01/08/2026
ڈیرہ غازیخان۔
*وزیر اعلی پنجاب مریم نواز شریف صاحبہ کی ہدایت پر دور دراز علاقے کے شہریوں کو انہیں کی دہلیز پر انصاف کی فراہمی کا سلسلہ جاری ہے اسی سلسلہ میں ڈی پی او ڈیرہ غازیخان نے تھانہ سخی سرور میں کھلی کچہری کا انعقاد کیا اور شہریوں کے مسائل ترجیحی بنیادوں پر سنتے ہوئے موقع پر حل کرنے کے احکامات جاری کئے*
ڈی پی او ڈیرہ غازیخان نے عوامی شکایات کے فوری ازالے اور شہریوں کو ان کی دہلیز پر انصاف کی فراہمی کے سلسلے میں تھانہ سخی سرور میں کھلی کچہری کا انعقاد کیا۔ کھلی کچہری میں دور دراز علاقوں اور دیہاتوں سے تعلق رکھنے والے مرد و خواتین نے بڑی تعداد میں شرکت کی اور اپنا قیمتی وقت بچاتے ہوئے براہِ راست ڈی پی او کے سامنے اپنی شکایات، مسائل اور تجاویز پیش کیں۔
ڈی پی او نے شہریوں کی شکایات کو تفصیل سے سنا اور موقع پر موجود متعلقہ پولیس افسران کو ہدایات جاری کیں کہ تمام درخواستوں پر میرٹ، شفافیت اور قانون کے مطابق فوری کارروائی کرتے ہوئے مقررہ وقت میں رپورٹ پیش کی جائے۔ انہوں نے کہا کہ عوام کو بروقت انصاف اور بہتر پولیس سروسز کی فراہمی پنجاب پولیس کی اولین ترجیح ہے۔
ڈی پی او ڈیرہ غازیخان نے کہا کہ کھلی کچہریوں کا مقصد شہریوں اور پولیس کے درمیان اعتماد کو مزید مضبوط بنانا، عوام کے مسائل ان کی دہلیز پر سننا اور ان کا فوری حل یقینی بنانا ہے۔ انہوں نے واضح کیا کہ شہریوں کے جان و مال کا تحفظ، انصاف کی فراہمی اور عوامی شکایات کا بروقت ازالہ ضلعی پولیس کی ذمہ داری ہے،
آخر میں ڈی پی او نے کہا کہ منشیات فروشوں کے خلاف ڈیرہ غازیخان پولیس کی طرف سے بھر پور کریک ڈاؤن جاری ہے ہر تھانہ کے علاقہ میں منشیات فروشی میں ملوث ملزمان کی فہرست تیار کر کے ان کی رنگے ہاتھوں گرفتاری کی جائے گی اسی طرح سود خوروں کے خلاف بھی کاروائی عمل میں لائی جا رہی ہے۔
