Sadiq Barakzai

07/06/2024

‏عمران خان اور ججز کا مکالمہ

جسٹس قاضی فائز عیسی "آپ نیب ترامیم کو کیوں کلعدم قرار دینا چاہتے ہیں؟"
عمران خان "آپ نے میرے لائیو خطاب کے خلاف فیصلہ دیا تھا اس کی وضاحت دیں"
جسٹس قاضی فائز عیسی "جج فیصلوں کی وضاحت نہیں دیتے بلکہ فیصلہ قبول نہ ہو تو اس کے خلاف اپیل کی جاتی ہے۔"

جسٹس جمال مندوخیل"خان صاحب آپ کیس پر رہیں، نیب ترامیم کیوں کلعدم قرار دیں؟"
عمران خان "غریب لوگوں کے 700 ارب ڈالر پاکستان سے باہر پڑے ہیں۔"

جمال مندوخیل "خان صاحب آپ اس کیس پر بات کریں"
عمران خان "میری دو کروڑ کی گھڑی تین ارب کی دکھائی گئی"

جسٹس امین الدین "خان صاحب آپ موجودہ کیس پر بات کریں"
عمران خان "مجھے جو سہولیات ملی ہیں ان کا موازنہ نواز شریف کو ملنے والی سہولیات سے کریں"
جسٹس امین الدین "نواز شریف جیل میں نہیں ہے۔ آپ برائے کرم موجودہ کیس پر بات کریں"

عمران خان "میں عمر میں آپ سے بڑا ہوں"
اطہر من اللہ "خان صاحب آپ نے میرا نوٹ پڑھا؟" (جس میں آپ کو سپورٹ کیا تھا)

عمران خان "میں نے 27 سال کرپشن کے خلاف جنگ کی ہے۔"
قاضی فائز عیسی "تو پھر چوروں کو ایمنسٹی کیوں دی؟"
عمران خان "وہ تو میں بلیک اکانومی کا وھائٹ کروا رہا تھا" 😂

جسٹس جمال مندوخیل "خان صاحب موجودہ کیس پر آپ کچھ؟"
عمران خان "ملک میں اس وقت غیر اعلانیہ مارشلاء ہے اور فارم 47 والوں کی پارلیمنٹ ہے۔"

اس کے بعد شائد ججوں نے اپنا سر پیٹ لیا ہوگا۔ وہ عمران خان سے نیب ترامیم کے حوالے سے کوئی بات یا دلیل نکلوانے میں ناکام رہے۔ یہی وطیرہ عمران خان کا تمام کیسز میں ہوتا ہے۔ کیس کے میرٹ پر کوئی ایک دلیل نہیں دیتے۔ سوشل میڈیا دباؤ اور ججوں کو ہراساں کر کے یا بھونڈ ججوں کی مدد سے اپنے لیے ریلیف لے لیتے ہیں۔

کچھ دن پہلے سپریم کورٹ کے چار ججز نے اسی خدشے کے پیش نظر فیصلہ دیا تھا کہ سپریم کورٹ کا پلیٹ فارم سیاسی تقاریر کے لیے عمران خان کو قوم سے خطاب کرنے کے لیے نہیں دیا جاسکتا۔ عمران خان کی آج کی بیان بازی نے انکا وہ فیصلہ بلکل درست ثابت کیا۔

03/06/2024

یونیورسٹی رباب اور طالب علم کی شہادت
صادق بارکزئی
کچھ دنوں سے فیس بک پر ایک شور مچا ہے کہ ملاکنڈ یونیورسٹی نے ایک طالب علم کو ہاسٹل میں رباب لانے کی جرم میں ادھی رات کو ہاسٹل سے نکال دیا باہر جاکر طالب علم کا ایکسیڈنٹ ہوا جو ان کی شہادت کا وجہ بنی۔۔۔۔

موسی کے ساتھ جو دوست اس وقت ایمرجنسی میں تھا اور موسی کی شہادت کے بعد ایمبولینس کے اندر انہوں نے روتے ہوئے ویڈیو بنائی تھی وہ اس وقت ہسپتال انتظاميہ سے گلہ کررہا تھا کہ ہمیں مریض کیلئے بیڈ فراہم نہیں کی گئی
چونکہ اس وقت وہ انتہائی غم کے عالم میں تھا اس لئے پوری بات نہیں سمجھ سکا۔۔۔۔
اگلے دن کچھ دوستوں نے رباب اور ہاسٹل والا معاملہ اٹھایا تو مجھے بھی یقیناً دکھ ہوا کہ ایسا نہیں کرنا چاہنے تھا۔۔

