Strehëza Veterinare

Directions Website Contact the business

Strehëza Veterinare Bashkia Tiranë – Agjencia e Mbrojtjes së Konsumatorit
Adresa: Tufinë, Tiranë

Dita Botërore e Kafshëve! 🐾Çdo ditë, në Strehëzën Veterinare, punojmë me kafshët që kanë më shumë nevojë për ndihmë. Nga...
04/10/2026

Dita Botërore e Kafshëve! 🐾

Çdo ditë, në Strehëzën Veterinare, punojmë me kafshët që kanë më shumë nevojë për ndihmë. Nga momenti i trajtimit dhe kujdesit veterinar, te vaksinimi, sterilizimi dhe rikthimi i tyre në komunitet, çdo ndërhyrje synon të garantojë një menaxhim sa më human, të përgjegjshëm dhe të qëndrueshëm të kafshëve endacake.

Por puna për mirëqenien e kafshëve nuk mund të jetë vetëm përgjegjësi e institucioneve. Ajo kërkon ndërgjegjësim dhe bashkëpunim nga i gjithë komuniteti! 🌍

📍 Strehëza Veterinare, Tufinë, Tiranë
🌍 streheza.tirana.al

Dita Botërore Kundër Tërbimit! 🐾Sot, në Ditën Botërore Kundër Tërbimit, rikujtojmë rëndësinë e kujdesit dhe vaksinimit t...
28/09/2026

Dita Botërore Kundër Tërbimit! 🐾

Sot, në Ditën Botërore Kundër Tërbimit, rikujtojmë rëndësinë e kujdesit dhe vaksinimit të kafshëve si një nga masat më të rëndësishme për parandalimin e kësaj sëmundjeje.

Tërbimi është një sëmundje virale që prek sistemin nervor të gjitarëve, përfshirë qentë dhe njerëzit. Në rastet e transmetimit, virusi përhapet kryesisht përmes pështymës së një kafshe të infektuar, zakonisht nëpërmjet kafshimit. Sëmundja mund të parandalohet dhe masat parandaluese kanë një rëndësi të veçantë.

Vaksinimi i qenve është një ndër masat kryesore për kontrollin dhe eliminimin e tërbimit të transmetuar nga qentë. Përsëritja e këtij procesi mbron qenin dhe ndihmon në ndërprerjen e zinxhirit të transmetimit të sëmundjes. Programet e vaksinimit të qenve janë një komponent themelor i strategjive ndërkombëtare për eliminimin e tërbimit.

Si mund të kontribuojmë në parandalim?
✔️Sigurohuni që qeni juaj të jetë i vaksinuar sipas rekomandimeve veterinare.
✔️Mbani të dokumentuar vaksinimet dhe kujdesin veterinar të kafshës.
✔️Kujdesuni për shëndetin dhe mirëqenien e qenit dhe kërkoni këshillën e veterinerit në rast të shenjave të pazakonta.
✔️Në rast kafshimi ose ekspozimi të dyshuar, kërkoni menjëherë këshillë mjekësore dhe veterinare.

Kujdesi fillon me vaksinim!

Mbrojtja e kafshëve, shëndeti i njerëzve dhe një mjedis i sigurt janë pjesë e së njëjtës përgjegjësi. Parandalimi funksionon më mirë kur kujdesi për kafshët dhe shëndeti publik ecin së bashku! 💉

📍 Strehëza Veterinare, Tufinë, Tiranë
🌍 streheza.tirana.al

Shëndeti i kafshës suaj fillon me vëmendjen që i kushtoni çdo ditë! 🐾Shpesh, ndryshimet e para në gjendjen e një kafshe ...
25/09/2026

Shëndeti i kafshës suaj fillon me vëmendjen që i kushtoni çdo ditë! 🐾

Shpesh, ndryshimet e para në gjendjen e një kafshe janë të vogla dhe mund të kalojnë pa u vënë re. Prandaj, merrni pak kohë çdo ditë për të vëzhguar me imtësi katërputroshin tuaj. A ushqehet dhe pi si zakonisht? A ka të njëjtën energji, lëvizje dhe sjellje? A duken sytë, veshët, gëzofi dhe jashtëqitja normale?

Një kontroll i thjeshtë prej 60 sekondash mund t’ju ndihmojë të kuptoni më shpejt ndryshimet.

Sepse kujdesi i mirë nuk fillon vetëm kur shfaqen problemet! 🦠

📍 Strehëza Veterinare, Tufinë, Tiranë
🌍 streheza.tirana.al

Dita Ndërkombëtare e Qenve! 🐾Në këtë ditë, duam të sjellim në vëmendje një realitet që nuk duhet të mbetet i padukshëm! ...
26/08/2026

Dita Ndërkombëtare e Qenve! 🐾

Në këtë ditë, duam të sjellim në vëmendje një realitet që nuk duhet të mbetet i padukshëm! Qentë në situatë rruge, janë ata të cilët çdo ditë përballen me mungesë ushqimi, strehimi, kujdesi veterinar dhe mbi të gjitha, me pasigurinë e jetës në territor.

