14/12/2025
عسلامة الناس الكل ...بربي نحب نحكي في حاجة قلقتني شوية ...باهي اللي تسال على قاطو وتقلي نحبها معبية بالفاكية وكل شي فيها بالفاكية وكي تقلها السوم تتصدم :
سوم كغ البوفريوة بين 50 و 60 د
سوم كغ الشكلاطة : 54 د
سوم الكرام ليكيد الليتر : 19 د
كيلو الزبدة : 35 د
نحكي على قاطو ينجم يستهلك كيلو و اكثر من بوفريوة و شكلاطة وايترة و شوي كرام ليكيد و رطل زبدة ...انتي وحدك احسبها هذا محكيناش على باقي المواد الاساسية اللي شطرها مقطوعة و تقعد تلوج عليها من بلاصة لبلاصة وما لازم ديكور القاطو و الضو والغاز.....هاذم برك نحكيو على 150 د .....غير تعبها ووقفتها ...يا جماعة راهو الحاجة الباهية غالية في اي بلاصة وكل قدير و قدرو ...راني نخدم في حاجة شايخة علاها ..نحبها ...مغرومة بيها ...راهو كيفي كي نطلع حاجة بنينة و يعطيني client ريفيو باهي ويقلي بنينة تسلم ايدك والله ننسى تعبي و شقاي ...راهي الحكاية موش فلوس فقط ....يا مدام راهم جماعة الخبزة ب ١٠د هوما اللي موش عاديين وتزيد تقلك معبية فاكية ..تي انتي كان تقضي باش تعملها وحدك تتكلفلك اكثر منهم ال ١٠ ....واني منجمش نطيح في الكاليتي ....موش منجمش منحبش 💔💔💔 كي نطلع حاجة كاليتي خايبة وميرجعليش client ولا يقول حاجتها خايبة راني منشريهاش بفلوس الدنيا ...رانا والله نخافو ربي ومنتغرضوش في الناس ونرجع نقول راني نعمل في حاجة نحبها ....وانتي يا مدام كل قدير و قدرو موش عيب متقدرش على الاسوام هاذي فما ناس تبيع باسوام اقل لكن اصلا هنا المقارنة لا تستقيم متقارنش حاجتين ميتقارنوش خاطر فرق بين نحطلك pate noisette و بين arome ...سامحوني طولت عليكم اما قوس حبيت نفتحو و هانا سكرناه ..