کل اسی دوست کا تفصیلی انٹریو سنا جو ہسپتال میں اخری وقت تک ساتھ رہا انہوں نے کہا یہ ہفتہ دس دن پہلے کی بات ہے جب ایک فیسٹیول کیلئے موسی اپنے ساتھ رباب لایا تھا تو ان کو یونیورسٹی رولز کے مطابق شوکاز نوٹس جاری کیا گیا۔۔
ہفتہ دس دن تک موسی نہ یونیورسٹی گیا تھا اور نہ ہی ہاسٹل ۔۔۔۔
اس دوست کا کہنا تھا اسی شام کو بھی وہ ہمارے دوکان ایا تھا پھر رات 11 بجے وہ کہاں جارہا تھا یہ معلوم نہیں لیکن ان کے دوست کو کسی نے کال کی کہ موسی کا ایکسیڈنٹ ہوگیا ہے۔۔۔۔۔۔
میرے خیال میں اس ساری کہانی میں موسی کی لاپرواہی اور غیر سنجیدگی سامنے ارہی ہیں کیونکہ دس دن میں نہ انہوں نے گھر میں والدین کو بتایا، نہ ہی یونیورسٹی میں شوکاز کا جواب جمع کیا اور نہ ہی ملاکنڈ سے اپنے گھر گیا وہ کہاں رہا کس کے ساتھ رہا یہ ابھی تک معلوم نہیں۔۔۔۔

اللہ تعالی موسی خان کو جنت الفردوس میں اعلی مقام دیں اور والدین کو صبرجمیل عطاء فرمائیں

25/05/2024

حضرت جی ابھی اتنے قریب سے بھی ٹھیک سے نہیں سن سکتے لیکن جب انکی قبر مبارک بنے گی، مزار اور دربار بنے گا،
تب دُور دُور سے پکارنے والوں کی التجائیں سنیں گے ....

اس میں عقل والوں کےلیے سامان عبرت و نصیحت ہے ....

25/05/2024

خیبر پختونخواہ حکومت اس بجٹ میں 61 ارب روپے IMF کے منہ پر مارےگی۔۔۔
اور پھر یہی رقم وزراء کی کرپشن کی نذر ہوکر بھونگیاں مارےگی کہ وفاق ہمیں پیسے دیتے۔۔۔
مجھے امید ہے کہ 5 سال میں یہ لوگ ہمارا صوبہ وہاں تک پہنچائینگے جہاں عوام اور سرکاری ملازم صرف جوتوں اور کپڑوں پر قیدی نمبر 804 لکھ کر گزارا کرینگے۔۔۔

17/05/2024

کیا آپکو معلوم ہے کہ قرآن مجید میں وہ کون سی آرزوئیں ہیں جن کا تذکرہ ہوا ہے؟

"ياليتني - كنت ترابا"
اے کاش ! میں مٹی ہوتا
(سورۃ نبإِ # 30)

"ياليتني - قدمت لحياتي"
اے کاش ! میں نے اپنی (اخروی) زندگی کے لیے کچھ کیا ہوتا
(سورة الفجر # 24)

"ياليتني - لم أوت كتابيه"
اے کاش ! مجھے میرا نامۂ اعمال نہ دیا جاتا
(سورة الحاقة # 25)

"ياليتني - لم أتخذ فلاناً خليلا"
اے کاش! میں فلاں کو دوست نہ بناتا
(سورة الفرقان # 28)

"ياليتنا - أطعنا الله وأطعنا الرسولاً"
اے کاش ! ہم نے اللہ اور اسکے رسول کی فرمانبرداری کی ہوتی.
(سورة الأحزاب # 66)

"ياليتني - اتخذت مع الرسول سبيلاً"
اے کاش ! میں رسول کا راستہ اپنا لیتا
(سورة الفرقان # 27)

"ياليتني - كنت معهم فأفوز فوزاً عظيما"
اے کاش ! میں بھی انکے ساتھ ہوتا تو بہت بڑی کامیابی حاصل کر لیتا
(سورة النساء # 73)

"يا ليتني - لم أشرك بربي احداً "
اے کاش ! میں نے اپنے رب کے ساتھ کسی کو شریک نہ ٹھہرایا ہوتا
(سورة الكهف # 42)

"يا ليتنا - نرد ولا نكذب بايات ربنا ونكون من المومنين"
اے کاش ! کوئی صورت ایسی ہو کہ ہم دنیا میں پھر واپس بھیجے جائیں اور اپنے رب کی نشانیوں کو نہ جھٹلائیں اور ایمان لانے والوں میں شامل ہوں۔
(سورة الأنعام # 27)

یہ ہیں وہ آرزوئیں جو موت کے بعد حاصل ہونا ناممکن ہے ، اس لئے زندگی میں ہی اصلاح بہت ضروری ہے!

15/05/2024

ججوں پر واقعی بہت دباو ہے کہ پاکستانی عوام کے 19 کروڑ پاؤنڈ ملک ریاض کو دے کر رشوت میں ٹرسٹ کی زمین اور بیگم کیلئے ہیروں کے سیٹ اور کیش لینے کے اوپن اینڈ شٹ کیس میں دوہری شہریت کے حامل ججوں نے عمران خان کو ضمانت دے دی جبکہ دوسری
ان ہی چادر مودوں نے بیٹے سے نہ لی گئی تنخواہ پر منتخب وزیراعظم نااہل کر دیا تھا۔۔

02/05/2024

دوستو۔۔۔۔۔ کیا خیال ہے
یہ باقی پاکستان ان لوگوں کے نام نہ کردیں؟ کیونکہ ایسے فرشتے ہمیں دوبارہ نہیں ملیں گے

