20 جانفي 2009
ليلة شتوية ، في ستاد رادس هنا في العاصمة تونس .. ماتش فينال ال UNAF ضد بجاية .. و كيف العادة الترجي بطل
في وقت قمة ال répression و بوليس بن علي كابس و خانق الفيراجات و ال mouvement ultras .. يبان في فيراج الترجي الباش الأكحل مهزوز على اليدين وراه الناس لي بدات الفكرة و المسيرة لي مازالت متواصلة بعد 17 عام موفما و خدمة للترجي والحركية.
اليوم الذكرى 17 للتأسيس .. 17 عام و فيداين الترجي في الكورفا على نفس النهج و المبدأ و القيم .. نحبوا الترجي و نحبوا لي يحب الترجي
نحاربوا عليها فوق كل ارض وتحت كل سماء ، موجودين بيها و على خاطرها وليها هي .. وال objectif هو المكشخة ديما في العلالي ..17 عام و احنا في الفيراج بصوت واحد ديما "يا ربي يا عالي انصر الترجي"
و في نفس الوقت حاربنا على قيم الحرية وكان صوتنا عالي ضد القمع و عصا البوليس ووقفنا في وجه اي طرف حب يقتل و يفك منا الغرام و حقنا في ستادات حية بالروح والشغف كيف ما نحبوهم ..
احنا مازالنا هنا.. وراء الترجي، في بلاصتنا وسط الكورفا
17عام و المسيرة متواصلة بروح فدائية و نتذكروا ديما الناس لي فارقتنا ومشات عند ربي ، وغيرهم لي وراء الحديد ربي يخلص وحلهم و لي في الغربة وما نساوش العايلة لي ترباو فيها✊🏿
Be the first to know and let us send you an email when Fedayn sc hay tadhamen posts news and promotions. Your email address will not be used for any other purpose, and you can unsubscribe at any time.