Adoptimi është një nga mënyrat kryesore për t’i dhënë një qeni një jetë të re, të sigurt dhe dinjitoze. Çdo qen i adoptuar është një jetë e shpëtuar!

Në Ditën Ndërkombëtare të Qenve, le të mos mendojmë vetëm për qenushat që kemi në shtëpi. Le të mendojmë edhe për ata që ende presin një të tillë!

I duam, por sa i kuptojmë?
Ndoshta mënyra më e mirë për të treguar dashuri ndaj tyre është t’iu japim një shans të dytë. Të adoptojmë, të mos braktisim dhe të kujdesemi së bashku! 🐕

📍 Strehëza Veterinare, Tufinë, Tiranë
🌍 streheza.tirana.al

Dita Ndërkombëtare e Maceve! 🐾Në këtë ditë të veçantë, kujtojmë se kujdesi për macet nuk është vetëm një akt individual,...
08/08/2026

Dita Ndërkombëtare e Maceve! 🐾

Në këtë ditë të veçantë, kujtojmë se kujdesi për macet nuk është vetëm një akt individual, por pjesë e një qasjeje të përgjegjshme ndaj kafshëve dhe komunitetit ku jetojnë.

Garantimi i mirëqenies dhe mbrojtjes së kafshëve kërkon angazhimin e të gjithëve! 🐈

📍 Strehëza Veterinare, Tufinë, Tiranë
🌍 streheza.tirana.al

Sterilizimi shpëton jetë dhe ndërton komunitete më të sigurta! 🐾Në 10 ditë ndërhyrjesh kirurgjikale gjatë muajit Maj, ek...
10/06/2026

Sterilizimi shpëton jetë dhe ndërton komunitete më të sigurta! 🐾

Në 10 ditë ndërhyrjesh kirurgjikale gjatë muajit Maj, ekipi ynë realizoi me sukses 47 sterilizime, duke kontribuar në kontrollin human të popullatës së qenve endacakë dhe në përmirësimin e mirëqenies së tyre.

Përveç sterilizimit, çdo qen përfitoi trajtim të plotë kundër parazitëve dhe vaksinim sipas protokolleve veterinare. Në përfundim të rikuperimit dhe pas vlerësimit të gjendjes shëndetësore, të gjithë qenushat u rikthyen të identifikuar në territorin e tyre të mëparshëm, duke respektuar praktikat më të mira të menaxhimit të qenve endacakë në komunitet.

Sterilizimi përbën një masë të domosdoshme për garantimin e shëndetit publik veterinar, pasi ndihmon në kontrollin e popullatës së qenve endacakë, redukton rrezikun e përhapjes së sëmundjeve, përmirëson mirëqenien e kafshëve dhe kontribuon në krijimin e një mjedisi më të sigurt për të gjithë.

Falenderojmë qytetarët e Tiranës dhe dashamirësit e kafshëve që na mbështetën në këtë proces të vështirë. Rezultate të tilla arrihen vetëm përmes bashkëpunimit dhe përgjegjësisë së përbashkët. Le të vazhdojmë punët e mira në funksion të mbrojtjes së shëndetit publik veterinar dhe mirëqenies së kafshëve.

Së bashku për një komunitet më të sigurt dhe më human! ❤️

📍 Strehëza Veterinare, Tufinë, Tiranë
🌍 streheza.tirana.al

Gëzuar 1 Qershorin! 🐾Sot festojmë buzëqeshjen, pafajësinë dhe ëndrrat e çdo fëmije. Fëmijët janë e ardhmja jonë dhe meri...
01/06/2026

Gëzuar 1 Qershorin! 🐾

Sot festojmë buzëqeshjen, pafajësinë dhe ëndrrat e çdo fëmije. Fëmijët janë e ardhmja jonë dhe meritojnë të rriten në një botë të mbushur me dashuri, respekt dhe mirësi.

Një nga vlerat më të bukura që mund t’u mësojmë brezave të rinj është dashuria dhe kujdesi ndaj kafshëve. Kur një fëmijë rritet duke mësuar si të trajtojë me dashuri një kafshë, ai mëson të respektojë jetën në çdo formë të saj dhe të zhvillojë empatinë e një qytetari të mirë.

Le të edukojmë fëmijët tanë me vlera që ndërtojnë një shoqëri më humane dhe ku dashuria ndaj kafshëve është pjesë e kulturës së përditshme. Çdo përkëdhelje, çdo moment kujdesi dhe çdo gjest mirëkuptimi ndaj një miku me katër putra është një hap drejt formimit të një qytetari më të ndjeshëm dhe më të përgjegjshëm.

