21/02/2026
اندرون شہر جوئے کے اڈے پر پولیس کا چھاپہ، متعدد کمار باز گرفتار
اندرون شہر میں قائم مبینہ جوئے کے اڈے پر پولیس نے خفیہ اطلاع پر کارروائی کرتے ہوئے متعدد مشہور کمار بازوں کو گرفتار کر لیا۔ کارروائی تھانہ Thana Shaheed Gulfat Hussain کی حدود میں کی گئی جہاں ملزمان کو موقع پر حراست میں لے کر ایک دوسرے کے ساتھ باندھ کر تھانے منتقل کیا گیا۔
پولیس ذرائع کے مطابق چھاپہ ایس ایچ او اور ڈی ایس پی کی نگرانی میں مارا گیا، جس کے دوران داؤ پر لگی نقد رقم اور مبینہ طور پر نشہ آور/ممنوعہ مشروبات بھی برآمد کر لیے گئے۔ حکام کا کہنا ہے کہ ملزمان کے خلاف مقدمہ درج کر کے مزید تفتیش شروع کر دی گئی ہے۔
علاقہ مکینوں کے مطابق گرفتاری کے وقت محلے میں غیر معمولی صورتحال پیدا ہو گئی اور منظر کسی فلمی سین کا سماں پیش کر رہا تھا۔ متعدد شہریوں نے کارروائی کی ویڈیوز بنا کر سوشل میڈیا پر شیئر کر دیں جو تیزی سے وائرل ہو رہی ہیں۔
پولیس حکام نے واضح کیا ہے کہ شہر میں غیر قانونی سرگرمیوں کے خلاف کارروائیاں بلا امتیاز جاری رہیں گی اور قانون کی خلاف ورزی کرنے والوں کے ساتھ آہنی ہاتھوں سے نمٹا جائے گا۔