02/05/2024

سنا تھا وہ سمری مسترد ہوئی تھی لیکن وہی گاڑی پھر بھی آگئی اسی مشیرنی کو۔۔۔۔۔
مبارک ہو

01/05/2024

’گندم خشک کرنے کی کوشش‘ یا جنگی مشق
فوجی ہیلی کاپٹروں کی وائرل ویڈیو کی حقیقت کیا ہے؟

بی بی سی کی تحقیق سے علم ہوا کہ ایکس پلیٹ فارم پر وائرل ہونے والی ویڈیو تقریبا چار دن پہلے ٹک ٹاک پر سامنے آئی تھی۔

اس ویڈیو کو شیئر کرنے والے صارف نے ساتھ ہی درج عبارت میں لکھا تھا کہ یہ ایک فوجی مشق کے مناظر ہیں۔ تاہم اس تحریر میں بھی یہ نہیں بتایا گیا کہ یہ کس مقام کی اور کس تاریخ کے مناظر ہیں۔ ٹک ٹاک پر سامنے آنے کے بعد اس ویڈیو کو یو ٹیوب پلیٹ فارم پر بھی ایک صارف کی جانب سے شیئر کیا گیا جس میں بتایا گیا کہ یہ جنگی مشقوں کے مناظر ہیں۔

اہم بات یہ ہے کہ ٹک ٹاک پر بی بی سی نے جو ویڈیو دیکھی اس میں چند اور مناظر بھی موجود ہیں جن میں یہ فوجی ہیلی کاپٹر پہلے فضا میں پرواز کرتے ہوئے کھیتوں کے اوپر ایک پوزیشن سنبھالتے ہیں اور ویڈیو کے آخر میں ایک ایم آئی 17 ہیلی کاپٹر بھی زمین پر کھڑا ہوا دکھائی دیتا ہے۔

اسی ویڈیو کا صرف ایک منظر، جس میں ہیلی کاپٹر ہوا میں معلق ہیں، ایکس پلیٹ فارم پر اس عبارت کے ساتھ شیئر کیا گیا کہ یہ گندم کو خشک کرنے کی کوشش کی جا رہی ہے۔

بی بی سی نے جن سابق افسر سے اس ویڈیو کے بارے میں بات کی انھوں نے بتایا کہ اس ویڈیو میں نظر آنے والے زیادہ تر ہیلی کاپٹر لڑاکا کوبرا ہیں جبکہ ایک ہیلی کاپٹر کا نام فینیک ہے۔

آرمی ایوی ایشن کے سابق پائلٹ نے نام ظاہر نہ کرنے کی شرط پر بی بی سی کو بتایا کہ ’اس ویڈیو میں دیکھا جا سکتا ہے کہ چار پانچ ہیلی کاپٹر، جن میں سے اکثریت کوبرا لڑاکا ہیلی کاپٹرز کی ہے، ایک جنگی فارمیشن کے تحت ہوا میں معلق ہیں۔‘

ان کا کہنا تھا کہ ’یہ ایک جنگی مشق ہوتی ہے جس میں دشمن پر وار کرنے سے قبل فارمیشن میں شامل ہیلی کاپٹر کسی قدرتی چیز کی آڑ میں چھپ کر اس لمحے کا انتظار کرتے ہیں جب انھیں حملہ کرنے کا حکم ملتا ہے۔‘

ان کا کہنا تھا کہ ’اس ویڈیو میں بھی دیکھا جا سکتا ہے کہ ہیلی کاپٹرز کے سامنے اونچے درختوں کی ایک لمبی قطار ہے اور مشق کے مطابق یہ فرض کیا گیا ہو گا کہ درختوں کی دوسری جانب فرضی دشمن یا حملے کا ہدف موجود ہے۔‘

ان کے مطابق کوبرا لڑاکا ہیلی کاپٹر کے طور پر استعمال ہوتا ہے اور اسی لیے پائلٹوں کو تربیت کے دوران ایسی مشقیں کروائی جاتی ہیں جن کا مقصد ان کو ہیلی کاپٹر کو کسی بھی جنگی صورت حال اور کسی بھی طرح کے ماحول میں اڑانے کے لیے تیار رکھنا ہوتا ہے۔

جب ان سے سوال کیا گیا کہ ان کا ایسے دعووں کے بارے میں کیا کہنا ہے جن کے مطابق یہ ہیلی کاپٹر گندم خشک کرنے کے لیے استعمال ہوئے تو ان کا کہنا تھا کہ ’یہ مفروضہ غلط ہے کیوں کہ یہ مشقیں ہر سال میں ایک سے زیادہ مرتبہ ہوتی ہیں اور ان کے لیے مخصوص مقامات کا تعین کیا جاتا ہے جہاں کی مقامی آبادی اور انتظامیہ کو باخبر رکھا جاتا ہے۔‘

27/04/2024

ان حضرات کےلیے جو لوگوں کے دلوں میں اُن کی نیت تک جان لیتے ہیں اور کھڑے کھڑے ایمان کا فیصلہ سنا دیتے ہیں۔

