24/08/2026
හකුරු සුවඳයි පොල් කිරි රසයි,
එනසාල් සුගන්ධය හද පුරවයි,
කජු පෙති මතින් හැඩවූ මේ සුන්දර වටලප්පන්,
සෑම පදමකම රස කැටි කොට පිරිනමයි...
වටලප්පන් සාදන ක්‍රමය
අවශ්‍ය ද්‍රව්‍ය
°කිතුල් හකුරු : 250g (ග්‍රේට් කරගත්)
°බිත්තර : 5 ක්
°උකු පොල්කිරි : 1 cup
°එනසාල් කුඩු : 1/2 tsp
°සාදික්කා කුඩු : 1/4 tsp
°වැනිලා : 1 tsp
°ලුණු : ස්වල්පයක්
°කජු සහ සුල්තානා: සරසා ගැනීමට
සාදන ආකාරය
හකුරු දියකර ගැනීම:
භාජනයකට හකුරු සහ පොල්කිරි එකතු කර හකුරු හොඳින් දියවන තෙක් මඳ ගින්නෙ රත් කරගන්න. (ලිපෙන් බා නිවෙන්න හරින්න)
බිත්තර සදාගැනීම:
වෙනත් භාජනයකට බිත්තර එකතු කර ගvisk කරගන්න. (අධික ලෙස පෙණ නැගෙන තෙක් බීට් කරන්න එපා)
මිශ්‍රණය සෑදීම:
නිවුණු හකුරු-පොල්කිරි මිශ්‍රණයට බිත්තර එකතු කර හොඳින් කලවම් කරන්න. පසුව එනසාල්, සාදික්කා, වැනිලා සහ ලුණු ස්වල්පය එකතු කරන්න.
පෙරා ගැනීම:
මිශ්‍රණය සිහින් පෙනේරයකින් පෙරා තැම්බීමට ගන්නා භාජනයට වත්කරන්න.
තැම්බීම (Steam):
ෆොයිල් කොළයකින් වසා විනාඩි 30-40 ක් හොඳින් හුමාලයෙන් තම්බා ගන්න.
සැරසීම: තැම්බුණු පසු උඩින් කජු සහ සුල්තානා ඉස පිළිගන්වන්න.
