Farma Sotira Agroturizem

20/06/2026

15/06/2026

Pak njerëz e kuptojnë se pas qumështit, djathit dhe mish*t që mbërrijnë në tryezat tona, fshihet jeta e një bariu.

Për muaj të tërë ai jeton larg shtëpisë, duke ndjekur tufën nëpër male e kullota. Zgjohet me lindjen e diellit dhe e mbyll ditën nën qiellin e hapur, larg familjes, larg fëmijëve, larg ngrohtësisë së shtëpisë së vet.

Për gjashtë muaj me radhë ai mund të mos shohë pragun e shtëpisë. Shoqëria e tij janë qentë besnikë, zilet e bagëtive dhe heshtja e maleve. Ndërsa ne shijojmë produktet që vijnë nga puna e tij, rrallëherë mendojmë për sakrificën që fshihet pas tyre.

Kjo është jeta e bariut: e ashpër, e vetmuar dhe plot sakrifica, por edhe një jetë që mban gjallë tradita shekullore dhe ushqen familje të tëra.

10/06/2026

Sot është ditëlindja e Dorit, kalit të Sarës.

Kur Dori erdhi në jetën e saj, ishte thjesht një kalë i ri me shumë potencial. Me kalimin e viteve, Sara e stërviti me dashuri, durim dhe përkushtim, dhe ai e ktheu këtë përkushtim në mënyrën më të bukur të mundshme: me besnikëri, besim dhe një lidhje të jashtëzakonshme.

Së bashku kanë përshkuar shtigje pa fund, kanë zbuluar vende të reja dhe kanë ndarë aventura që kanë formuar kujtimet më të bukura të fëmijërisë së Sarës. Dori nuk i ka mësuar vetëm kalërimin; ai i ka mësuar lirinë, guximin, përgjegjësinë dhe respektin për çdo qenie të gjallë. Gëzuar ditëlindjen Dorito