” عیسیٰ ابن مریم علیہما السلام نے ایک شخص کو چوری کرتے ہوئے دیکھا پھر اس سے دریافت فرمایا: تو نے چوری کی ہے؟ اس نے کہا ہرگز نہیں، اس ذات کی قسم جس کے سوا اور کوئی معبود نہیں۔ حضرت عیسیٰ علیہ السلام نے فرمایا کہ میں اللہ پر ایمان لایا اور میری آنکھوں کو دھوکا ہوا۔“

(بخاری 3444)

19/04/2024

میں نہیں سمجھتا کہ کراچی ڈاکیتیوں یا کچے کے ڈاکوؤں کے عمل میں ریاست کی مدد شامل نہیں ہوگی۔۔۔

لازمی بات ہے کہ کراچی جیسے بڑے بزنس حب میں اجکل کے دور میں موبائل چھیننے والے گرفتار نہ ہوسکیں یہ نہ ماننے والی بات ہے۔۔

خیبرپختونخواہ میں بنوں ہمارا ایک چھوٹا سا ضلع ہے وہاں سال دو سال پہلے یہی سلسلہ شروع ہوا تھا کہ راہ چلتے لوگوں سے موبائل اور موٹر سائیکل چھین لئے جاتے تھے
لیکن الحمداللہ خیبرپختونخواہ پولیس نے مسئلے کو سیرئس لیکر دو تین گینگز کو پکڑ کر مکمل صفایا کردیا اب تقریباً ایک سال سے کوئی ایسی واردات رپورٹ نہیں ہوئی ہے۔۔۔

18/04/2024

قران کی یہ وہ آیت ہے کہ اگر کسی شخص کو صرف اس ایک آیت کی بھی سمجھ آ گئ تو یہ اس کو پوری دین (اسلام) کی سمجھ دینے کے لیے کافی ہے ۔

( ترجمہ :البقرہ 177👇)

"نیکی بس یہی تو نہیں کہ اپنے چہرے مشرق کی طرف یا مغرب کی طرف کرلو ، بلکہ نیکی یہ ہے کہ لوگ اللہ پر ، آخرت کے دن پر ، فرشتوں پر اور اللہ کی کتابوں اور اس کے نبیوں پر ایمان لائیں ، اور مال سے محبت کے باوجود اسے رشتہ داروں ، یتیموں ، غریبوں ، مسافروں ، سائلوں ، اور (غلاموں ، مقروضوں، قیدیوں اور مجبور لوگوں کی) گردنیں چھڑانے پر خرچ کریں ۔
اور نماز قائم کریں اور زکوٰۃ ادا کریں ، اور جب کوئی عہد کرلیں تو اپنے عہدوں کو پورا کریں ، اور تنگی اور سختی میں ، نیز جنگ کے وقت ، صبر و استقامت کے خوگر ہوں ۔ یہی لوگ ہیں جو ( دین میں) صادق ہیں ، اور یہی لوگ ہیں جو (اصل) متقی ہیں ۔"

08/04/2024

اسلام آباد ہائیکورٹ نے بشری بی بی کو عمران خان سے ملاقت نہ کروانے پر حکومت کو نوٹس بھیج دیا۔۔۔

واہ رے۔۔۔۔ کیا انصاف ہے اور کتنا دباؤ اسلام آباد ہائیکورٹ پر

کیا پاکستان کی تاریخ میں سزا یافتہ خاتون اور سزا یافتہ خاوند کو کبھی کسی عدالت نے ملوایا ہے۔۔۔؟ یا اب بھی جیلوں میں قید ایسی جوڑوں کو ملنے کی اجازت دی جا سکتی ہے ؟

عمران خان باالکل ٹھیک کہا کرتے تھے کہ قومیں اس لئے تباہی ہوتی ہے کہ پی ٹی آئی والوں کیلئے الگ قانون ہوتا ہے اور باقی پاکستانیوں کیلئے الگ قانون ہوتا ہے۔۔۔۔

31/03/2024

انڈیا کی ترقی کا دوسرا رخ:
اتر پردیش میں چپڑاسی کی 62 آسامیوں کے لیے 3700 پی ایچ ڈی، 28,000 پوسٹ گریجویٹ اور 50,000 گریجویٹس کی درخواستیں جمع۔۔۔
چندریان، پانی میں چلنے والی ٹرین اور 600 ارب ڈالر کے زرمبادلہ والا ملک۔۔۔
اور ہاں یہ نہ بھولیے گا کہ انڈیا کی ایک کمپنی کی مارکیٹ ویلیو پاکستان کے جی ڈی پی سے زیادہ ہے اور امبانیوں کی شادی میں بل گیٹس اور مارک زکر برگ بھی آئے تھے۔

24/03/2024

ایک ایوارڈ زیادہ ٹیکس جمع کروانے والوں کیلئے بھی ہونا چاہیے
حکومت کو ہر سال ایک مخصوص دن پر ہر ایک ڈسٹرکٹ سے سب سے زیادہ ٹیکس دینے والا ایک تاجر، ہر ایک صوبے سے 10 عدد سب سے زیادہ ٹیکس دینے والے جبکہ ملک کی سطح پر پہلے 100 تاجروں میں خصوصی سرٹیفکیٹ تقسیم کرنا چاہیے تاکہ تاجروں کی حوصلہ افزائی ہوں اور دیگر لوگوں کیلئے ترغیب کا باعث ہوں۔۔۔۔

