05/27/2026
ပုသိမ် ဟာလဝါ စေးစေးအိအိလေးကို ကြိုက်နှစ်သက်သူများအတွက် ဒီနေ့မှာတော့ လုပ်ရတာလည်းလွယ်၊ ပါဝင်ပစ္စည်း အနည်းငယ်နဲ့ အချိန်တိုအတွင်း လုပ်စားနိုင်မယ့် "ဟာလဝါ” အလွယ်လုပ်နည်း လေး လာပါပြီရှင်။
ထောပတ်နံ့သင်းသင်း၊ အုန်းနို့ဆိမ့်ဆိမ့်လေးနဲ့ စေးစေးပိုင်ပိုင် ရှိလှတဲ့အပြင် ဘိန်းစေ့လေးတွေ ပါးစပ်ထဲ ဝါးလိုက်တိုင်း မွှေးအိနေစေတဲ့ နည်းလမ်းကောင်းလေးမို့ မလုပ်စားဖူးသေးတဲ့ သူတွေ လုပ်စားလို့ရအောင် မျှဝေပေးလိုက်ပါတယ်ရှင်။
✨ လိုအပ်သော ပါဝင်ပစ္စည်းများ
• ကောက်ညှင်းမှုန့်- နို့ဆီဘူး ၁ ဘူးခွဲ (မုန့်သားစေးပိုင်စေရန်)
• ဆန်မှုန့်- ထမင်းစားဇွန်း ၄ ဇွန်း (မုန့်သားတင်းကျစ်စေရန်)
• ထန်းလျက်ခဲ- အနေတော် ၁၄ လုံး (အချိုကြိုက်ရင်ပိုထည့်နိုင်ပါတယ်ရှင်)
• ရေသန့်- ၄၀၀ မီလီလီတာ (နို့ဆီဘူး ၁ ဘူးခွဲနီးပါး)
• အုန်းနို့- ၅၀၀ မီလီလီတာ (နို့ဆီဘူး ၁ ဘူးခွဲကျော်)
• ထောပတ်- ထမင်းစားဇွန်း ၂ ဇွန်း (အမောက်)
• သကြား- ထမင်းစားဇွန်း ၂ ဇွန်း (အရသာချိုမြိန်စေရန်)
• ဘိန်းစေ့- အနည်းငယ် (မီးအေးအေးဖြင့် အနံ့မွှေးအောင် လှော်ထားရန်)
• ဆား- လက်ဖက်ရည်ဇွန်း တစ်ဝက်
👩🍳 ပြုလုပ်ပုံ အဆင့်ဆင့်
၁။ ထန်းလျက်ရည်ကျိုခြင်းနှင့် မုန့်နှစ်ဖျော်စပ်ခြင်း
• အိုးထဲသို့ ထန်းလျက်၊ ရေ နှင့် ဆားတို့ ထည့်ကာ ထန်းလျက်များ အရည်ပျော်သွားသည်အထိ ကျိုပေးပါရှင်။ အရည်ပျော်လျှင် ဇကာဖြင့် 6သချာစစ်ယူပြီး အအေးခံထားရပါမယ်။
• ဇလုံတစ်ခုထဲတွင် ကောက်ညှင်းမှုန့်နှင့် ဆန်မှုန့်တို့ကို အရင်ရောမွှေပြီးမှ အုန်းနို့ကို လောင်းထည့်ကာ မှုန့်နှစ်များ ခဲမနေစေရန် သမအောင် ဖျော်ပေးပါရှင်။ မုန့်နှစ်ညက်သွားပြီဆိုမှ အအေးခံထားသည့် ထန်းလျက်ရည်ကို ရောထည့်ပြီး တစ်သားတည်းဖြစ်အောင် ထပ်မံမွှေပေးရပါမယ်။
၂။ မုန့်ထိုးခြင်း
• မုန့်နှစ်ရည်များကို ဟင်းချက်အိုးထဲလောင်းထည့်ကာ မီးဖိုပေါ်တင်ပြီး အောက်ခြေမကပ်စေရန် အဆက်မပြတ် မွှေပေးရပါမယ်ရှင်။
• မွှေရင်းဖြင့် မုန့်သား ပျစ်ခဲလာပြီး အရောင်ရင့်လာပြီဆိုလျှင် ပြင်ဆင်ထားသည့် ထောပတ် (၂) ဇွန်းကို ထည့်သွင်းမွှေပေးပါရှင်။ ထောပတ်ပျော်သွားလျှင် အရသာမြည်းကြည့်ပြီး အချိုလိုပါက သကြား (၂) ဇွန်း ထပ်ထည့်နိုင်ပါတယ်နော်။
• မုန့်သား စေးပိုင်ကျစ်လျစ်လာစေရန် စုစုပေါင်း ကြာချိန် မိနစ် (၃၀) ခန့် မီးအေးအေးဖြင့် အဆက်မပြတ် ထိုးပေးဖို့ လိုအပ်ပါတယ်ရှင်။ မိနစ် (၂၀) လောက် ရောက်တဲ့အခါ လှော်ထားသော ဘိန်းစေ့များကို ထည့်မွှေပေးပြီး 6သ6သချာချာ ဆက်ထိုးပေးပါ။ တာရှည်အထားခံချင်လျှင် ဟာလဝါကို ခပ်မာမာကျစ်ကျစ်လေးဖြစ်အောင် ထိုးပေးရပါမယ်ရှင်။
၃။ အအေးခံ၍ လှီ:ဖြတ်ပုံဖော်ခြင်း
• မုန့်သားပစ်ပစ်လေးနှင့် အရောင်ရင့်ပြီး အိအိတွဲတွဲ အနေအထားရပြီဆိုလျှင် ဆီ (သို့မဟုတ်) ထောပတ်သုတ်ထားသော လင်ဗန်းထဲသို့ ပြောင်းလောင်းထည့်ကာ မျက်နှာပြင် ညှိပေးပါရှင်။
• ခဏလောက် အအေးခံပြီး ချက်ချင်းစားလို့ရသလို၊ မုန့်သား မာမာတင်းတင်းလေ: နဲ့ လှီ:ရလွယ်ကူချင်ရင်တော့ ရေခဲ6သတ္တာထဲမှာ တစ်ရက်ခန့် အအေးခံထားပါ။ နောက်ရက်တွင် မိမိနှစ်သက်ရာ အတုံးလေးများ လှပစွာ တုံးဖြတ်ပြီး စားသုံးနိုင်ပါပြီရှင်။
ကဲ... ဒီနည်းလမ်းအတိုင်း လုပ်မယ်ဆိုရင်တော့ ထောပတ်နံ့သင်းသင်းနဲ့ စေးစေးပိုင်ပိုင် ရှိလှတဲ့ "ပုသိမ်ဟာလဝါ" ရှယ်မုန့်လေးကို အိမ်မှာတင် အလွယ်တကူ သုံးဆောင်နိုင်ပြီပေါ့ရှင်။
ကိုယ်တိုင်လုပ်တာဖြစ်လို့ သန့်ရှင်းလတ်ဆတ်ပြီး အချိုကိုလည်း စိတ်ကြိုက် ချင့်ချိန်နိုင်ပါတယ်ရှင်။🥰✨
#ဟာလဝါ #ပုသိမ်ဟာလဝါ #မြန်မာ့ရိုးရာမုန့် #မုန့်လုပ်နည်း
