10/08/2026
Daut Haradinaj paralajmëron Kurtin: “Shtatori po vjen, rruga është e vetmja rrugë”
Ish-deputeti i AAK-së, Daut Haradinaj, ka paralajmëruar organizimin e protestave kundër Qeverisë së Albin Kurtit gjatë muajit shtator.
Në një reagim publik, Haradinaj tha se, sipas tij, protesta në rrugë është mënyra e vetme për ta kthyer Kosovën “në binarët e shtetit demokratik”.
Ai renditi disa nga çështjet për të cilat akuzon qeverinë aktuale, duke përmendur raportet me Shtetet e Bashkuara, mungesën e sanksioneve të plota ndaj Serbisë, importin e energjisë, emigrimin e familjeve dhe politikat ndaj komunitetit serb.
“E kam thënë dhe po e përsëris: rruga është e vetmja rrugë për ta rikthyer Kosovën në binarët e shtetit demokratik”, shkroi Haradinaj.
Në fund, ai i dërgoi një mesazh të drejtpërdrejtë Kurtit:
“Shtatori po vjen, Albin.”