لیکن یہ ہونا نہیں

24/03/2024

صدارتی ایوارڈز یا ریوڑیوں کی بندربانٹ۔

ہر سال کی طرح اس سال بھی صدارتی ایوارڈز کچھ 400 لوگوں میں تقسیم کئے گئے لیکن ‏بدقسمتی سے تمغہ امتیاز کی اس لسٹ میں کوئی قابل ذکر ڈاکٹر کوئی انجینیئر کوئی سائنس دان کوئی تاریخ دان کوئی ایجوکیشنسٹ کا نام شامل نہیں بلکہ ذاتی ملازمین، خوبصورت چہرے، ذاتی چمچے اور خوشامدی اس سال بھی بازی لے گئی ہیں۔۔۔
کیا یہ زوال کی نشانی نہیں تو کیا ہے؟

23/03/2024

خیبرپختونخواہ میں چاپلوسی اور چمچہ گیری پر پہلی دفعہ سرکاری طور پر چچا نوردین تمغہ امتیاز وصول کرنے والا شخص بن گیا

موصوف کی قومی خدمات میں عمران خان کیلئے سانپ کے چمڑے سے چپل تیار کرنا اور اور اب تازہ تازہ چپل پر چوری پر قید شدہ سرٹیفائیڈ چور نمبر 804 لکھنا ہے۔۔😁🤣

22/03/2024

مریم نواز نے شجرکاری کرتے ہوئے قالین پر کھڑی کیا ہوئی یوتھیوں نے آسمان سر پہ اٹھا لیا ہے کہ پاکستان کے سارے وسائل کے ضیاع کا سبب یہی قالین کا ٹکڑا ہے،
جبکہ دوسری طرف یہی عقل سے آندھی گونگی بہری مخلوق اپنے وزیراعلی اور وزیراعظم کے اس طرح کے کاموں کا دفاع کرینگے،
یہ پوسٹ پڑھتے ہوئے ان کو تھوڑی سی بھی شرم نہیں آرہی ہوگی بلکہ الٹا مجھے گالیاں دیکر اخلاقیات کا درس دینگے۔۔۔

22/03/2024

پاکستانی اسٹیبلشمنٹ کی پاکستانی سیاست سے مائنس ٹو کا فارمولا:
میاں محمد نواز شریف کو پیار محبت سے سیاست سے مائنس(- ) کیاگیا
اور عمران خان کو ڈنڈے کی زور سے مائنس کیا جارہا ہے۔

کیا اس میں پاکستانی مسائل کا حل موجود ہیں۔۔۔؟

17/03/2024

ناقابل معافی جرم
کراچی کی ایک برینڈ نے یہ سوٹ ڈیزائن کیا ہے، اس کا واحد مقصد یہ ہے کہ جب مذہبی طبقے کا ری ایکشن آئے گا تو ہمارا برینڈ راتوں رات مشہور ہو جائے گا۔
سزا تو ویسے بھی پاکستان میں کسی کو نہیں ملنی۔۔
اج اس ڈیزائن پر مشتمل 6 پوسٹ انہوں نے اپنی وال سے اس لئے ڈیلیٹ کردئیے کیونکہ جو مقصد تھا وہ پورا ہوگیا اب پیچھے ثبوت کیوں چھوڑے؟
حکومت پاکستان سے گزارش ہے کہ اس برانڈ کے مالک، برانڈ منیجر، ڈیزائینر اور باقی تمام ملوٹ لوگوں کو قرار واقعی سزا دی جائے تاکہ آئیندہ کیلئے کسی کی ہمت نہ ہوسکیں

12/03/2024

پنجاب کے دارالحکومت میں آئی ٹی سٹی سمیت کئی بڑے منصوبوں کا اعلان کردیا گیا۔
وزیراعلیٰ پنجاب مریم نواز نے شہر میں 21 منزلہ ارفع کریم ٹاور ٹو بنانے کی منظوری دے دی۔

لاہور میں آئی ٹی، ایجوکیشن اور فلم سٹی منصوبوں کا آغاز جلد ہوگا۔ علاوہ ازیں مائیکروسافٹ،اوریکل اور دیگر بڑی کمپنیوں نے آئی ٹی سٹی لاہور کے لیے آمادگی ظاہر کردی۔ وزیراعلیٰ پنجاب مریم نواز نے چین کی بڑی آئی ٹی کمپنیوں کو دفاتر بنانے کے لیے مدعو کرنے کی ہدایت کی ہے۔

