل کر کے باہر ہی نکلے تھے کہ موت کا بلاوا آگیا۔ حالت غیر ہونے ہونے پر انہیں تحصیل ہیڈ کوارٹر ہسپتال پہنچایا گیا جہاں ان کی موت کی تصدیق کر دی گئی۔ مرحوم کو ابھی چھ ماہ پہلے ہی سٹنٹ ڈلوایا گیا تھا۔ ان کی نماز جنازہ آج بائیس مئی بروز جمعہ رات ساڑھے نو بجے ریلوے پارک مریدکے میں ادا کی جائے گی۔ رانا عارف نے دیگر قریبی عزیزوں کے علاوہ سوگواروں میں بیوہ، دو بیٹے، تین بیٹیاں سوگوار چھوڑی ہیں۔ یہ امر قابل ذکر ہے کہ قبل ازیں رانا فیملی نے رات دس بجے ٹاؤن مریدکے والی جنازگاہ میں نماز جنازہ کا پروگرام فائنل کیا تھا تاہم بعد ازاں آپسی مشورے سے نماز جنازہ کے وقت اور مقام میں تبدیلی کی گئی۔

17/05/2026

مریدکے:جی ٹی روڈ داؤکے کے قریب ڈکیتی کی اندوہناک واردات میں مزاحمت پر ڈاکوؤں کی فائرنگ سے نوجوان جاں بحق ہو گیا پولیس کے مطابق موٹر سائیکل سوار مسلح ڈاکوؤں نے شہری کو روک کر لوٹ مار کی اور مزاحمت کرنے پر اسے گولیاں مار دی واقعہ کی سی سی ٹی وی فوٹیج بھی سامنے آ گئی ہے جس میں ملزمان کو واردات کرتے واضح طور پر دیکھا جا سکتا ہے فائرنگ سے جاں بحق ہونے والے نوجوان کی شناخت فرمان سکنہ ننگل ساہداں کے نام سے ہوئی ہے پولیس نے نعش کو تحویل میں لے کر پوسٹ مارٹم کیلئے مردہ خانے منتقل کر دیا جبکہ واردات کا مقدمہ تھانہ سٹی مریدکے میں درج کر کے ملزمان کی تلاش شروع کر دی گئی ہے پولیس حکام کا کہنا ہے کہ سی سی ٹی وی فوٹیج اور دیگر شواہد کی مدد سے ڈاکوؤں کی شناخت کا عمل جاری ہے اور انہیں جلد گرفتار کر لیا جائے گا شہری حلقوں نے بڑھتی ہوئی ڈکیتی کی وارداتوں پر شدید تشویش کا اظہار کرتے ہوئے اعلیٰ حکام سے فوری نوٹس لینے کا مطالبہ کیا ہے۔

17/05/2026

آخر کار آج ایک سالہ مسلسل جدوجہد، عوامی دباؤ اور متاثرین کے حقوق کی آواز بلند کرنے کے بعد ایس اے گارڈن انتظامیہ اور متاثرین کے درمیان ایک اہم پیش رفت سامنے آئی۔ دفتر جماعت اسلامی لٹن روڈ میں “تقریبِ حوالگی و معاہدۂ متاثرین” منعقد ہوئی، جس میں ایس اے گارڈن انتظامیہ نے تحریری طور پر اس عزم کا اظہار کیا کہ ایک سال کے اندر تمام متاثرین کو ان کے پلاٹس کی مکمل پوزیشن اور لوکیشن فراہم کر دی جائے گی۔

تقریب کی صدارت امیر جماعت اسلامی لاہور، ضیاءالدین انصاری نے کی۔ اس موقع پر ایس اے گارڈن کے سی ای او شعیب افضل ملک اپنی پوری ٹیم کے ہمراہ دفتر جماعت اسلامی لٹن روڈ تشریف لائے۔

ایم او یو پر شعیب افضل سی ای او ایس اے گارڈن اور پبلک ایڈ کمیٹی جماعت اسلامی لاہور کے صدر قیصر شریف نے دستخط کیے، جبکہ احمد سلمان بلوچ کوآرڈینیٹر اور اس پروجیکٹس کے روح رواں انچارج ہاوسنگ سوساٹیز ایل ڈی اے و روڈا نے بطور گواہ معاہدے پر دستخط کیے۔ اس کے علاوہ ایس اے گارڈن کی جانب سے ایم ڈیز مرتضیٰ صاحب، عماد صاحب اور لیگل ایڈوائزر حسن رضا نے بھی معاہدے پر دستخط کیے۔اس معاہدہ کے مطابق 17مئی سے پلاٹ کا قبضہ و ملکیت کی تقسیم کا عمل شروع ہوگا جو مرحلہ وار 17مئی 2027تک مکمل کرلیا جائے گا جبکہ متاثرین کی رجسٹریشن کا کاونٹر پبلک ایڈ کمیٹی جماعت اسلامی لاہورکے سیکرٹریٹ میں قائم کردیا گیا

تقریب میں جبران بٹ، عثمان افضل، مشتاق بٹ، جہانگیر خان، ہارون صاحب اور نجم شہزاد صاحب سمیت مختلف سماجی و سیاسی شخصیات نے شرکت کی۔

یہ معاہدہ صرف ایک کاغذی کارروائی نہیں بلکہ سولہ ہزار متاثرہ خاندانوں کے اعتماد، امید اور حقِ ملکیت کی بحالی کی جانب ایک اہم قدم ہے۔ جماعت اسلامی اور پبلک ایڈ کمیٹی نے ایک بار پھر ثابت کیا کہ اگر جدوجہد خلوص اور مستقل مزاجی سے کی جائے تو عوام کے حقوق کے لیے بڑی کامیابیاں حاصل کی جا سکتی ہیں۔