01/06/2026
ضلع ڈیرہ غازیخان
*ڈیرہ غازیخان پولیس ماہ مئی 2026 کی کارکردگی رپورٹ جاری ، 17 گینگز کے 52 ممبران گرفتار ، 01 کروڑ 94 ہزار روپے سے زائد کی ریکوری اصل مالکان کے حوالے، 04 پولیس مقابلوں کے دوران 02 ڈاکو ہلاک اور 02 ڈاکو زخمی حالت میں گرفتار*
تفصیلات کے مطابق ڈیرہ غازیخان پولیس کی ماہ مئی 2026 کی کارکردگی رپورٹ جاری ، پولیس نے *17 گینگز کے 52 ممبران گرفتار* کر کے *01 کروڑ 94 ہزار روپے* سے زائد کی ریکوری کر کے اصل مالکان کے حوالے کی اور *04 پولیس مقابلوں کے دوران 02 ڈاکو ہلاک اور 02 ڈاکوؤں کو زخمی حالت میں گرفتار بھی کیا* ۔ ڈی پی او ڈیرہ غازیخان نے بتایا کہ مئی 2026کے دوران کریمنلز کے خلاف آپریشن کیے گئے جنکی بدولت کرائم کا گراف نہ صرف نیچے آیا بلکہ ریکارڈ ریکوری تقریباً *01 کروڑ 94 ہزار روپے* سے زائدبھی کی گئی ۔ ماہ مئی کے دوران ڈیرہ غازیخان پولیس نے سنگین مقدمات میں مطلوب *366 مجرمان اشتہاری اور34عدالتی مفروران گرفتار کیے* ۔ منشیات کے خلاف الگ سے کریک ڈاؤن کرتے ہوئے *59مقدمات* درج کر *کے57.570گرام چرس،0.03کلو گرام آئس ، 11کلو گرام بھنگ ، 476 لیٹر شراب برآمد کرتے ہوئے شراب فروشوں کو گرفتار کیا* ۔ ناجائز اسلحہ کے خلاف کریک ڈاؤن کرتے ہوئے *95 مقدمات درج کرتے ہوئے 11 کلاشنکوف ، 02 رائفل ،03بندوق ،83پسٹل اور 244 گولیاں* برآمد کرتے ہوئے ملزمان کو گرفتار کیا ۔
ڈی پی او ڈیرہ غازیخان نے کہا کہ *وزیر اعلیٰ پنجاب محترمہ مریم نواز شریف صاحبہ کے ویژن "محفوظ پنجاب " کے* سلسلہ میں ضلع بھر میں جرائم پیشہ اور شر پسند عناصر کے خلاف کاروائیوں کا سلسلہ جاری ہے ۔ عوام کے جان و مال کی حفاظت پولیس کا فرض اور اولین ترجیح ہے ۔ عوام کے جان و مال کے تحفظ کے لیے ہر ممکن اقدامات کیے جا رہے ہیں۔
ڈی پی او ڈیرہ غازیخان نے عوام سے اپیل کی ہے کہ وہ کرایہ داروں ، مشکوک افراد، منشیات فروشوں ، عورتوں اور بچوں کے ساتھ جنسی زیادتی کرنے والوں ، سودخوروں ، چوروں ڈاکوؤں اور قبضہ گروپوں سے متعلق معلومات دفتر آکر دیں تاکہ ہم سب مل کر ضلع ڈیرہ غازیخان میں امن و امان اور قانون کی بالا دستی و حکمرانی قائم کر سکیں ۔