وزیراعلیٰ پنجاب مریم نواز نے کہا ہے کہ دنیا بھر سے بہترین آئی ٹی کمپنیوں کو آئی ٹی سٹی میں بزنس کے مواقع فراہم کریں گے۔ پنجاب سمیت پاکستان بھر کے طلبہ کے لیے دنیا کی بہترین یونیورسٹیوں کے کیمپس بنائیں گے۔ انہوں نے ایجوکیشن سٹی میں دنیا کی بہترین یونیورسٹیوں کے کیمپس قائم کرنے کے لیے فوری رابطوں کی ہدایت جاری کردی ہے۔
مریم نوازشریف نے لاہور نالج پارک اورآئی ٹی سٹی کے قیام کے لیے پلان کی ڈیڈ لائن مقرر کردی۔ علاوہ ازیں لاہور میں فری وائی فائی پائلٹ پراجیکٹ کی بھی منظوری دے دی گئی ہے۔ شہر میں 10 مقامات پر فری وائی فائی پراجیکٹ کا آغاز 2 ہفتے میں کردیا جائے گا۔ لاہور میں 516 مقامات پر فری وائی فائی پوائنٹس بنائے جائیں گے۔ انہوں نے تعلیمی اداروں، ائرپورٹ،ریلوے اسٹیشن اور بس اسٹینڈ پر ترجیحاً فری وائی فائی شروع کرنے کی ہدایت کردی ہے۔

بڑے منصوبوں کے حوالے سے وزیراعلیٰ مریم نوازشریف کی زیر صدارت اجلاس میں سی ای اوسی بی ڈی عمران امین نے آئی ٹی سٹی اورلاہورنالج پارک پراجیکٹ کے بارے میں بریفنگ دی۔ اس موقع پر سینئر صوبائی وزیر مریم اورنگزیب،صوبائی مشیر پرویز رشید،وزیراطلاعات و ثقافت عظمیٰ زاہد بخاری،ایم پی اے ثانیہ عاشق، چیف سیکرٹری،ایس ایم بی آر،چیئرمین پی اینڈڈی،سیکرٹری ہاؤسنگ، سیکرٹری ہائر ایجوکیشن،سی او آؤ برگیڈیئر (ر) منصور جنجوعہ ڈی جی ایل ڈی اے،چیئرمین پی آئی ٹی بی اوردیگرمتعلقہ حکام بھی شریک تھے۔

12/03/2024

وفاقی وزرا کو قلمدان تفویض،
محسن نقوی وزیر داخلہ اور اسحاق ڈار وزیر خارجہ ہوں گے.
نوٹیفکیشن کے مطابق خواجہ آصف وزیر دفاع ہوں گے جبکہ انہیں دفاعی پیداوار اور ہوابازی کے اضافی قلمدان بھی سونپے گئے ہیں، اسی طرح اسحاق ڈار وزیر خارجہ ہوں گے۔
احسن اقبال کو منصوبہ بندی، ترقی اور خصوصی اقدامات کی وزارت دی گئی ہے جبکہ اویس لغاری کو ریلوے اور امیر مقام کو سیفران، ثقافت و تاریخی ورثہ کا قلمدان سونپا گیا ہے۔

نوٹی فکیشن کے طمابق رانا تنویر حسین صنعت و پیداوار کا قلمدان سونپ دیا گیا جبکہ قیصر احمد شیخ وزارت بحری امور ہوں گے، اعظم نذیر تاررڈ کو قانون وانصاف اور انسانی حقوق کا قلمدان تفویض کیا گیا ہے۔
مسلم لیگ ق کے چوہدری سالک حسین سمندر پار پاکستانیوں اور انسانی وسائل کی ترقی کے وزیر ہوں گے، ایم کیو ایم پاکستان کے ڈاکٹر خالد مقبول صدیقی سائنس وٹیکنالوجی، وفاقی تعلیم و پیشہ ورانہ تربیت کے وزیر ہوں گے۔

نوٹی فکیشن کے مطابق محمد اورنگزیب وزیر خزانہ اور محصولات کی وزارت دیکھیں گے۔ محسن نقوی امور داخلہ اور انسداد منشیات کے وزیر ہوں گے جبکہ احد چیمہ کو اقتصادی امور اور اسٹیبلشمنٹ ڈویژن کا قلمدان سونپا گیا ہے۔
سینیٹر مصدق ملک کو توانائی اور پیٹرولیم جبکہ میاں ریاض حسین پیرزادہ کو ہاؤسنگ اینڈ ورکس کا وزیر مقرر کیا گیا ہے۔

