16/08/2026
ဒီနေ့ Breakfast set မှာစားရင်းနဲ့ ဒီ set လေးဖြစ်လာတာ သတိတရ အမှတ်တရရေးထားပါရစေ။
ရန်ကုန်မှာ teashop culture က ခုထိ ရှိနေတုန်းပဲထင်ပါတယ်။ ကိုယ်တွေ ကလေးဘဝက ဘိုဘိုမင်းတို့ မင်းကြီးကြိုက်တို့ 7 ဘာဆိုလား တီလေးတို့ ကျောင်းနားကဆိုင်တွေမှာ မိသားစု breakfast စားကြတယ်ဆိုတာ ရှားပါး ပျော်စရာ တခုဖြစ်ခဲ့တာပေါ့နော်။ ကန်တော်ကြီးထဲက ဆိုင်တို့ စိမ်းလန်းစိုပြေတို့က တက္ကသိုလ်ရောက်မှ ပေါ်တာ…( အသက်ကြီးတာ လူသိကုန်ပြီ)
ငယ်ငယ်က Sunday ဆို အိမ်မှာလူစုံကြတော့ မနက်စောစောထကြ ပါပါးနဲ့အတူ လမ်းလျှောက်ပြီး အပြန် ဘိုဘိုမင်းမှာစားကြမယ်ဆို ညထဲက အိပ်တောင်မပျော်တော့အောင် ပျော်တာ…ရောက်ပြီဆို ဟိုဟာစားချင် ဒီဟာစားချင်နဲ့ ပြီးရင် တယောက်တမျိုး မှာစား လုစားကြနဲ့ ပျော်စရာကြီးလေ။ သူ့ဆီက လက်ဖက်ရည် ကျစိမ့်က ကမ္ဘာမှာအကောင်းဆုံးလို့ ထင်ခဲ့တာ…(တကယ်တော့ က်ုယ့်ဘေးကလူတွေကြောင့် အရသာက ပိုကောင်းနေခဲ့တာ…ခုချိန် သွားသောက်ရင် အဲ့တုန်းကလောက်သောက်လို့ကောင်းမယ်မထင်ဘူး)
အဲ့တာလေးကို အမှတ်တရ အနေနဲ့ inspired ယူပြီး ကိုယ်ပျော်ခဲ့ရသလို အရသာလေး အိမ်ဝေးတဲ့သူတွေကို family time, gathering spot လေးတခု အဖြစ် Sat, Sunday လိုကျောင်းပိတ်ရက် ရုံးပိတ်ရက်မှာ BurmaRoad Dxb မှာ Breakfast စားကြမယ်ဟေ့ ဆိုတဲ့ vibe မျိုးလေးပေးချင်တာကြောင့် Sat, Sunday breakfast buffet လေးလုပ်ဖြစ်ခဲ့တာပါ။ အခုဆို အမြဲလာစားတဲ့ သူတွေ နိုင်ငံခြားသားတွေပါ ဒီနေ့ဆို Breakfast Buffet ရှိတယ်ဆိုတာ သိတဲ့အထိမို့ ပီတိဖြစ်ရပါတယ်။
အမ စနေ၊ တင်္နဂနွေပဲလား အဲ့ရက် အလုပ်မပိတ်ဘူး စားချင်တာဆိုပြီး ကိူယ့် customers လေးတွေပြောလာတော့ ဘာလုပ်ပေးရင်ကောင်းမလဲ စဉ်းစားပြီး Breakfast set ကို delivery လုပ်မယ်ဆို စလုပ်ဖြစ်ခဲ့တာ…စစခြင်း order ကြိုကောက် လမ်းကြောင်းဆွဲ ၃ ယောက် delivery ထွက်တာတောင် လမ်းကြောင်းတွေများ set တွေများ မနိုင် မနင်းတွေဖြစ်ခဲ့လို့ တနေ့ ၁၀ set ပဲဆို ပြီး delivery ကိုကန့်သတ်လိုက်ရတာပါ။ areas ပါကန့်သတ်လိုက်တယ်။ ကိုယ်ကလေ ရောင်းရပြီးရော ပိုက်ဆံရပြီးရောထက် ဒီဘက်ပိုင်းဆို quality လျော့သွားတယ် အရမ်းများပြီး မနိုင်ရင် quality လျော့တယ် ဆိုတဲ့ စိတ်တခု အမြဲရှိတာမို့ ကန့်သတ်လိုက်တာပါ။ နောက်တော့ channels တွေနဲ့ပဲ delivery ကို ရအောင်လုပ်ရမယ် အဲ့တာက ပိုအဆင်အပြေဆုံးဖြစ်မယ် မနိုင်မနင်း order တွေထက်စာရင် ဆိုပြီး delivery channels တွေမှာ ရအောင် စီစဉ်ဖြစ်ခဲ့တာပါ။
ကိုယ့် customers တွေဆီကနေ ပေးလာတဲ့ feedback တိုင်းကို ချင့်ချိန်စဉ်းစားပါတယ်။ စတင်ခြင်းကနေ တဆင့်ခြင်း တလှမ်းခြင်း ဘာလေးတော့ ဘယ်လိုလေး ပိုကောင်းအောင်လုပ်မယ်ဆိုပြီး စဉ်းစားပြင်ဆင်လာခဲ့တာ ခုဆို BR က ၃ နှစ်နီးပါး ရှိလာပြီ။ မနက်ဖြန်တိုင်းမှာ ပိုကောင်းတဲ့ BR ဖြစ်အောင် ကြိုးစားရင်း အစားအသောက်တင်မဟုတ်ဘဲ အမှတ်တရလေးတွေ moments လေးတွေပါ ပေးနိုင်အောင် ကြိုးစားရင်း….