Në këtë ditë të veçantë, urojmë që çdo fëmijë të rritet i lumtur, i shëndetshëm dhe me një zemër plot dashuri për njerëzit dhe kafshët! ❤️

📍 Strehëza Veterinare, Tufinë, Tiranë
🌍 streheza.tirana.al

Braktisja nuk të çliron nga përgjegjësitë! 🐾Numri i qenve endacakë në Tiranë vazhdon të rritet si pasojë e braktisjes dh...
20/05/2026

Braktisja nuk të çliron nga përgjegjësitë! 🐾

Numri i qenve endacakë në Tiranë vazhdon të rritet si pasojë e braktisjes dhe mungesës së sterilizimit nga pronarët e mëparshëm të kafshëve. Të shumtë janë qenushat që përfundojnë në rrugë çdo ditë, ndërsa qentë e pa sterilizuar sjellin në jetë qenusha të tjerë që shpesh mbeten pa strehë dhe pa kujdes.

Kjo është një çështje që kërkon përgjegjësi dhe ndërgjegjësim nga të gjitha palët. Pronësia e një qenushi nuk mund të jetë e përkohshme!

Adoptimi dhe sterilizimi janë hapa të rëndësishëm për të ndihmuar në uljen e numrit të qenve endacakë dhe për t’u dhënë më shumë kafshëve mundësinë e një jete më të sigurt.

✔️ Mos i braktisni kafshët tuaja në rrugë!
✔️ Sterilizoni si pronar të përgjegjshëm!
✔️ Identifikoni kafshët tuaja sipas legjislacionit në fuqi!
✔️ Adoptoni nga Strehëza Veterinare!

Së bashku mund të kontribuojmë për një qytet më të qetë dhe më miqësor ndaj kafshëve. Le të bëhemi të gjithë, pjesë e ndryshimit! 👏🏻

📍 Strehëza Veterinare, Tufinë, Tiranë
🌍 streheza.tirana.al

Sterilizimi është një hap i domosdoshëm për shëndetin, mirëqenien dhe kontrollin human të popullatës së kafshëve endacak...
20/05/2026

Sterilizimi është një hap i domosdoshëm për shëndetin, mirëqenien dhe kontrollin human të popullatës së kafshëve endacake! 🐾

Përmes sterilizimit, parandalohet shumimi i pakontrolluar i kafshëve, duke ulur numrin e tyre dhe vuajtjen që lidhet me jetesën në rrugë. Nga ana veterinare, kjo procedurë ndihmon në parandalimin e shumë sëmundjeve serioze, si infeksionet e mitrës dhe tumoret mamare tek femrat, apo problemet e prostatës dhe tumoret testikulare tek meshkujt. Gjithashtu, sterilizimi ndikon pozitivisht edhe në sjelljen e qenve, duke reduktuar agresivitetin dhe konfliktet e mundshme mes tyre.

Një rol të rëndësishëm në menaxhimin human të qenve endacakë ka edhe aplikimi i teknikës CNVR (Catch–Neuter–Vaccinate–Return), e cila përfshin kapjen, sterilizimin, vaksinimin dhe rikthimin e qenve në territorin e tyre. Kjo metodë, konsiderohet zgjidhja më humane dhe më efektive për kontrollin afatgjatë të popullatës së qenve endacakë, pasi ndalon ciklin e shumimit të tyre dhe njëkohësisht ndihmon në mbrojtjen e shëndetit publik përmes vaksinimit kundër sëmundjeve infektive, përfshirë Tërbimin.

Sterilizimi nuk është vetëm një procedurë kirurgjikale, por një investim për një komunitet më të sigurt, më të shëndetshëm dhe më human ndaj kafshëve! 🩺

📍 Strehëza Veterinare, Tufinë, Tiranë
🌍 streheza.tirana.al

Bashkohuni me ne për kujdesin dhe mirëqenien e kafshëve endacake! 🐾Në kuadër të 4 Prillit, Ditës Botërore të Kafshëve En...
02/04/2026

Bashkohuni me ne për kujdesin dhe mirëqenien e kafshëve endacake! 🐾

Në kuadër të 4 Prillit, Ditës Botërore të Kafshëve Endacake, ju ftojmë të bëheni pjesë e një iniciative të veçantë kushtuar kujdesit, mbrojtjes dhe mirëqenies së kafshëve endacake.

📆 4 Prill
⏰ 10:30
📍 Diga e Liqenit Artificial

Gjatë këtij takimi do të ofrohen konsulta dhe këshilla profesionale nga mjekët veterinar, udhëzime praktike nga trajnerët e specializuar, si dhe shërbime antiparazitare falas për kafshët. Ky aktivitet përfaqëson një mundësi konkrete për të kontribuar në përmirësimin e kushteve të jetesës së kafshëve endacake, duke promovuar kujdesin, përgjegjësinë dhe dashurinë pa kushte ndaj tyre.

Ju ftojmë të bashkoheni me ne në këtë nismë me vlerë, për të dhënë secili kontributin e tij në ndërtimin e një komuniteti më të ndërgjegjshëm dhe më human. Sepse çdo putër meriton një shans të dytë! 🐕

📍 Strehëza Veterinare, Tufinë, Tiranë
🌍 streheza.tirana.al

Address

Tufinë
Këllezi

Website

Alerts

Be the first to know and let us send you an email when Strehëza Veterinare posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Strehëza Veterinare:

Shortcuts

Share