12/03/2024

مسلم لیگ نے وزارت خزانہ کے لیے اپنے ’آزمودہ‘ اسحاق ڈار کی بجائے محمد اورنگزیب کا انتخاب کیوں کیا؟
پاکستان میں آٹھ فروری 2024 کے انتخابات کے بعد وفاق اور صوبوں میں حکومت سازی کا مرحلہ مکمل ہو چکا ہے۔ گذشتہ روز اعلان کردہ نئی وفاقی کابینہ میں پرانے چہروں کے ساتھ کچھ نئے چہروں کو بھی شامل کیا گیا ہے جن میں نمایاں نام محمد اورنگزیب کا ہے جنھیں وفاقی وزارت خزانہ کا قلمدان دیا گیا ہے۔
اگرچہ ملک کی نئی وفاقی کابینہ میں اسحاق ڈار بھی شامل ہیں تاہم اس بار انھیں وزارت خزانہ کی ذمہ داری نہیں سونپی گئی بلکہ ان کی بجائے یہ ذمہ داری محمد اورنگزیب کے حوالے کی گئی ہے جو پیشے کے لحاظ سے ایک بینکر ہیں اور گذشتہ پانچ سال سے حبیب بینک لمٹیڈ کے صدر تھے۔
وفاقی کابینہ میں اسحاق ڈار کا وفاقی وزیر خزانہ نہ ہونا جہاں بہت سوں کے لیے حیران کن ہے تو دوسری جانب محمد اورنگزیب کا اس ذمہ داری کے لیے انتخاب بھی ایک نئی پش رفت ہے کیونکہ نواز لیگ کے آخری تین ادوار میں اسحاق ڈار نے ہی وزارت خزانہ کی مشکل ذمہ داری نبھائی ہے۔
محمد اورنگزیب کے لیے جہاں وزارت خزانہ ایک نیا تجربہ ہے تو اس سے بڑھ کر ملک کی موجودہ معاشی حالت سے نمٹنا ایک بہت بڑا چیلنج ہے، کیونکہ پاکستان اس وقت ایک جانب اندرونی و بیرونی قرضوں کے پہاڑ جیسے بوجھ کے نیچے دبا ہوا ہے جن کی مجموعی مالیت اس وقت 130 ارب ڈالر سے زائد ہے تو دوسری جانب ملک میں مہنگائی کی شرح فروری کے مہینے میں 23.1 فیصد کی بلند سطح پر موجود ہے جس کے باعث عام آدمی کے لیے کھانے پینے کی اشیا سے لے کر بجلی و گیس کے اضافی بل ہیں۔
ملک میں بیرونی سرمایہ کاری کا حجم بہت کم ہے اور ملکی برآمدات میں کوئی خاطر خواہ اضافہ نہیں ہو رہا جس کے ذریعے تجارتی اور جاری کھاتوں کے خساروں پر قابو پایا جا سکے، اور یہ سب ملکی روپے کی قدر میں گراوٹ کا سبب بن رہا ہے اور ایک ڈالر کی قیمت 280 روپے ہو گئی ہے اور لامحالہ ملک میں مہنگائی میں اضافے کی بڑی وجہ بن گیا ہے۔
محمد اورنگزیب کون ہیں؟
محمد اورنگزیب پاکستان میں پارلیمان کے رکن نہیں بلکہ وہ پاکستان کے چند بڑے بینکوں میں سے ایک حبیب بینک لمیٹڈ کے صدر رہے ہیں۔
پاکستان میں ماضی میں بھی بینکرز وزیر خزانہ رہ چکے ہیں۔ پاکستان بینکس ایسوسی ایشن کے جانب سے جارہ کردہ تفصیلات کے مطابق محمد اورنگزیب نے 30 اپریل 2018 کو حبیب بینک کے صدر اور چیف ایگزیکٹو کا عہدہ سنبھالا تھا۔
اس سے پہلے وہ جے پی مورگن گلوبل کارپوریٹ بینک ایشیا کے چیف ایگزیکٹو آفیسر بھی رہ چکے ہیں۔ محمد اورنگزیب اے بی این امرو بینک اور آر بی ایس میں اعلیٰ انتظامی عہدوں پر رہنے کا 30 سالہ تجربہ بھی رکھتے ہیں۔
ایسوی ایشن کے مطابق وہ واحد پاکستانی ہیں جن کے پاس ڈبلیو ایس جے اور ڈاوجانز گروپ کے زیر نگرانی گلوبل سی او کونسل کی خصوصی رکنیت ہے۔
محمد اورنگزیب نے بی ایس اور ایم بی اے کی تعلیم وارٹن سکول، یونیورسٹی آف پنسلوانیا امریکہ سے حاصل کی۔
نینشل بینک آف پاکستان کے سابق چیئرمین منیر کمال نے بی بی سی کو بتایا کہ محمد اورنگزیب ایک شاندار بینکاری کیرئیر کے حامل ہیں اور اب تک ان کا اس شعبے میں ٹریک ریکارڈ بہت شاندار رہا ہے۔
اسحاق ڈار کو وزیر خزانہ نہ بنانے کی وجہ کیا ہو سکتی ہے؟
پاکستان مسلم لیگ نواز کی حکومتوں میں وزارت خزانہ پارٹی کے قائد نواز شریف کے قریبی ساتھی اسحاق ڈار کو سونپی گئی۔ اسحاق ڈار پہلی مرتبہ 1998 میں نواز لیگ کے دور میں وفاقی وزیر خزانہ بنے۔ 2013 میں نواز لیگ کی حکومت میں ایک بارپھر وہ وزیر خزانہ بنے تاہم 2017 میں نواز شریف کی سپریم کورٹ سے نا اہلی کے بعد جب شاہد خاقان عباسی وزیر اعظم بنے تو مفتاح اسماعیل وزیر خزانہ بنے۔
اپریل 2022 میں تحریک انصاف کی حکومت کے خاتمے کے بعد شہباز شریف کی وزارت عظمیٰ کے پہلے پانچ مہینوں تک مفتاح اسماعیل وزیر خزانہ رہے تاہم ستمبر 2022 کے آخر میں اسحاق ڈار ایک بار پھر وزیر خزانہ بن گئے۔
تاہم مسلم لیگ ن کی موجودہ نئی مخلوط حکومت میں اسحاق ڈار وفاقی وزیر خزانہ نہ بن سکے۔ ان کے وزیر خزانہ نہ بننے کے بارے میں سینیئر صحافی خرم حسین نے بی بی سی سے بات کرتے ہوئے بتایا کہ ’ان کو وزیر خزانہ نہ بنانے کی وجہ تو یہ ہے کہ گذشتہ حکومت کے دور میں بطور وزیر خزانہ ڈیلیور نہیں کر پائے کیونکہ ان کی وجہ سے پاکستان کا بین الاقوامی مالیاتی فنڈ (آئی ایم ایف ) سے پروگرام جون 2023 میں تقریباً ڈی ٹریک ہو گیا تھا۔‘
اس سلسلے میں پاکستان کے معروف ماہر معیشت ڈاکٹر قیصر بنگالی نے کہا اسحاق ڈار کو نہ لانے کی بڑی وجہ ان کے ماضی میں آئی ایم ایف کے خلاف بیانات ہیں جن کی وجہ سے ایک محاذ آرائی کا تاثر ملا۔
انھوں نے کہا ’اس لیے اسحاق ڈار کے بجائے ایک ایسا شخص لایا گیا ہے جو ان سے بہتر انداز میں بات کر سکے۔‘
واضح رہے کہ گذشتہ دورِ حکومت میں اسحاق ڈار کے کچھ بیانات کی وجہ سے آئی ایم ایف پروگرام کی بحالی میں تاخیر ہوئی تھی اور اس وقت وزیر اعظم شہباز شریف کو آئی ایم ایف کے اعلیٰ حکام سے براہ راست بات کرنی پڑی۔
ماہر معیشت علی خضر نے اس سلسلے میں بتایا کہ ’اسحاق ڈار کی معیشت کو چلانے کے لیے جو پالیسی رہی اس کی افادیت ختم ہو چکی ہے۔‘
انھوں نے کہا ’اسحاق ڈار کی ڈالر کی قیمت فکس کرنے کی پالیسی اب کارآمد نہیں ہے تو دوسری جانب اکاوئنٹنگ اور اعداد وشمار میں تبدیلی کے ذریعے چلائی جانے والی ان کی پالیسی اپنی لائف پوری کر چکی ہے اس لیے یہی لگتا ہے کہ اب انھیں وزیر خزانہ نہیں بنایا گیا۔‘

11/03/2024

10/03/2024

ایک پلیٹ سالن کے ساتھ عمران خان کی تصویر دیکھ کر جو لوگ واہ واہ کیا کرتے تھے،
آج ان کو نگہبان پروگرام پر نواز شریف کی تصویر دیکھ کر غشی کے دورے کیوں پڑ رہے ہیں؟
کیسا منافق شعور لیا ہوا ہے

06/03/2024

مخصوص نشستوں کی الاٹمنٹ کے بعد پارٹی پوزیشن سامنے آگئی۔

قومی اسمبلی میں پاکستان مسلم لیگ (ن ) 123 نشستوں کے ساتھ سب سے بڑی جماعت بن گئی۔ عام انتخابات میں ن لیگ نے 75 جنرل نشستیں جیتیں جبکہ 9 ارکان ن لیگ میں شامل ہوئے۔ خواتین کی 34 اور اقلیتوں کی 5 نشستیں بھی ن لیگ کو ملیں۔

قومی اسمبلی میں سنی اتحاد کونسل کے ارکان کی تعداد 82 ہے۔ پیپلز پارٹی کے ارکان کی ایوان میں تعداد 73 ہوگئی۔ پیپلز پارٹی نے 54 جنرل نشستیں جیتیں جبکہ خواتین کی 16 اوراقلیتوں کی 3 نشستیں ملیں۔
متحدہ قومی موومنٹ کے ارکان کی تعداد 22 ہے۔ ایم کیو ایم کو 17 جنرل نشستیں ، خواتین کی مخصوص 4 اور ایک اقلیتی نشست ملی۔

قومی اسمبلی میں جمیعت علماء اسلام کے ارکان کی مجموعی تعداد 11 ہو گئی۔ جے یو آئی کی جنرل نشستوں کی تعداد 6 ہے جبکہ خواتین کی مخصوص 4 نشستیں اور اقلیت کی ایک نشست ملی۔

استحکام پاکستان پارٹی کے ارکان کی تعداد 4 ہے۔ جنرل نشستوں کی تعداد 3 اورخواتین کی مخصوص ایک نشست ملی۔ مسلم لیگ ق کی قومی اسمبلی کی سیٹوں کی تعداد 5 ہے ان میں 3 جنرل، ایک آزاد رکن جو پارٹی میں شامل ہوا اورخواتین کی ایک مخصوص نشست شامل ہے۔

04/03/2024

الیکشن کمیشن نے پی ٹی آئی کی حمایت یافتہ خواتین اور اقلیتوں کی مخصوص نشستوں کی درخواست مسترد کر دی

29/02/2024

پیٹرول کی قیمت میں 4 روپے 13 پیسے کا اضافہ، ڈیزل کے نرخ برقرار